Nyuuth 13:6 - RUAC KUƆTH IN RƐL RƆ

⁶ Cuɛ thokdɛ lɛp kɛ ɣöö bɛ Kuoth kuëth, kuethɛ ciöt Kuɔth kɛnɛ gua̱a̱th cieŋädɛ, ala nɛy tin ciaŋkɛ nhial.

Nyuuth 13:6 Cross References

Nyuuth 12:12

A lɔcdu ku tɛɛth, lö nhial, kɛnɛ yɛn tin cieŋ rɛydɛ! Kä riɛk akɛ piny kɛnɛ bar, kɛ ɣöö ci gua̱n jiäkni ben piny kä yɛ kɛ waŋ lɔaac mi di̱i̱t, kɛ ɣöö ŋäcɛ jɛ i̱ ci gua̱a̱thdɛ ciak!”

Ji̱ Ɣi-bɛ-ru 9:24

Kɛ ɣöö /ken Kritho coth rɛy kɛmɛ kä min ca la̱t kɛ tet ran, min la cäät luaak palä in thuɔ̱k. Jɛn cɛ wä nhial pa̱ny, kä cɛ jɔɔc ɛn ɣöö cuŋɛ nhiam Kuɔth kɛ kui̱dan.

Mɛ̈t 15:19

Kɛ ɣöö cär ti jiäk ti̱ti̱ bäkɛ raar lɔɔc ran, luc nath, dhöm kɛnɛ leer, kuël, nën kacä, kɛnɛ guer.

Mɛ̈t 12:34

Yɛn dɛy thɔ̱ɔ̱li! Dërɛ ruac agɔaa i̱di, mi lapɛ ji̱ jiäkni? Kɛ ɣöö mi te lɔc ran kɛ duɔ̱ɔ̱r, lat thokdɛ jɛ.

Nyuuth 21:3

Kä cua jɔw mi di̱i̱t mi bëë kä kɔm kuäärä liŋ, wëë i̱, “Nɛnɛ, te gua̱a̱th ciɛŋä Kuɔth kɛɛl kɛ naath. Bɛ cieŋ kɛɛl kɛ kɛ ala Kuothdiɛn, kä bikɛ a nɛɛkɛ, kä bi Kuoth puɔ̱nydɛ te kɛɛl kɛ kɛ.

Nyuuth 18:20

A lɔcdu tɛth kɛ kui̱dɛ, lö nhial, yɛn nɛy tin ci Kuoth kɛ lɛy, kɛ ja̱a̱k kɛnɛ göök! Kɛ ɣöö ci Kuoth ɛ kuɛth kɛ kui̱ kä min cɛ lät kä yɛ.”

Nyuuth 11:12

Kä cu kɛn jɔw mi di̱i̱t liŋ nhial, jio̱kɛ kɛ i̱, “Bia nhial wanɛ mɛ!” Kä cukɛ wä nhial kɛ pua̱r a guic ji̱ tɛ̈riɛn kɛ.

Nyuuth 7:9

Kɛ kɔr kä mɛmɛ cua guic, kä nɛnɛ, tëëkɛ buɔ̱n nath mi di̱i̱t ɛlɔ̱ŋ mi thilɛ ram mi dee kɛ luäŋ kɛ kuën, bäkɛ röli kɛnɛ döör diaal, kɛ nɛy diaal, kɛnɛ ji̱ thukni diaal ti gööl, cuŋkɛ nhiam kɔam kuäärä kɛnɛ Ruath Dɛ̈ɛ̈l, ciaŋkɛ bieyni ti bo̱o̱r, kä te tetkiɛn kɛ kar kaanä.

Nyuuth 5:13

Kä cua ti diaal tin ca cak tin te nhial kɛnɛ wi̱c muɔ̱ɔ̱n kɛ piny kɛnɛ bar, kɛ ti diaal tin te rɛydiɛn liŋ, ki̱tkɛ i̱, “A puɔ̱th mi thil pek, kɛnɛ luth kɛ puɔny kɛnɛ buɔ̱m, tekɛ ram min nyuur wi̱i̱ kɔam kuäärä, kɛnɛ Ruath Dɛ̈ɛ̈l!”

