ಫಿಲಿಪ್ಪಿ 4:19 - ದೇವ್ನಿ ಖ್ಹಾಚಿ ವಚನ್

¹⁹ ಮಾರೊ ದೇವ್ ಕ್ರಿಸ್ತ ಯೇಸುಥಿ ಇನಿ ಮೋಟಿ ಮಹಿಮೆನ ಧನ್‌ದೌಲಥ್ಥಿ ತುಮುನ ಛಾ಼ತೆ ಹರೇಕ್ ಜ಼ರೂರತ್‌ನ ಪೂರ ಕರ್ಶೆ.

ಫಿಲಿಪ್ಪಿ 4:19 Cross References

ಮತ್ತಾಯ 6:32

ಆ ತಮಾಮ್‍ನಖ್ಹಾಜೆ ದೇವ್‌ಮ ಅಲಕ್‌ ಅದ್ಮಿಖ್ಹಾರು ಕದೇಬಿ ವೇಚ಼್‌ಣೆ ಕರಸ್. ಆ ಖ್ಹಾರು ತುಮೂನ ಜ಼ರೂರತ್ ಛಾ಼ಕರಿ ಪರಲೋಕ್‍ಮ ಛಾ಼ತೆ ತುಮಾರ ಬಾನ ಮಾಲುಮ್.

ಯೋಹಾನ 20:17

ಯೇಸುನೆ ಇನ, “ಮನ ಧರ್‌ನಕೊ, ಶನಕತೊ ಮೇ ಬಿಜೂ಼ಬಿ ಬಾಕನ ಕೋ ಜೈ಼ರ‍್ಹೋನಿ. ಕತೋಬಿ ತೂ ಮಾರ ಭೈಯೇಕನ ಜೈ಼ನ್‌, “ಮೇ ಮಾರೊ ಬಾ ಅಜು಼ ಇವ್ಣೊ ಬಾ, ಮಾರೊ ದೇವ್ ಅಜು಼ ಇವ್ಣೊ ದೇವ್ ಹುಯಿರ‍್ಹೋತೆ ಇನಕನ ಪಾಛೊ಼ ವಳ್ಯೊಜ಼ವುಸ್‌ ಕರಿ ಬೋಲ್” ಕರಿ ಬೋಲ್ಯೊ.

ಯೋಹಾನ 20:27

ಅನಕೇಡೆಥು ಯೇಸುನೆ ತೋಮನ, “ತಾರಿ ಅಂಗ್‌ಳಿನ ಹಜ಼್ಜ ಮ್ಹೇಲಿನ್, ಮಾರ ಹಾತ್ನ ಛೀಮಿನ್‌ ದೇಕ್; ತಾರ ಹಾತ್ನ ಖ್ಹಾಮ್ಣೆ ಕರೀನ್, ಮಾರಿ ಪಾಖ್ಹ್‌ಳಿಮ ಘಾಲ್‌, ವಿಶ್ವಾಸ್‌ಕೊಂತೆ ನಕೊ ರ‍್ಹೇ, ವಿಶ್ವಾಸ್‌ ಕರ್‌!” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 1:8

ಖ್ಹಾರೇಥಿ ಪಹಿಲೆ ತುಮಾರಿ ವಿಶ್ವಾಸ್‌ನಿ ಬಾರೇಮ ಜಗತ್ನ ಅಖ್ಖಿಬಾಜು಼ ಪೂಚ್‍ತಾಚ಼್ ಹೂಕರಸ್. ಇನಖ್ಹಾಜೆ ಮೇ ತುಮಾರಭಣೀಥು ಯೇಸುಕ್ರಿಸ್ತನ ನಾಮ್‌ಥಿ ದೇವ್ನ ಧನ್ಯವಾದ್ ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 11:33

ಆಹಾ! ದೇವ್ನಿ ಗ್ಯಾನ್, ಅಕ್ಕಲ್‌ನು ಧನ್‍ದೌಲತ್ ಕೆತ್ರೆ ಗಧಾರ್‌ನು! ದೇವ್ನು ನ್ಯಾಯತೀರ್ಪ್‌ನ ಕೋಣ್‌ಬಿ ಛೋ಼ಡಿವತಾಳನ ಹುವಾಕೊಯ್ನಿ. ಇನ ಮಾರಗ್‌ನ ಢೂಂಡಿಕಾಡನ ಕಿನೇಥೀಬಿ ಹೋಯಿಕೊಯ್ನಿ!

