Filiipʋkɔmʋ 1:4 - Nyaboa (Nyabwa)

⁴ ꞌLe ꞌan *-Lagɔꞌɔ wɔngbopowlu ꞌwee ꞌmʋ, a -nɩ klɛꞌɛ ꞌnynɩꞌa bɔ ꞌle. ꞌƖn-ɩ nʋ -ɛꞌo ꞌꞌkɔmʋ ꞌle ꞌbʋbʋa ꞌmʋ.

Filiipʋkɔmʋ 1:4 Cross References

Maakɩ 5:5

ꞌWɩ ꞌwee ꞌli ꞌꞌmatʋ -ke zɔ ꞌmʋ, ɔ-ɔ ꞌna-a ꞌle zokoe ꞌmʋ -ke ꞌle -gɔgɔɛ ꞌꞌkpi ti. Ɔ-ɔ ꞌꞌpna, ɔ-ɔ ꞌꞌluo sɩkpɩ ꞌmʋ, ɔ-ɔ cɛ nɩ ꞌɔ ꞌꞌbhuoꞌa ku ꞌꞌgbli. Ɔbɔ ꞌmnɔ, ꞌɩnnɔ muꞌo Zezii -jeyi.

Luukɩ 15:10

ꞌƖn-ɩ ꞌtmʋʋꞌo amʋ-ɛ, -ka -lue ꞌmnɔ, ꞌka-a, -bho nyɔ -lue ꞌtɩn yibo ꞌɔ ꞌꞌnyinynidɩ ꞌꞌyi ꞌle ɔ ꞌke -Lagɔ gbo ꞌꞌbhiti, ꞌle -Lagɔ -ke ɔ gboꞌa -dalbhomʋ-ʋ liꞌe ꞌbʋbʋa.

Luukɩ 15:7

ꞌƖn-ɩ ꞌtmʋʋꞌo amʋ-ɛ, -ka -lue ꞌmnɔ, ꞌka-a, -bho nyɔ -lue ꞌtɩn yibo ꞌɔ ꞌꞌnyinynidɩ ꞌꞌyi ꞌle ɔ ꞌke -Lagɔ gbo ꞌꞌbhiti a, -Lagɔ-ɔ ꞌli-e ꞌɛ ꞌbʋbʋa. Nyʋꞌa -gwlɩ nyiɛ nyʋ -bue ꞌyɔ -mɛɛnyiɛ, -ʋ ꞌlaꞌa ꞌwa ꞌꞌbhi kplizɩgɩꞌa nʋmʋ ꞌle -ʋ -seeꞌa tiꞌbɔ ʋn ꞌke ꞌwa ꞌꞌnyinynidɩ ꞌꞌyiyibo ꞌle ʋn ꞌke -Lagɔ gbo ꞌꞌbhiti, ɛ-bɛ ꞌbʋbʋa ꞌmnɛ -ziꞌe-e ꞌwa nɛ ꞌmʋ.

ꞌWlɔmʋkɔmʋ 1:9

-Lagɔ -ke lbhʋ ꞌɩn-ɩ nʋꞌa ꞌan -pɔlʋꞌa klɛ ti ꞌle ꞌɩn-ɩ zaꞌa ꞌɔ ꞌꞌyuꞌa ꞌꞌdɩzɩgɩ ꞌmʋ a, -bho ꞌɩn -ka aꞌba dɩ ɔ *wɔn gbo-o po, -ka ꞌan ꞌmateꞌa amʋ gbo -ziaka, ɔ yibo nɩ-oꞌo. Aꞌba ꞌnynɩꞌa bɔ ꞌle ꞌan -Lagɔꞌɔ wɔngbopowlu ꞌli ꞌꞌkɔmʋ.

Filiipʋkɔmʋ 2:2

ꞌꞌlemnɩɩ, a kɩkma -kɩkma dɩ ꞌꞌkɔmʋ, ꞌle a ꞌke -naagɩ -ke -pɔlʋ -lue ꞌbhle ꞌꞌkɔmʋ! ꞌLe, ꞌbʋbʋa ꞌɩn-ɩ liꞌa aꞌba dɩ, ɛ ꞌke ꞌtɔ ꞌꞌyiꞌbhɛ tenyɩ.

