Filiipʋkɔmʋ 2:15 - Nyaboa (Nyabwa)

¹⁵ ꞌLe aꞌba -pɔlʋ ꞌke -kaa ꞌɔ ꞌꞌsɛ ꞌꞌkpi -nɩ a, a -see ꞌbɩ liꞌbhle yi ꞌle aꞌba dɩ ꞌke ꞌꞌyrili-nmɔ, a ꞌke ꞌɔ ꞌꞌyreetɩzɩgɩ ꞌꞌdu. ꞌLe ꞌnɔɔ ꞌkmʋ ꞌmʋꞌa nyʋ -ke ꞌꞌklumʋ a -nɩꞌa a, ʋn se ꞌꞌyiꞌsrɛɛ ꞌle ꞌwa kpli -nyniꞌe ꞌꞌyrili. ꞌƐ dɩ a, -ka ꞌcʋdrɩ-ɩ fanꞌa ꞌle yaku ꞌꞌyi ꞌle ɩ-ɩ poꞌa nyʋ -jolʋ gbo a, ꞌka-a a ꞌke -nɩ ʋ -bodɩ ꞌle a ꞌke ʋ *Zezii *Kliisɩꞌa ꞌꞌdɩzɩgɩ kpa,

Filiipʋkɔmʋ 2:15 Cross References

Matiee 10:16

ꞌBho dɩ ꞌmnɩꞌa ꞌꞌkpi, *Zezii na: -Ka ꞌbhlabhlɩ-ɩ -nɩꞌa ꞌle -bhlakpɩꞌa ꞌꞌklumʋ, ꞌka-a ꞌɩn-ɩ lbhoꞌo amʋ ꞌle nyʋ-ʋ seꞌa -Lagɔ yiboꞌa ꞌꞌklumʋ. ꞌƐ dɩ, a ꞌbhle ꞌꞌklɩklɩ, nyɔ-ɔ ꞌyɔɔꞌɔ ꞌle -ɔ ꞌꞌsiꞌa ꞌbho -ɔ ꞌsrɛɛꞌɛ ꞌꞌyi, ꞌle a ꞌke ꞌɔ ka -nɩ!

Matiee 17:17

ꞌLe Zezii ꞌye -kaa ꞌɔ -namʋ -ke nyʋ -lrʋʋ-ʋ -nɩꞌa ꞌbho ꞌꞌyiꞌlɛ: -Wooo! A-bʋ -pɔlʋꞌa ꞌꞌyikmumʋ -ʋ -ke dɩ -nyniꞌa ꞌꞌyrili, a -see ꞌɩnmʋ ꞌꞌgwlide ke! Bhubhuyitiꞌa dɩ ꞌɩn-ɩ sɩaꞌa -kaa aꞌba dɩ kplokploꞌa? -Bhlaaka a ꞌke ꞌtɔ tiꞌwɔnꞌɔ? Ɛ -nmɔꞌɔ -kaa-a ti, a -ya ꞌɩnmʋ ꞌꞌyuyigbɛ! ꞌLe ʋn -ke ɔ ꞌye yi.

Matiee 5:45

ꞌꞌlemnɩɩ a kɔɔꞌɔ-ɔ aꞌba -tɩta -Lagɔ -nɩꞌa ꞌle yaku ꞌli. -Lagɔꞌɔ ꞌtɛ ꞌmʋ. ꞌƆ ꞌyrʋ-ʋ fan ꞌnɩ-e ꞌlimʋꞌa wɔnnmɔmʋ -ke ꞌlimʋꞌa wɔnnynimʋ ꞌmʋ, ꞌɔ ꞌꞌni-i lbha ꞌnɩ-e ꞌlimʋꞌa wɔnnmɔmʋ -ke ꞌlimʋꞌa wɔnnynimʋ ꞌmʋ.

Matiee 5:48

Dɩ ꞌɩn-ɩ zaꞌa amʋ -bodɩ ꞌmʋ, ꞌya ꞌꞌlruyilbhanamʋ ꞌka-a: Aꞌba -tɩta -Lagɔ -nɩꞌa ꞌle yaku ꞌli, -ka ɔ seꞌa ꞌbɩ liꞌbhle a, a ꞌꞌdu ꞌna ꞌꞌyrili, -bho a -see ꞌꞌma ꞌle a ꞌke ɔ ka -nɩ.

