Filiipʋkɔmʋ 1:15 - Nyaboa (Nyabwa)

^15-17 A ꞌye li-ɔ, nyʋtɔlʋ-ʋ ꞌza-a Kliisɩꞌa ꞌꞌdɩzɩgɩ ꞌmnɩ ꞌle -pɔlʋzɛgɛ ꞌmʋ. ꞌWa nyʋtu-u ꞌnʋ-o -kaa ꞌle ʋn -kmaꞌa ꞌan dɩ. Ʋn yiboꞌo-o -lrɛɛ -ka ꞌɩn -nɩꞌa ꞌbho, ꞌle, -ka -Lagɔꞌɔ ꞌꞌdɩzɩgɩ ꞌꞌduꞌa -ziadɩ, ꞌɩn ꞌke ꞌna nyʋ -tɔ. Ɛ -nɩꞌa -kaa ꞌmʋ a, nyʋ -lrʋʋ-ʋ ꞌza-a ɩ-bɩ ꞌꞌdɩzɩgɩ ꞌmnɩ ꞌan ꞌꞌmʋnynɩnʋkamʋ ꞌle ɩ ꞌbhleꞌe depoɛ kli. Ʋ-bʋ nyʋ ꞌmnʋ gbo a, ꞌwa ꞌꞌbhiꞌa dɩ ʋn-ʋ ziꞌo, -naagɩ ʋn ꞌbhleꞌa, ɩ se ꞌꞌyrili-nmɔ, ꞌle, ꞌnɔɔ ꞌɩn -nɩꞌa -jie ꞌmʋ, ʋn ꞌbɔꞌɔ ti ʋn ꞌke ꞌɩnmʋ ꞌꞌwibhʋ ꞌmʋ ꞌcnaa.

Filiipʋkɔmʋ 1:15 Cross References

Matiee 23:5

Ʋn-ʋ ꞌnʋ-o lɛꞌꞌo lɛ-ɛ ꞌkʋ ʋ ꞌꞌyrili-ya. Lɩtɔlʋ ʋn-ʋ nʋꞌa, ꞌɩnnɩ ꞌka-a: -Bɔtɔ -ke ꞌlimʋ -Lagɔwludidi -nɩꞌa ʋn-ʋ poꞌa sʋ ꞌmʋ -ke ꞌꞌyigbeyi ti, ʋn-ʋ ꞌbhɛɛ ꞌnɩ-ɩ ꞌꞌyi. ꞌLe ʋn-ʋ tɛꞌɛ ꞌwa -vilɔbanɩꞌa wɔndrɩꞌa -wlawlɩ ti ꞌle ʋ-beeꞌa nɩ -ke nyʋ -lrʋʋꞌa nɩ -kaa gʋgɔ ꞌle nyʋ ꞌke ʋ ꞌyra.

Nʋnʋkpli 10:36

A -gblee, *Zezii *Kliisɩ ꞌmo-o nyʋ ꞌweeꞌa -kɔyi. -Ka -Lagɔ -yi -nɩ ꞌnɔ ꞌmʋ, ꞌle nyʋ ꞌke -pɔlʋꞌa bhlubhlua ꞌye, ɩ-bɩ ꞌꞌdɩzɩgɩ ꞌmnɩ ɔ -yaꞌa *Izrayɛɛlɩkɔmʋ, a yiboꞌo-o ꞌna.

Nʋnʋkpli 11:20

ꞌLe, ꞌwa tɔlʋ -yʋ -sɔꞌɔ Siplʋbhlʋkpa ꞌꞌkpi -ke Silɛɛnɩgwlɔ ꞌmʋ, nyʋ-ʋ -seꞌa-a ꞌZuifʋ -nɩꞌa Atiɔsɩ, ꞌɩnnʋ ʋn kpaꞌa -aꞌba -Kɔyi Zeziiꞌa ꞌꞌdɩzɩgɩ gbo.

