ಫಿಲಿಪ್ಪಿ 4:11 - ದೇವ್ನಿ ಖ್ಹಾಚಿ ವಚನ್

¹¹ ಮನ ಹೋಣುತೆ ಇನಿ ಬಾರೇಥಿ ಮೇ ಅನ ಕೋ ಬೋಲುಕರುನಿ, ಮೆ ಬೋಲ್ನುಕತೊ ಛಾ಼ತೆ ಪರಕ್ಮ ಹಕ್ಲಾಲ್‌ಥಿ ರ‍್ಹವಾನು ಶಿಕಿರಾಖ್ಯೊಸ್.

ಫಿಲಿಪ್ಪಿ 4:11 Cross References

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 3:14

ತದೆ ಥೋಡು ಜ಼ಣು ಶಿಪಾಯಿಖ್ಹಾರುಬಿ ಆಯಿನ್, “ಹಮೆ ಶಾತ್‌ ಕರ‍್ನು?” ಕರಿ ಬೋಲಾಖ್ಹತರ್, ಇನೆ, “ಕಿನಾಪರ್‌ಬಿ ಜು಼ಲಮ್ಜ಼ಸ್ತಿ ಕರಿನ್ ಪೈಶಾ ಛಿನಾವಾನು ರ‍್ಹವೊ, ಕಿನಾಪರ್‌ಬಿ ಜ್ಹೂ಼ಟು ಇಂಜಾ಼ಮ್ ಲಗಾಡನು ರ‍್ಹವೊ ನಕೊ ಕರೊ. ತುಮೂನ ಮಳಾತೆ ಶಂಬ್‌ಳಾಮ ಖ್ಹುಶೀಥಿ ರ‍್ಹವೊ” ಕರಿ ಬೋಲ್ಯೊ.

2 ಕೊರಿಂಥ 11:27

ಮೇ ಖ್ಹತೀನ್ ರಾಬ್ಯೊ. ಕೆತ್ರಿಕ್ಕಿ ವಖ್ಹತ್ ನಿಂದರ್‌ಕೋಲಿದೋನಿ. ಭುಕ್ ಠೋಖ್ಹ್‌ ಶಾತ್‌ಕರಿ ಮಾಲುಮ್ ಕರಿಲಿದೊ. ಖಾಣುಕೊಂತೆ ಕೆತ್ರಿಕ್ಕಿ ವಖ್ಹತ್ ಪಟ್ನಿ ಪಡ್ಯೊರ‍್ಹಯೊ. ಬರೋಬರ್‌ನು ಲುಂಗ್ಡುಕೊಂತೆ ಠಣ್‍ಮ ಕಾಪ್ತೊ ರ‍್ಹಿಯೊ.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

2 ಕೊರಿಂಥ 8:9

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತನಿ ವಾರ್‌ಖ್ಹಾನ ತುಮೆ ಮಾಲುಮ್ ಕರಿರಾಖ್ಯಸ್. ಕಿಮ್‌ಕತೊ ಯೋ ಧನ್‍ ದೌಲತ್‌ವಾಳೊ ರ‍್ಹಯೊತೋಬಿ ಯೋ ಗರೀಬ್ ಹುವಾಥೀಸ್ ತುಮೆ ಧನ್‌ ದೌಲತ್‌ವಾಳ ಬಣನಿತರ ಯೋ ತುಮಾರಖ್ಹಾಜೆ ಗರೀಬ್‍ಹುಯೊ.

2 ಕೊರಿಂಥ 9:8

ದೇವ್ ಹರೇಕ್ ಥರಾನು ವಾರ್‌ಖ್ಹೊ ತುಮುನ ಚೆಹಳ್‌ಥಿ ದ್ಯಾವಾನ ಶಕತ್‌ವಾಳೊ ಹುಯಿರ‍್ಹೋತೆ ಇನಾಖ್ಹಾಜೆ ತುಮೆ ಕದೇಬಿ ಖ್ಹಾರೀಸ್‍ವಾತೆಮ ಭರ್‌ಪೂರ್‌ರ‍್ಹಿಶು. ಬಿಜು಼ ಹರೇಕ್ ಥರಾನು ಅಛ್ಛಾ಼ ಕಾಮ್‍ನ ಹೋಣುತೆತ್ರು ಕರಾವಾಳ ಹುಯಿರ‍್ಹೇಣು.

ಫಿಲಿಪ್ಪಿ 3:8

ಅತ್ರೇಸ್ ಕಾಹೆತೆ, ಮಾರೊ ಪ್ರಭು ಕ್ರಿಸ್ತಯೇಸುನ ಮಾಲುಮ್ ಕರಿಲಾವನು ಬಾರೇಮ ಘಣು ಮಹಾನ್‌ಕರಿ ಸೋಚಿನ್ ಮೆ ಅಖ್ಖಾನ ಲುಕ್ಷಾನ್‌ಕರಿಸ್ ಲ್ಹಾವ್ಸ್. ಆಹೈರೋತೆ ಇನಖ್ಹಾಜೆ ಮೆ ಖ್ಹಾರುಸ್ ಗುಮೈಲಿದೋತೆಬಿ ಯೊ ಅಖ್ಖಾನ ಕಚ್ರೊ಼ಸ್ ಕರಿ ಲ್ಹಾವ್ಸ್.

ಇಬ್ರಿ 10:34

ತುಮೆ ಜೇಲ್‌ಮ ರ‍್ಹವಾಳನ ಆರ್‌ಗೋರ್‌ ಒತಾಳ್ಯ. ಅನೇಥಿ ಊಚು಼ ಹುಯಿರ‍್ಹುತೆ ಹಮೇಶಾನಿ ಆಸ್ತಿ ಛಾ಼ಕರಿ ಮಾಲುಮ್ ಕರಿಲಿದ ತುಮಾರಿ ಶೊತ್ನ ಛಿನೈಲ್ಯವಾಳಾನ ಶಂತೋಖ್ಹ್‌ಥಿ ಮ್ಹೇಲಿರಾಖ್ಯಸ್.