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:4

ಇನಿ ಘಣಿ ದಯಾಬಿ, ಖ್ಹಮಾಳಿಲ್ಯವಾನು ಅಜು಼ ಹಮೇಶಾನಿ ಶಾಂತಿ ಅನಖ್ಹಾರು ತೂ ಝಿಟ್ಕಾರಸ್ಕಿ ಶು? ದೇವ್ನಿ ಅಛ್ಛಿಗುಣ್‍ ತುನ ದಿಲ್‌ ಫರೈಲ್ಯಾವಭಣಿ ಚ಼ಲಾವ್‍ಶೆಕರಿ ಬೋಲಾನು ತುನ ಮಾಲುಮ್ ಕೊಯ್ನಿಕಿ ಶು?

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:18

ಅಪ್ಣುನ ಖ್ಹಾಮ್ಣೆ ಮಾಲುಮ್ ಪಡ್‌ಶೇತೆ ಮಹಿಮೆನಿ ಜೋ಼ಡ್ಮ ಏಕ್‍ಕರಿ ದೆಖಾನಿವಖ್ಹ್‌ತೆ ಹಮ್ಕೇನಿ ಖ್ಹತಾಪ್ಣಿಖ್ಹಾರು ಯೊ ಶಾತ್ಬಿಕೊಯ್ನಿ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 9:23

ಅಜು಼ ಮಹಿಮೆ ಲಿಲ್ಯಾವನಖ್ಹಾಜೆ ಅಗಾಡಿಸ್ ತಯಾರ್‌ಕರೀನ್, ದೇವ್ನೆ ಇನಿ ಗೋರ್‌ ಲೀಲ್ಯಾವಾಳನ ಇನಿ ಮಹಾನ್ ಮಹಿಮೆನ ದೆಖಾಡ್ಯೊ.

2 ಕೊರಿಂಥ 12:21

ಮೇ ತುಮಾರಕನ ಪಾಛೊ಼ ಫರಿ ಆವಾದಿನ್ ಮಾರು ದೇವ್ ಮನ ತುಮಾರ ಖ್ಹಾಮ್ಣೆ ಮನ ಝು಼ಕೈನಾಕ್‌ಶೆ ಕರಿ ಸೋಚುಸ್. ಅಗಾಡಿ ತುಮಾರಾಮ ಮೈಲು ಕಾಮ್, ಪಾಪೇಲುಕಾಮ್, ಪೋಕ್ರಿ ಕಾಮ್‍ಅಖ್ಖು ಚ಼ಲೈನ್ ಪಶ್ಚಾತ್ತಾಪ್‌ ಕರ‍್ಯುಕೊಂತೆ ಕೈಏಕ್ ಜ಼ಣಾನಿ ಬಾರೇಮ ಮೇ ದುಖ್ ಕರಾನು ಪಡ್‌ಶೆ ಕರಿ ಮನ ಡರ್‌ ಛಾ಼.

2 ಕೊರಿಂಥ 4:17

ಥೋಡ ದನ್‌ಲಗು ಹಮೂನ ನ್ಹಾನಿಮೋಟಿ ಖ್ಹತಾಪ್ಣಿ ರ‍್ಹಿಶೆ. ಕತೋಬಿ ಹರ್‌ಹಮೇಶಾನಿ ಮಹಿಮೆನ ಲೀಲ್ಯಾವಾನ ಯೋ, ಅಪ್ಣುನ ಮದತ್ಉಶೇ. ಯೊ ಮಹಿಮೆ ಹಮ್ಕೇನಿ ಖ್ಹತಾಪ್ಣಿಥೀಬಿ ಮಹಾನ್ ಹುಯಿರ‍್ಹಿಶೆ.

