ಫಿಲಿಪ್ಪಿ 3:19 - ದೇವ್ನಿ ಖ್ಹಾಚಿ ವಚನ್

¹⁹ ಪೇಟಸ್ ಇವ್ಣು ದೇವ್, ಖ್ಹರಮ್‌ಕಾಡಾನು ಕಾಮಸ್ ಇವ್ಣುನ ಮರ್ಯಾದಿನು. ಇವ್ಣೆ ಜಗತ್ನಿ ಬಾರೇಮಸ್ ಸೋಚವಾಳು, ಅನಖ್ಹಾಜೆ ವಿನಾಶಥೀಸ್ ಇವ್ಣೆ ಖ್ಹರ್ತಿಉಷೆ.

ಫಿಲಿಪ್ಪಿ 3:19 Cross References

ಮತ್ತಾಯ 16:23

ತದೆ ಯೇಸುನೆ ಫರೀನ್, ಪೇತ್ರನ, “ಏ ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼! ತೂ ಮಾರ ಕಾಮ್ನ ಅಡ್ಡಿ ಹುಯಿರ‍್ಹೋಸ್! ತಾರಿ ಆ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಮತ್ತಾಯ 25:41

ಅನಕೇಡೆಥು ಯೋ ರಾಜ಼ ಇನಿ ಡಾವಿ ಬಾಜೂ಼ಮ ಭೀರ‍್ಯೂತೆ ಅದ್ಮಿಖ್ಹಾರಾನ, ‘ಮಾರೇಥಿ ದೂರ್ ಹಟಿಜಾ಼ವೊ, ತುಮೆ ದೇವ್ನಿ ಶಾಪ್ನ ಹೇಟ್ ಛಾ಼! ಮನ ಮ್ಹೆಂದಿನ್, ಶೈತಾನ್ನ ಅಜು಼ ಇನ ದೂತರ್‌ನಖ್ಹಾಜೆ ತೈಯಾರ್ ಹುಯಿರ‍್ಹೂತೆ ಹರ್‌ಹಮೇಶಾನಿ ಆಗ್‌ಮ ಜೈ಼ನ್, ಪಡೊ!

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:19

ಬಾದ್‌ಮ ಮಾರು ಮೇ, ಹೇ ಜಾನ್‌, ಕೆತ್ರಾಸ್ಕಿ ವರಖ್ಹ್ ಬೇಶಿನ್ ಖಾವಯೆತ್ರು ಅನಾಜ಼್ ತಾರಕನ ಪಡ್ಯೂಸ್. ಅರಾಮ್ ಕರಿಲೆ, ಖೈಪೀನ್ ಖ್ಹುಶಿ ಕರ್‌’ ಕರಿ ಇನು ಯೋಸ್ ಬೋಲಿಲಿದೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 16:19

ಏಕ್‌ ಜ಼ಣೊ ಶೌಕಾರ್ ಥೊ. ಯೋ ಹರ್‌ಹಮೇಶ ಘಣಾಮೋಲ್‌ನು ರಾಯಿಜಾ಼ಮಣ್ಣ ರಂಗ್ನು ರೇಖ್ಹಮ್‌ನ ಲುಂಗ್ಡಾವ್‍ನ ಪೇರ‍್ಹಿಲೀನ್‌, ದನ್‌ರೋಜ಼್‌ ಘಣಿ ಅಕ್ಲಾಶ್‌ಥಿ ಜಿವ್ಣು ಚ಼ಲಾವ್‍ಕರ್ತೊಥೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 18:4

ಥೋಡ ದನ್ ಇನೆ ಧ್ಯಾನ್ ಕೋ ದಿದೋನಿ. ಕತೋಬಿ ಬಾದ್‌ಮ ಇನು ಯೋಸ್, ‘ಮೇ ದೇವ್‍ನಾಬಿ ದೇಖಿನ್‌ ಡರಾವಾಳೊ ಕಾಹೆ, ಅದ್ಮಿನಾಬಿ ಮಜೂ಼ರ್‌ ಕರಾವಾಳೊ ಕಾಹೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:18