Luukɩ 1:6

Ɔ -ke ꞌɔ ꞌnynɔ -nɩ ꞌsɔn, ʋn ꞌsrɛɛꞌɛ-ɛ ꞌꞌyi ꞌbho -Lagɔꞌɔ ꞌꞌyigbeyi, ʋn-ʋ ꞌkpʋn-o *-Lagɔꞌɔ gbaꞌa klɛ ꞌꞌyi.

Luukɩ 6:35

A -gblee, a-bʋ -yʋʋ a, a -kma aꞌba jɛkamʋꞌa dɩ! A nʋ ʋ ꞌꞌyrilinmɔdɩ ꞌꞌlruli, ꞌle, a ꞌke ʋ lɛ ꞌꞌnyɩ a, abʋ-aꞌa -fuo ꞌɛ leyiɛ wɔn -le! -Ka -Lagɔ -nɩꞌa ꞌle yaku ꞌli-i nʋꞌa a, ꞌka-a a-bʋ ꞌma-a ꞌɔ nyʋ ꞌke nʋ -lrɛɛ. ꞌƐ dɩ ɔ-ɔ ꞌye amʋ ꞌnynɩbhlelɛ ꞌꞌlruli-nʋ mʋ. A -gblee, nyʋ -yʋ, -bho -ɩn ꞌꞌnyɩꞌa lɛ, ʋn-ʋ waꞌa -ɩnmʋ ꞌkpɩ ꞌꞌyiti -ke ꞌlimʋꞌa wɔnnynimʋ, ꞌɔ ꞌlimʋ -nmɔ ꞌnʋ-ʋ ꞌꞌkpi wɔn.

ꞌZaan 5:35

ꞌZaan -mnɔɔ, -ka -bho nyɔ cɛ ꞌꞌnapɛ ꞌꞌyi, ꞌle ɔ-ɔ ꞌye nɩꞌa ꞌɛ zɔ ꞌꞌyi ti wesaa, ꞌan ꞌꞌkpidɩ ɔ -zaꞌa ꞌmʋ, ꞌka-a ɩ -nɩꞌo, ꞌle a ꞌye ɩ ꞌwɔɔn, ꞌle ꞌbʋbʋa ꞌye amʋ ꞌlbha, ꞌwɩtoopeꞌa ꞌꞌsɛ ti.

Nʋnʋkpli 2:40

Wluꞌa -dadudu -lrɩɩ-ɩ ꞌkʋ ʋ -pɔlʋ lipɩpɛ ꞌle -ɩ ꞌkʋ ʋ ꞌkpa ꞌꞌyi po, ꞌPiɛlɩ -zʋ ꞌʋ ɩ -bodɩ ꞌmʋ ꞌle ɔ na: A ꞌwɔn Zezii ꞌke amʋ ꞌpʋʋn ꞌle aꞌba ꞌꞌnyinynidɩ ꞌmʋ, ꞌle, nyʋ-ʋ -ke a -plɛꞌɛ -daa, -ʋ -tbhɛꞌɛ -ziadɩ ꞌꞌkpi, sɩasɩaaꞌa -belu ꞌye ꞌʋ -bhla mʋ, a ꞌke ɛ ꞌzɔ ꞌwlʋ -nɩ.

Nʋnʋkpli 20:30

ꞌLe aꞌba ꞌꞌbhiꞌa ꞌꞌklumʋꞌa nyʋ-ʋ ꞌye ꞌmʋ-sɔ mʋ, ʋn -see amʋ -ziadɩ -tɔ yi ꞌle ʋn ꞌke *Zeziiꞌa -namʋꞌa ꞌꞌgwlideɛ -denɩ ꞌmʋ -za -lrɛɛ ꞌle ʋn -ke ʋn ꞌke -na.

