Filiipʋkɔmʋ 2:20 - Nyaboa (Nyabwa)

²⁰ A -gblee, nyɔ -yɔ ꞌka ꞌɔ ka -nɩ, ꞌɩn ꞌka ꞌle a gbo lbho a, ɔ se -laa ꞌan ꞌꞌtroli -nɩ, -bho ɛ -se ɔ -nɩ -lue ꞌtɩn, ꞌɔ ꞌꞌsɛ-ɛ popoꞌo aꞌba dɩ ꞌgwlʋti ꞌle ɔ-ɔ ꞌbɔꞌɔ ti ɔ ꞌke amʋ -kpa.

Filiipʋkɔmʋ 2:20 Cross References

ꞌZaan 10:13

Mɔniꞌa ꞌꞌsɛꞌɛ dɩ ɔ-ɔ nʋꞌo lbhʋ ꞌmnɛ. Ɩ-bɩ ꞌbhlabhlɩꞌa ꞌcnaa nɔ ku ꞌꞌyi, ꞌɛ dɩ ɔ-ɔ pleꞌo.

ꞌZaan 12:6

A ꞌye li-ɔ, ɔbɔ ꞌmnɔ, ꞌɩnnɔ ꞌmo-o Zeziiꞌa -namʋꞌa mɔniꞌa tideyi, ꞌle ɔ-ɔ zaꞌa ꞌbho, ɔ-ɔ liꞌo. ꞌꞌYriyi maꞌa dɩ ɔ -zaꞌa wlu ꞌmnɛ ꞌmʋ, ɛ -se ꞌꞌpʋanlbhamʋꞌa dɩ ɔ-ɔ popo ꞌgwlʋti ꞌnɩ -ko.

ꞌWlɔmʋkɔmʋ 15:5

-Lagɔ ꞌꞌnyɩꞌa nyʋ ꞌꞌgwlikuɛ ꞌle ɔ-ɔ poꞌa nyʋ ꞌkpa ꞌꞌyi, ɔ nʋ ɛ amʋ -bodɩ, ꞌle a ꞌke -naagɩ -lue ꞌbhle, ꞌle, -ka Zezii Kliisɩ ꞌybhaꞌa, ꞌle, kpli ɔ -nɩꞌa ti a, a ꞌke -kaa -nɩ.

1 Kɔlɛɛtɩkɔmʋ 16:10

ꞌLotʋꞌa ꞌꞌnynuu-a, -bho Timotee yi ꞌle amʋ gbo a, a kpʋn ɔ -gli ꞌle ꞌbʋbʋa ꞌke ɔ ꞌlbha. Ɔ-ɔ ꞌnʋ-o -aꞌba -Kɔyiꞌa lbhʋ, ꞌmna-aꞌa ka -lrɛɛ.

Filiipʋkɔmʋ 2:2

ꞌꞌlemnɩɩ, a kɩkma -kɩkma dɩ ꞌꞌkɔmʋ, ꞌle a ꞌke -naagɩ -ke -pɔlʋ -lue ꞌbhle ꞌꞌkɔmʋ! ꞌLe, ꞌbʋbʋa ꞌɩn-ɩ liꞌa aꞌba dɩ, ɛ ꞌke ꞌtɔ ꞌꞌyiꞌbhɛ tenyɩ.

Filiipʋkɔmʋ 2:22

-Yɔ ꞌma-a Timotee a, a yiboꞌo-o, nyɔzɛgɛ ɔ ꞌꞌduꞌo. ꞌƖn -ke ɔ -nɩ ꞌsɔn, -a ꞌye gbobhete ꞌle -a ꞌye Zeziiꞌa ꞌꞌdɩzɩgɩꞌa kpalbhʋ nʋ. ꞌLe ɛ-bɛ lbhʋ ꞌmnɛ nʋnamʋ, -ka ꞌꞌyu-u kpa ka ꞌɔ -tɩta, ꞌka-a ꞌɩn -ke ɔ ꞌꞌsisriꞌo.