Nyuuth 4:4

Kä tëëkɛ kɔamni ti jiɛn da̱ŋ rɛw wi̱cdɛ ŋuan ti gölkɛ kɔm kuäärä piny, kä nyuur di̱t ti jiɛn da̱ŋ rɛw wi̱cdɛ ŋuan thi̱n, ti ciaŋkɛ bieyni ti bo̱o̱r, kä te wuɔ̱thkiɛn kɛ kuɔ̱mni dääpä.

Nyuuth 4:1

Kɛ kɔr kä mɛmɛ cua guic, kä nɛnɛ, te ciëŋ nhial kɛ thok mi ɣööŋ! Kä jɔw in jio̱l in cä liŋ ruacɛ kɛ ɣä ce̱tkɛ jɔw kaaŋä, wee i̱, “Bër nhial wanɛ mɛ, kä bä ji̱ nyuɔ̱th ŋɔaani tin bi dhil tuɔɔk kɛ kɔr kä mɛmɛ.”

Ji̱ Ɣi-bɛ-ru 9:2

Kɛ ɣöö ca kɛmɛ cuŋ, kä ɛn kɛnɛ min te raar te cuuŋ lɛmbärä, kɛnɛ tharbët, kɛ juray nhiam Kuɔth thi̱n, cɔalkɛ jɛ i̱ “Gua̱a̱th mi Rɛl Rɔ”.

Ji̱ Röm 3:13

“Ce̱t rölkiɛn kɛ kɔ̱a̱k ti ɣöŋ. Latkɛ ni kaŋ nath kɛ lëëpkiɛn.” “Te lueŋ dɛŋciɛkni thokdiɛn.”

Ji̱ Ko-lɔ-thi 2:9

Kɛ ɣöö rɛydɛ te ciaŋ Kuɔth kɛɛliw thi̱n puɔ̱nydɛ,

Ji̱ Ko-lɔ-thi 1:19

Kä cu Kuoth ɛ nhɔk ɛn ɣöö bɛ cieŋ rɛy Kritho.

Jɔ̱ɔ̱n 1:14

Cu Ruac ben ala Raan, kä cuɛ cieŋ rɛydan, kä canɛ gɔɔydɛ min ce̱tkɛ gɔɔy Gatdä Kuɔth in kɛl kärɔa nɛn cɛ thia̱ŋ kɛ nhök kɛnɛ thuɔ̱k.

I-yob 3:1

Kɛ kɔrɛ cu I-yob cäŋ ëë dapkɛ ni jɛ lam.

Diit 73:9

Lat ni ruac mi jiääk kɛ kui̱ Kuɔth, kä ci ruacdiɛn wi̱c muɔ̱ɔ̱n thiäŋ.

Bok Go̱kä ni Da-ni-yel 7:8

Kä min ta̱a̱ gui̱c tuɔ̱ŋni, cu tuŋ mi dɔ̱ŋ päl, ɛ tuŋ mi tɔt, cuɛ päl dääriɛn, kɛ ɣöö bɛ kulɛ tekɛ gua̱a̱th, cua tuɔ̱ŋ da̱ŋ diɔ̱k ka̱m raar kä tuɔ̱ŋ tin nhiam. Kä ɛn tuŋ ɛmɔ tëë kɛ nyin ti ce̱tkɛ nyin ran, kɛ thok mi ruac ni liakä.”

Bok Go̱kä ni Da-ni-yel 7:25

Kä jɛn kuäär ɛmɔ bɛ ruac ɛ jiäk kɛ Kuoth in Di̱t ni Jɛn, kä bɛ nɛɛ Kuɔth in Di̱t ni Jɛn cuc, kä bɛ jɛ ɣɔ̱n ɛn ɣöö gɛɛrɛ gua̱th ti̱mä kɛnɛ ŋuɔ̱t kä ba nɛɛ Kuɔth la̱th tetädɛ kɛ run da̱ŋ diɔ̱k kɛ nuth.

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Nyuuth 7:15

Kɛ kui̱ ɛmɔ tekɛ nhiam kɔam kuäärä Kuɔth, kä palkɛ jɛ kɛ cäŋ kɛnɛ wäär rɛy luaak Kuɔth, kä bi ram in nyuur wi̱i̱ kɔam kuäärä kɛ gaŋ kɛ ta̱a̱dɛ kɛɛl kɛ kɛ.

Nyuuth 15:5

Kɛ kɔr kä mɛmɛ cua guic kä ca luak Kuɔth in la kɛmɛ nenä in te nhial lɛp.