ಫಿಲಿಪ್ಪಿ 3:20 - ದೇವ್ನಿ ಖ್ಹಾಚಿ ವಚನ್

²⁰ ಅಪ್ಣೆತೋಬಿ ಸೊರ್ಗಾನ ಪ್ರಜೆ ಹುಯಿರಾಸ್, ಅಪ್ಣೊ ಬಚಾ಼ಡವಾಳೊ ಪ್ರಭು ಯೇಸು ಕ್ರಿಸ್ತಸ್ ಹಿಜ಼್ಜಾಥೊ ಆವಾನು ಮ್ಹೋರೆ ದೇಖುಕರೆಸ್.

ಫಿಲಿಪ್ಪಿ 3:20 Cross References

ಮತ್ತಾಯ 19:21

ಯೇಸುನೆ ಇನ, “ತೂ ಪಕ್ಕಾ ಹೋಣುಕರಿ ಉಶೇತೊ, ಜೈ಼ನ್, ತಾರು ಶೊತ್ನ ಖ್ಹಾರು ವೇಚಿನ್, ಇನೇಥಿ ಆವಸ್ತೆ ಪೈಶಾನ ಗರೀಬ್‌ನ ದೇ, ತದೆ ಸೊರ್ಗಾಮ ತುನ ಶೊತ್ ರ‍್ಹಿಶೆ. ಅನಕೇಡೆಥು ತೂ ಐನ್, ಮಾರ ಪೀಠೆ ಆವ್!” ಕರಿ ಬೋಲ್ಯೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:21

ಇನಖ್ಹಾಜೆ ಯೋಸ್‌, ಧನ್‌-ದೌಲತ್‌ನ ಜ಼ಮಕರಿಲ್ಯವಾಳಾನಿ ಹಾಲ್‌ಬಿ ಅಮ್ಮಸ್, ಕತೋಬಿ ದೇವ್ನ ಡೋಳಾಮ ಇವ್ಣೆ ಶೌಕಾರ್ ಕಾಹೆ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 14:14

ತದೆ ತೂ ಧನ್ಯ ಹುಯಿಶ್, ಇವ್ಣೆ ಪಾಛು಼ಫರಿ ಶಾತ್ಬಿ ಕರಾನಕೊಂತೆ ಇವ್ಣೆ, ನೀತಿವಾಳುಖ್ಹಾರು ಮರ್‌ಣ್‌ಮಾಥು ಪಾಛು಼ ಜಿವ್ತುಹುಯಿನ್‍ ಆವಾನಿ ವಖ್ಹತ್‌ಮ ದೇವ್ ತುನ ದೇವ್ಣುತೆ ಇನ ದಿಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 1:11

ಗಲಿಲಾಯವಾಳ ಅದ್ಮಿವೊ, ತುಮೆ ಶನ ಆಸ್ಮಾನ್ನಾಸ್ ದೇಖುಕರಸ್? ತುಮಾರಕಂಥು ಯೇಸು ಕಿಮ್ ಪರ್‌ಲೋಕ್ನ ಛ಼ಡಿಗಯೊತೆ ತುಮೆ ದೇಖ್ಯಾಕಿ ಇಮ್ನಿ ಪರಕ್ಮಾಸ್ ಪಾಛು಼ ಆವ್‌ಶೆ.

1 ಕೊರಿಂಥ 1:7

ಅಮ್‍ರ‍್ಹವಾಪರ್, ಅಪ್ಣೊ ಪ್ರಭು ಯೇಸುಕ್ರಿಸ್ತ ಪಾಛೊ಼ ಆವಾನುಸ್ ಟಿವೈ ದೇಖುಕರಾತೆ ತುಮೆ, ದೇವ್‍ಥಿ ಆವಾತೆ ಹರೇಕ್ ವರಾನ ಲೀಲ್ಯಾವಾಳ ಹುಯಿರಾಸ್.

