Filiipʋkɔmʋ 1:10 - Nyaboa (Nyabwa)

¹⁰ -Bho ɛ -nɩ -kaa a, ꞌlotʋꞌa ꞌꞌnynuu-a, ꞌꞌlemnɩɩ, lɛ-ɛ -nmɔꞌɔ ꞌꞌyrili ꞌbho -Lagɔꞌɔ ꞌꞌyigbeyi, a-a yibo nɛ-oꞌo. ꞌLe, ꞌbho Kliisɩꞌa -zigleꞌa -nɔɔ ꞌꞌyi, aꞌba -pɔlʋ ꞌke pepe -nɩ ꞌle nyɔ -see ꞌbhɛɛ yi ɔ ꞌke amʋ dɩ ꞌꞌyikpa.

Filiipʋkɔmʋ 1:10 Cross References

Matiee 16:23

ꞌPiɛlɩ ꞌlɛꞌɛ -kaa a, Zezii ꞌꞌbhitiꞌe-e ꞌꞌyiti ꞌle ɔ-ɔ wlu ꞌnɔ ꞌꞌlruli, ɔ na: *Sataan! po ꞌɩnmʋ le! Lɩ -ke -Lagɔ seꞌa -ybhɛ, ꞌɩnnɩ -a popoꞌo ꞌgwlʋti. -Ɩn ꞌbɔ-ɔ ti -ɩn ꞌke ꞌɩnmʋ ꞌꞌnyinynidɩ ꞌmʋ po, ꞌle, lɛ -Lagɔ ꞌbɔꞌɔ ti, ꞌɩn ꞌke nʋ, -ɩn ꞌke ɛ ꞌɩnmʋ -pɔlʋ ꞌꞌyi -za, -ɛkedɩmaa, -aꞌa popo -Lagɔꞌɔ ka ꞌgwlʋti, nyunyɔnaagɩ -ɩn ꞌbhleꞌe ꞌmʋ.

Matiee 26:33

*ꞌPiɛlɩ na: -Bho ʋ-bee -yʋʋ -za -aꞌa dɩ -pɔlʋ ꞌꞌyi ꞌle ʋn ꞌke -ɩnmʋ kli ꞌwlʋ, ꞌɛ dɩ ꞌɩnmɔ -yɔɔ, ꞌɩn -see -aꞌa dɩ -pɔlʋ ꞌꞌyi -za yi ꞌꞌkɔmʋkɔmʋ.

ꞌZaan 1:47

ꞌLe ʋn ꞌye ꞌmʋ-sɔ, ʋn ꞌye -jeyi ꞌkpa. Zezii nʋꞌa -kaa, Natanayɛɛlɩ -nɩ ɔ ꞌꞌyimunamʋ, ɔ ꞌye -ɔ li, ꞌle ɔ ꞌye -kaa ꞌɔ ꞌꞌkpidɩ ꞌmʋ-za: Nyɔ ʋn ꞌka *Izrayɛɛlɩkɔyi ꞌla, ꞌɩnnɔ ꞌka-a, ɔ ꞌsrɛɛꞌɛ-ɛ ꞌꞌyi!

ꞌZaan 3:20

A -gblee, nyɔꞌꞌo nyɔ-ɔ ꞌma-a ꞌꞌnyinynidɩꞌa nʋyi, ɔ -see zɔ ꞌybha, ꞌle ꞌɔ ꞌwɔnꞌo ɔ ꞌke ɛ ꞌꞌyi ꞌda, ꞌle ꞌɔ -bonyunyu -kaa ꞌɔ ꞌꞌnyinynikpli liꞌye.

Nʋnʋkpli 24:16

ꞌɩn ꞌꞌdu-o ꞌɛ dɩ ꞌle ꞌan -pɔlʋ ꞌke ꞌꞌyiꞌsrɛɛ ꞌbho -Lagɔ -ke nyunyuꞌa ꞌꞌyigbeyi ꞌꞌkɔmʋkɔmʋ.

ꞌWlɔmʋkɔmʋ 12:2

ꞌTraamʋꞌa nyʋ-ʋ -nɩꞌa ꞌnɔɔ ꞌkmʋ ꞌmʋ a, aꞌba ꞌkpa ꞌwa nʋnʋdɩ kli -le! A ꞌꞌtayi -Lagɔ ꞌꞌyiti ɔ ꞌke aꞌba tinɩɛ -ke aꞌba ꞌgwlʋtipoposʋ ꞌꞌyizizia! -Bho ɛ -nɩ -kaa ꞌmʋ a, a ꞌbhɛɛꞌo a ꞌke -Lagɔꞌɔ ꞌgwlʋdɩ ꞌmʋtiꞌwɔn. ꞌƖnnɛ ꞌmo-o, lɛ-ɛ -nmɔꞌɔ ꞌꞌyrili, -ɛ nʋꞌa -Lagɔ ꞌtʋ ꞌle -ɛ seꞌa ꞌbɩ liꞌbhle, a ke ɛ yibo.