ಎಥ್ರಾನು ಅದ್ಮೆವ್‍ನ ಅಪ್ಣೊ ಪ್ರಭು ಕ್ರಿಸ್ತನಿ ಸೇವೆ ಕರಾನು ಮ್ಹೇಲಿನ್ ಇವ್ಣ ಪೇಟ್ನಿ ಸೇವೆಕರವಾಳ ಹುಯಿರ‍್ಹೇಸ್. ಮಿಠ್ಠಿ ಅಜು಼ ಕವ್ಳಿ ವಾತೇಥಿ ಶೇದೇವ್ ಅದ್ಮಿವ್‌ನ ದಿಲ್ನ ಠಗಾವವಾಳು ಹುಯಿರ‍್ಹುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 6:21

ತುಮೆ ಖರಾಬ್ ಕಾಮ್‍ಕರ‍್ಯ, ಹಮ್ಕೆ ತುಮೆ ಯೋ ಕಾಮ್ನಿಬಾರೇಮ ಖ್ಹರ್‌ಮಾವಸ್ನಿ? ಯೋ ಕಾಮ್‍ಥಿ ತುಮೂನ ಮರಣಸ್ ಹುಯಿರ‍್ಹುಸ್.

1 ಕೊರಿಂಥ 3:3

ಶನಕತೊ ತುಮೆ ಅಜೂ಼ಬಿ ಜಗತ್‌ವಾಳ ಹುಯಿರ‍್ಹಾಸ್, ತುಮಾರಮ ಪೇಟ್ನೊ ಬಳಾಪೊ ಲಡೈಝ಼ಗ್‍ಡೊ ರ‍್ಹವಾನಿಘೋಣಿ, ತುಮೆ ಜಗತ್‌ವಾಳ ಹುಯಿರ‍್ಹಿನ್ ಖಲಿ ಬಿಜಾ಼ಅದ್ಮಿನಿಮತ್ ಚಾ಼ಲಸ್ ಕೊಯ್ನಿಕಿಶು?

1 ಕೊರಿಂಥ 5:2

ಕತೋಬಿ ತುಮೆ ಊಚ಼ಹುವಾನ ದೇಖುಕರಸ್. ಕಿಮ್ ರ‍್ಹಯುತೋಬಿ ತುಮೆ ದುಖ್ ಕೋ ಕರ‍್ಯಾನಿತೆ, ಆ ಕಾಮ್ ಕರವಾಳನ ತುಮಾರಮಾಥು ಭಾರ್‌ ಕಾಡಾನ ಕೊ ಹೊಯ್ನಿಕಿಶು?

1 ಕೊರಿಂಥ 5:6

ತುಮಾರು ಹಂಕಾರ್ ಕರಾನು ಅಛ್ಛು಼ಕಾಹೆ; ದರಾಖ್ಹು ಶೋಡ ಘುಂದಾಸ್ತೆ ಆಟಾನ ಫುಲಾವಸ್‌ಕರಿ ಬೋಲಾನು ತುಮೂನ ಮಾಲುಮ್ ಕೊಯ್ನಿಕಿ ಶು?

2 ಕೊರಿಂಥ 11:12

ಥೋಡುಜ಼ಣು ಇವ್ಣೆ ಕರುಕರಾತೆ ಕಾಮ್, ಹಮೇ ಅಪೊಸ್ತಲರ್ ಹುಯಿನ್ ಕರುಕರೆತೆ ಕಾಮ್ನ ಬರೋಬರ್ ಕರಿ ಅಡ್‍ಫೇಡ್‍ಬೋಲಾನ ವಖ್ಹತ್ ಢೂಂಡುಕರಾಸ್. ಇವ್ಣುನ ಖಿವು ಭಾಣು ನಾಮಳ್‍ನುತೆ ಮೇ ಹಮ್ಕೆ ಕರುಕರುಸ್ತೆ ಇನಾಸ್ ಕರ್ತೊಜ಼ಯಿಶ್‍.

