ಫಿಲಿಪ್ಪಿ 4:18 - ದೇವ್ನಿ ಖ್ಹಾಚಿ ವಚನ್

¹⁸ ಹೋಣುತೆ ಅಖ್ಖೂಸ್ ಮನ ಛಾ಼, ಚೆಹೆಳ್ ಹುಯಿರ‍್ಹೋಸ್. ಎಪಫ್ರೊದೀತ್‌ನ ತುಮೆ ದೀನ್ ಮೋಕ್‌ಲ್ಯಾತೆ ಇನಾಮ್ ಮನ ಪೋಚಾ಼ನಿ ವಖ್ಹ್‌ತೆ ಮೆ ಭರೈನ್ ಚೆಹಳ್‌ವಾಳೊ ಹುಯಿರ‍್ಹೋಸ್. ಯೊ ತುಮಾರು ಕಾಣ್‌ಕೆ ದೇವ್ನ ಢಪ್ಕಾರ‍್ನು ವಾ ಹುಯಿರ‍್ಹುಸ್, ಯೊ ದೇವ್ನ ಲ್ಹಾಯಕ್‌ನು ಬಲಿ ಹುಯಿರ‍್ಹುಸ್.

ಫಿಲಿಪ್ಪಿ 4:18 Cross References

ಅಪೊಸ್ತಲರ್‌ನು ಕಾಮ್‌ಖ್ಹಾರು 10:4

ಕೊರ್ನೆಲ್ಯ ಡರಿನ್ ದೇವ್ನದೂತನ ಠರ್‌ಕೈನ್ ದೇಕ್ತೊ ಹುಯಿನ್ “ಪ್ರಭು ಆ ಶಾತ್?” ಕರಿ ಬೋಲ್ಯೊ. ತದೆ ದೇವ್‌ನೊ ದೂತನೆ ಇನ, ತಾರಿ ಪ್ರಾರ್ಥನೆಬಿ, ತಾರಿ ದಾನ್ ಧರಮ್ ಅಖ್ಖು ದೇವ್ನಿ ಸನ್ನಿಧಿಮ ಖ್ಹಯಾಲ್‌ಥಿ ಪೊಚಿರ‍್ಹುಸ್;

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:1

ಇನಖ್ಹಾಜೆ ಭೇನೆ, ಭೈಯೇವೊ, ದೇವ್ನಿ ಗೋರ್‌ಥಿ ಗಿಂಗೈಲ್ಯವಾನು ಶಾತ್‍ಕತೊ, ತುಮಾರು ತುಮೇಸ್ ಶರೀರ್‌ನ ದೇವ್ನ ಪರಿಶುದ್‌ಬಿ ಖ್ಹರಾವ್ಣಿತರಾಬಿ ಹುಯಿರ‍್ಹವಾನು ಜಿವ್‌ತಜಾನ್ನ ಬಲಿದೀನ್ ಸಮರ್ಪಣ್‌ಕರೊ. ಆಸ್‌ತುಮೆ ದೇವ್ನಕರಾನಿ ಖ್ಹಾಚಿ ಆರಾದನೆ,

2 ಕೊರಿಂಥ 11:8

ತುಮಾರಿ ಸೇವೆಕರಾನ ಖ್ಹಾಜೆ ಮೇ ಅಲಕ್ ಸಬೆಥೊ ಮದತ್‍ಲೀನ್ ಇವ್ಣುನ ಗುರ್‌ಕಾವ್‌ತೊ ಹುಯಿನ್ ಇವ್ಣ ಪೈಶಾನ ವಶೂಲ್ ಕರ್ತೊಥೊ.

2 ಕೊರಿಂಥ 9:12

ಆ ತುಮಾರಿ ಚಾ಼ಕ್ರಿ ಖಲಿ ದೇವ್ನ ಅದ್ಮಿಖ್ಹಾರಾನಿ ಖ್ಹತಾಪ್ಣಿ ಕಾಡ್‍ಶೆಕೊಂತೆ, ಕೈಏಕ್ ಜ಼ಣಾಮ ದೇವ್ನ ಧನ್ಯವಾದ್‍ನಿ ಖ್ಹಲಾಮ್ ಕರಾನೊ ದಿಲ್‌ ಆವ್‌ಶೆ.