ꞌWlɔmʋkɔmʋ 12:9

ꞌBho ꞌɛ lemʋ a, -aꞌba dɩkɩkmɛɛꞌɛ ꞌbhle ꞌꞌyrabha ꞌzɔ -le! A ꞌnyɛ ꞌꞌnyinynidɩ ꞌmʋ, a zi -zɛgɛꞌɛ nʋnʋaꞌa dɩ!

ꞌWlɔmʋkɔmʋ 16:17

ꞌLotʋꞌa ꞌꞌnynuu-a, lɛ -ke ꞌꞌdɩ ꞌɩn-ɩ ꞌꞌduꞌa amʋ ꞌmʋ, ꞌɩnnɛ ꞌmo-o, nyʋ-ʋ ꞌꞌduduꞌa nyʋ ꞌꞌyi ꞌle ʋn-ʋ cɩcɛꞌɛ ꞌꞌyi a, ꞌbho ꞌwa damʋ a ꞌꞌdu aꞌba ꞌꞌbhi ꞌꞌyrili! Ʋ-bʋ nyʋ ꞌmnʋ-ʋ ꞌꞌmaa-a nyʋ, ꞌle ꞌwa -tɔtɔlɩ -ke -yɩ a-bee -deꞌa ꞌliti se gʋgɔ. A po -klaabonyʋ le!

ꞌWlɔmʋkɔmʋ 2:18

Ɩ -nɩꞌa -kaa a, -ɩn na -ɩn yiboꞌo-o -Lagɔꞌɔ ꞌgwlʋdɩ ꞌle -aꞌa -Lagɔꞌɔ gbawlu ꞌmʋ -ɩn na -ɩn yiboꞌo-o ꞌꞌnyinynidɩ -ke -zɛgɛꞌɛ lizɩzaka.

ꞌWlɔmʋkɔmʋ 7:16

-Bho ꞌɩn nʋ ꞌꞌnyinynidɩ, ꞌya nʋ ꞌɩnmʋ ꞌtʋ; ꞌle, -ka -Lagɔꞌɔ gba -nmɔꞌɔ ꞌꞌyrili a, ꞌɩn yiboꞌo-o ꞌna.

ꞌWlɔmʋkɔmʋ 7:22

-Bho koo ɛ -nɩ ꞌmʋ, ꞌle ꞌmna-aꞌa -pɔlʋ gbo a, -Lagɔꞌɔ gba-a nʋꞌo ꞌɩnmʋ ꞌtʋ.

ꞌWlɔmʋkɔmʋ 8:7

A -gblee, nyʋ -yʋ pleꞌa ꞌwa nyunyɔnaagɩ kli, ʋn-ʋ ꞌnʋ-o ꞌwa ꞌꞌbhi ꞌɔ jɛkamʋ ꞌmʋ, -ɛkedɩmaa, ꞌwa -ya ꞌwa ꞌꞌbhi ꞌzɔ ꞌbho ꞌɔ gbaꞌa damʋ, ꞌle ʋn se ꞌɛ -lue komu ꞌbhɛɛ.

1 Kɔlɛɛtɩkɔmʋ 1:8

A -gblee, -Lagɔꞌɔ ꞌꞌbhuo-o ꞌye amʋ ꞌkpɩ ꞌꞌyi -po mʋ kplokplo ꞌle a ꞌke ɛ ꞌꞌlru-mu ꞌle a ꞌke nyni. ꞌLe, -bho -aꞌba -Kɔyi Zezii Kliisɩ -ka le-e yi a, ꞌbho ꞌmnɔ ɔ, a -see dɩ ꞌꞌyi-kpɛ yi.

1 Kɔlɛɛtɩkɔmʋ 10:32

A ꞌye li-ɔ, -bho koo ɛ ꞌꞌdu *ꞌZuifʋyi o, ꞌle ɔ -se ꞌZuifʋyi o, ꞌle ɛ ꞌke Zeziiꞌa -glɩgba -Lagɔ -kɔꞌɔ ꞌꞌdu o, aꞌba ꞌꞌtuu ꞌle ꞌwa nyɔ ꞌꞌnyinynidɩꞌa nʋnamʋ -le -lrɛɛ!

