ꞌƖnmɔ ꞌPɔlʋ -mnɔɔ, ꞌꞌdɩ ꞌmnɩꞌa ꞌlbha ꞌɩnmʋ -sɩanyɩ ꞌꞌyi. -Bho ʋn ꞌlbha ꞌɩnmʋ o, -bho ʋn -see ꞌɩnmʋ ꞌlbha o, ꞌmna -see ꞌya dɩ zi. Lɛ ꞌmna-a ꞌbɔꞌɔ ti, ꞌɩnnɛ ꞌmo-o, lbhʋ ꞌan -Kɔyi Zezii sieꞌa ꞌɩnmʋ li, ꞌɩn ꞌke ɛ nʋ ꞌle ꞌɩn ꞌke ɛ ꞌꞌyigwɛ. Lbhʋ ꞌmnɛ ꞌmo-o, ꞌɩn ꞌke -Lagɔꞌɔ ꞌꞌdɩzɩgɩ nyunyu ꞌꞌyitiwa, -ka ꞌɔ ꞌlimʋ -nmɔꞌɔ wɔn ʋ -bodɩ.
Filiipʋkɔmʋ 2:17 - Nyaboa (Nyabwa)17 A -gblee, -ka a deꞌa Zezii Kliisɩ ꞌꞌgwli, ꞌle a-a ꞌꞌduꞌa ꞌbho -Lagɔꞌɔ wlu ꞌle ɛ-ɛ bhlaꞌa aꞌba sɩasɩaa ꞌꞌkpi a, ɛ kɔɔꞌɔ-ɔ -ka nyɔ-ɔ zaꞌa *ꞌsraga ɔ -bodɩ. -Ka nyɔ-ɔ ꞌwlaꞌa nmɔ ꞌbho ꞌsragamʋzanmiꞌa ꞌꞌkpi ti -tanyɩke-ɔ ꞌle ɔ-ɔ zɛ ꞌɛ ꞌsraga ꞌmʋ ꞌle ɔ-ɔ nynia ꞌnɛ -kaa ꞌꞌyi, ꞌle a ꞌke Zezii ꞌꞌgwlideꞌa dɩ ꞌɩn sɩaꞌo tenyɩ, -bho ꞌɩn ꞌmɛ ꞌtɔ ꞌɛ -kaabolbhʋtuꞌa dɩ, ꞌka-a ɛ ꞌke ꞌkɩ ꞌmʋ-nɩ. ꞌƐ dɩ, -bho ɛ -nɩ -kaa a, ꞌbʋbʋa ꞌke ꞌɩnmʋ ꞌlbha ꞌle aꞌba ꞌweeꞌa dɩ ꞌɩn ꞌke amʋ ꞌꞌkpiꞌkpa ꞌle ꞌɩn -ke a ꞌke ꞌbʋbʋa -dalue -li -nɩ. See the chapter |
Filiipʋkɔmʋ 2:17
21 Cross References
A -gblee, -Lagɔ nʋꞌa -kaa, ɔ ꞌlaꞌa ꞌɩnmʋ-ɛ ꞌle ꞌɩn ꞌke nyʋ-ʋ -seꞌa-a *ꞌZuifʋ gbo *Zezii *Kliisɩꞌa wlu kpa. Ɩ-bɩ ꞌꞌdɩzɩgɩ ꞌmnɩ, ꞌɩn-ɩ ꞌzɩ -ɩ ʋ -bodɩ ꞌmʋ, ꞌle, *-Lagɔꞌɔ Lisaazuzuꞌa ꞌsana ꞌmʋ ʋn ꞌke -Lagɔ gbo ꞌꞌbhiti ꞌle ɔ-bɔ Lisaazuzu ꞌmnɔ ꞌke ʋ ꞌmʋ ꞌkpnɩ ꞌle ʋn ꞌke ɔ ꞌtʋ nʋ. ꞌLe ʋn ꞌke -kaa -nɩ, ꞌɩn ꞌke ʋ -Lagɔ ꞌꞌyi-tɔ. -Bho ꞌɩn nʋ -kaa a, ꞌsragalɛ seꞌa ꞌbɩ liꞌbhle, -ɛ nʋꞌa -Lagɔ ꞌtʋ, -ka ꞌɔ ꞌsragazayi-i zɛ ꞌɛ ꞌsraga ꞌmʋ, ꞌle ɔ-ɔ ꞌꞌnyɩ ꞌɔ ꞌɛ ꞌsragatu, ꞌkla ꞌmnɔ ꞌka-a ꞌɩn -nɩꞌo.
Lɛ ʋn ꞌka -amʋ ꞌꞌlrulinʋ ꞌle ꞌgwlʋ ꞌke -amʋ li-nyni, ꞌɩnnɛ ʋn-ʋ nʋꞌo. Ɛ -nɩꞌa -kaa ꞌmʋ a, -aꞌba ꞌbhɔ ꞌbʋbʋaꞌa lilidɩ. -Bho nyʋ -de ti, ʋn-ʋ popo-o ꞌgwlʋti na, ꞌꞌpʋanlbhamʋ -a ꞌꞌduꞌo. -Bho nyɔ ꞌꞌbhlu ɩ ꞌmʋti, lɩ-ɩ ꞌbhleꞌa ꞌnynɩ ꞌbho -Lagɔꞌɔ ꞌꞌyigbeyi, -a-bʋ ꞌmo-o ꞌya -kɔmʋ. -Bho nyʋ -gbʋ -amʋ ya, ʋn na, -a se lɛ ꞌbhle. -Bho nyɔ ꞌꞌbhlu ɩ ꞌmʋti, -a-bʋ -kɔꞌɔ lɛꞌꞌo lɛ.
