Filiipʋkɔmʋ 2:13 - Nyaboa (Nyabwa)

¹³ A -gblee, ꞌɔ ꞌꞌbhuo-o nʋ ɛꞌo ꞌle aꞌba -pɔlʋ gbo a ꞌke ɛ ꞌbhɛɛ. ꞌƖnnɛ ꞌmo-o, ɔ-ɔ nʋ -ɛꞌo ꞌle a-a ꞌwɔnꞌo, a-a nʋꞌo ꞌɔ ꞌgwlʋdɩ.

Filiipʋkɔmʋ 2:13 Cross References

Luukɩ 12:32

A-bʋ ꞌma-a ꞌan nyʋ, aꞌba -tɩta -Lagɔ ꞌwɔn-oꞌo ɔ ꞌke amʋ ꞌɔ nyʋꞌa -kɔkɔɔ -ya ꞌle ɔ ꞌye ꞌbho ꞌkpa ɔ-ɔ nʋ ɛꞌo. ꞌƐ dɩ nymɔꞌɔ ꞌꞌsi amʋ ꞌgwlʋ -le!

Luukɩ 2:14

-Lagɔꞌɔ ꞌnynɩ ꞌbhɛ ꞌꞌyi ꞌle yaku ꞌli, ꞌle, nyunyu -ke dɩ -Lagɔ -kmaꞌa, ꞌwa -pɔlʋ bhlu ꞌnɔɔ ꞌbhlʋkpa ꞌꞌkpi!

ꞌZaan 3:27

ꞌLe ɔ na: Lbhʋ -Lagɔ ꞌꞌnyɩꞌa nyɔꞌꞌo nyɔ, ꞌɩnnɛ ɔ ꞌke nʋ.

ꞌZaan 6:45

A ꞌye li-ɔ, -Lagɔwluꞌa ꞌmʋtizamʋꞌa -lue, wlu ɔ ꞌcnɩꞌa ꞌle -Lagɔꞌɔ ꞌꞌbɔgʋ ꞌli see, -ka ɛ ꞌlɛꞌɛ, ꞌkla-a ꞌka-a: -Lagɔ-ɔ ꞌye-e ꞌɔ nyʋ ꞌwee ꞌɔ wlu -tɔ -mʋ. Ɛ -nɩꞌa -kaa ꞌmʋ a, nyɔ -yɔ poꞌa ꞌan -tɩta -Lagɔꞌɔ wlu -lokui, ꞌle -ɔ ꞌꞌtayiꞌa ꞌɔ ꞌꞌbhuo ꞌꞌyiti, ɔ ꞌke ɔ -tɔ ɔ, ꞌan gboyiɛꞌɛ ꞌtʋ, ꞌɩnnɔ ꞌbhle ꞌɛ ꞌꞌgwli, ꞌle ɔ-ɔ yiꞌe ꞌɩnmʋ -bodɩ, ɔ ꞌke ꞌɩnmʋ ꞌꞌgwlide.

ꞌZaan 6:65

ꞌLe ɔ ꞌye ꞌbho wlu -lrɛɛ ꞌꞌdu ꞌle ɔ na: Lɛ-ɛ ꞌbhleꞌa ꞌnynɩ, -ɛ -ke dɩ ꞌɩn nʋꞌa: Nyɔꞌꞌo nyɔ-ɔ yiꞌa ꞌɩnmʋ gbo, ɔ ꞌke ꞌɩnmʋ ꞌꞌgwlide, -bho ɛ -se ꞌan -tɩta -Lagɔ po ꞌɔ ꞌɛ ꞌtʋ ꞌꞌgwli, ꞌɛ lɛtu se ꞌbhɛɛ ɛ ꞌke -nʋ-ɛ, ꞌɩnnɛ ꞌka-a.

Nʋnʋkpli 11:21

Ɛ -nɩꞌa -kaa ꞌmʋ a, ʋn -ke -aꞌba -Kɔyi -Lagɔꞌɔ wɔnkuɛ -naꞌo ꞌle nyʋꞌa -dadudu-u deꞌe -aꞌba -Kɔyi Zezii ꞌꞌgwli ꞌle ʋn ꞌye ꞌle ɔ gbo ꞌꞌbhiti.