ꞌWlɔmʋkɔmʋ 16:19

A-bee -mnʋʋ, nyʋ ꞌwee yiboꞌo amʋ-ɛ -ka a-a ꞌꞌduꞌa ꞌbho Zezii. ꞌKa-a ɛ -nɩꞌe ꞌmʋꞌa dɩ a, ꞌle amʋ -bodɩ ꞌɩn-ɩ liꞌe ꞌbʋbʋa. ꞌƖn ꞌybha-oꞌo a ꞌke -naagɩ ꞌbhle ꞌle a ꞌke -zɛgɛ yibo a ꞌke ɛ nʋ, ꞌle ꞌꞌnyinyninaagɩ -kaa amʋ ꞌmʋ -nɩ.

1 Kɔlɛɛtɩkɔmʋ 1:8

A -gblee, -Lagɔꞌɔ ꞌꞌbhuo-o ꞌye amʋ ꞌkpɩ ꞌꞌyi -po mʋ kplokplo ꞌle a ꞌke ɛ ꞌꞌlru-mu ꞌle a ꞌke nyni. ꞌLe, -bho -aꞌba -Kɔyi Zezii Kliisɩ -ka le-e yi a, ꞌbho ꞌmnɔ ɔ, a -see dɩ ꞌꞌyi-kpɛ yi.

2 Kɔlɛɛtɩkɔmʋ 6:17

ꞌƐ kamʋ, ɔ ꞌtmʋʋꞌo -kaa ꞌɔ nyʋ ꞌmnʋ ꞌle ɔ na: Nyʋ-ʋ ꞌma-a ꞌꞌnyinynidɩꞌa nʋmʋ, a ꞌwlʋ ꞌle ꞌwa ꞌꞌklumʋ, a ꞌke kpɔ cɛ. Lɩ-ɩ ꞌka amʋ ꞌꞌnyinynidɩꞌa nʋmʋ po ꞌbho ꞌan ꞌꞌyigbeyi, aꞌba nʋ ɩ -le, ꞌle ꞌɩn ꞌke amʋ -kʋtɩ ꞌsɔn -kpʋn -nɩ.

Efɛɛzɩkɔmʋ 5:27

A -gblee, ɔ ꞌnʋ-o -kaa, ꞌle ɛ -kaa ꞌꞌtɩ liꞌbhle ꞌbho ꞌɔ ꞌꞌyigbeyi ꞌle ꞌɔ ꞌnynɩꞌa ꞌꞌyibhɛnynɩ ꞌke ɛ ꞌꞌkpi -nɩ ꞌle ɛ ꞌke ꞌꞌyrili-nmɔ ꞌle ɛ -kaa ꞌbɩ liꞌbhle ꞌbho -Lagɔꞌɔ ꞌꞌyigbeyi.

Filiipʋkɔmʋ 1:10

-Bho ɛ -nɩ -kaa a, ꞌlotʋꞌa ꞌꞌnynuu-a, ꞌꞌlemnɩɩ, lɛ-ɛ -nmɔꞌɔ ꞌꞌyrili ꞌbho -Lagɔꞌɔ ꞌꞌyigbeyi, a-a yibo nɛ-oꞌo. ꞌLe, ꞌbho Kliisɩꞌa -zigleꞌa -nɔɔ ꞌꞌyi, aꞌba -pɔlʋ ꞌke pepe -nɩ ꞌle nyɔ -see ꞌbhɛɛ yi ɔ ꞌke amʋ dɩ ꞌꞌyikpa.

Filiipʋkɔmʋ 3:6

A -gblee, ꞌle ꞌya -kaabolɩꞌa damʋ ꞌɩn ꞌyaaꞌa-a ꞌmʋti ꞌle ꞌɩn ꞌye Zeziiꞌa -glɩgbawɔnyiꞌa nyʋ nyanɩ ꞌmʋ kla. ꞌLe, -bho ɛ ꞌꞌdu -aꞌba gbaꞌa ꞌꞌyikpʋɛnꞌɛ dɩ, nyɔ -yɔ ʋn ꞌka ꞌɩnmʋ likpʋkpa -nɩ, ɔ se -nɩ. ꞌƐ dɩ, ꞌwa nyɔ -lue ꞌtɩn se ꞌkɩ ꞌbhɛɛ ɔ ꞌke ꞌbho ꞌan da ꞌꞌdu ꞌle ꞌya damʋ.