A -gblee, lɛ ꞌɩn -nɩꞌa wɔnfuonamʋ ꞌle ꞌɩn deꞌa -pɔlʋ ꞌꞌyi, ꞌɩnnɛ ꞌmo-o, lɛ -ke dɩn ꞌka ꞌɩnmʋ ꞌlbha ꞌbho Kliisɩꞌa -jolʋ -ke ꞌꞌyi ꞌɩn -nɩꞌa a, ɛ -see -nɩ yi. ꞌƖn-ɩ ꞌye-e ꞌꞌyrili-cɛ -mʋ ꞌle ꞌɩn ꞌke ꞌɔ dɩ ꞌmʋ-za ꞌbho nyʋꞌa ꞌꞌyigbeyi, ꞌle, -bho ꞌɩn -nɩ ti o, -bho ꞌɩn se ti-nɩ o, ꞌan kpli ꞌɩn -nɩꞌa ti ꞌbho -jolʋ ꞌmnɛ ꞌꞌyi, ɩ ꞌke ꞌɔ ꞌnynɩ ꞌꞌyiꞌbhɛɛ ꞌꞌkɔmʋ.
A ꞌye li-ɔ, aꞌba ꞌjɛmɔni-i ꞌbhɔɔꞌɔ gbɔ ꞌmʋ a poꞌa ꞌɩnmʋ -jeyi, ꞌɩn ꞌye -ɩꞌo -lrɛɛ. Ɩ -dieꞌe-e ꞌꞌyi tenyɩ, ɩ ꞌnyni-e ꞌɩnmʋ ꞌꞌyi -ka -zɛgɛka. Epafloditɩ -ke ɩ yiꞌa, ꞌya dɩ ꞌɩn ꞌbhleꞌe ꞌtɔ lɛ kwa ꞌmʋ. ꞌLe, ɩbɩ ꞌmnɩ a ꞌꞌnyɩ -nɩꞌa ꞌɩnmʋ ꞌle -pɔlʋzɛgɛ ꞌmʋ, ɩ kɔɔꞌɔ -Lagɔꞌɔ *ꞌsragalɩ -ɩ poꞌa ngnɛzɛgɛ. ꞌƐ ꞌzɔ ꞌmo-o, ꞌjɛmɔni ꞌmnɩ, -Lagɔ a ꞌꞌnyɩ ɩꞌo. ꞌLe, lɩ ꞌwee a-a ꞌꞌnyɩꞌa -Lagɔ, ɩ-ɩ nʋ ꞌɔ ꞌtʋ.
ꞌTraamʋ ꞌtɔ ɔ, ꞌan ꞌlotʋꞌa ꞌꞌnynuu-a, ɛ-bɛ lbhʋ ꞌɩn-ɩ nʋꞌa aꞌba -zɛgɛꞌɛ dɩ, ꞌɛ kamʋ nyʋ-ʋ yaꞌa ꞌɩnmʋ ꞌkleyeɛɛ ꞌꞌkpi, ꞌle, ɛ-bɛ ꞌan ꞌkleyeɛɛ ꞌmnɛ, ɛ-ɛ ꞌlbhaaꞌa ꞌɩnmʋ ꞌbʋbʋa ꞌꞌyi. -Ɛkedɩmaa, -ka nyɔꞌɔ ꞌꞌlru ꞌbhleꞌa ꞌɔ ꞌgblʋ kwa, *Zezii *Kliisɩ ꞌma-a -kaa ꞌɔ -glɩgbaꞌa ꞌꞌlrugayʋɛ, ɔ ꞌye-e ꞌkle -bɛnyɩ, ꞌle -a ꞌye ꞌpʋn ꞌbho -Lagɔꞌɔ ꞌꞌyigbeyi. -Ka -lue ꞌmnɔ ɔ, ꞌka-a ꞌmna-aꞌa ku-u ꞌnɩnɛꞌo -lrɛɛ ꞌle ꞌɔ lbhʋ ꞌke ꞌꞌyrigbɔ mu. Ɛ-bɛ ꞌan ꞌkleyeɛɛ ꞌmnɛ, ꞌɩnnɛ -nyniaꞌa ꞌɔ nɛ ꞌꞌyi.
A -gblee, ɛ-bɛ ꞌꞌkɔgwlɛtinɩɛzɛgɛ ꞌmnɛ, a ꞌye -ɛꞌo -lrɛɛ. ꞌƐ dɩ, a ꞌꞌsrii nɔ ꞌle a -ke ɔ ꞌke ꞌꞌyiꞌꞌsisri ꞌle a-bee -mnʋʋ ꞌke ꞌꞌyiꞌꞌsisri -lrɛɛ ꞌle a ꞌke aꞌba ꞌꞌbhi -aꞌba -Kɔyi -Lagɔ -jeyi ꞌꞌnyɩ ꞌwee ꞌle a ꞌke ꞌɔ bʋbɔmʋ ꞌꞌdu, ꞌle, Zezii *Kliisɩ ꞌmɛꞌɛ -aꞌba ꞌꞌnyinynidɩꞌa dɩ, ꞌɔ kamʋ aꞌba bʋbɔɛ ꞌmnɛ ꞌke -Lagɔ ꞌmnɔ ꞌtʋ nʋ!
Advertisements