Filiipʋkɔmʋ 1:7 - Nyaboa (Nyabwa)

⁷ A -gblee, ɛ -nmɔꞌɔ-ɔ ꞌꞌyrili, -ka a -dieꞌa ꞌmʋ, ꞌɩn ꞌke -kaa aꞌba dɩ -kma, -ɛkedɩmaa, a -nmɔꞌɔ-ɔ ꞌle ꞌan ꞌlɩmʋ ti ꞌwee. A ꞌye li-ɔ, -Lagɔ ꞌnʋ-o ꞌɩnmʋ -zɛgɛ ꞌꞌlruli ꞌle ɔ ꞌye ɛ a-bee -bodɩ nʋ -lrɛɛ. ꞌTraamʋ ꞌtɔ ɔ, ꞌɩn -ke a ꞌbhɛɛꞌɛ-ɛ ꞌɔ ꞌꞌnitiwʋnnasʋ -lue ꞌmnɛ ꞌmʋ, -bho koo ɛ -nɩ, ꞌɔ ꞌꞌdɩzɩgɩꞌa kpanamʋ ꞌle a ꞌke ꞌɩnmʋ -kpa. -Bho ɛ ꞌꞌdu ꞌꞌyri -ke ꞌꞌyi ꞌɩn -nɩꞌa -jie ꞌmʋ ꞌtraamʋꞌa ꞌꞌbhuo a, ꞌle, -bho ɛ ꞌꞌdu ꞌan -zigleꞌa -nɔɔ -ke ti -da ꞌɩn-ɩ za nɩꞌa Zeziiꞌa dɩ ꞌmʋ ꞌbho nyʋꞌa ꞌꞌyigbeyi na ɩ-ɩ ꞌmo-o -ziadɩ, a ꞌke -kaa nʋ.

Filiipʋkɔmʋ 1:7 Cross References

Nʋnʋkpli 20:23

Lɛ -lue ꞌtɩn ꞌɩn yiboꞌa a, ꞌɩnnɛ ꞌmo-o, -Lagɔꞌɔ Lisaazuzu-u tɔ ꞌnɛ ꞌɩnmʋ -da ꞌꞌgɩɩ, ꞌle gwlɔꞌꞌo gwlɔ ꞌli na nyʋ-ʋ ꞌye-e ꞌɩnmʋ nyanɩ ꞌmʋ -kla -mʋ ꞌle ʋn ꞌke ꞌɩnmʋ -jie ꞌmʋ po.

Nʋnʋkpli 21:33

ꞌꞌSrojaꞌa -klagba ꞌmnɔ nʋꞌa -kaa, ɔ ꞌnyni-e ꞌPɔlʋ li ꞌle ɔ na: ꞌꞌSroja! A kpʋn ɔ, a -po nɔ gblokoe ꞌsɔn sʋɩ ꞌmʋ -lue -lue. ꞌLe ɔ ꞌye nyʋ tidede: Nyunyɔ yɔɔ ɔ ꞌꞌduꞌa? Koo ɔ -nynaꞌa?

1 Kɔlɛɛtɩkɔmʋ 13:7

-Bho koo dɩ -nɩ ꞌle ɩ ꞌke ɔ -bodɩ yi, ɔ-ɔ ꞌbhɛɛ ꞌnɩ-ɩ wɔnyi, ɔ-ɔ ꞌbhɔ-ɔ dɩꞌa dɩ. -Bho koo ꞌɔ -bonyunyɔ nʋ ɔ dɩ ꞌꞌlruli, ꞌɔ -zɔ ɔ kwa gbo, ꞌle ɔ -bodɩ ɔ-ɔ kuꞌo ꞌliti. -Bho nyɔ -zɔ ɔ dɩ -bodɩ ꞌmʋ, ꞌkpɩꞌa -wa nɔ ꞌꞌyiti, ꞌle ɔ-ɔ kuꞌo ꞌkpa ꞌꞌyi.