2 ಕೊರಿಂಥ 11:15

ಇನಾಖ್ಹಾಜೆ ಇನ ಸೇವಕರ್‌ಬಿ ನೀತಿನ ಸೇವಕರ‍್ನಿತರ ದೆಖೈಲ್ಯಾವಾನ ಇವ್ಣುನ ಬದ್‍ಲೈಲ್ಯಾವಾನು ಆಶ್ಚರ್ಯ ಶಾತ್‍ಬಿಕೊಯ್ನಿ. ಇವ್ಣ ಕಾಮ್ನ ತಕ್ಕಾದ್‍ನ ಇವ್ಣು ಖ್ಹರ್ತಿಬಿ ರ‍್ಹಿಶೆ.

ಗಲಾತ್ಯ 6:13

ಖ್ಹತ್ನ ಕರಾಯುಹುಯೂಸ್ ಧರ್ಮಶಾಸ್ತ್ರನ ಪಾಡಿನ್ ಚಾ಼ಲುಕರ ಕೊಯ್ನೀನಿ. ಇವ್ಣೆ ತುಮಾರಿ ಶರೀರ್‌ನಿ ಬಾರೇಮ ಊಚ಼ ಹುವಾನಖ್ಹಾಜೆ ಖ್ಹತ್ನ ಹೋಣುಕರಿ ಆಖ್ಹ್‌ಕರಾಸ್‌.

ಫಿಲಿಪ್ಪಿ 2:21

ಅಖ್ಖುಜ಼ಣು ಇವ್ಣ ಕಾಮ್‌ಪರ್ ಮಗನ್‌ ರ‍್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್‌ಪರ್ ಮನ್‌ಲಗಾಡಕೊಯ್ನಿ.

ಕೊಲೊಸ್ಸೆ 3:2

ಪರಲೋಕ್ನು ಛಾ಼ತೆ ಇನಿ ಬಾರೇಮ ಸೋಚೊ, ಜಗತ್‌ಮ ಛಾ಼ತೆ ಇನಿ ಬಾರೇಮ ಕಾಹೆ.

2 ಥೆಸ 1:9

ಪ್ರಭು ಇವ್ಣುನ ಇನಿ ಮಹಿಮೆನಿ ಶಕತ್ನ ಖ್ಹಾಮ್ಣೇಥು ಹಟೈನಾಖಿದಿನ್ ಇವ್ಣುನ ಹರ್‌ಹಮೇಶಾನು ನಿಶತ್‌ ದಿಶೆ.

2 ಥೆಸ 2:12

ಅನೇಥಿ ಖ್ಹಾಚಿನ ವಿಶ್ವಾಸ್‌ಕರ‍್ಯುಕೊಂತೆ, ಪಾಪ್ನು ಕಾಮ್ಮ ಖ್ಹುಶಿಕರಾವಾಳ ಹರೇಕ್ನ ತೀರ್ಪ್‌ ಉಶೆ.

2 ಥೆಸ 2:8

ಯೋ ಅಧರ್ಮಿ ದೆಖಾವ್‌ಶೆ. ಪ್ರಭು ಯೇಸು ಇನ ಮ್ಹೋಡಾನು ದಮ್‌ಥೀಸ್ ಇನ ಮಾರಿನಾಕ್‌ಶೆ. ಅಜು಼ ಯೋ ಹಿಜ಼್ಜಾ ರ‍್ಹಿಶೇತೆ ಇನಖ್ಹಾಜೇಸ್ ಇನ ನಾಶ್ ಕರಿನಾಕ್‌ಶೆ.

