Filiipʋkɔmʋ 1:18 - Nyaboa (Nyabwa)

¹⁸ ꞌMna gbo, ꞌya ꞌweeꞌa -nyna ꞌɩnmʋ ka. -Bho ꞌwa -naagɩ -nmɔ ꞌꞌyrili o, -bho ɩ se ꞌꞌyrili-nmɔ o, ꞌle ꞌmna gbo, Kliisɩꞌa ꞌꞌdɩ ba-oꞌo. ꞌƐ dɩ ꞌɩn-ɩ liꞌe ꞌbʋbʋa ꞌle ꞌɩn-ɩ ꞌye ɛ -li mʋ -lrɛɛ.

Filiipʋkɔmʋ 1:18 Cross References

Matiee 23:13

*Zezii poꞌa wlu ꞌmnɛ ti a, ɔ na: A-bʋ *-Lagɔꞌɔ gbayibomʋ -ke *Faliziɛɛn, a-a ꞌmo-o -mɩɛ ꞌsɔn wɔn ꞌmʋ ꞌbhlemʋ, -ɛkedɩmaa, -ka a-a ꞌlɛꞌɛ, aꞌba nʋ -kaa. -Yeee! Ngazedɩ! Abʋ -see tiꞌbɔ -Lagɔ ꞌke amʋ -kɔ, ꞌle, nyʋ-ʋ ꞌbɔꞌɔ ti -Lagɔ ꞌke ʋ -kɔ, a-bʋ ka ꞌnʋ -budu le. ꞌƐ dɩ, a-a ꞌye ꞌkle ꞌye mʋ tenyɩ. [

Maakɩ 12:40

-Bho ʋn -ka *-Lagɔ wɔn gbo-o po, nyʋ ꞌke ʋ ꞌbho ꞌꞌduꞌa dɩ, ꞌka-a ʋn ꞌbhle ɛꞌo kplokplokplo. Ʋn-ʋ nʋꞌa -bhla -kaa a, ʋn-ʋ ꞌlbha-a -dɩgbanynʋkpakpɩ ꞌꞌyrabha ꞌmʋ ꞌle ʋn-ʋ zʋ ꞌʋ lɩ kwa ꞌmʋ. Ʋ-bʋ nyʋ ꞌmnʋ, -Lagɔ-ɔ ꞌye -ʋ -zigle -tu -mʋ tenyɩ.

Luukɩ 9:45

Ɔ ꞌlʋ ꞌʋ -kaa ꞌꞌyi, ʋn -see ꞌɔ wluꞌa ꞌzɔ ꞌmʋtiꞌwɔn. -Lagɔꞌɔ ꞌꞌbhuo-o ꞌꞌzize nɛ ꞌʋ ꞌꞌyrili ꞌle ʋn -see ɛ ꞌmʋtiꞌwɔn. Nymɔ-ɔ ꞌꞌsi ꞌʋ ꞌgwlʋꞌa dɩ, ʋn -see ꞌybha ʋn ꞌke ɔ tidede.

Luukɩ 9:50

ꞌLe ɔ na: A -gblee, nyɔ -yɔ -ke a -seeꞌa ꞌꞌyidede, ɔ-ɔ ꞌmo-o aꞌba -nɔ. ꞌƐ dɩ aꞌba ꞌkaa nɔ ꞌmʋ -le!

ꞌWlɔmʋkɔmʋ 3:9

-Bho ꞌɩn ꞌlɛ -kaa amʋ ꞌꞌyi a, a-bee -mnʋʋ -bodɩ ꞌle, -a-bʋ *ꞌZuifʋ, -a ꞌꞌdu-o -zɛgɛ -a ꞌye ꞌꞌsesinyʋ ꞌmʋ-ziꞌa? -Gba! Ɛ se -kaa ꞌmʋ-nɩ. A -gblee, ꞌɩn -zɩ ꞌɩ ꞌmʋ-ɛ see, -a-bʋ ꞌZuifʋ -ke ꞌꞌsesinyʋ ꞌwee -nɩꞌa ꞌkmʋ ꞌmʋ, ꞌꞌnyinynidɩ -kɔꞌɔ -amʋ ꞌꞌlru ꞌmʋ ꞌwee.