Nʋnʋkpli 5:42

ꞌƖnnɛ ꞌbhleꞌe ꞌnynɩꞌa dɩ, zɔꞌꞌo zɔ ꞌle *-Lagɔꞌɔ bʋbɔbhlegbo -ke -bidi -lrɩɩ ꞌli ʋn-ʋ tɔꞌɔ nyʋ, ꞌle, Zezii, *-Lagɔꞌɔ ꞌBhozayi -ɔ ꞌpʋʋnꞌa nyʋ, ʋn-ʋ zaꞌa ꞌɔ ꞌꞌdɩzɩgɩ ꞌmʋ ꞌꞌkɔmʋkɔmʋ.

Nʋnʋkpli 8:35

-Ɩn ꞌye li-ɔ, Filiipʋ ꞌꞌluoꞌo-o wlu ꞌmʋ, ɔ -nɩ wlu ꞌmnɛ gbɔzɩzanamʋ ꞌle ɔ ꞌye ɛ Zeziiꞌa ꞌꞌdɩzɩgɩ ꞌꞌyiꞌꞌdudu ꞌle ɔ ꞌye ɛ ɔ -tɔ.

Nʋnʋkpli 8:5

ꞌle Filiipʋ -mnɔɔ ꞌye *Samaliibhlʋkpa ꞌꞌkpiꞌa -gwlɔ -lue ꞌmʋ nyni. *-Lagɔꞌɔ ꞌBhozayi, Zezii, -ɔ ꞌpʋʋnꞌa nyʋ, ꞌbho-o ɔ-ɔ za nɩꞌe ꞌɔ ꞌꞌdɩzɩgɩ nyʋ -bodɩ ꞌmʋ,

Nʋnʋkpli 9:20

ꞌBho -gbaa -lue ꞌmʋ, ꞌle *-Lagɔwluꞌa ꞌlicɩaanbidi ꞌli ɔ ꞌkpa-a ꞌbho ɔ-ɔ zaꞌa *Zeziiꞌa ꞌꞌdɩzɩgɩ, ɔ-ɔ nʋꞌo: Ɔ-bɔ Zezii ꞌmnɔ, -Lagɔꞌɔ ꞌꞌyu moꞌo.

ꞌWlɔmʋkɔmʋ 2:8

ꞌLe nyʋ-ʋ ꞌbɔꞌɔ ꞌwa ꞌꞌbhiꞌa -zɛgɛꞌɛ ꞌꞌsɛ ti, ꞌwa ꞌwɔn ʋn ꞌke -ziadɩ ꞌbɩ -na a, ꞌle ʋn-ʋ pleꞌa ꞌꞌnyinynidɩ kli, -Lagɔ -see ꞌwa ngaze ꞌye yi. ꞌƆ ꞌcɛkʋta -nɩ ꞌnʋ-ʋ ꞌꞌkpi.

1 Kɔlɛɛtɩkɔmʋ 1:23

Ɛ -nɩꞌa -kaa a, Zezii *Kliisɩ nyʋ ꞌlbha -nɩꞌa ꞌbho nyʋyrilbhaatu ꞌꞌyri, ꞌɔ ꞌꞌdɩ -a zaꞌa ꞌmʋ. -Bho -a -kɩ ɩ ꞌmʋ-ʋza, ꞌle ꞌZuifʋ ꞌke ɩ ꞌbʋꞌwɔn ɔ, ʋn-ʋ ꞌpo-o ꞌcɛ, ꞌle, nyʋ-ʋ -seꞌa-a ꞌZuifʋ, ʋ-bee -mnʋʋ -bodɩ a, bhebhelɩ moꞌo.

1 Kɔlɛɛtɩkɔmʋ 13:3

-Ɩn ꞌbhɛɛꞌo -ɩn ꞌke -Lagɔꞌɔ dɩ ꞌꞌdu, lɩ ꞌwee -ɩn ꞌbhleꞌa a, -ɩn ꞌke ɩ ꞌꞌpʋanmʋ ꞌꞌyitiꞌgblee ꞌꞌfɩa, ꞌle -ɩn ꞌke ꞌɔ dɩ ꞌꞌdu -ɩn ꞌke sin, -ɩn ꞌke ꞌmɛ ɛ, -bho -ɩn se -ɩn -bonyunyɔꞌɔ dɩkmɛɛ ꞌmʋꞌbhle a, -ɩn -see ꞌbho lɛ ꞌyee yi.

