Filiipʋkɔmʋ 2:11 - Nyaboa (Nyabwa)

¹¹ ꞌle ʋn ꞌke ꞌɔ ꞌnynɩ ꞌꞌyiꞌbhɛɛ ꞌle ʋn ꞌke na, Zezii Kliisɩ, ꞌɩnnɔ ꞌmo-o lɩ ꞌweeꞌa -Kɔyi, nʋ. -Bho ʋn nʋ -kaa a, ꞌꞌlemnɩɩ -aꞌba -tɩta -Lagɔꞌɔ ꞌnynɩ-ɩ ꞌye-e ꞌꞌyiꞌbhɛ-ɛ -mʋ -lrɛɛ. ꞌBho Zeziiꞌa leyinɔɔ ti, ꞌbho-o ꞌya lɩtu ꞌke -nʋ-ɛ -nɩ.

Filiipʋkɔmʋ 2:11 Cross References

Matiee 10:32

ꞌKa-a ɩ -nɩꞌe ꞌmʋꞌa dɩ a, nyɔ -yɔ nʋꞌa ꞌbho nyʋ ꞌweeꞌa ꞌꞌyigbeyi ꞌan nɔ ɔ ꞌꞌduꞌo, ꞌmna-a ꞌye -ɔ ꞌan -tɩta-a -nɩꞌa ꞌle yaku ꞌli ꞌꞌyi-tɔ -mʋ -lrɛɛ ꞌan nyɔꞌɔ kamʋ.

Luukɩ 2:11

A -gblee, ꞌle aꞌba ꞌꞌna *Daviidɩ ꞌꞌbhligwlɔ Bɛtɩlɛɛmʋ a, ɛ-bɛ -zɩan ꞌꞌmatʋ a, nyʋꞌa ꞌpʋʋnyi ꞌwlʋꞌo aꞌba dɩ. -Aꞌba -Kɔyi, *-Lagɔꞌɔ ꞌBhozayi -ɔ ꞌpʋʋnꞌa nyʋ, ꞌɩnnɔ ɔ ꞌꞌduꞌo.

ꞌZaan 12:42

Ɛ -nɩꞌa -kaa ꞌmʋ a, ꞌle ʋ-bʋ ꞌZuifʋꞌa -klɩgbɩꞌa ꞌꞌklumʋ, ꞌwa -dadudu ꞌde -ɔ ꞌꞌgwli. *Faliziɛɛn -kʋʋ ʋ tinu ꞌle *-Lagɔwluꞌa ꞌlicɩaanbudu ꞌliꞌa dɩ, ꞌwa wɛ ꞌɛ wɔnti.

ꞌZaan 13:13

-Bho a -de ti, a-a ꞌla-a ꞌɩnmʋ aꞌba -Tɔyi -ke aꞌba -Kɔyi, ꞌle -ziadɩ moꞌo, -ɛkedɩmaa, ꞌɩnnʋ ꞌɩn ꞌꞌduꞌo -ziaka.

ꞌZaan 13:14

A -gblee, ꞌɩnmɔ ꞌma-a aꞌba -tɔyi -ke aꞌba -kɔyi, ꞌɩn wɔtɔꞌɔ-ɔ aꞌba bhɩ liꞌa dɩ, a-bee -mnʋʋ, a kpʋkpa -kpʋkpa!

ꞌZaan 14:13

ꞌAn ꞌnynɩ a ꞌbhleꞌe ꞌꞌkpiꞌa dɩ, lɛꞌꞌo lɛ a ꞌbɔꞌɔ ti a, ꞌɩn-ɩ ꞌye ɛ amʋ ꞌꞌlruli-nʋ mʋ, ꞌle, ꞌɩnmɔ -Lagɔꞌɔ ꞌꞌyu, -ka ꞌɩn-ɩ ꞌbhɛɛꞌɛ ꞌɔ ꞌnynɩ ꞌꞌyi, nyʋ ꞌke ɩ yibo.

ꞌZaan 14:23

ꞌLe ɔ na: Dɩ ꞌɩn-ɩ zaꞌa ꞌmʋ, nyɔ-ɔ ꞌye ꞌɩ ꞌbho ꞌꞌdu mʋ, ꞌɩnnɔ -kmaꞌa ꞌan dɩ. -Bho ɛ -nɩ -kaa ꞌmʋ a, ꞌan -tɩta -Lagɔ-ɔ ꞌye-e ꞌɔ dɩ -kma -mʋ, ꞌle ꞌɩn -ke ɔ ꞌke ɔ -bodɩ yi, -a ꞌke ɔ ꞌmʋ ti-de.