1 Kɔlɛɛtɩkɔmʋ 8:13

ꞌƖnnɛ ꞌbhleꞌe ꞌnynɩꞌa dɩ, -bho ɛ ꞌꞌdu liliɛfɔfʋꞌa dɩ ꞌan ꞌlotʋꞌa ꞌꞌyu ꞌke ꞌꞌnyinynidɩ ꞌmʋ ꞌkpa a, ꞌꞌlemnɩɩ, ɛ -nmɔꞌɔ-ɔ ꞌꞌyrili ꞌɩn ꞌke ꞌɛ liliɛtuꞌa dɩ ꞌbhɔ ꞌle ꞌɩn -kɔɔ ɔ ꞌꞌnyinynidɩ ꞌmʋ po.

2 Kɔlɛɛtɩkɔmʋ 1:12

A -gblee, ꞌlotʋꞌa ꞌꞌnynuu-a, lɛ -ke ꞌbɛtɛ -a -nɩꞌa wanamʋ, ꞌɩnnɛ ꞌmo-o, ꞌle -aꞌba -pɔlʋ gbo, -aꞌba kpli ꞌsrɛɛꞌɛ-ɛ ꞌꞌyi ꞌle -a -bonyunyuꞌa ꞌꞌklumʋ ꞌbho -Lagɔꞌɔ ꞌꞌyigbeyi. A-bee -mnʋʋꞌa ꞌꞌbhiꞌa damʋ -lrɛɛ, ꞌka-a ɛ -nɩꞌe ꞌmʋ. Ɩ-bɩ kpli ꞌmnɩ-ɩ ꞌnʋ -ɔ ꞌtʋ ꞌle -a nʋ ɩꞌo ꞌle -pɔlʋzɛgɛ ꞌmʋ ꞌbho ꞌɔ ꞌꞌyigbeyi. ꞌƐ lɛtu ꞌka -kaa ꞌmʋ-nɩ a, ɛ -se nyunyɔnaagɩ -a ꞌpɛɛ ꞌmʋ ꞌnɩ -ko. Ɔ-bɔ -Lagɔ -ke ꞌlimʋ-ʋ -nmɔꞌɔ wɔn, ꞌɩnnɔ kpaꞌa -amʋ.

2 Kɔlɛɛtɩkɔmʋ 2:17

-Abʋ ꞌbhɛɛ ꞌnɛ-ɛ wɔnyi, -ɛkedɩmaa, -Lagɔ lbhoꞌo -amʋ ꞌle -a ꞌke ꞌɔ lbhʋ nʋ. A -gblee, nyʋꞌa -dadudu ꞌke mɔni ꞌyeꞌa dɩ, ʋn-ʋ zaꞌa ꞌɔ wlu ꞌꞌyida ꞌmʋ. -Abʋ-aꞌa nʋ ꞌwa ka. -Ka ꞌɔ wlu ꞌlɛꞌɛ ꞌtɩn, ꞌka-a -a zɩ ꞌɩ nyʋ -bodɩ ꞌmʋ, ꞌle ɔ-ɔ ꞌyeꞌe -amʋ li. -Ɛkedɩmaa, -a -ke Zezii Kliisɩ ꞌꞌsisriꞌe-e ꞌꞌyi.

2 Kɔlɛɛtɩkɔmʋ 6:3

Lbhʋ -a -nɩꞌa nʋnamʋ, -a -see ꞌybha, nyʋ ꞌke ꞌbho ꞌɛ da ꞌꞌdu. ꞌƖnnɛ ꞌbhleꞌe ꞌnynɩꞌa dɩ, lɛꞌꞌo lɛ-ɛ ꞌka nyɔ -zicɛ ꞌmʋ ꞌꞌdu ꞌle ɔ -kaa Zeziiꞌa ꞌꞌdɩzɩgɩ ꞌwɔɔn, -aꞌba nʋ ɛꞌo.

2 Kɔlɛɛtɩkɔmʋ 8:8

A ꞌye li-ɔ, dɩ ꞌɩn-ɩ zaꞌa -laa amʋ -bodɩ ꞌmʋ, ɛ -se -glaka ꞌɩn kpʋn amʋ ꞌnɩ -ko. Kplizɩgɩ a -bonyunyu nʋꞌa, a ꞌka ya-gbʋ, ꞌya dɩ ꞌɩn-ɩ zaꞌa amʋ -bodɩ ꞌmʋ, ꞌle, -ka a ꞌbhleꞌa nyʋ -lrʋʋꞌa dɩkmɛɛ ꞌmʋ, a ꞌke ɩ ꞌꞌyrili-gwɛ.