1 Kɔlɛɛtɩkɔmʋ 9:23

A ꞌye li-ɔ, ɩ-bɩ lɩ ꞌwee ꞌɩn-ɩ nʋꞌa, ꞌɩn-ɩ nʋ -ɩꞌo ꞌle Zeziiꞌa ꞌꞌdɩzɩgɩ ꞌke ba, ꞌle, nyʋ-ʋ ꞌwɔɔn ꞌnɩ, -Lagɔ ꞌke ʋ ꞌɩnmʋ ꞌgbaa ꞌle ɔ ꞌke -amʋ ꞌꞌniti-wʋnna.

2 Kɔlɛɛtɩkɔmʋ 3:2

Aꞌba ꞌꞌbhi-i -nɩꞌe ꞌbho -aꞌba ꞌꞌbɔgʋꞌa ꞌbɩ ꞌmʋ. -A yiboꞌo-o ꞌle -aꞌba -pɔlʋ gbo na, *Zezii *Kliisɩꞌa ꞌꞌbhuo-o nʋꞌo lbhʋ ꞌle aꞌba -pɔlʋ ꞌzɔ, ꞌle ɛ-ɛ tɔꞌɔ nyʋ na, lbhʋzɛgɛ -a nʋꞌo ꞌle aꞌba ꞌꞌklumʋ.

2 Kɔlɛɛtɩkɔmʋ 7:3

Ɛ -se ꞌɩn ꞌke aꞌba da ꞌꞌduꞌa dɩ, ꞌɩn-ɩ zɩ ɩ amʋ -bodɩ ꞌmʋ ꞌnɩ -ko. -Gba, ꞌɩn -zɩ ꞌɩ-ɩ amʋ -bodɩ ꞌmʋ see. ꞌƖn na, a-a ꞌmo-o nyʋ -aꞌba -pɔlʋ kpʋnꞌa ti tenyɩ. -Bho ɛ ꞌꞌdu tinɩlɛ o, -bho ɛ ꞌꞌdu ꞌmɛmɛlɛ o, -a ꞌpo-o amʋ ꞌlimʋ ꞌꞌkɔmʋ!

Galasiikɔmʋ 5:6

A -gblee, -bho nyɔ -ke Zezii Kliisɩ ꞌꞌsisri ꞌꞌyi, -bho ɔ mu *klɛ ꞌmʋ, -bho ɔ se klɛ ꞌmʋ mu, ꞌɛ -nyna nyɔ ka. Lɛ-ɛ ꞌma-a -zɛgɛ, ꞌɩnnɛ ꞌmo-o -a ꞌde -ɔ ꞌꞌgwli. -Ka -a de ꞌɔ ꞌꞌgwli, -aꞌba -bonyunyuꞌa dɩkmɛɛ-ɛ tɔꞌɔ ꞌna ꞌle -a kɩkmaꞌa -kɩkma dɩ.

Efɛɛzɩkɔmʋ 3:1

ꞌKa-a ɛ -nɩꞌe ꞌmʋꞌa dɩ a, ꞌɩn-ɩ poꞌo aꞌba dɩ *-Lagɔ wɔn gbo. Aꞌba nyʋtu ꞌɩn-ɩ zaꞌa *Zezii *Kliisɩꞌa ꞌꞌdɩzɩgɩ -bodɩ ꞌmʋꞌa dɩ ꞌɩn -po-ɛꞌɛ -jie ꞌmʋ.

Efɛɛzɩkɔmʋ 4:1

Ɩ -nɩꞌa ꞌtɔ -kaa ꞌmʋ-ɔ, ꞌɩnmɔ -yɔɔ ɔ, -aꞌba -Kɔyi *Zezii *Kliisɩꞌa ꞌꞌdɩzɩgɩ ꞌɩn-ɩ zaꞌa ʋn ꞌꞌdu ꞌɛ dɩ ʋn poꞌa ꞌɩnmʋ -jie ꞌmʋ, a-bee -mnʋʋ, ꞌɩn-ɩ ꞌpo-o amʋ ꞌkpa ꞌꞌyi. -Lagɔ ꞌlaꞌa amʋ ꞌle a ꞌyeꞌa ꞌbho ꞌɔ -jeyi ꞌkpa, kpli-i ꞌkɔ ɔ ꞌtʋ nʋ, a nʋ ɩ!