1 ಕೊರಿಂಥ 15:48

ಮಾಟಿನೊ ಅದ್ಮಿ ಕೆಥ್ರಾನೋಕಿ, ಮಾಟಿನ ಸಂಬಂದ್ ರ‍್ಹವಾಳುಬಿ ಎಥ್ರಾನಸ್‍ವಾಳು, ಪರ್‌ಲೋಕ್‌ನೊ ಅದ್ಮಿ ಕೆಥ್ರಾನವಾಳೋಕಿ ಪರ್‌ಲೋಕ್ನ ಸಂಬಂಧ್‍ರ‍್ಹಾವಾಳುಬಿ ಎಥ್ರಾನಸ್‍ವಾಳು ಹುಯಿರ‍್ಹಿಶೆ.

2 ಕೊರಿಂಥ 4:18

ಅಪ್ಣೆ ದೆಖಾವತೆ ಇನಅಖ್ಖು ದೆಖ್ಯೆಕೊಂತೆ ಛಾ಼ತೆ ಇನ ದೇಖವಾಳ ಹುಯಿರಾಸ್. ಶನಕತೊ ದೆಖಾವತೆ ಅಖ್ಖು ಥೋಡಿ ವಖ್ಹತ್‌ಖಲಿ ರ‍್ಹೇಸ್. ದೆಖಾವಕೊಂತೆ ಯೋ ಹರ್‌ಹಮೇಶ ರ‍್ಹೇಸ್.

2 ಕೊರಿಂಥ 5:8

ಇನಾಖ್ಹಾಜೆ ಹಮೆ ಭಾಲಿವಾಳ ಹುಯಿರ‍್ಹಿನ್ ಶರೀರ್‌ನ ಮ್ಹೇಲಿನ್ ಪ್ರಭುನಿ ಜೋ಼ಡ್ಮ ಜಾ಼ವಾನೂಸ್ ಅಛ್ಛು಼ಕರಿ ಆಖ್ಹ್ ಕರಿಯೇಸ್.

ಗಲಾತ್ಯ 4:26

ಕತೋಬಿ ಸೊರ್ಗಾನು ಯೆರೂಸಲೇಮ್ ಕರಿ ಬೋಲವಾಳಿ ಛುಟ್ಕಾರ್‌ವಾಳಿ ಹುಯಿರ‍್ಹೀಸ್. ಆಸ್ ಅಪ್ಣಿ ಆಯ.

ಎಫೆಸ 2:19

ಅಮ್‌ರ‍್ಹವಾಪರ್ ತುಮೆ ಹಮ್ಕೆ ಬಿಜ಼ ದೇಖ್ಹ್‌ವಾಳ ರ‍್ಹವೊ ಯೆಹೂದ್ಯರ್ ಕಾಹೆತೆ ರ‍್ಹವೊ ನಾ ಹುಯಿರ‍್ಹೇಣುತೆ ದೇವ್ನ ಅದ್ಮಿಯೇನ ಜೋ಼ಡೆ ಎಕ್ಕಸ್ಜ಼ಗೊವಾಳಬಿ ದೇವ್ನ ಘರ್‌ವಾಳಬಿ ಹುಯಿರ‍್ಹಾಸ್.

ಎಫೆಸ 2:6

ಕ್ರಿಸ್ತ ಯೇಸುನ ಗಳ್‌ಜೋ಼ಡ್ಮ ಅಪ್ಣುನ ಜಿವ್ತು ಉಠಾಡಿನ್ ಪರಲೋಕ್‍ಮ ಬೆಖ್ಹಾಡ್ಯೊ.

ಫಿಲಿಪ್ಪಿ 1:10

ಅಮ್ ಮಹಾನ್ ಕಾಮ್‌ಖ್ಹಾರು ಖಿವುಕರಿ ಬೋಲಾನು ತುಮೆ ಪರ್ಖಾವಾಳ ಹುಯಿರ‍್ಹೇಣು ಕರೀಬಿ ಬಿಜು಼ ಕ್ರಿಸ್ತ ಆವಾನ ದನ್ಮ ತುಮೆ ಪರಿಶುದ್‌ಥೀಬಿ ದೋಷ್‌ಕೊಂತೇಬಿ ರ‍್ಹಿಶು.