1 ತಿಮೊ 6:5

ಅತ್ರೇಸ್ ಕಾಹೆತೆ ಇಮ್ನ ಖ್ಹಾರ ಅದ್ಮಿಥಿ ಕದೇಬಿ ಖತಮ್ ಹುವ್ವಾಕೊಂತೆ ವಾದ್‌ವಿವಾದ್ ಪೈದಾ ಹುವಾಸ್. ಯೋ ಅದ್ಮಿಖ್ಹಾರು ಖ್ಹಾಚಿನ ಧಕೇಲಿದಿದುಹುಯು ಹುಯಿರ‍್ಹೂಸ್. ದೇವ್ನಿ ಸೇವೆ ಕತೊ ಧನ್‌-ದೌಲತ್ ಕಮಾವಾನೊ ಮಾರಗ್ ಕರಿ ಇವ್ಣೆ ಸೋಚಸ್.

2 ತಿಮೊ 3:4

ಧೋಕೊ ದ್ಯವವಾಳು, ದುಡ್ಕಿನ್ ವಾತೆ ಬೋಲವಾಳು, ಹಂಕಾರಿಅಖ್ಖು, ದೇವ್ನ ಪ್ಯಾರ್‌ಕರಾಥೀಬಿ ಹೋಶ್‌ನಿ ಭೋಗ್‌ಮಾಸ್ ಖುಷಿಕರವಾಳು ಹುಯಿರ‍್ಹೂಸ್.

ಯಾಕೋಬ 4:16

ಕತೋಬಿ ತುಮೆ ತುಮಾರಿ ಅಹಂಕಾರ್‌ಥಿ ತುಮಾರಿ ಬಾರೇಮ ಬಡೈಮಾರಿಲೇವೋಸ್. ಎಥ್ರಾನಿ ಖ್ಹರಾವ್ಣಿ ದೇವ್ನಖ್ಹಾಮ್ಣೆ ಗಲ್ತೀಸ್.

2 ಪೇತ್ರ 2:1

ಕತೋಬಿ ಇಸ್ರಾಯೇಲ್ ಅದ್ಮಿಯೇವ್‍ನ ಜೋ಼ಡ್ಮ ಝೂ಼ಟು ಪ್ರವಾದಿಜಿನು ಥೂ. ಇಮ್ನಿಸ್ ಪರಕ್ಮ ತುಮಾರಮಾಬಿ ಝೂ಼ಟು ಬೋಧಕರ್ ಖ್ಹಾರು ರ‍್ಹಿಶೆ. ಇವ್ಣೆ ಖತರ್‌ನಾಕ್ ಖರಾಬ್ ಬೋಧನೆಖ್ಹಾರು ಗಪ್ಲಥ್ಥಿ ಮಹಿಲೀನ್‍ ಆವವಾಳುಬಿ ಅಜು಼ ಇವ್ಣುನ ಮೋಲ್ ಲಿದೋತೆ ಯಜಮಾನ್ನ ಜಿನು ಝಿಟ್ಕಾರವಾಳು ಹುಯಿರಿನ್ ಒಗ್ಗಿಸ್‌ಮ ಇವ್ಣಪರ್ ನಾಶನನ ಬುಲೈಲೆಸ್.

2 ಪೇತ್ರ 2:13

ಇವ್ಣಿ ಖರಾಬ್‌ನೀತಿಥೀಸ್‌ ಬರೋಬರ್ ನಿಶತ್ ಲೀಲಿಶೆ. ಜಾ಼ಖ್ಹತ್ ಖರ್ಚ್‌ಕರಾಮಾಸ್ ದನ್‍ಕಾಡನುಸ್ ಖುಷಿಕರಿ ಗಣ್ತಿ ಕರಸ್. ಅವ್ಣೆ ತುಮಾರಿ ಜೋ಼ಡ್ಮ ಮಿಝ಼್‌ವಾನ್ ಕರಾನಿವಖ್ಹ್‌ತೆ ಠಗಾವವಾಳು ಹುಯಿರ‍್ಹಿನ್ ಖಯ್‍ಪೀನ್‍ ಕಳಂಕ್‍ನಾಬಿ ಖ್ಹರಮ್‌ಬಿ ಕಡೈಲ್ಯಾವಾಳು ಹುಯಿರ‍್ಹುಸ್‍.