Efɛɛzɩkɔmʋ 6:20

A -gblee, *Zezii Kliisɩꞌa -dalbhoyi ꞌɩn ꞌꞌduꞌo ꞌle ꞌɩn-ɩ zaꞌa ꞌɔ ꞌꞌdɩ ꞌmnɩꞌa dɩ, ꞌɩn -po-ɛꞌɛ -jie ꞌmʋ. ꞌƐ dɩ ꞌɩn-ɩ ꞌtmʋʋꞌo amʋ, a ꞌke ꞌan dɩ -Lagɔ wɔn gbo po, -ka ɛ ꞌꞌsriꞌa ꞌɩnmʋ ꞌꞌyi ꞌɩn ꞌke nʋ ꞌꞌcɩcɩ, ꞌɩn ꞌke ꞌna ꞌꞌyrili-cɛ ꞌɩn ꞌke -wlu.

Filiipʋkɔmʋ 1:12

A -gblee, ꞌlotʋꞌa ꞌꞌnynuu-a, -ka ʋn poꞌa ꞌɩnmʋ -jie ꞌmʋ ꞌle ʋn ꞌyeꞌa ꞌɩnmʋ -zigle -tu, a yibo nɩ-oꞌo. ꞌBho ꞌɛ lemʋ, ꞌɩn ꞌybha-oꞌo a ꞌke yibo -lrɛɛke na nyʋtɔlʋ ꞌbɔ ꞌko-o ti, *Zezii *Kliisɩꞌa ꞌꞌdɩzɩgɩꞌa kpakpalbhʋ ꞌɩn-ɩ nʋꞌa a, ɛ ꞌke ꞌkɩ ti-nyna ꞌle ꞌan -jiemʋpoɛ ꞌmnɛ ꞌmʋ, ꞌle ɛ -see ti-nyna, ɛ-ɛ ꞌkpaꞌa ꞌꞌkpi ꞌꞌkɔmʋkɔmʋ.

Filiipʋkɔmʋ 1:13

ꞌƐ dɩ ꞌbhlʋkpayowliꞌa ꞌꞌsrojaꞌa klɛ -ke nyʋ -lrʋʋ yiboꞌo ꞌɩn-ɩ ꞌnʋ-o Kliisɩꞌa lbhʋꞌa dɩ ꞌɩn -nɩꞌe -jie ꞌmʋ.

Filiipʋkɔmʋ 1:14

ꞌBho ꞌɛ lemʋ, ꞌlotʋꞌa ꞌꞌnynuuꞌa -dadudu -ke -a -nɩꞌa -aꞌba -Kɔyi Zezii ꞌmʋ, ꞌan -jiepadɩ -see ʋ ꞌkpɩ ꞌꞌyiti-wa, ʋn -cɛꞌɛ-ɛ ꞌꞌyrili, -sɩanyɩꞌa ꞌlbhʋ ʋ ꞌtɔ ꞌle ʋn-ʋ kpaꞌa -Lagɔꞌɔ ꞌꞌdɩzɩgɩ -pɔlʋꞌa klɛ ti.

Filiipʋkɔmʋ 1:5

Lɛ-ɛ ꞌbhleꞌa ꞌnynɩ -ɛ -ke dɩ ꞌɩn-ɩ nʋꞌa ꞌna a, ꞌɩnnɛ ꞌmo-o, -ɛ ꞌnyaaꞌa -nɔɔ -ke ti a -de -nɩꞌa *Zezii *Kliisɩ ꞌꞌgwli ꞌle ɛ ꞌyeꞌa -zɩan ꞌꞌkpi bhla, a-bʋ -kpaꞌa ꞌɩnmʋ ꞌle ꞌɩn ꞌye ꞌɔ ꞌꞌdɩzɩgɩ kpa.

Filiipʋkɔmʋ 2:22

-Yɔ ꞌma-a Timotee a, a yiboꞌo-o, nyɔzɛgɛ ɔ ꞌꞌduꞌo. ꞌƖn -ke ɔ -nɩ ꞌsɔn, -a ꞌye gbobhete ꞌle -a ꞌye Zeziiꞌa ꞌꞌdɩzɩgɩꞌa kpalbhʋ nʋ. ꞌLe ɛ-bɛ lbhʋ ꞌmnɛ nʋnamʋ, -ka ꞌꞌyu-u kpa ka ꞌɔ -tɩta, ꞌka-a ꞌɩn -ke ɔ ꞌꞌsisriꞌo.