1 Tesalonikɩkɔmʋ 5:23

-Lagɔ -ke ꞌꞌbhuo-o ꞌꞌnyɩꞌa nyʋ -pɔlʋꞌa lipɩpɛɛ ɛ, ɔ nʋ ɛ ꞌle ɔ ꞌke amʋ ꞌꞌyisrɛɛmʋ po ꞌbho ꞌɔ ꞌꞌyigbeyi ꞌle ɔ ꞌke aꞌba nyɔꞌꞌo nyɔ -kɔ ꞌꞌfɩa ꞌwee ꞌle aꞌba tɩnɩɛꞌɛ ꞌwee ꞌli, ꞌle a ꞌke pepepe -nɩ, ꞌle, -bho -aꞌba -Kɔyi Zezii Kliisɩꞌa leyinɔɔ ꞌke nyni a, a -kaa ꞌꞌnyinynidɩ liꞌbhle!

1 Timotee 3:10

ꞌLe, -bho nyɔ ꞌke ꞌbho Zeziiꞌa -glɩgbaꞌa kwagbɔlitideyi ꞌꞌdu a, -ka ɔ ꞌka nʋ -lrɛɛ ꞌbho ꞌɛ ꞌꞌlrutidemʋꞌa damʋ, ɔ ꞌcrɔ ɔ ꞌmʋti -tanyɩke-ɔ, -bho ɔ se ꞌbɩ liꞌbhle ꞌle nyɔ ꞌke ɔ wɔn ꞌꞌkpiticɛ ɔ ꞌke lbhʋ nʋ!

1 Timotee 3:2

ꞌƆ nyɔtuꞌa ꞌbhle ꞌbɩ li -le, ɔ ꞌꞌdu ꞌnynɔ -lueꞌa ꞌbhleyi ꞌle ɔ ꞌke ʋ ꞌꞌyi-kpʋn; ɔ ꞌꞌdu nyɔ-ɔ yiboꞌa ꞌɔ ꞌꞌbhuoꞌa kpʋnka, nmɔnɛɛɛꞌɛ zi ɔ -le! Ɔ ꞌꞌdu kpliꞌa ꞌmʋnmɔyi ꞌle nyʋ ꞌke ɔ ꞌbho ꞌꞌdu, ɔ ꞌꞌdu ꞌlɩkpʋꞌa -glikpʋnyi ꞌle ɔ ꞌke -Lagɔwluꞌa nyʋꞌa -tɔtɔɔ wɔnyiꞌbhɛɛ!

1 Timotee 5:14

ꞌKa-a ɛ -nɩꞌe ꞌmʋꞌa dɩ, ꞌɩn ꞌbɔꞌɔ ti -dɩgbanynʋkpakpɩ-ɩ ꞌbhʋaꞌa ꞌke nyna ꞌꞌti -lrɛɛ, ꞌle ʋn ꞌke -gba ꞌle ʋn ꞌke ꞌwa ꞌꞌjɩnɛ ꞌꞌyiꞌa nyʋ ꞌꞌyriliꞌꞌdu. -Bho ʋn nʋ -kaa a, -aꞌba jɛkamʋ se ꞌbhɛɛ ʋn ꞌke -aꞌba da ꞌꞌdu ꞌꞌnyinynika.

1 Timotee 5:20

Ʋ-bʋ ꞌꞌlrutidemʋ ꞌmnʋ, -bho ꞌwa nyʋtu nʋ ꞌꞌnyinynidɩ ꞌbho -Lagɔꞌɔ ꞌꞌyigbeyi, -wa ꞌnʋ ꞌgba ꞌmʋti ꞌle -sɩanyɩ ꞌke ꞌɔ -glɩgbaꞌa ꞌꞌlrutidemʋ -lrʋʋ ꞌlbha ʋn -kaa ꞌꞌnyinynidɩ nʋ!