ಫಿಲಿಪ್ಪಿ 1:27

ಕಿಮ್‌ಬಿ ಕ್ರಿಸ್ತನಿ ಸುವಾರ್ತೆನ ಲ್ಹಾಯೇಕ್‌ಹುಯಿನ್ ಚಾ಼ಲಿಲೆವೊ. ತದೆ ಮೆ ಐನ್ ತುಮುನ ದೇಖ್ಯೊತೋಬಿ ಚಾ಼ಲಸ್, ದೂರ್ ರ‍್ಹೀನ್ ತುಮಾರಿ ಖಬರ್‌ನ ಖ್ಹಮ್‌ಜೊ ಚಾ಼ಲಸ್, ತುಮೆ ತುಮಾರ ವಿರೋದಿನ ಖಿವಿ ವಿಚಾರ್‌ಮಾಬಿ ನಾಡರ‍್ನುತೆ ಏಕ್‌ ದಿಲ್‌ಥಿ ಘಟ್‍ಥಿ ಭೀರಿನ್ ಸುವಾರ್ತೆಮ ರಾಖ್ಯತೆ ವಿಶ್ವಾಸ್ನಖ್ಹಾಜೆ ಏಕ್‌ ಮನ್‌ಥಿ ಲಡವಾಳ ಹುಯಿರ‍್ಹಾಸ್‍ಕರಿ ಮೆ ಲ್ಹಾವ್ಸ್.

ಕೊಲೊಸ್ಸೆ 1:5

ಪರ್‌ಲೋಕ್‌ಮ ತುಮಾರಖ್ಹಾಜೆ ಭರೋಖ್ಹಾನಿ ಬಾರೇಮ ಸುವಾರ್ತೆ ಖ್ಹಾಚಿ ವಚನ್‍ಥಿ ತುಮೆ ಪಹಿಲೇಸ್ ಖ್ಹಮ್‌ಜಿರಾಖ್ಯಾಸ್‌.

1 ಥೆಸ 1:10

ದೇವ್ನೆ ಮರ‍್ಯಾಹುಯಾಮಾಥು ಉಠಾಡ್ಯೋತೆ ಅಜು಼ ಸೊರ್ಗಮಾಥೊ ಆವ್‌ಶೇತೆ ಇನ ಛಿಯ್ಯಾನಖ್ಹಾಜೆ ತುಮೆ ಟಿವವ್‍ಕರಸ್ ಕರೀಬಿ ಆ ಅದ್ಮಿಸ್ ಬೋಲಾಸ್. ಆ ಯೇಸು ಖ್ಹಾಮ್ಣೆ ಉಳ್ಯಾವತೆ ದೇವ್ನ ಇರಾದಾಥಿ ಅಪ್ಣುನ ಬಚಾ಼ಡವಾಳೊ ಹುಯಿರೋಸ್.

1 ಥೆಸ 4:16

ಶನಕತೊ ಪ್ರಭು ಇನುಯೋಸ್ ಹುಕುಮ್‌ನಿ ಆವಾಜ಼್‌ಥೀಬಿ, ಗಲ್‌ಢೊ ದೂತಾನೊ ಆವಾಜ಼್‌ಥೀಬಿ, ಅಜು಼ ದೇವ್ನಿ ತುತ್ತೂರಿನ ಆವಾಜ಼್‌ಥೀಬಿ ಪರ್‌ಲೋಕ್‌ಥು ಉತ್ರಿನ್ ಆವ್‌ಶೆ. ತದೆ ಯೇಸು ಕ್ರಿಸ್ತನಿ ವಿಶ್ವಾಸ್ಮ, ಮರಿಗಯೂತೆ ಇವ್ಣೆ ಪಹಿಲೆ ಉಠಿ ಆವ್‌ಶೆ.