Filiipʋkɔmʋ 4:14

Ɛ -nɩꞌa -kaa ꞌmʋ a, ꞌle ꞌan sɩasɩaa ꞌmʋ, -ka a -seeꞌa ꞌɩnmʋ ꞌꞌyriti-po ꞌle a ꞌyeꞌa ꞌɩnmʋ -kpa a, lɛzɛgɛ a nʋꞌo.

Filiipʋkɔmʋ 4:15

Filiipʋkɔmʋ-a, aꞌba ꞌꞌbhi yiboꞌo-o na, -da a kpaꞌa Zeziiꞌa -jeyi -lreeka, -da ꞌɩn ꞌwlʋꞌa ꞌle aꞌba ꞌfɔ gbo Masedʋanɩbhlʋkpa ꞌꞌkpi ꞌle ꞌɩn ꞌke -Lagɔꞌɔ ꞌꞌdɩzɩgɩ kpa a, -gwlɔ -lrɛɛ ꞌmʋꞌa Zeziiꞌa -glɩgbawɔnyiꞌa nyʋ-ʋ ꞌka ꞌɩnmʋ ꞌjɛmɔni ꞌꞌnyɩ, ꞌwa nyɔ se -nɩ, -bho ɛ -se -yɩ aꞌba ꞌꞌsɛ ꞌꞌnyɩꞌa ꞌɩnmʋ, ꞌɩnnɩ ꞌɩn ꞌyeꞌe.

Filiipʋkɔmʋ 4:3

ꞌLe -mnaaaꞌa ꞌꞌbhuo -lrɛɛ, Sisigɩ, -ɩnmɔ -ke ꞌɩn -naꞌa tenyɩ, ꞌmna-a ꞌpo-o -ɩnmʋ ꞌsrʋ: Ʋ-bʋ ꞌnynʋkpakpɩ ꞌmnʋ, pa ꞌwa dɩ ꞌmʋ ꞌle ʋn ꞌke -ybhɛ! -Gblee, ʋn -nɩ ꞌsɔn, Klemaa ꞌkpʋ ꞌʋ ꞌꞌkpi, ʋn -ke nyʋ -lrʋʋ -ke ꞌɩn nʋꞌa -Lagɔlbhʋ, ꞌwa ꞌwee, ꞌmʋtikukuɛ ꞌmʋ ʋn -kpaꞌa ꞌɩnmʋ ꞌle -a ꞌye Zeziiꞌa ꞌꞌdɩzɩgɩ kpa. -Lagɔꞌɔ ꞌꞌbɔgʋ -ke ꞌli, nyʋ-ʋ -nɩꞌa ti ꞌbho ꞌɔ ꞌꞌyigbeyi, ꞌwa ꞌnynɩ-ɩ ꞌcnɩ-ɛꞌɛ, nyʋ ꞌwee ꞌmnʋꞌa ꞌnynɩ, ꞌle-e ɩ ꞌcnɩ-ɛꞌo.

Kolɔsʋkɔmʋ 4:18

ꞌAn ꞌlotʋꞌa ꞌꞌnynuu-a, ꞌɩnmɔ ꞌPɔlʋ ꞌyeꞌe amʋ! ꞌAn ꞌyewlu -nɛɛ, ꞌmna-aꞌa ꞌꞌbhuo-o ꞌcnɩ ɛꞌo. -Ka ꞌɩn -nɩꞌa -jie ꞌmʋ, aꞌba ꞌmate nɩ -le! -Lagɔ -wʋnna amʋ ꞌꞌniti!