2 ಪೇತ್ರ 2:3

ಇವ್ಣೆ ಪೈಶಾನಿ ಲಾಲ್‍ಛಿವಾಳು ಹುಯಿರ‍್ಹಿನ್, ಬಣೈಹುಯ್ ಖೇಣಿನ ಬೋಲ್ತುಹುಯಿನ್‌, ತುಮಾರೇಥಿ ನಫ್ಫೊ ಕರಿಲ್ಯಾವಾಳು ಹುಯಿರ‍್ಹಿಶೆ.ಇನಖ್ಹಾಜೆ ಘಣಾದನ್‍ಥು ಇವ್ಣುನ ಛಾ಼ತೆ ನಿಶತ್ನು ತೀರ್ಪ್ ಇವ್ಣುನ ಟಿವೈರ‍್ಹುಸ್. ಇವ್ಣುನ ಆವನಿ ನಾಶನ ಇವ್ಣೇಥಿ ಛು಼ಕಿಜಾ಼ಶೇಸ್ ಕೊಯ್ನಿ.

ಯೂದನೆ ಲೀಖ್ಯೋತೆ ಚಿಟ್ಟಿ 1:10

ಕತೋಬಿ ಆ ಅದ್ಮಿಖ್ಹಾರು ಇವ್ಣುನ ಮಾಲುಮ್‌ಕೊಂತೆ ತಿನಿಬಾರೇಮ ದೂಷಣೆ ಕರಸ್. ಅಜು಼ ಇವ್ಣೆ ಅಕ್ಕಲ್‌ಕೊಂತೆ ಜಾನ್ವರ್‌ನಿತರ ಮಾಲುಮ್‌ ಕರಿಲೇಸ್. ಅಜು಼ ಇನೇಥಿ ಇವ್ಣು ಇವ್ಣೇಸ್ ನಾಶ್ ಕರಿಲೇಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:16

ಆ ಖರಾಬ್ ಬೋಧನೆ ಕರಾವಾಳು, ಭಣ್‍ಕಾವಾಳುಬಿ ಗಲತ್‌ ಢೂಂಡಾವಾಳೂಬಿ ನಿಕ್‍ಳ್ಯೊಜಾನ್ ವಾಳೂಬಿ, ಬಡೈಮಾರವಾಳೂಬಿ ಶೊಂತ್‍ ಫಾಯಿದನಖ್ಹಾಜೆ ಖ್ಹರಾವ್ಣಿ ಕರಾವಾಳುಬಿ ಹುಯಿರ‍್ಹುಸ್.

ಯೂದನೆ ಲೀಖ್ಯೋತೆ ಚಿಟ್ಟಿ 1:4

ಶನಕತೊ ಭಕ್ತಿಕೊಂತೆ, ಅಪ್ಣ ದೇವ್ನ ವಾರ್‌ಖ್ಹಾನ ಭಾಣುಕರಿಲೀನ್‍ ಖ್ಹರಮ್‌ಕೊಂತೆ ಕಾಮ್ನ ಕರವಾಳುಬಿ, ಅಪ್ಣೊ ಎಕ್ಕಸ್ ಯಜಮಾನ್‌ಬಿ ಪ್ರಭು ಯೇಸುಕ್ರಿಸ್ತನ ಝಿಟ್ಕಾರವಾಳು ಥೋಡುಜ಼ಣು ಗಪ್ಲಥ್ಥಿ ಸಬೆಮ ಮಹಿ ಪೇಶಿರ‍್ಹುಸ್. ಅವ್ಣೆ ಅಗಾಡಿಥೂಸ್ ನಿಶತ್‌ನ ನೇಮಕ್‍ಹುಯಿರ‍್ಹುಸ್‍ ಕರಿ ಪವಿತ್ರ ವಚನ್‌ಮ ಲೀಖೈರುಸ್.

