Filiipʋkɔmʋ 2:10 - Nyaboa (Nyabwa)

¹⁰ ꞌKa-a ɛ -nɩꞌe ꞌmʋꞌa dɩ a, nyʋ ꞌwee -Lagɔ -yaꞌa ti ꞌle yaku ꞌli o, -daa ꞌbhlʋkpa ꞌꞌkpi o -ke ꞌmɛmʋ -ke ꞌꞌbhi-i -nɩꞌa ꞌle glu o, ꞌle ʋn ꞌke Zeziiꞌa ꞌnynɩ ꞌbʋꞌwɔn ɔ, ꞌwa ꞌwee, ʋn ꞌke ꞌwlɛ ꞌmʋ yi ꞌbho ꞌɔ ꞌꞌyigbeyi ꞌle ʋn ꞌke ɔ bʋbɔ,

Filiipʋkɔmʋ 2:10 Cross References

Matiee 12:40

-Ka Zonaasɩ nʋꞌa ꞌwɩ ꞌsɔn ꞌle zmiklagbaꞌa ꞌlimʋ, ꞌɛ tanzɔ ꞌle zmi ꞌye ꞌɔ gwla, ɔ -seeꞌa ꞌmɛ ɛ, ꞌkla ꞌmnɔ ꞌka-a ꞌɩnmɔ *Nyunyɔꞌɔ ꞌꞌYu-u ꞌye ꞌwɩ ꞌsɔn ꞌle glu -nʋ mʋ, ꞌɛ tanzɔ ꞌle ꞌɩn ꞌke glu -sɔ, ꞌɩn ꞌke ti-nɩ -lrɛɛ.

Matiee 27:29

ꞌle ʋn ꞌye ꞌꞌwiꞌa -kwloo lbha ʋn ꞌye ɔ ꞌꞌlru de, ꞌle ʋn ꞌye ꞌle ꞌɔ -linakʋtagwlʋ -kɔɔtu ꞌꞌdu ꞌle ʋn ꞌye ꞌbho ꞌɔ ꞌꞌyigbeyi ꞌkolri glu po, -ka nyɔ-ɔ ꞌꞌduꞌa ka ꞌbho ꞌbhlʋkpayowli ꞌle ʋn-ʋ ꞌlɛꞌɛ -kaa: -Ɩɩɩn! *ꞌZuifʋꞌa ꞌbhlʋkpayowli, -gwle ꞌmʋ ꞌꞌkɔgwlɛka!

Matiee 28:18

Ɔ ꞌnyni -ʋ li ꞌle ɔ na: ꞌƖn ꞌbhle-e wɔnkuɛ ꞌwee ꞌle yaku ꞌli -ke ꞌnɔɔ ꞌbhlʋkpa ꞌꞌyi.

ꞌWlɔmʋkɔmʋ 11:4

ꞌLe koo -Lagɔ ꞌlɔ ꞌɔ ꞌꞌyiꞌa? Ɔ na: -Gba, ɛ -se -aꞌa ꞌꞌsɛ -ko. Nyunyuꞌa ꞌꞌdui -bue ꞌꞌdui -mɛɛsɔn -gwlɩ -bue, -ʋ -seeꞌa *Baalɩkɔku ꞌkolri wɔnyi glu po ꞌle -ʋ -see ꞌɛ bʋbɔ ɔ, ꞌɩnnʋ ꞌɩn -zaꞌa ꞌbho, ꞌɩn -cɛꞌɛ kpɔ, -ʋ -deꞌe ꞌbho ti ꞌan dɩ.

Efɛɛzɩkɔmʋ 1:10

ꞌƐ ꞌꞌsra-a ꞌꞌzizeꞌa, lɛ-ɛ -ke ꞌꞌkpi ɛ ꞌka ꞌꞌlru ꞌꞌyi -jra -nɩ, ꞌɩnnɛ ꞌmo-o, -nɔɔ -Lagɔ ꞌꞌduꞌa, ɛ-ɛ ꞌye-e -nyni -mʋ ꞌle ɔ ꞌke ɛ nʋ, ꞌle, yaku ꞌli -ke ꞌnɔɔ ꞌbhlʋkpa ꞌꞌkpiꞌa lɩ ꞌwee, Zezii Kliisɩ ꞌke ꞌya ꞌꞌlrugayʋɛ ꞌꞌdu.

Efɛɛzɩkɔmʋ 3:14

ꞌꞌYrilinmɔdɩklɩgbɩ -aꞌba -tɩta -Lagɔ nʋꞌa -aꞌba dɩꞌa dɩ ꞌɩn-ɩ poꞌo ꞌkolri glu ꞌbho ꞌɔ ꞌꞌyigbeyi ꞌle ꞌɩn-ɩ bhade ꞌnɔ li aꞌba dɩ.

Efɛɛzɩkɔmʋ 4:9

(ꞌLe, -bho ɛ-bɛ wlu -nɛɛ nʋ: Ɔ ꞌmu-o ꞌbho -Lagɔꞌɔ ꞌꞌtroli le ꞌle, -mnɩɩ ꞌɩnnɛ -se ꞌtɔ-ɔ ɔ ꞌyi-e ꞌnɔɔ ꞌbhlʋkpa -nɛɛ ꞌꞌkpi-ɔ ꞌle ɔ ꞌye le mu ꞌya?

Eblee 1:6

ꞌBho ꞌɛ lemʋ, ɔ-bɔ ꞌɔ ꞌꞌyu-u ꞌma-a lɩ ꞌweeꞌa ꞌbhleyi, -da ɔ -nɩ ꞌɔ ꞌnɔɔ ꞌkmʋ ꞌmʋ -yanamʋ, ꞌle ɔ ꞌye dɩ -lrɩɩ ꞌmʋ-za ꞌbho ꞌɔ ꞌꞌkpi ꞌle ɔ na: A-bʋ ꞌma-a ꞌan gboꞌa -dalbhomʋ, aꞌba klɛ, a bʋbɔ nɔ!

ꞌꞌDukuyrilizadɩ 20:13

Nyʋ ꞌtɔnni ꞌlbhaꞌa, -ʋ -nɩꞌa ꞌle ɛ kɔ ɔ, ꞌwa ꞌwee ꞌwlʋꞌo ꞌle-ɛ. Nyʋ-ʋ -nɩꞌa ꞌmɛmʋꞌa -denamʋ, ꞌwa ꞌwee -sɔꞌɔ ꞌle ꞌmʋ-ɛ, ꞌle ꞌwa kpli ʋn nʋꞌa a, -Lagɔ ꞌye ɩ ya-gbʋ, ꞌle ɔ ꞌye ʋ -zigle -tu.

ꞌꞌDukuyrilizadɩ 5:3

Ɔ ꞌlɛꞌɛ -kaa, ꞌle yaku ꞌli-e, ꞌnɔɔ ꞌbhlʋkpa ꞌꞌkpi -ke ꞌnɔɔ ꞌmɛmʋ -nɩꞌa glu, nyɔ -lue ꞌtɩn, -ɔ ꞌka ꞌbhɛɛ ɔ ꞌke ꞌꞌbɔgʋ ꞌmnɛ ꞌꞌyikati ꞌle ɔ ꞌke ɛ ꞌli zrɛ, ꞌɔ nyɔtu se -nɩ.