Kolɔsʋkɔmʋ 4:3

Nyʋ-ʋ -nɩꞌa ꞌɩnmʋ -kpanamʋ ꞌbho -Lagɔꞌɔ lbhʋꞌa nʋnamʋ, a po ɔ wɔn gbo -lrɛɛ ꞌɩn -ke ꞌwa dɩ, ꞌle, ꞌɔ wlu -a zaꞌa nyʋ -bodɩ ꞌmʋ, ɔ ꞌke ꞌɛ -jolʋ wɔn-flɔ, ꞌle, *Zezii *Kliisɩꞌa ꞌꞌdɩzɩgɩꞌa dɩ-ɩ ꞌkpaꞌa ꞌtɔ ꞌꞌpiemʋ a, -a ꞌke ꞌya ꞌꞌkpidɩ gbɔzɩza, -a ꞌke ɩ ʋ ꞌtmʋʋ! A po ɔ wɔn gbo ꞌan dɩ, ꞌle, -ka ꞌɔ wlu ꞌlɛꞌɛ ꞌtɩn, ꞌɩn ꞌke ɛ -kaa nyʋ -bodɩ ꞌmʋ-za gbaa! A -gblee, ꞌɔ wluꞌa ꞌmʋzɛɛ ꞌmnɛꞌɛ dɩ, ꞌɩn -nɩꞌe ꞌnɔɔ -jie ꞌmʋ.

1 Tesalonikɩkɔmʋ 5:5

A -gblee, a ꞌꞌdu-o ꞌɔ nyʋ ꞌꞌfɩa ꞌwee.

2 Timotee 1:8

ꞌBho ꞌɛ lemʋ a, Timotee, po ꞌle ꞌkpɩ -ɩn ꞌke -aꞌba -Kɔyiꞌa ꞌꞌdɩzɩgɩ -za. Dɩnꞌa ꞌlbha -ɩnmʋ -le! ꞌƖnmɔ nyʋ poꞌa -jie ꞌmʋ ꞌɔ dɩ, ꞌmna-aꞌa dɩnꞌa ꞌlbha -ɩnmʋ -le -lrɛɛ! ꞌLe -mnɔɔɔ gbo a, ꞌwɔn ꞌɩn -ke -ɩn ꞌke sɩasɩaa -lue ꞌmʋꞌbhɛɛ -lrɛɛke ɩ-bɩ *Zeziiꞌa ꞌꞌdɩzɩgɩꞌa dɩ! Wɔnkuɛ -Lagɔ-ɔ ꞌꞌnyɩꞌa -ɩnmʋ a, ꞌle ɛ ꞌmʋ -nʋ -nɩ ꞌɛ lɛtu!

2 Timotee 2:9

ꞌƖnnɩɩnɩ ꞌbhleꞌe ꞌnynɩꞌa dɩ ꞌɩn-ɩ sɩaꞌo ꞌle ʋn ꞌye ꞌɩnmʋ gbloko -po ꞌle -jie ꞌmʋ. Nyɔ-ɔ nʋꞌa ꞌꞌnyinynidɩ, -ka ʋn-ʋ nʋ ꞌɔ ɔ, ꞌɔ -ka ʋn nʋꞌo ꞌɩnmʋ. Kɩn, ꞌle ꞌmna gbo a, ꞌɩnmɔ ʋn poꞌo -jie ꞌmʋ. -Lagɔꞌɔ wlu -mnɛɛ ɛ, ʋn -see ɛ -jie ꞌmʋ po. Ɛbɛ-ɛ mumu-o ꞌꞌkpiti.

Filemɔɔ 1:13

-Nɔɔ -ke ti ꞌɩn -nɩꞌa -bhla -jie ꞌmʋ Zeziiꞌa ꞌꞌdɩzɩgɩꞌa dɩ, ꞌɩn ꞌbɔ ꞌko-o ti, ꞌɩn ꞌke ɔ ꞌbho ꞌan ꞌꞌtroli tide, ꞌle -aꞌa ꞌnynɩ ꞌmʋ ɔ ꞌke ꞌan lbhʋ nʋ.