1 Timotee 5:7

-Tɔ ꞌya lɩtu nyʋ ꞌle ʋn ꞌke ꞌwa -kɔkɔmʋ kwa ꞌmʋ ti-nmɔ ꞌle nyʋ -kaa ꞌbho ꞌwa da ꞌꞌdu ꞌꞌnyinynika!

Tiitɩ 1:6

-Bho nyɔ ꞌke -Lagɔꞌɔ -glɩgbaꞌa ꞌꞌlrutideyi ꞌꞌdu, ɔ ꞌꞌdu nyɔ-ɔ seꞌa ꞌbɩ liꞌbhle; ɔ ꞌꞌdu ꞌnynɔ -lueꞌa ꞌbhleyi ꞌle ɔ ꞌke ʋ ꞌꞌyi-kpʋn; ɔ ꞌꞌdu nyɔ -ke ꞌꞌyreetɩ-ɩ deꞌa *Zezii *Kliisɩ ꞌꞌgwli ꞌle ʋn ꞌke dɩ likpʋn; ꞌle nyʋ -kaa ꞌbho ꞌwa da ꞌꞌdu ꞌꞌnyinynika ꞌle ꞌɔ ꞌꞌyreetɩ ꞌke ꞌbho nyʋ ꞌꞌdu!

Tiitɩ 2:10

ꞌWa ꞌꞌyri ʋ -le -lrɛɛ, ʋn nʋ ʋ -zɩgɩ ꞌꞌlruli, ꞌle ꞌwa -kɔmʋ ꞌke ꞌwa dɩlikpʋndɩ -za! ꞌꞌLemnɩɩ -aꞌba *ꞌPʋʋnyi -Lagɔꞌɔ wlu -a tɔꞌɔ nyʋ, ʋn-ʋ bha nɛ-oꞌo.

Tiitɩ 2:15

Tiitɩ, lɩ ꞌɩn ꞌcnɩꞌa -daa a, -tɔ nɩ nyʋ, po ʋ ꞌkpɩ ꞌꞌyi! Nyʋ-ʋ -seeꞌa -ɩnmʋ -lokuipo, ꞌꞌdu ʋ ꞌꞌsrɩn ꞌmʋ! Wɔnkuɛ -Lagɔ ꞌꞌnyɩꞌa -ɩnmʋ, -wlu -nɩ nɛ ꞌmʋ! -Aꞌa ꞌwɔn nyʋꞌa ꞌfɩɩn -ɩnmʋ kwa -le!

Eblee 7:26

A -gblee, ɔ-bɔ Zezii ꞌmnɔ, -ɔ ꞌma-a -kaa -aꞌba ꞌpʋʋnyi, ꞌɩnnɔ ꞌbhɛɛꞌo ɔ ꞌke -a-bʋ nyunyu -ke -Lagɔꞌɔ ꞌnynɩmʋ -nɩ, -ɛkedɩmaa, ɔ *ꞌsaaꞌa-a li ꞌbho ꞌɔ ꞌꞌyigbeyi. Ɔ se dɩ ꞌꞌkpiꞌbhle. Ɔ se ꞌbɩ liꞌbhle. -A-bʋ ꞌma-a ꞌꞌnyinynidɩꞌa nʋmʋ, ɔ se -aꞌba ka -nɩ. -Lagɔ -cɛ ꞌnɔ-ɔ kpɔ. ꞌBho ꞌɔ ꞌꞌtroli, ꞌbho-o ɔ -nɩꞌo.

1 ꞌPiɛlɩ 2:12

Nyʋ-ʋ se ꞌɔ yibo, ꞌnɔɔ a -nɩꞌa ꞌle ꞌwa ꞌꞌklumʋ, a nʋ ꞌle kplizɩgɩ! Ʋ-bʋ nyʋ ꞌmnʋ, -bho ʋn -ka amʋ dɩ ꞌꞌyi-ikpa, a nʋ ꞌꞌyrilinmɔkpli ꞌꞌkɔmʋ, ʋn ꞌke ɩ ꞌꞌyrili-gwɛ, ꞌle, -da *Zezii-i ꞌyeꞌa ꞌnɔɔ ꞌkmʋ ꞌmʋ le -yi -nɩ mʋ, ɔ ꞌke ʋ -zigle -tu, ꞌle ʋn ꞌke ꞌɔ ꞌnynɩ ꞌꞌyiꞌbhɛɛ!