ꞌZaan 17:1

*Zezii gwɛꞌɛ -kaa -wluwlua ꞌꞌyi a, ꞌle ɔ ꞌye ꞌꞌlru ꞌꞌyiꞌꞌluo ꞌle ɔ ꞌke *-Lagɔ wɔn gbo po, ɔ na: ꞌAn -tɩta -Lagɔ, ꞌan -nɔɔ nyni-oꞌo ꞌle ꞌɩn ꞌke -ɩn gbo le yi. -Ka ꞌɩnmɔ, -aꞌa ꞌꞌyuꞌa ꞌnynɩ ꞌbhɛꞌɛ ꞌꞌyi, -tɔ nɛ -kaa nyʋ ꞌꞌyi ꞌle ꞌɩn ꞌke -aꞌa nɛ ꞌꞌyiꞌbhɛɛ -lrɛɛ.

ꞌZaan 20:28

ꞌLe ɔ na: ꞌAn -Kɔyi -Lagɔ!

ꞌZaan 5:23

ꞌle, -ka nyʋ ꞌwee-e ꞌꞌduꞌa ꞌbho ꞌan -tɩta -Lagɔ, ʋn ꞌke -kaa ꞌbho ꞌɩnmʋ ꞌꞌdu. Nyɔ -yɔ -seeꞌa tiꞌbɔ, ɔ ꞌke ꞌbho ꞌɩnmʋ ꞌꞌdu a, ꞌan -tɩta -Lagɔ lbhoꞌa ꞌɩnmʋ, ꞌɩnnɔ ɔ -see tiꞌbɔ ɔ ꞌke ꞌbho ꞌꞌdu -lrɛɛ.

ꞌZaan 9:22

A ꞌye li-ɔ, ꞌwa -fanʋ ꞌɔ ꞌlotʋ -ke -tɩta-a pleꞌa dɩ ʋn -zaꞌa wlu ꞌmnɛ ꞌmʋ. -Ɛkedɩmaa, ʋn -poꞌo-o wlu -dalue na, -bho nyɔ nʋ Zezii ꞌmo-o *-Lagɔꞌɔ ꞌBhozayi -ɔ ꞌpʋʋnꞌa nyʋ, ʋn-ʋ ꞌnu-o ꞌɔ nyɔtu ti ꞌle *-Lagɔwluꞌa ꞌlicɩaanbudu ꞌli.

Nʋnʋkpli 10:36

A -gblee, *Zezii *Kliisɩ ꞌmo-o nyʋ ꞌweeꞌa -kɔyi. -Ka -Lagɔ -yi -nɩ ꞌnɔ ꞌmʋ, ꞌle nyʋ ꞌke -pɔlʋꞌa bhlubhlua ꞌye, ɩ-bɩ ꞌꞌdɩzɩgɩ ꞌmnɩ ɔ -yaꞌa *Izrayɛɛlɩkɔmʋ, a yiboꞌo-o ꞌna.

Nʋnʋkpli 2:36

ꞌLe ꞌya ꞌwee ꞌmʋ, a-bʋ Izrayɛɛlɩkɔmʋ, a ꞌke ɩ yibo moꞌo pepepe!, ɔ-bɔ Zezii a kɔꞌɔ ꞌbho tu ꞌꞌyri ꞌmnɔ ɔ, ꞌɩnnɔ -Lagɔ nʋꞌo nyʋꞌa -kɔyi -ke *ꞌɔ ꞌBhozayi -ɔ ꞌpʋʋnꞌa nyʋ ꞌmʋ!

ꞌWlɔmʋkɔmʋ 14:11

A -gblee, -kaa ɛ ꞌcnɩ-ɛꞌɛ -kaa ꞌle -Lagɔꞌɔ ꞌꞌbɔgʋ ꞌli, na: -Aꞌba -Kɔyi -Lagɔ na: ꞌƖn -nɩꞌe-e ti ꞌꞌkɔgwlɛka, ꞌle nyʋ ꞌwee ꞌke ꞌɩnmʋ ꞌkolri wɔnyi glu po ꞌle ʋn ꞌke ꞌɩnmʋ -Lagɔ ꞌla ꞌle ʋn ꞌke ꞌan ꞌnynɩ ꞌꞌyiꞌbhɛɛ.