Galasiikɔmʋ 5:11

ꞌAn ꞌlotʋꞌa ꞌꞌnynuu-a, -bho ꞌɩn nʋ ꞌkɩ nyʋ mu klɛ ꞌmʋ ꞌle ʋn ꞌke ꞌꞌyisrɛɛmʋ ꞌꞌdu ꞌbho -Lagɔꞌɔ ꞌꞌyigbeyi a, ꞌꞌlemnɩɩ koo -ke dɩ nyʋ-ʋ klaꞌa ꞌtɔ ꞌɩnmʋ nyanɩ ꞌmʋ ꞌbho ɛbɛ-ɛꞌɛ ꞌꞌkpiꞌa? -Bho ꞌan wlu -ke ꞌwa nɛ ꞌbhɛɛ ꞌkɩ, ʋn -see ꞌkɩ ꞌɩnmʋ ꞌcɛ kwa -po yi. -Ka Zezii Kliisɩ ꞌmɛ -nɩꞌa ꞌbho nyʋyrilbhaatu ꞌꞌyri, ꞌɔ ꞌmɛmɛɛ ꞌmnɛ, ꞌɩnnɛ ꞌke nyʋ ꞌꞌyisrɛɛmʋ po ꞌbho -Lagɔꞌɔ ꞌꞌyigbeyi. ꞌƖnnɛ ꞌɩn-ɩ tɔꞌɔ nyʋ: -ɛ -ke dɩ ʋn-ʋ poꞌa ꞌɩnmʋ ꞌcɛ kwa, ꞌɩnnɛ ꞌka-a!

Efɛɛzɩkɔmʋ 4:15

Lɛ -a ꞌka nʋ a, ꞌɩnnɛ ꞌmo-o, -a ꞌke dɩ kɩkma, ꞌle -a ꞌke -ziadɩ -bodɩmʋzɩza. ꞌLe ɛ ꞌmʋ -a -ke Zezii Kliisɩ ꞌꞌsisri -nɩꞌe ꞌꞌyi. Ɔ-bɔ ꞌma-a ꞌɔ -glɩgbaꞌa ꞌꞌlrugayʋɛ, ꞌɔ nʋnʋdɩ -a ꞌke ꞌꞌsɛlɩ-za ꞌle -aꞌba nʋnʋdɩ -ke ꞌɔ nɩ ꞌke ꞌꞌyitigʋgɔ.

Efɛɛzɩkɔmʋ 5:10

A po ꞌle ꞌkpɩ -lrɛɛ, lɩ-ɩ nʋꞌa -aꞌba -Kɔyi ꞌtʋ, ꞌle a ꞌke ɩ yibo!

Efɛɛzɩkɔmʋ 5:27

A -gblee, ɔ ꞌnʋ-o -kaa, ꞌle ɛ -kaa ꞌꞌtɩ liꞌbhle ꞌbho ꞌɔ ꞌꞌyigbeyi ꞌle ꞌɔ ꞌnynɩꞌa ꞌꞌyibhɛnynɩ ꞌke ɛ ꞌꞌkpi -nɩ ꞌle ɛ ꞌke ꞌꞌyrili-nmɔ ꞌle ɛ -kaa ꞌbɩ liꞌbhle ꞌbho -Lagɔꞌɔ ꞌꞌyigbeyi.

Efɛɛzɩkɔmʋ 6:24

Nyʋ ꞌwee -ke -pɔlʋ gbo -aꞌba -Kɔyi Zezii Kliisɩꞌa dɩkmɛɛꞌɛ ꞌwlʋꞌa ꞌꞌkɔmʋ a, -Lagɔ -wʋnna nʋ ꞌꞌniti!

Filiipʋkɔmʋ 1:6

A ꞌye li-ɔ, ꞌɩn yiboꞌo-o na, -ka a -deꞌa ꞌle ꞌɔ ꞌꞌdɩzɩgɩ ꞌmnɩ ꞌli ti, ɛ-bɛ lbhʋzɛgɛ -Lagɔ ꞌꞌduꞌa wɔn ꞌle aꞌba -pɔlʋ ꞌzɔ, ɔ-ɔ ꞌye -ɛ ꞌꞌyi-gwɛ -mʋ -tanyɩke-ɔ ꞌle ꞌɔ -zigleꞌa -nɔɔ ꞌke nyni.