ꞌWlɔmʋkɔmʋ 12:3

Lɛ-ɛ ꞌbhleꞌa ꞌnynɩ -Lagɔꞌɔ ꞌꞌbhuoꞌa ꞌsana ꞌmʋ ɔ ꞌyeꞌa ꞌɩnmʋ ꞌɔ lbhʋ -tbha a, ɩ-bɩ ꞌkpɩ -ke wɔnkuɛ ɔ ꞌꞌnyɩꞌa ꞌɩnmʋꞌa dɩ ꞌɩn-ɩ zaꞌa amʋ wlu -nɛɛ -bodɩ ꞌmʋ. -Ka a seꞌa -nɩ a, aꞌba ꞌꞌklumʋꞌa nyɔꞌɔ -tɔ -kaa ꞌɔ ꞌꞌbhuo -le! -Lagɔꞌɔ ꞌꞌgwlidesʋ ɔ ꞌgbleeꞌa amʋ ꞌꞌyiti -lue -lue, ꞌɩnnɛ a ꞌke ꞌꞌyi-kpʋn, ꞌle, lɛ a ꞌꞌduꞌa ꞌtɩn, a ꞌke ꞌɛ bhʋ -na ꞌle -ziadɩ ꞌmʋ.

ꞌWlɔmʋkɔmʋ 9:11

ꞌꞌYreetɩ ꞌmnʋ -seeꞌa -bhla ꞌwlʋ ke ꞌle ʋn -seeꞌa -bhla -zɛgɛ -ke ꞌꞌnyinynidɩ yibo ke a, ꞌbho-o -Lagɔ ꞌꞌsra -nɩꞌe ꞌwa -lue -jiɛ ꞌle ɔ ꞌye Rebekaa ꞌtmʋʋ, ɔ na: Aꞌba ꞌmʋcɩaanyu ꞌke ꞌɔ leyiꞌa lbhʋnʋyi ꞌꞌdu. -Lagɔ ꞌnʋ-o -kaa ꞌle ɔ ꞌke -tɔ -ka ꞌɔ -gbʋꞌa nyunyuꞌa kpli ya, nyɔ ɔbɔ ꞌybhaꞌa, ꞌɩnnɔ ɔ-ɔ zaꞌa ꞌbho. ꞌƆ nʋnʋdɩ ꞌwlʋ-o ꞌɔ ꞌꞌbhuo ꞌmʋ.

ꞌWlɔmʋkɔmʋ 9:16

-Bho ɛ -nɩ -kaa a, ꞌle ɛ -se nyunyɔꞌɔ ꞌtʋnʋdɩ-e ꞌɔ ꞌꞌbhuoꞌa ꞌmʋtikukuɛꞌɛ ꞌmʋpɛɛɛꞌɛ dɩ -Lagɔ-ɔ wʋnna nɔ ꞌꞌniti ꞌnɩ -ko. ꞌƆ ꞌꞌbhuo-o ꞌbhleꞌe ngaze.

1 Kɔlɛɛtɩkɔmʋ 12:6

Lbhʋ ꞌꞌwe ꞌmnɩꞌa nʋnʋsʋ -dieꞌe-e ꞌꞌyi -lrɛɛ, ꞌle -Lagɔ -lue ꞌtɩn ꞌmnɔ -nɩ ꞌnʋ ꞌmʋ ꞌwee ꞌle ʋn-ʋ nʋ ɩꞌo.

1 Kɔlɛɛtɩkɔmʋ 15:10

A ꞌye li-ɔ, kpli ꞌɩn -nɩꞌa -laa ti, -Lagɔꞌɔ ꞌsana ꞌmʋ ꞌɩn -nɩꞌe -kaa, ꞌle, -zɛgɛ ɔ nʋꞌa ꞌɩnmʋ ꞌꞌlruli, ɛ -se bhebhelɛ -ko -ziaka. A -gblee, ꞌɩn ꞌnʋ-o lbhʋ tenyɩ ꞌle ꞌɩn ꞌye ꞌɩn -Bozeziiꞌa -dalbhomʋ ꞌwee ꞌmʋ-zi. Ɛ -se ꞌmna-aꞌa ꞌꞌbhuoꞌa ꞌmʋtikukuɛ ꞌmʋ -ko ꞌnɩ, -Lagɔꞌɔ ꞌsana ꞌmʋ ꞌɩn -nʋ -nɩ nɛꞌo.