2 ತಿಮೊ 4:8

ದೇವ್ನ ಖ್ಹಾಜಾ಼ನಿಮತ್ ಜಿವವಾಳಾನ ಮಳಾಸ್ತೆ ಜಯಾನಿ ಹಾರ್ ಹಮ್ಕೆ ಮಾರಖ್ಹಾಜೆ ತೈಯಾರ್ ಛಾ಼. ಯೋ ನೀತಿವಾಳೊ ನ್ಯಾವ್‍ನೊ ಅದಿಪತಿ ಹುಯಿರ‍್ಹೋತೆ ಪ್ರಭು, ಯೋ ದನ್ಮ ಮನ ದಿಶೆ, ಮನಾಸ್ ಕಾಹೆತೆ, ಯೋ ಆವ್‌ಶೇತೆ ದೇಕ್ಣು ಕರಿ ಪ್ಯಾರ್‌ಥಿ ಜ಼ಪಿರ‍್ಹೂತೆ ಇವ್ಣುನಾಬಿ ದಿಶೆ.

ಪೌಲನೆ ತೀತನ ಲೀಖ್ಯೋತೆ ಚಿಟ್ಟಿ 2:13

ಕತೊ ಕಿಮ್ ಭರೋಖ್ಹೊ ಕರೀನ್ ಜ಼ಪುಕರೇ಼ತೆ ಖ್ಹುಶಿನೊ ದನ್ನಖ್ಹಾಜೆ, ಅಪ್ಣೆ ಅಮ್ಮಸ್ ಜಿವ್ಣು. ತದೆ ಯೋ ದನ್ಮ ಅಪ್ಣೊ ಮಹಾನ್ ದೇವ್ ಅಜು಼ ರಕ್ಷಕ್ ಹುಯಿರ‍್ಹೋತೆ ಯೇಸುಕ್ರಿಸ್ತನಿ ಮಹಿಮೆ ದೆಖಾವ್‌ಶೆ.

ಇಬ್ರಿ 12:22

ಕತೋಬಿ ತುಮೆ ಚೀಯೋನ್ ಪರ್ಭತ್‌ಕನ ಅಜು಼ ಜಿವ್ತಜಾನ್ನ ದೇವ್ನ ನಂಗರ್ ಹುಯಿರುತೆ ಸೊರ್ಗಾನ ಯೆರೂಸಲೇಮ್‌ನ, ಜ಼ತ್ರಾಮ ಭರೈರುತೆ ಲಾಖೋಲಾಕ್ ದೇವ್ನ ದೂತರ್‌ಕನಾಬಿ,

ಇಬ್ರಿ 9:28

ಇಮ್ಮಸ್ ಕ್ರಿಸ್ತ ಜಿನುಬಿ ಕೈಯೆಕ್ಕಿ ಅದ್ಮಿನು ಪಾಪ್ ಕಾಡಾನಖ್ಹಾಜೆ ಎಕ್ಕಸ್ ವಖ್ಹತ್ ಸಮರ್ಪಣ್‌ ಹುಯೊ. ಯೋ ಬೇನೆ ಹಲ್ಲ ದೆಖಾವ್‌ಶೆತೆ ಪಾಪ್ನ ಕಾಡನ ಕಾಹೆಕತೊ ಕೋಣ್ ಟಿವೈರ‍್ಹುಸ್ಕಿ ಇನ ಬಚಾ಼ನಖ್ಹಾಜೆ ಆವ್‌ಶೇತೆ.

ಪ್ರಕಾಶಿತ್ 1:7

“ದೇಖೊ ಯೋ ವಾದ್‍ಳಾನ ಜೋ಼ಡೆ ಆವಾಳೊ ಹುಯಿರೊಸ್, ಹರೇಕ್ನೊ ಡೋಳೊ ಇನ ದೇಕ್‍ಷೆ ಇನ ಭೋಕ್ಯುಹುಯುಬಿ ಇನ ದೇಕ್‍ಷೆ” ಆ ಜಗತ್‌ನು ಅಖ್ಖು ಖೂಮ್‌ವಾಳು ಅಂದ್ರೋಖ್ಹ್‌ ಕರ್ಶೆ. ಒಹೊ ಇಮ್ಮಸ್ ಉಷೆ ಆಮೆನ್.