ꞌWlɔmʋkɔmʋ 14:9

A -gblee, -kaabodɩꞌa dɩ ꞌɔ ꞌꞌbhuo ꞌmɛꞌo ɔ ꞌye glu -sɔ, ɔ ꞌye ti-nɩ -lrɛɛ ꞌle ɔ ꞌke ꞌmɛmʋ -ke tinɩmʋꞌa -Kɔyi ꞌꞌdu.

ꞌWlɔmʋkɔmʋ 15:9

ꞌLe nyʋ-ʋ -seꞌa-a ꞌZuifʋ -mnʋʋ ꞌke -Lagɔꞌɔ ꞌnynɩ ꞌꞌyiꞌbhɛɛ -lrɛɛ, -ɛkedɩmaa, ɔ ꞌye-e ꞌwa ngaze. ꞌKa-a ɛ ꞌcnɩ-ɛꞌo ꞌle -Lagɔꞌɔ ꞌꞌbɔgʋ ꞌli see. -Ka ɛ ꞌcnɩ-ɛꞌɛ, ꞌka-a ꞌka-a: ꞌƐ dɩ ꞌɩn ꞌke -aꞌa ꞌꞌdɩ -za ꞌle nyʋ-ʋ -seꞌa-a ꞌZuifʋꞌa ꞌꞌklumʋ, ꞌle ꞌɩn ꞌke -aꞌa ꞌnynɩ ꞌꞌyiꞌbhɛɛ ꞌle bhlewlu ꞌmʋ.

1 Kɔlɛɛtɩkɔmʋ 12:3

ꞌKa-a ɛ -nɩꞌe ꞌmʋꞌa dɩ a, ꞌɩn-ɩ wɩ ꞌɩ amʋ ꞌꞌyiti ꞌle a ꞌke -zuzu ꞌmʋtiꞌcrɛ, ꞌle, -bho ɛ ꞌꞌdu -Lagɔꞌɔ Lisaazuzu -ziaka, a ꞌke ꞌna yibo. ꞌƖn na, nyɔ-ɔ wlu nɩꞌa -Lagɔꞌɔ Lisaazuzuꞌa wɔnkuɛ ꞌmʋ, ɔ se ꞌbhɛɛ ɔ ꞌke *Zezii tuti-bhla! ꞌLe nyɔ se ꞌbhɛɛ ɔ ꞌke Zezii ꞌɔ -Kɔyi ꞌla, -bho ɛ -se -Lagɔꞌɔ Lisaazuzu -nɩ nɔ ꞌmʋ.

1 Kɔlɛɛtɩkɔmʋ 15:47

A -gblee, ꞌbhlʋ -Lagɔ ꞌꞌluoꞌo ꞌmʋ ɔ ꞌye Adaa ma, ꞌnɔɔ ꞌkmʋ ꞌmʋꞌa nyɔ ɔ ꞌꞌduꞌo. Zezii Kliisɩ -mnɔɔ ꞌwlʋ-o -Lagɔ gbo ꞌle yaku ꞌli.

1 Kɔlɛɛtɩkɔmʋ 8:6

Ɛ -nɩꞌa -kaa ꞌmʋ a, -a-bʋ tbhaꞌa *Zezii gbɔ, -a yiboꞌo-o ꞌwee na, -aꞌba -tɩta -Lagɔ -nɩꞌe-e -lue, ꞌɩnnɔ -yaꞌa lɩ ꞌwee ti. Ɔbɔ ꞌmnɔ, ꞌɩnnɔ -yaꞌa -amʋ ti -a ꞌke ꞌɔ nyʋ ꞌꞌdu. A yiboꞌo-o -lrɛɛ Zezii *Kliisɩ ꞌmʋ -Lagɔ -zi -nɩꞌo ꞌle ɔ ꞌye lɩ ꞌwee ti-ya ꞌle ɔ ꞌye -amʋ tinɩɛlre ꞌꞌnyɩ. Ɔ -nɩ -lue ꞌtɩn, ꞌɩnnɔ ꞌmo-o -aꞌba -kɔyi.