2 Kɔlɛɛtɩkɔmʋ 3:5

Ɛ-bɛ lbhʋ ꞌmnɛ ɛ, ꞌkpɩ ꞌwee -a ꞌbhleꞌa ꞌmʋ ꞌle -a nʋ ꞌɛ ɛ, -Lagɔꞌɔ ꞌꞌbhuo-o ꞌꞌnyɩ ꞌɩ -amʋ. -A se ꞌbhɛɛ -a ꞌke na ꞌle -aꞌba ꞌꞌbhiꞌa ꞌmʋtikukuɛ ꞌmʋ -a nʋ nɩ nɛꞌo, nʋ. -Aꞌba ꞌꞌbhiꞌa ꞌmʋtikukuɛ se ꞌbho -tɛ.

Efɛɛzɩkɔmʋ 1:11

-Ka -Lagɔ ꞌbɔꞌɔ ti, ꞌka-a ɔ-ɔ nʋꞌo ꞌɔ lɩ. -Ka ɛ nʋ ꞌɔ ꞌtʋ, ꞌka-a ɔ ꞌtɛꞌɛ -amʋ ꞌmʋ see ꞌle -a ꞌke ꞌɔ nʋ ꞌꞌdu. -A ꞌmo-o nyʋ -ke Zezii Kliisɩ ꞌmnɔ ꞌꞌsisriꞌa ꞌꞌyiꞌa dɩ -a -see ꞌɔ -zɛgɛ ꞌmʋ-bɔ yi.

Efɛɛzɩkɔmʋ 1:5

A ꞌye li-ɔ, ɔ -kmaꞌa-a -aꞌba dɩꞌa dɩ ɔ ꞌtɛꞌɛ -amʋ ꞌmʋ see ꞌle -a ꞌke ꞌɔ ꞌꞌyreetɩ ꞌꞌdu. Ɔ -zi -nɩꞌe-e Zezii Kliisɩ ꞌmʋ ꞌle ɔ ꞌye ꞌɛ lɛtu nʋ. Ɔ nʋꞌa -kaa a, ɛ ꞌnʋ -ɔ ꞌtʋ.

Efɛɛzɩkɔmʋ 1:9

A -gblee, ɔ ꞌbɔ-ɔ ti -a ꞌke ꞌɔ ꞌgwlʋdɩ yibo. ꞌƐ dɩ, ꞌɛ ꞌꞌsra-a ꞌꞌzizeꞌa ꞌꞌyi -tanyɩ, ɔ -tɔ ꞌnɛ -amʋ. ꞌLe Zezii Kliisɩ ꞌmʋ, ꞌle-e ꞌɔ ꞌꞌbhuo -de -nɩꞌe ꞌɛ duo see.

Efɛɛzɩkɔmʋ 2:8

A -gblee, a ꞌde-e Zezii Kliisɩ ꞌꞌgwliꞌa dɩ, -Lagɔ ꞌpʋʋnꞌo amʋ ꞌbho ꞌɔ ꞌꞌyigbeyi. Ɔ ꞌnʋ-o amʋ ɛ-bɛ ꞌjɛ ꞌmnɛ ꞌꞌlruli bhubhu ꞌle ɛ -ke aꞌba ꞌpʋnpʋan ꞌmnɛ -naꞌo.

2 Tesalonikɩkɔmʋ 1:11

ꞌKa-a ɛ -nɩꞌe ꞌmʋꞌa dɩ a, -Lagɔ -a -ke a-a bʋbɔꞌɔ, -a po ꞌɔ wɔn gbo aꞌba dɩ -wlɛɛwlɛɛ. -A bhade ꞌnɔ-ɔ li ꞌle ɔ ꞌke amʋ ꞌmʋ lbhʋ nʋ ꞌꞌkɔmʋ ꞌle aꞌba nʋnʋkpli ꞌke ɔ ꞌtʋ nʋ -ka -zɛgɛka, ꞌle, -ka ɔ ꞌlaꞌa amʋ, a -ke ɔ ꞌke -dalue -nɩ ꞌle ɔ ꞌke amʋ -kɔ ꞌle a ꞌke ꞌɔ ꞌnynɩ ꞌꞌyiꞌbhɛɛ ꞌꞌkɔmʋ, ɔ ꞌke amʋ ꞌꞌyitiwa, a -nmɔꞌɔ-ɔ ꞌna ꞌꞌyiti. -A bhade ꞌnɔ-ɔ li -lrɛɛ, ꞌle ꞌɔ wɔnkuɛ ꞌmʋ ɔ ꞌke amʋ -kpa, ꞌle, lɩzɩgɩ ꞌwee a ꞌybhaꞌa a ꞌke nʋ a, ꞌle lbhʋ a-a nʋꞌa a de ꞌɔ ꞌꞌgwliꞌa dɩ, a ꞌke ɩ nʋ.