Filiipʋkɔmʋ 2:16

ꞌle ʋn ꞌke ꞌꞌkɔgwlɛtinɩɛ ꞌye -lrɛɛ. -Bho a nʋ -kaa a, ꞌbho Kliisɩꞌa leyinɔɔ ꞌꞌyi, ꞌɩn-ɩ ꞌye-e ꞌbɛtɛ -wa -mʋ ꞌɩn ꞌke ꞌbʋbʋa li aꞌba dɩ, ɛbɛ ꞌmnɛꞌɛ kamʋ: -ka ꞌɩn -seeꞌa bhebhelbhʋ nʋ, ꞌbho-o ꞌɛ ꞌꞌyriꞌa ꞌbɩ-ɩ ꞌye ꞌwlʋ -nɩ mʋ.

1 Tesalonikɩkɔmʋ 3:13

-Ka -lue ꞌmnɔ, ꞌka-a ꞌkpa ꞌke amʋ ꞌꞌyi -nɩ, ꞌle, -nɔɔ -ke ti -aꞌba -Kɔyi Zezii -ke ꞌɔ ꞌꞌyiglɛnyʋ-ʋ ꞌyeꞌa le -yi mʋ, a ꞌke ꞌꞌyisrɛɛmʋ ꞌꞌdu ꞌbho -aꞌba -tɩta -Lagɔꞌɔ ꞌꞌyigbeyi, ꞌle ɔ ꞌke aꞌba nyɔꞌꞌo nyɔ -kɔ ꞌꞌfɩa ꞌwee.

1 Tesalonikɩkɔmʋ 5:21

Lbhʋꞌa -dadudu-u nʋɛꞌɛ -kaa, a ꞌcrɩ ɩ ꞌmʋti ꞌle a ꞌke ꞌya -ziadɩ ꞌye ꞌle a ꞌke ɩ ꞌwɔɔn!

1 Tesalonikɩkɔmʋ 5:23

-Lagɔ -ke ꞌꞌbhuo-o ꞌꞌnyɩꞌa nyʋ -pɔlʋꞌa lipɩpɛɛ ɛ, ɔ nʋ ɛ ꞌle ɔ ꞌke amʋ ꞌꞌyisrɛɛmʋ po ꞌbho ꞌɔ ꞌꞌyigbeyi ꞌle ɔ ꞌke aꞌba nyɔꞌꞌo nyɔ -kɔ ꞌꞌfɩa ꞌwee ꞌle aꞌba tɩnɩɛꞌɛ ꞌwee ꞌli, ꞌle a ꞌke pepepe -nɩ, ꞌle, -bho -aꞌba -Kɔyi Zezii Kliisɩꞌa leyinɔɔ ꞌke nyni a, a -kaa ꞌꞌnyinynidɩ liꞌbhle!

1 ꞌZaan 4:1

ꞌAn dɩkmalotʋꞌa ꞌꞌnynuu-a, nyʋ-ʋ -seꞌa-a -Lagɔꞌɔ wluꞌa ꞌmʋtizamʋzɩgɩ, ʋn bʋbaꞌa-a ꞌnɔɔ ꞌbhlɩkpɩ ꞌꞌkpi ti. ꞌƐ dɩ, nyʋ-ʋ nʋꞌa ʋn ꞌbhle-e *-Lagɔꞌɔ Lisaazuzu ꞌmʋ, aꞌba de ʋ ꞌꞌgwli -le! A ꞌcrʋ ʋ ꞌmʋti -antanyɩ, ꞌle, -bho ɛ ꞌꞌdu -Lagɔꞌɔ Lisaazuzu -ziaka ꞌle a ꞌke ɩ yibo.

ꞌꞌDukuyrilizadɩ 2:2

ꞌan wlu ꞌka-a ɔ -bodɩ: Lɛꞌꞌo lɛ a-bʋ ꞌɩnmɔ *Zeziiꞌa nyʋ-ʋ nʋꞌa a, ꞌɩn yibo nɛ-oꞌo. -Ka a-a ꞌmɛꞌɛ ꞌan lbhʋ wɔn ꞌmʋ, ꞌle a-a kuꞌa ꞌkpa ꞌꞌyi, ꞌɩn yibo nɩ-oꞌo -lrɛɛ. ꞌLe ꞌɩn deꞌe ꞌꞌgwli na aꞌba ꞌꞌtayi nyanɩbhlemʋ ꞌꞌyiti, ꞌwa -sie ꞌle aꞌba ꞌꞌklumʋ. Nyʋ -yʋ ꞌlaꞌa ꞌwa ꞌꞌbhi *ꞌan -dalbhomʋ, ꞌle ʋn -see ꞌʋ -ko a, a ꞌcrʋ -ʋ ꞌmʋti ꞌle a ꞌye ʋ ꞌꞌyrili-gwɛ.