1 ꞌPiɛlɩ 1:21

ꞌle -Lagɔ ꞌye ɔ glu -za ꞌle ꞌmɛmʋꞌa ꞌꞌklumʋ, ɔ ꞌye ɔ tinɩɛlre -ke ꞌnynɩꞌa ꞌꞌyibhɛɛɛ ꞌꞌnyɩ, ꞌle ꞌɔ dɩ a ꞌye -Lagɔ ꞌmnɔ ꞌꞌgwlide. Ɩ-bɩ ꞌɔ kpli ꞌmnɩꞌa kamʋ a de ꞌɔ ꞌꞌgwli ꞌle a ꞌꞌsiꞌe ꞌbho a de ꞌɔ -pɔlʋ ꞌꞌyi -lrɛɛ.

1 ꞌZaan 4:15

ꞌBho nyʋꞌa ꞌꞌyigbeyi, nyɔ-ɔ waꞌa wɔnti, -ɔ nʋꞌa Zezii ꞌmo-o -Lagɔꞌɔ ꞌꞌyu, ɔ -ke -Lagɔ ꞌꞌsisriꞌe-e ꞌꞌyi.

1 ꞌZaan 4:2

-Bho ɛ ꞌꞌdu -Lagɔꞌɔ Lisaazuzu, -ka a ꞌkɩ ɩ yibo, ꞌkla-a ꞌka-a: ꞌBho nyʋ ꞌweeꞌa ꞌꞌyigbeyi, nyɔꞌꞌo nyɔ-ɔ nʋꞌa *Zezii ꞌmo-o *-Lagɔꞌɔ ꞌBhozayi -ɔ ꞌpʋʋnꞌa nyʋ, ꞌle ɔ ꞌka ꞌnɔɔ ꞌkmʋ ꞌmʋ yi, nyunyɔku ɔ ꞌꞌluoꞌo ꞌmʋ a, ɔ-bɔ nyɔ ꞌmnɔ ꞌbhle-e -Lagɔꞌɔ Lisaazuzu ꞌmʋ.

2 ꞌZaan 1:7

A ꞌye li-ɔ, ꞌɩn-ɩ ꞌzɩ -ɩ amʋ -bodɩ ꞌmʋ, -ɛkedɩmaa, nyʋꞌa -dadudu-u ꞌꞌmaaꞌa nyʋ dɩ ꞌꞌyrili, ʋn bʋbaꞌa-a ꞌnɔɔ ꞌbhlɩkpɩ ꞌꞌkpi ti. -Ka *Zezii *Kliisɩ ꞌꞌluoꞌa nyunyɔku ꞌmʋ ꞌle ɔ ꞌyeꞌa ꞌnɔɔ ꞌkmʋ ꞌmʋ yi, ʋn -see ɩ -ziadɩ ꞌla. ꞌWa nyʋtu-u ꞌmo-o nyʋꞌa dɩyrilimaamʋ. *-Lagɔꞌɔ ꞌBhozayi -ɔ ꞌpʋʋnꞌa nyʋꞌa ꞌꞌyidedemʋ moꞌo -lrɛɛ.

ꞌꞌDukuyrilizadɩ 3:5

A -gblee, nyɔ-ɔ ꞌwɔnꞌɔ ꞌan wlu ꞌbɔ, -ɔ nʋꞌa ꞌan ꞌgwlʋdɩ ꞌle -ɔ kuꞌa ꞌkpa ꞌꞌyi ꞌꞌkɔmʋ, -banɩpli ꞌɩn-ɩ ꞌye ɔ ꞌꞌnyɩ mʋ ɔ ꞌke ꞌmʋ-pa, ꞌle, -Lagɔꞌɔ ꞌꞌbɔgʋ -lue -ke ꞌli, nyʋ-ʋ -nɩꞌa ti ꞌbho ꞌɔ ꞌꞌyigbeyi, ꞌwa ꞌnynɩ ꞌcnɩ-ɛꞌɛ ɛ, ꞌɩn -see ꞌle ɔbɔ-ɔꞌɔ ꞌnynɩ -za yi. ꞌBho ꞌan -tɩta -Lagɔ -ke ɔ gboꞌa -dalbhomʋꞌa ꞌꞌyigbeyi, -ka ɔ ꞌꞌduꞌa ꞌan nyɔ, ꞌbho-o ꞌɩn-ɩ ꞌye ɩ ꞌmʋ-za -nɩ mʋ gbaa.