2 Kɔlɛɛtɩkɔmʋ 1:19

A ꞌye li-ɔ, ꞌɩnmɔ ꞌPɔlʋ-e *Silɩvɛɛ -ke Timotee, -Lagɔꞌɔ ꞌꞌyu Zezii *Kliisɩ -ke ꞌꞌkpidɩ -a zaꞌa amʋ -bodɩ ꞌmʋ, ɔ se wlu ꞌsɔn wɔn ꞌmʋ ꞌbhle. Ɔ-ɔ ꞌmo-o -ziadɩꞌa ꞌmʋzayi ꞌꞌkɔmʋ.

2 Kɔlɛɛtɩkɔmʋ 11:13

A -gblee, ʋ-bʋ nyʋ ꞌmnʋ a, ʋn-ʋ ꞌmo-o *Sataanꞌa -dalbhomʋ, ʋn -se Zezii Kliisɩꞌa nʋ -ko. Lbhʋ ʋn-ʋ nʋꞌa a, ꞌwa -za -ziadɩ ꞌmʋ ꞌbho ꞌɛ ꞌꞌkpi. Ʋn-ʋ ꞌnʋ-o nyʋ ꞌꞌyrabha ꞌꞌlruli ꞌle ʋn ꞌke ꞌꞌgwlide na, Zeziiꞌa -dalbhomʋ ʋn ꞌꞌduꞌo, nʋ.

2 Kɔlɛɛtɩkɔmʋ 12:20

Aꞌba nymɔ-ɔ -nɩꞌe ꞌɩnmʋ ꞌgwlʋ ꞌꞌsinamʋ. -Bho ꞌɩn -ka ꞌle amʋ gbo le-e yi, ꞌɩn -see ꞌybha, kpli-i ꞌka ꞌɩnmʋ li-nya, a ꞌke ɩ ꞌmʋ-nɩ. -Bho ɩ -nɩ -kaa ꞌmʋ a, ꞌɩn-ɩ ꞌye-e amʋ dɩ ꞌꞌyi-kpa -mʋ ꞌle ꞌan kpli -see amʋ ꞌtʋ -nʋ yi -lrɛɛ. A ꞌye li-ɔ, ꞌꞌnyinynidɩ ꞌꞌyiꞌa ꞌle nyunyɔꞌɔ -pɔlʋ gbo: jɛjɛɛ o, ꞌꞌmʋnynɩ o, ꞌcɛmnayibhleɛɛ o, limumuɛ o, -bonyunyuꞌa ꞌꞌnyinyniwluꞌa -bodɩ ꞌmʋzɛɛ o, -bonyunyɔꞌɔ cɛcɛɛ o, ꞌꞌjɛꞌɛ ꞌꞌyibhɛɛɛ o, -bho ꞌɩn -ka ꞌle-e yi, ɩ-bɩ ꞌꞌnyinynikpli ꞌmnɩ, a -kɩɩ ɩ ꞌli -nɩꞌa dɩ nymɔ-ɔ ꞌꞌsiꞌe ꞌɩnmʋ ꞌgwlʋ.

2 Kɔlɛɛtɩkɔmʋ 4:5

-Ka ɔ ꞌꞌduꞌa nyʋ ꞌweeꞌa -kɔyi, ꞌɩnnɩ -a zaꞌa ꞌmʋ. -Aꞌba wɔnꞌɔ bhla -aꞌba ꞌꞌbhi ꞌꞌyi. -Ka -a ꞌꞌduꞌa ꞌɔ dɩ ꞌle -a nʋꞌa amʋ lbhʋ -bodɩ, ꞌya ꞌꞌsɛ -a zaꞌa nyʋ -bodɩ ꞌmʋ.