1 ꞌPiɛlɩ 2:9

Ɛ -nɩꞌa -kaa ꞌmʋ a, a-bee -mnʋʋ ꞌmo-o nyʋ -aꞌba -Kɔyi -Lagɔ -cɛꞌɛ kpɔ ɔ ꞌke -kɔ, ꞌle a ꞌke ꞌɔ bʋbɔmʋ ꞌꞌdu. Ɔ -zaꞌa-a amʋ ꞌle ꞌꞌnyinynidɩꞌa -kuyre ꞌmʋ ꞌle ɔ ꞌye zɔ -ya ꞌle aꞌba -pɔlʋ ꞌzɔ ꞌle a ꞌye ꞌɔ ꞌꞌdɩzɩgɩ ꞌwɔɔn, ɔ ꞌye amʋ tinɩɛlre ꞌꞌnyɩ, ꞌle, lɩklɩgbɩ ɔ-ɔ nʋꞌa, a ꞌke ɩ nyʋ -bodɩ ꞌmʋ-za.

2 ꞌPiɛlɩ 3:14

ꞌAn dɩkmalotʋꞌa ꞌꞌnynuu-a, ꞌɛ dɩ ꞌɩn-ɩ ꞌtmʋʋꞌo amʋ, -bho a -ka ɛ-bɛ -nɔɔ ꞌmnɛ wɔn-ɔfuo, a po ꞌle ꞌkpɩ, ꞌle, -bho ɛ nyni a, a -kaa ꞌbɩ liꞌbhle ꞌbho ꞌɔ ꞌꞌyigbeyi ꞌle aꞌba -pɔlʋ ꞌke bhlu ꞌbho ꞌɔ ꞌꞌyigbeyi -lrɛɛ.

ꞌꞌDukuyrilizadɩ 2:5

ꞌƐ dɩ, -da a yibo -nɩꞌa ꞌɩnmʋ -lreeka, -ka aꞌba kpli -nɩꞌa, a popo -kaa ꞌgwlʋti! -Ka a -yiꞌa gbɔ, a ꞌye -kaa li-ɔ! A yibo aꞌba ꞌꞌnyinynidɩ ꞌꞌyi ꞌle a ꞌke ꞌɩnmʋ gbo ꞌꞌbhiti! A ꞌꞌluo aꞌba -bɛnyɩkpli ꞌmʋ! -Bho ɛ -se -mnɛɛ, ꞌɩn-ɩ yi-oꞌo ꞌɩn ꞌke amʋ aꞌba ꞌꞌnapɛꞌɛ ꞌꞌkpitidelɛ kwa ꞌmʋ -za.

ꞌꞌDukuyrilizadɩ 3:9

*ꞌZuifʋ -yʋ ꞌma-a *Sataanꞌa nyʋ, lɛ ꞌɩn-ɩ ꞌye ꞌʋ ꞌꞌlruli-nʋ mʋ, a ꞌye ɛ li-ɔ, ʋn na, ʋn-ʋ ꞌmo-o -Lagɔꞌɔ -glɩgbawɔnyiꞌa nyʋ. -Bho ꞌɩn ꞌcrʋ ʋ ꞌmʋti, ʋn-ʋ ꞌmo-o ꞌꞌnyinynidɩꞌa tiyayi Sataanꞌa -nʋ. Ʋ-bʋ ꞌZuifʋ ꞌmnʋ, ꞌɩn ꞌye -ʋ -kpʋn -mʋ -glaka ꞌle ʋn ꞌke yi, ʋn ꞌke amʋ ꞌkolri wɔnyi glu po, ʋn ꞌke amʋ ꞌbho ꞌꞌdu, ꞌle, -ka ꞌɩn -kmaꞌa aꞌba dɩ, ʋn ꞌke -kaa yibo.