Filiipʋkɔmʋ 3:18

Ɛ -se bhubhuyiti ꞌɩn ꞌlɛꞌɛ -kaa -ko. Nyʋꞌa -dadudu -nɩꞌe ꞌbho-ɛ: -ka ʋn-ʋ nʋꞌa, ꞌka se ꞌꞌyrili-nmɔ. ꞌƖn -zaꞌa ꞌwa ꞌꞌkpidɩ ꞌmʋ-ɛ kpɛꞌɛ -dadudu, ꞌle ꞌtraamʋ, -bho ꞌɩn -ka ꞌbho ꞌɛ ꞌꞌkpi le-e yi a, ɛ-ɛ yaꞌa ꞌɩnmʋ ꞌꞌmi ꞌꞌyri. Ʋ-bʋ nyʋ ꞌmnʋꞌa -nabhʋ ʋn-ʋ naꞌa a, ꞌɩnnɛ nʋꞌo nyʋ -bodɩ na: -Ka Zezii ꞌmɛ -nɩꞌa ꞌbho nyʋyrilbhaatu ꞌꞌyri, lɛ ɛ-ɛ zaꞌa ꞌzɔ, ꞌwa ꞌwɔɔn nɛ tukutuku ꞌle ʋn ꞌke ɛ ꞌli ti-de.

Filiipʋkɔmʋ 4:1

ꞌƖnnɛ ꞌbhleꞌe ꞌnynɩꞌa dɩ a, ꞌan dɩkmalotʋꞌa ꞌꞌnynuu-a, a-bʋ -ke ꞌtʋ-ʋ ꞌlbhaꞌa ꞌɩnmʋ tenyɩ ꞌle ꞌan -pɔlʋ-ʋ ꞌwlaꞌa ꞌꞌyiti ꞌɩn ꞌke ꞌye a, -ziadɩ moꞌo, aꞌba dɩ-ɩ ꞌlbhaaꞌa ꞌɩnmʋ ꞌbʋbʋa ꞌꞌyi. A-beeꞌa dɩ ꞌɩn ꞌke ꞌnynɩ ꞌwlʋ -lrɛɛ. ꞌƐ dɩ a, ꞌan dɩkmalotʋꞌa ꞌꞌnynuu-a, a kuku ꞌmʋti ꞌle a -ke -aꞌba -Kɔyi *Zezii ꞌke ꞌꞌyiꞌꞌsisri -ka -zɛgɛka ꞌꞌkɔmʋ!

Kolɔsʋkɔmʋ 2:5

-Bho koo ꞌɩn -tɛ gbo -dɩ, a de ꞌꞌgwli na, ꞌan -pɔlʋ ꞌwla-a amʋ ꞌꞌyi ti. -Ka aꞌba Zezii Kliisɩꞌa ꞌꞌgwlideɛ kuꞌa ꞌmʋ ꞌle a kpʋkpʋnꞌa ti, ɛ-ɛ ꞌlbhaa-a ꞌɩnmʋ ꞌbʋbʋa ꞌꞌyi.

1 Tesalonikɩkɔmʋ 1:2

A ꞌye li-ɔ, -bho -a -ka *-Lagɔ wɔn gbo-o po, -a popo-o aꞌba ꞌweeꞌa dɩ ꞌgwlʋti ꞌꞌkɔmʋ ꞌle -a po ꞌɔ ꞌsɛɛ aꞌba dɩ.

Filemɔɔ 1:7

ꞌAn ꞌlotʋꞌa ꞌꞌyu, -ɩn ꞌye li-ɔ, -aꞌa nyʋꞌa dɩkmɛɛ ꞌpo-o ꞌɩnmʋ ꞌbʋbʋaklagba -pɔlʋ ꞌzɔ ꞌle ɛ-ɛ poꞌo ꞌɩnmʋ ꞌkpa ꞌꞌyi tenyɩ, -ɛkedɩmaa, -a ꞌꞌnyɩ-e Zeziiꞌa nyʋꞌa -dadudu ꞌmʋtikukuɛ.

2 ꞌZaan 1:4

-Ka -aꞌba -tɩta ꞌmnɔ ꞌbɔꞌɔ ti -a ꞌke -na ꞌbho ꞌɔ -jeyi ꞌle -a ꞌke ꞌle ꞌɔ -ziadɩ ꞌli ti-de, ꞌɩn ꞌye-e li na ꞌka-a aꞌba tɔlʋ-ʋ naꞌo. ꞌƖn ꞌyeꞌa -kaa ꞌɛ lɛtu li a, ꞌbʋbʋa ꞌlbhaꞌa ꞌɩnmʋ-ɛ tenyɩ.