Galasiikɔmʋ 2:4

ꞌTraamʋ ꞌtɔ ɔ, -bho klɛmʋmudɩ -sɔ ꞌꞌyiglu, ꞌꞌlemnɩɩ, nyʋ-ʋ nɩꞌa ꞌnɔɔ -aꞌba ꞌnynɩgbo -ʋ ꞌlaꞌa ꞌwa ꞌꞌbhi -a -bogwlidemʋ, ꞌɩnnʋ ꞌbɔꞌɔ ti nyʋ ꞌke klɛ ꞌmʋ -kpɛ ꞌle ʋn ꞌke ꞌꞌyisrɛɛmʋ ꞌꞌdu ꞌbho -Lagɔꞌɔ ꞌꞌyigbeyi. Ʋ-bʋ nyʋ ꞌmnʋ ꞌyi-e ꞌnɔɔgbɛ -aꞌba ꞌꞌklumʋ ꞌꞌdɩ tibɔnamʋ ꞌle ʋn-ʋ ꞌmaꞌa ꞌmʋti, ꞌle, -ka -a ꞌyeꞌa ꞌꞌyiflɔɛ ꞌle -a -ke Zezii ꞌyeꞌa ꞌꞌyiꞌꞌsisri, ʋn ꞌke ɛ ꞌꞌyrili-gwɛ. Ʋn ꞌbɔ-ɔ ti ꞌle ꞌZuifʋꞌa gba ꞌke -amʋ ꞌgeyiɛ ꞌmʋ kpʋn ꞌle -a ꞌke ꞌle ꞌya ꞌmʋ ꞌꞌyisrɛɛmʋ ꞌꞌdu.

Filiipʋkɔmʋ 2:3

ꞌLe aꞌba nʋnʋkpli ꞌmʋ, aꞌba zi aꞌba ꞌꞌbhiꞌa ꞌꞌsɛꞌɛ dɩ -le, aꞌba ꞌbhɛɛ aꞌba ꞌꞌbhi ꞌꞌyi -le! Lɛ a ꞌka nʋ a, ꞌɩnnɛ ꞌmo-o, a -ya aꞌba ꞌꞌbhi ꞌzɔ, ꞌle a ꞌke a -bonyunyu ꞌꞌyiꞌbhɛɛ, ɛ ꞌke aꞌba ꞌꞌbhi -zi.

1 Timotee 3:16

Ɩ-bɩ -ziadɩ ꞌmnɩ, -Lagɔꞌɔ ꞌꞌbhuo ꞌpo -ɩ ꞌꞌpiemʋ ti, ꞌle, -ka nyɔ ꞌka ꞌbho -Lagɔjeyi -na, ɩ-ɩ tɔꞌɔ -amʋ -kaa. -Ɩn ꞌye li-ɔ, ꞌɛ wlutu -tɛꞌɛ ꞌmʋ-ɛ ꞌle nyɔ se ꞌbhɛɛ ɔ ꞌke ɛ ꞌꞌyidepo -nɩ. Ɛ-bɛ wlu ꞌmnɛ, Kliisɩꞌa ꞌꞌkpidɩ ɛ-ɛ zaꞌa ꞌmʋ, ꞌle ɛ na: Ɔ -yiꞌe-e nyunyɔ ꞌmʋ; -ka ɔ ꞌsrɛɛꞌɛ ꞌꞌyi, *-Lagɔꞌɔ Lisaazuzu -tɔ nɛꞌo. -Lagɔ gboꞌa -dalbhomʋ ꞌye -ɔꞌo ꞌle -Lagɔ ꞌye ɔ ꞌle yaku ꞌli ꞌla ꞌbho ꞌɔ ꞌꞌtroli ꞌle ꞌɔ ꞌnynɩꞌa ꞌꞌyibhɛɛɛ ꞌmʋ. ꞌBho ꞌɛ lemʋ, ꞌbhlɩkpɩ ꞌwee ꞌwɔn-ɔ ꞌɔ ꞌꞌdɩzɩgɩ ꞌbɔ ꞌle ꞌnɔɔ ꞌkmʋ ꞌmʋꞌa nyʋtɔlʋ ꞌye ɔ ꞌꞌgwlide.