Eblee 3:1

ꞌKa-a ɛ -nɩꞌe ꞌmʋꞌa dɩ, ꞌan ꞌlotʋꞌa ꞌꞌnynuu-a, ꞌle -Lagɔ ꞌye amʋ ꞌbho -za, a ꞌke ꞌɔ nyʋ ꞌꞌdu. *Zezii ɔ lbhoꞌa ꞌnɔɔ -amʋ gbo ɔ ꞌke -amʋ ꞌɔ ꞌꞌdɩzɩgɩ -ya, -ɔ ꞌꞌsiꞌa ꞌbho -ɔ ꞌꞌduꞌa ꞌɔ ꞌsragazayiklagba, a ꞌꞌdu ɔ ꞌꞌyrili! Lɩ -a deꞌa ꞌꞌgwli, -a zaꞌa nyʋ -bodɩ ꞌmʋ, ɔ-bɔ Zezii -ke ꞌꞌkpidɩ ɩ-ɩ zaꞌa ꞌmʋ, ꞌɔ nymɔ ꞌwla-a ti ꞌle ɔ ꞌye ꞌmɛ. -Aꞌba *ꞌsraga ɔ -zaꞌa -kaa, ꞌɩnnɛ zetieꞌe -amʋ ꞌle -aꞌba ꞌꞌnyinynidɩ ꞌmʋ ꞌle -a -ke -Lagɔ ꞌye -ybhɛ.

1 ꞌPiɛlɩ 4:13

-Bho a -ka ꞌkle-e ꞌye a, a ꞌwa-a ti, -ɛkedɩmaa, *Zezii *Kliisɩꞌa sɩasɩaa-a -nɩ ꞌka, ꞌɩnnɛ a -ke ɔ-ɔ ꞌgbleꞌe ꞌmʋ. -Bho a nʋ -kaa a, ꞌꞌlemnɩɩ, -nɔɔ -ke ti nyʋ-ʋ ꞌyeꞌa ꞌɔ ꞌnynɩꞌa ꞌꞌyibhɛɛɛ liꞌye mʋ, a-a ꞌli-e ꞌbʋbʋaklagba.

1 ꞌPiɛlɩ 5:1

ꞌKa-a ɛ -nɩꞌe ꞌmʋꞌa dɩ, nyʋ-ʋ -nɩꞌa ꞌle aꞌba ꞌꞌklumʋ, -ʋ ꞌma-a *Zezii *Kliisɩꞌa -glɩgbaꞌa ꞌꞌlrutidemʋ, ꞌɩnnʋ ꞌɩn-ɩ ꞌꞌsiꞌe -laa ꞌnynɩ. ꞌƆ -glɩgbaꞌa ꞌꞌlrutideyi ꞌmna-aꞌa ꞌꞌbhuo ꞌꞌduꞌo -lrɛɛ. Ɔ -nɩꞌa ꞌnɔɔ ꞌkmʋ ꞌmʋ, ꞌkle ɔ ꞌyeꞌa a, ꞌɩn-ɩ ꞌmo-o ꞌya -dayeyi. -Da ɔ-ɔ ꞌyeꞌa le -yi -nɩ mʋ ꞌle ꞌɔ ꞌnynɩꞌa ꞌꞌyibhɛɛɛ ꞌmʋ, -ka aꞌba ꞌnynɩ ꞌka ꞌꞌyiꞌbhɛ ꞌle ꞌan nɛ ꞌke -kaa -nɩ -lrɛɛ. A -gblee, ꞌɩn-ɩ ꞌꞌdu-o amʋ ꞌꞌsrɩn ꞌmʋ na:

2 ꞌPiɛlɩ 1:13

-Bhladɩ ꞌɩn -nɩꞌa ꞌnɔɔ ꞌkmʋ ꞌmʋ, ꞌɩn -seeꞌa ꞌmɛ ke a, ɛ -nmɔꞌɔ-ɔ ꞌꞌyrili ꞌɩnmʋ -bodɩ ꞌɩn ꞌke amʋ ꞌgwlʋtipopo ꞌyrɛlɛɛ ꞌle a ꞌke ꞌmʋtiyaa.

1 ꞌZaan 3:14

-Ka -a -seeꞌa ꞌtɔ ꞌmɛ ꞌle -a -nɩꞌa ti ꞌbho -Lagɔꞌɔ ꞌꞌyigbeyi, -a yibo nɩ-oꞌo, -ɛkedɩmaa, -a -kmaꞌa-a -aꞌba -bonyunyuꞌa dɩ. Nyɔ-ɔ seꞌa ꞌɔ -bonyunyɔꞌɔ dɩkmɛɛ ꞌmʋꞌbhle, ꞌɔ nyɔtu ꞌbhle-e ꞌmɛmɛɛ ꞌꞌkpi ꞌbho -Lagɔꞌɔ ꞌꞌyigbeyi.