2 Timotee 1:9

-Ɩn ꞌye li-ɔ, -Lagɔꞌɔ ꞌꞌbhuo-o ꞌpʋʋnꞌo -amʋ ꞌle ɔ ꞌye -amʋ ꞌmʋꞌtɛ -a ꞌke ꞌɔ nyʋ ꞌꞌdu sese ke-ɔ, ꞌle ꞌkmʋ ꞌye tiyi. -Abʋ se ꞌkɩ ɛ ꞌyeka -nɩ, ꞌle ɔbɔ -bodɩ -zɛgɛ ɔ deꞌa ꞌbho ti ɔ ꞌke -amʋ -bodɩ nʋ ꞌle Zezii *Kliisɩ ꞌmʋ, ꞌɛ ꞌꞌyriꞌa ꞌbɩ ꞌwlʋ -nɩꞌo.

Eblee 13:21

Lɛ-ɛ -ke dɩ ꞌɩn-ɩ po ꞌɔ *wɔn gbo aꞌba dɩ, ꞌɩnnɛ ꞌmo-o, ɔ ꞌke amʋ ꞌkpɩ ꞌmʋ po, ꞌle, lɩzɩgɩ ꞌwee ɔ ꞌybhaꞌa, a ꞌke ɩ nʋ. ꞌƖn ꞌde-e ꞌꞌgwli na, ꞌɔ ꞌꞌbhuo-o ꞌye -ɛ -nʋ -mʋ ꞌle a ꞌke ꞌɔ ꞌgwlʋdɩ nʋ. Zezii *Kliisɩ-ɩ ꞌpo-o amʋ ꞌkpɩ ꞌmʋꞌa dɩ ꞌɛ lɛtu ꞌke -nʋ-ɛ. ꞌKa-a ɛ -nɩꞌe ꞌmʋꞌa dɩ, Zezii Kliisɩ ꞌmnɔꞌɔ ꞌnynɩ ꞌbhɛ ꞌꞌyi ꞌꞌkɔmʋ! Kɩn, wlu ꞌɩn -zaꞌa ꞌmʋ, *ɩ -nɩ -kaa ꞌmʋ!

1 ꞌPiɛlɩ 1:3

ꞌAn ꞌlotʋꞌa ꞌꞌnynuu-a, -Lagɔ ꞌma-a -aꞌba -Kɔyi *Zezii *Kliisɩꞌa -tɩta, -a ꞌbhɛɛ ꞌɔ ꞌnynɩ ꞌꞌyi! -Ɛkedɩmaa, ꞌɔ ꞌlimʋ -nmɔꞌɔ-ɔ wɔn tenyɩ ꞌbho -amʋ ꞌꞌkpi. ꞌƖnnɛ ꞌbhleꞌe ꞌnynɩꞌa dɩ, -ka ɔ -zaꞌa Zezii Kliisɩ glu, ɔ ꞌye -kaa -amʋ ꞌwlʋ -lrɛɛke, ꞌle, -ka ɔ ꞌꞌnyɩ ꞌɔ tinɩɛlre, ɔ ꞌye -kaa -aꞌba nɛ ꞌꞌnyɩ -lrɛɛ. ꞌKa-a ɩ -nɩꞌe ꞌmʋꞌa dɩ, ꞌꞌkɔgwlɛtinɩɛzɛgɛ ɔ ꞌꞌnyɩꞌa -amʋ, -ɛ ꞌyeꞌa -amʋ ꞌmʋ ꞌꞌyi mʋ, ꞌle ɛ ꞌke tiꞌpɩple ꞌle yaku ꞌli, -a de ꞌɛ -pɔlʋ ꞌꞌyi.