ಪ್ರಕಾಶಿತ್ 18:7

ಯೋ ಇನುಯೋಸ್ ಖ್ಹರೈಲಿನ್ ಭೋಗ್‌ನು ಜಿವ್ಣು ಕರೀಕಿ ಎತ್ರೇಸ್ ತುಮೆ ಇನ ಖ್ಹತಾಪ್ಣಿನ ದುಖ್‌ನ ಇನಾಪರ್ ಲ್ಯಾವೊ. ಕತೋಬಿ ಇನ ದಿಲ್ಮ ಕರಿಲಿದಿಕಿ ಮೇ ರಾಣಿ ಹುಯಿನ್ ಬೇಠಿಸ್, ಮೇ ಮುಂಡಚ್ಚಿ ಕಾಹೆ, ದುಖ್‌ನ ಕದೇಬಿ ಮೆ ದೇಖಿಷಸ್ ಕೊಯ್ನಿಕರಿ ಇನುಯೋಸ್ ಬೋಲಿಲಿದಿ.

ಪ್ರಕಾಶಿತ್ 19:20

ತದೆ ಯೊ ಜಾನ್ವರ್‌ನು ಧರಿಲಿದು. ಅತ್ರೇಸ್ ಕಾಹೆತೆ ಜಾನ್ವರ್‌ ಭಣೀಥು ಅದ್ಭುತ್ ಕಾಮ್‌ಖ್ಹಾರು ಕರೀನ್, ಜಾನ್ವರ್‌ನು ಖ್ಹಣೇದ್ ನಖಾಯಹುಯನ, ಅಜು಼ ಇನ ಮೂರತ್ನ ಆರಾದನೆ ಕರವಾಳನ ಪೊಖ್ಹ್‌ಲೈರಾಖ್ಯೊಥೊತೆ ಯೊ ಝೂ಼ಟುಪ್ರವಾದಿಬಿ ಇನ ಜೋ಼ಡೆ ಧರೈಗಯೊ. ಯೋ ಭೇಜ಼ಣಾನ ಜಾನ್ನಖ್ಹಮೇದ್‌ ರಂಜ಼ಕ್‌ಥಿ ಬಳಾನು ಆಗ್ನ ತಲಾವ್ಮ ಫೇಕ್ಯು.

ಪ್ರಕಾಶಿತ್ 21:8

ಕತೋಬಿ ಡರ್‌ಪೋಕ್‌ಖ್ಹಾರು, ವಿಶ್ವಾಸ್‌ಕೊಂತೆ ಖ್ಹಾರು, ಗಲೀಜ಼್ ಕಾಮ್ ಕರವಾಳು, ಖೂನಿಖ್ಹಾರು, ವ್ಯಬಿಚಾರ್ ಕರವಾಳು, ಜಾ಼ದುಕರಾವಳು, ಮೂರತ್ನ ಆರಾದನೆ ಕರವಾಳು, ಅಖ್ಖೂಸ್ ಜ್ಹೂ಼ಟು ಬೋಲವಾಳು ಅವ್ಣುನ ಮಳ್‌ಶೇತೆ ವಾಟೊ ಆಗ್ ರಂಜ಼ಕ್‌ಥಿ ಬಳ್ವಾನು ತಲಾವಸ್; ಯೋ ಬೇನು ಮರಣ್” ಕರಿ ಮನ ಬೋಲ್ಯೊ.

ಪ್ರಕಾಶಿತ್ 22:15

ಕತೋಬಿ ಕುತ್‌ರ‍್ಯಾವ್‌ನಿತರ ರ‍್ಹವಾಳುಬಿ, ಜಾ಼ದು ಕರವಾಳುಬಿ, ವ್ಯಬಿಚಾರ್ ಕರವಾಳುಬಿ, ಖೂನಿಖ್ಹಾರುಬಿ, ಮೂರತ್ನ ಖ್ಹಲಾಮ್ ಕರಾವಳುಬಿ, ಝೂ಼ಟಾನ ಪ್ಯಾರ್‌ಕರೀನ್ ಚಾ಼ಲವಾಳು ಅಜು಼ ಬೋಲವಾಳು ಯೊ ಖ್ಹಯೇರ‍್ನ ಭಾರ್‌ ರ‍್ಹಿಶೆಕರಿ ಬೋಲ್ಯೊ.