ಎಫೆಸ 1:18

ಮೇ ಬೋಲಿಲಾವನು ಶಾತ್‌ಕತೊ ತುಮಾರ ದಿಲ್ನ ಡೋಳಾನ ಉಜಾ಼ಖ್ಹ್‌ ಕರೀನ್, ಇನಿ ಬುಲಾವ್ಣಿನ ಭರೋಖ್ಹೊ ಕೆಥ್ರಾನು ಕರೀಬಿ ಅಜು಼ ದೇವ್ನ ಅದ್ಮಿವೋಮ ಛಾ಼ತೆ ಶೊತ್ನಿ ಮಹಿಮೆ ಕೆಥ್ರಾನು ಛಾ಼ ಕರಿ

ಎಫೆಸ 1:7

ಯೇಸು ಕ್ರಿಸ್ತನೆ ಅಪ್ಣಖ್ಹಾಜೆ ರಂಚ್ಯೊತೆ ಲ್ಹೋಯಿಥೀಸ್‍ ಛುಟ್ಕಾರ್‌ಹುಯು, ಕತೊ ದೇವ್ನಿ ಮಹಾ ವಾರ್‌ಖ್ಹೇಥಿಸ್ ಅಪ್ಣು ಪಾಪ್‌ಖ್ಹಾರು ಮಾಪಿ ಹುಯಿಗು.

ಎಫೆಸ 2:7

ಇನೆ ಅಪ್ಣುನ ಕ್ರಿಸ್ತ ಯೇಸುಮ ಆ ಹಗಾಮ್ಮಾಬಿ ಅಜು಼ ಆವ್‌ಶೇತೆ ಅಖ್ಖಾ ಹಗಾಮ್ಮಾಬಿ ಬೋಲಾನ ಕೊಹೋಯ್ನಿತೆ ಎತ್ರೆ ಇನಿ ಮೋಟಿ ವಾರ್‌ಖ್ಹೊಬಿ ಲಾಡ್‌ಬಿ ದ್ಯವಾನಖ್ಹಾಜೆ ಇನೆ ಅಮ್ ಕರ‍್ಯೊ.

ಎಫೆಸ 3:16

ಮೆ ದೇವ್ನ ಧನ್‌ದೌಲಥ್ಥಿ ರ‍್ಹವಾನು ಮಹಿಮೆಥಿ ಪ್ರಾರ್ಥನೆ ಕರುಕರೂಸ್. ಯೊ ಪವಿತ್ರಾತ್ಮಥಿ ದಿಲ್ನ ಮಹಿ ತಾಖತ್ ಹುವಾನ ವಿಶೇಷ್ ಶಕತ್‍ದ್ಯವಾದೆ,

ಎಫೆಸ 3:8

ಅಖ್ಖಾಸ್ ದೇವ್ನ ಅದ್ಮಿಮ ಕಮ್‍ಶಿಲ್ ರ‍್ಹಿಯೊತೋಬಿ ದೇವ್ನೆ ಕ್ರಿಸ್ತನು ವಾರ್‌ಖ್ಹಾನಿ ಸುವಾರ್ತೆನ ಯೆಹೂದ್ಯರ್‌ಕಾಹೆತೆ ಅದ್ಮಿನ ಬೋಲಿ ವತಾಳನಖ್ಹಾಜೆ ವಖ್ಹತ್‌ನ ಮನ ದೀರಾಖ್ಯೊಸ್.

ಫಿಲಿಪ್ಪಿ 4:7

ಅಜು಼ ತದೆ ಅದ್ಮಿನ ಖ್ಹಯಾಲ್‌ಥೀಬಿ ಭಡಿರ‍್ಹವಾನು ದೇವ್ನಿ ಶಾಂತಿ ತುಮಾರ ದಿಲ್‌ನಾಬಿ ಸೋಚ್‌ನಾಬಿ ಕ್ರಿಸ್ತ ಯೇಸುಮ ಬಚಾ಼ಡ್‌ಶೆ.

ಕೊಲೊಸ್ಸೆ 1:27

ಯೆಹೂದ್ಯರ್‌ಕಾಹೆತೆ ಅದ್ಮೆವ್‍ಮ ಆ ಮಾಯ್ನನು ಮಹಿಮೆನಿ ಶಕತ್ ಕೆತ್ರೆಕರಿ ದೇವ್ನೆ ಇನ ಅದ್ಮಿವ್‌ನ ಭಡ್ಕಾವನ ಖ್ಹೂಜ಼್ ಕರ‍್ಯೊ. ಆ ಮಾಯ್ನೊ ಶಾತ್‍ಕತೊ ಮಹಿಮೆನು ಭರೋಖ್ಹಾನ ಆಧಾರ್ ಹುಯಿರೊಸ್ತೆ ಕ್ರಿಸ್ತಸ್ ತುಮಾರಮ ಛಾ಼.