ꞌWlɔmʋkɔmʋ 6:15

Ɛ -nɩꞌa ꞌtɔ -kaa ꞌmʋ ꞌle, koo -a ꞌke ꞌlɛꞌɛ? -Lagɔꞌɔ ꞌlimʋꞌa wɔnnmɔɛ-ɛ -kɔꞌɔ -amʋ ꞌꞌlru ꞌmʋ, ꞌle ɛ -se -aꞌba ꞌꞌbhiꞌa ꞌmʋtikukuɛꞌɛ ꞌmʋpɛɛɛ -see ꞌtɔ -amʋ ꞌꞌlru ꞌmʋ -kɔ yi ꞌbho leꞌa dɩ a, -a ꞌbhɛɛꞌo -a ꞌke ꞌꞌnyinynidɩ nʋꞌa? -Gba, ɛ se -kaa ꞌmʋ-nɩ.

1 Kɔlɛɛtɩkɔmʋ 10:19

ꞌMna-a dedeꞌe-e amʋ ti, ꞌsraganmi nyunyɔ-ɔ zaꞌa kɔkuiꞌa dɩ ꞌle, koo ɛ -zaꞌa ꞌzɔꞌɔ? -Ka ꞌmna nʋꞌa: Kɔku ꞌka nyɔꞌɔ ꞌwɩ ꞌbhle, ɛ se -nɩ. Bhubhuyitiꞌa lɛ moꞌo. -Ziadɩ moꞌo. Ɛ -nɩꞌa -kaa ꞌmʋ a, ꞌsraganmi nyɔ-ɔ zɩ ꞌɩ -bodɩ, ꞌꞌnyinynidɩꞌa -zuzu -bodɩ ɔ-ɔ nʋ ɩꞌo. -Bho ɔ -ka -kaa-a nʋ a, ɔ -ke ɩ ꞌꞌsisriꞌe-e ꞌꞌyi. ꞌLe ꞌmna gbo a ꞌɩn -see tiꞌbɔ a -ke ɩ ꞌke ꞌꞌyiꞌꞌsisri.

1 Kɔlɛɛtɩkɔmʋ 14:15

ꞌKa-a ɛ -nɩꞌe ꞌmʋꞌa dɩ, leelɛ -ɩn ꞌke nʋꞌa? -Ɩn ꞌke ꞌle -Lagɔꞌɔ Lisaazuzuꞌa wlu ꞌmnɩ ꞌmʋ *-Lagɔ wɔn gbo -po -nɩ, ꞌle -aꞌa -naagɩ ꞌmʋ -ɩn ꞌke ɔ wɔn gbo po -lrɛɛ. -Ɩn ꞌke ꞌɔ Lisaazuzuꞌa wlu ꞌmnɩ ꞌmʋ -bhle -nɩ ꞌle -ɩn ꞌke -aꞌa ꞌꞌbhuoꞌa wlu ꞌmʋ -bhle -nɩ -lrɛɛ.

1 Kɔlɛɛtɩkɔmʋ 15:11

Ɩ-bɩ dɩ ꞌwee ꞌmnɩ, ꞌka-a ɩ -nɩꞌe ꞌmʋꞌa dɩ a, -bho ɛ ꞌꞌdu ʋ-bee-e kpaꞌa Zeziiꞌa ꞌꞌdɩzɩgɩ o, ꞌle ɛ ꞌke ꞌmna ꞌꞌdu o, ɛ se dɩ ꞌbhle. Wlu -lue -aꞌba ꞌwee-e zaꞌa ꞌmʋ, ꞌɩnnɩ a deꞌe ꞌꞌgwli.

Filiipʋkɔmʋ 1:19

ꞌLe ꞌya ꞌwee ꞌmʋ a, a-a ꞌpo-o ꞌan dɩ *-Lagɔ wɔn gbo ꞌꞌkɔmʋ, ꞌle *ꞌɔ Lisaazuzu-u kpaꞌa ꞌɩnmʋ ꞌle lɛꞌꞌo lɛ ꞌmʋꞌa dɩ, ꞌɩn yiboꞌo ꞌle ɩ-bɩ sɩasɩaalɩ ꞌmnɩꞌa ꞌwee ꞌmʋ ꞌɩn-ɩ ꞌye-e ꞌꞌyiflɔɛ ꞌye -mʋ.