ಎಫೆಸ 5:2

ಕ್ರಿಸ್ತನೆ ಅಪ್ಣುನ ಪ್ಯಾರ್‌ಕರೀನ್ ಅಪ್ಣಖ್ಹಾಜೆ ಇನುಯೋಸ್ ದೇವ್ನ ಢಪ್ಕಾರಬಿ ಕಾಣ್‌ಕೆ ಹುಯಿನ್, ಬಲಿ ಸಮರ್ಪಣ್‌ ಹುಯೋತೆ ಪರಕ್ಮಸ್ ತುಮೇಬಿ ಪ್ಯಾರ್‌ಥಿ ಜಿವೊ.

ಫಿಲಿಪ್ಪಿ 4:12

ಗರೀಬ್ ಹುಯಿರ‍್ಹವಾನಬಿ ಮಾಲುಮ್ ಚೆಹಳ್‌ಥಿರ‍್ಹವಾನು ಮಾಲುಮ್. ಮೆ ಹಕ್ಲಾಲ್‌ಥಿ ರ‍್ಹಯೊತೋಬಿ, ಭುಕ್ಯೊ ರ‍್ಹಯೊತೋಬಿ, ಬರ್ಗತ್‌ವಾಳೊ ಹುಯುತೋಬಿ, ಕಾಯಸ್‌ಕೊಂತೆ ಹುಯೋತೊಬಿ, ಖಿವಿ ರ‍್ಹಾಮರ‍್ಹವಾಳೊ ರ‍್ಹಿಯೊತೋಬಿ ಇನು ಗಪ್ಲತ್ ಮನ ಮಾಲುಮ್.

2 ಥೆಸ 1:3

ಹಮಾರ ಭೈಯೆ ಭೇನೊ, ತುಮಾರಿ ಬಾರೇಮ ಹಮೆ ಹಮೇಶ ದೇವ್ನ ಧನ್ಯವಾದ್ ಕರಿಯೇಸ್. ಅಮ್ ಕರಾನು ಹಮೂನ ಬರೊಬರಸ್‌ ದೆಖಾಯು, ಶನಕತೊ ತುಮಾರಿ ವಿಶ್ವಾಸ್ ಘಣು ಭಡುಕರಾಸ್ ಅಜು಼ ಏಕ್‌ಥಿಏಕ್‌ ತುಮಾರಿ ಪ್ಯಾರ್ ದನ್‌ಪರ್-ದನ್ ಭಡ್ತು ಜಾ಼ವಾದೆ.

ಇಬ್ರಿ 13:16

ಆ ನಾಹುಯಿನ್ ಬಿಜೇಕ್‌ನ ಮಳಿನ್ ಅಛ್ಛುಕರಾನ ನಾ ಬೈಕ್‌ಣುತೆ ಮದತ್ ಕರೊ, ಆ ಅಖ್ಖು ದೇವ್ನ ಲ್ಹಾಯಕ್ ಹುವಾನು ಬಲಿಖ್ಹಾರು.

1 ಪೇತ್ರ 2:5

ತುಮೆ ಜಿವ್ತುಜಾನ್‍ವಾಳೊ ಬಂಡೊಹುಯಿನ್ ಆತ್ಮನು ಸಂಬಂದ್‍ವಾಳು ಮಂದಿರ್‌ ಹುವಾನಖ್ಹಾಜೆ ಬಣಾವಟ್ ಹುವ್‍ಕರಸ್, ಯೇಸು ಕ್ರಿಸ್ತಥಿ ದೇವ್ನ ಸ್ವೀಕಾರ್ ಹುವಾನಿತರಾನು ಆತ್ಮೀಕ್ ಬಲಿನ ದ್ಯವಾನ ಪರಿಶುದ್ ಯಾಜಕ್‌ನ ಖೂಮ್‌ವಾಳ ಹುಯಿರ‍್ಹಾಸ್.