ಕೊಲೊಸ್ಸೆ 3:16

ಕ್ರಿಸ್ತನು ವಚನ್ ತುಮಾರಮ ಭಡ್ತುಹುಯಿನ್ ಜಿವಾದೆ. ಹರೇಕ್ ಅಕ್ಕಲ್‌ಮ ಏಕ್‌ಥಿ ಏಕ್‌ ಶಿಕ್ತಹುಯಿನ್ ಉಪದೇಶ್ ಕರತಾಹುಯಿನ್, ಅಕ್ಕಲ್ ಬೋಲ್ತಹುಯಿನ್ ಕೀರ್ತನೆಥೀಬಿ, ಸ್ತುತಿನು ಗೀದ್‍ಥೀಬಿ ಆತ್ಮೀಕ್ ಗೀದ್‍ಥೀಬಿ ಅಜು಼ ತುಮಾರ ದಿಲ್ಮ ದೇವ್ನ ಧನ್ಯವಾದ್ನು ಗೀದ್‌ ಬೋಲೊ.

1 ಥೆಸ 2:12

ಇನಿ ರಾಜ್ಯ ಅಜು಼ ಮಹಿಮೆಮ ವಾಟೊಲ್ಯವಾನಖ್ಹಾಜೆ ಬುಲೈರಾಖ್ಯೊಸ್ತೆ ದೇವ್ನಖ್ಹಾಮ್ಣೆ ಬರೋಬರ್‌ಥಿ ಜಿವ್ಣು ಕರ‍್ನುಕರಿ ಬೋಲಿದಿದಾ. ಆ ಅಖ್ಖು ತುಮುನ ಮಾಲುಮ್.

1 ತಿಮೊ 6:17

ಆ ಜಗತ್‌ಮ ಶೌಕಾರ್ ಹುಯಿರ‍್ಹವಾಳನ ಹುಕುಮ್‌ ದೇಕಿ, ಇವ್ಣೆ ಹಂಕಾರ್ ನಾ ಕರ‍್ನು ಕರಿ, ಅಜು಼ ಇವ್ಣಿ ಧನ್‌-ದೌಲತ್‌ಪರ್ ಭರೋಖ್ಹೊ ನಾರಾಕ್ಣುತೆ, ದೇವ್‌ಪರ್‌ ಭರೋಖ್ಹೊ ನಾಖಾದೆ ಕರಿ, ಯೋ ಅಪ್ಣೆ ಹಕ್ಲಾಲ್‌ಥಿ ರ‍್ಹವಾನಟೇಕೆ ಖ್ಹಾರುಸ್ ದ್ಯವಾಳೊ ಹುಯಿರ‍್ಹೋಸ್.

ಫಿಲೆಮೋನ 1:4

ಮಾರಿ ಪ್ರಾರ್ಥನೆಮ ಕದೇಬಿ ತುನ ಯಾದ್‍ಕರ‍್ಲಿನ್ ಮಾರ ದೇವ್ನ ಧನ್ಯವಾದ್ ಕರುಸ್.

1 ಪೇತ್ರ 5:1

ಸಭೆನ ಶಾಣವೊ, ಜೋಡ್ಮಶಾಣೊ ಹುಯಿರ‍್ಹೋತೆ ಮೇ ಕ್ರಿಸ್ತನು ಖ್ಹತಾಪ್ಣಿ ಡೋಳೇಥಿ ದೇಖೆಹುಯೊ. ಅಜು಼ ಆವ್‌ಶೇತೆ ಮಹಿಮೆಮ ಭಾಗ್‌ವಾಳೊ ಹುಯಿನ್ ತುಮುನ ಹುಮ್ಮಖ್ಹ್‌ದೀನ್ ಶಾತ್‌ ಬೋಲಿಲೆವುಸ್‌ಕತೊ,

1 ಪೇತ್ರ 5:10

ಕ್ರಿಸ್ತ ಯೇಸುಮ ತುಮುನ ಹಮೇಶಾನಿ ಮಹಿಮೆನ ಬುಲಾಯೋತೆ ಭರ್‌ಪೂರ್‌ ವಾರ್‌ಖ್ಹಾನೊ ದೇವಸ್, ತುಮೆ ಥೋಡುವಖ್ಹತ್ ಖ್ಹತಾನ ಬಾದ್ಮ ತುಮುನ ಅಛ್ಛಿರ‍್ಹಾಮ ಲೀಅಯಿನ್ ತಳ್‌ಗಠೈನ್‌ ತಾಖತ್‍ದಿಷೆ.