Kolɔsʋkɔmʋ 4:11

Zezii -ke liduunynɩ ꞌma-a Zutuusɩ na, ɔ-bɔ ꞌyeꞌe amʋ -lrɛɛ! ꞌLe *ꞌZuifʋ ꞌꞌweꞌa ꞌꞌklumʋ, ʋ-bʋ nyʋ tan ꞌmnʋ, ꞌwa ꞌꞌsɛ-ɛ kpaꞌa ꞌɩnmʋ ꞌle -Lagɔlbhʋꞌa nʋnamʋ, ꞌle nyʋ ɔ -kɔꞌɔ ɔ, nyʋ -lrʋʋ ꞌke ꞌbɩ ꞌye ꞌle ꞌwa ꞌꞌklumʋ. Ʋn-ʋ ꞌpo-o ꞌnɔɔ ꞌɩnmʋ ꞌkpɩ ꞌꞌyi tenyɩ.

1 Timotee 1:2

ꞌAn -Lagɔjeyiꞌa ꞌꞌyu Timotee, -ɩnmɔ -ke ꞌɩn -plɛꞌɛ ꞌꞌgwlideɛ -lue ꞌmʋ, -aꞌba -tɩta -Lagɔ -ke -aꞌba -Kɔyi Zezii Kliisɩ -sie -ɩnmʋ gbo, ʋn ꞌke -ɩnmʋ -zɛgɛ ꞌꞌlrulinʋ ꞌle ʋn ꞌke -ɩnmʋ -pɔlʋꞌa bhlubhlua ꞌꞌnyɩ!

1 Timotee 4:6

-Ɩn ꞌye li-ɔ, dɩ ꞌɩn -zaꞌa -laa ꞌmʋ a, -tɔ nɩ *Zeziiꞌa nyʋ! -Bho -ɩn nʋ -kaa a, -Lagɔꞌɔ wlu -ɩn ꞌcɩanꞌa -ka -zɛgɛka -ɩn deꞌa ꞌꞌgwli ꞌle -ɩn -deꞌa ꞌli ti, ʋn-ʋ ꞌyee nɩ ꞌnɛ-ɛ -ɩnmʋ ꞌmʋ li, ꞌꞌlemnɩɩ, Zezii *Kliisɩꞌa lbhʋzeyizɛgɛ -ɩn ꞌꞌduꞌo.

2 Timotee 1:5

-Gblee, ꞌꞌgwlideɛ-ɛ -nɩꞌa pepe -aꞌa ꞌꞌnanynaakpʋ Loyiisɩ -ke -aꞌa ꞌlotʋ Eniisɩ ꞌbhleꞌa ꞌmʋ ꞌtɩn, ɛ-bɛ ꞌꞌgwlideɛ -lue ꞌmnɛ, ꞌɩnnɛ ꞌɩn ꞌyeeꞌe -ɩnmʋ ꞌmʋ li, ꞌle ꞌɩn yiboꞌo -ka ɛ -nɩꞌa -kaa ꞌmʋ -ziaka, ꞌle ꞌɩn-ɩ poꞌo -Lagɔ ꞌsɛɛ ꞌɛ dɩ.

2 Timotee 3:10

-Ɩn ꞌye li-ɔ, ꞌle -mnɔɔɔ gbo a, kpli ꞌɩn -nɩꞌa ti ꞌbho -Lagɔjeyi, -ɩn yibo nɩ-oꞌo ꞌꞌpɛcɛɛ: Lɩ ꞌɩn-ɩ tɔꞌɔ nyʋ o, ꞌan kpli o, ꞌle lɛ ꞌan nʋnʋlbhʋ ꞌmnɛ-ɛ ꞌkpaꞌa ꞌꞌlru ꞌꞌyi, -ɩn yibo nɛ-oꞌo ꞌꞌpɛcɛɛ. ꞌLe, -ka ꞌɩn deꞌa -Lagɔ ꞌꞌgwli, -ka ꞌɩn -kuꞌa ꞌꞌgwli ꞌle ꞌɩn ꞌꞌsiꞌa ꞌbho ꞌɩn -kmaꞌa nyʋꞌa dɩ ꞌle ꞌɩn ꞌyeꞌa ꞌkpa ꞌꞌyi ku, ꞌle, ɛ-bɛ lbhʋ ꞌmnɛ, ꞌɩn ꞌye ꞌɛ ꞌꞌyi-kpʋn, -ɩn yiboꞌo-o ꞌna ꞌꞌpɛcɛɛ -lrɛɛ.