ಫಿಲಿಪ್ಪಿ 2:30 - ದೇವ್ನಿ ಖ್ಹಾಚಿ ವಚನ್

³⁰ ಅಮ್ ತುಮೇಸ್ ಮನ ಕರ್ನುತೆ ಮ್ಹೆಮಾನ್ಮ ಜ಼ರೂರತ್‌ನ ಭರಾನಖ್ಹಾಜೆ ಇನ ಜಾನ್‌ಪರ‍್ಲಿ ಆಖ್ಹ್‌ನ ಮ್ಹೆಂದಿನ್ ಕ್ರಿಸ್ತ ಯೇಸುನಿ ಸೇವೆಮ ಮರಿಗೊ.

ಫಿಲಿಪ್ಪಿ 2:30 Cross References

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:4

ಇವ್ಣೆ ಮಾರ ಜಾನ್ನಖ್ಹಾಜೆ ಇವ್ಣ ಜಾನ್ನ ಖತ್ರಾಮ ನಾಖ್ಯು. ಇವ್ಣುನ ಮೇಸ್ ಕಾಹೆತೆ ಯೆಹೂದ್ಯರ್‌ಕಾಹೆತೆ ಅದ್ಮಿಯೇವ್‌ನಿ ಸಬೆವಾಳೂಬಿ ಇವ್ಣುನ ಧನ್ಯವಾದ್‍ಕರಸ್.

1 ಕೊರಿಂಥ 15:53

ಕತೋಬಿ ನೂಛೈ಼ಜಾ಼ವಾನು ಶರೀರ್ ನೂಛಾ಼ವಕೊಂತೆ ಇಮ್‌ ಬದ್ಲಿಜಾ಼ಶೆ. ಮರವಾಳು ಮರಾಕೊಂತೆ ಹುಯಿಜಾಶೆ.

1 ಕೊರಿಂಥ 16:10

ಮಾರಿನಿತರ ತಿಮೊಥೆಬಿ ಪ್ರಭುನಿಸೇವೆ ಕರುಕರಸ್. ಯೋ ತುಮಾರಕನ ಆಯೋತೊ ಶನೂಬಿ ಡರಕೊಂತೆ ರ‍್ಹಾವನಿತರ ದೇಖಿಲೇವೊ.

1 ಕೊರಿಂಥ 16:17

ಸ್ತೆಫನನಾಬಿ, ಪೊರ್ತುನಾತೊಸಬಿ, ಅಖಾಯಿಕ ಕರಿ ಆಯೂತೆ ಮನ ಶಂತೋಖ್ಹ್‌ ಹುಯು. ಶನಕತೊ ತುಮೆ ನಾ ರ‍್ಹವಾನಿ ವಖ್ಹ್‌ತೆ ಮನಹುಯುತೆ ಕಮೀನ ಇವ್ಣೆ ಕಾಡಿನಾಖ್ಯ.

2 ಕೊರಿಂಥ 12:15

ಇನಖ್ಹಾಜೆ ಮಾರಾಕನ ರ‍್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ‍್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?

2 ಕೊರಿಂಥ 4:12

ಇನಾಖ್ಹಾಜೆ ಮರಣ್ ಹಮಾರಮ ಕಾಮ್ ಕರುಕರಸ್, ಕತೋಬಿ ತುಮಾರಮ ಜಾನ್‌ ಕಮ್ ಕರುಕರಸ್.

ಫಿಲಿಪ್ಪಿ 2:17

ತುಮಾರಿ ವಿಶ್ವಾಸ್ ಕರಿ ಬಲೀನ ಕಾಣ್ಕೆಮ ದೇವ್ನ ಮೇ ಅರ್ಪಣ್‌ಕರಾಮ ಮಾರ ಲೋಹಿನ ವವ್ಹಾಡನಿತರ ಹುಯುತೋಬಿ ಮನ ಖುಷಿ, ತುಮಾರ ಜೋ಼ಡೇಬಿ ಶಂತೋಖ್ಹ್‌ ಪಡುಸ್.

ಫಿಲಿಪ್ಪಿ 2:27

ಯೋ ರೋಗ್ಮಪಡೀನ್ ಮರನಿತರ ಥೋತೆ ಖ್ಹಾಚಾಸ್, ಕತೋಬಿ ದೇವ್ನೆಯಿನ ಗೋರ್‌ಕರ‍್ಯೊ. ಇನಾಸ್ ಖಲಿ ಕಾಹೆತೆ ಮನ ದುಖ್‌ನಪರ್ ದುಖ್ ನಾ ಆವ್ಣುತೆ ತಿಮ್ ಮನಾಬಿ ದಯಾಕರ‍್ಯೊ.

ಫಿಲಿಪ್ಪಿ 4:10

ಮಾರಿ ಬಾರೇಮ ತುಮುನ ಛಾ಼ತೆ ಖ್ಹದ್ದರ್‌ ಅತ್ರದನ್ನ ಪಾರ್ ಚಿಗುರ್‌ ಮ್ಹೇಲ್ಯುತೆ ಇನಖ್ಹಾಜೆ ಮೇ ಪ್ರಭುಮ ಖುಷಿಕರುಸ್. ಅಥ್ರಾನಿ ಸೋಚ್ ತುಮಾರಮ ಆ ಪಹಿಲೆ ರ‍್ಹಿಯುಹೊತ್ತೊಬಿ, ಮದತ್ ಕರಾನ ಬರೊಬರ‍್ನಿ ವೇಳ್ ಕೊಆಯಿರ‍್ಹಿಥೀನಿ.

ಫಿಲಿಪ್ಪಿ 4:18

ಹೋಣುತೆ ಅಖ್ಖೂಸ್ ಮನ ಛಾ಼, ಚೆಹೆಳ್ ಹುಯಿರ‍್ಹೋಸ್. ಎಪಫ್ರೊದೀತ್‌ನ ತುಮೆ ದೀನ್ ಮೋಕ್‌ಲ್ಯಾತೆ ಇನಾಮ್ ಮನ ಪೋಚಾ಼ನಿ ವಖ್ಹ್‌ತೆ ಮೆ ಭರೈನ್ ಚೆಹಳ್‌ವಾಳೊ ಹುಯಿರ‍್ಹೋಸ್. ಯೊ ತುಮಾರು ಕಾಣ್‌ಕೆ ದೇವ್ನ ಢಪ್ಕಾರ‍್ನು ವಾ ಹುಯಿರ‍್ಹುಸ್, ಯೊ ದೇವ್ನ ಲ್ಹಾಯಕ್‌ನು ಬಲಿ ಹುಯಿರ‍್ಹುಸ್.

ಫಿಲೆಮೋನ 1:13

ಸುವಾರ್ತೆನಖ್ಹಾಜೆ ಜೇಲ್‌ಮ ಥೋತೆ ತದೆ ಮನ ದೇಕ್‌ಭಾಲ್‍ ಕರಾನಖ್ಹಾಜೆ ತಾರಬದಲ್ ಇನ ಮಾರಕನಸ್ ರಾಖಿಲೆವ್ಣುಕರಿ ಸೋಚ್ಯೊಥೊ.

ಪ್ರಕಾಶಿತ್ 12:11

ಇವ್ಣೆ ಮರಣ್‌ಲಗೂಬಿ ಭೈಯೇ ಭೇನೆನ ಇವ್ಣ ಜಾನ್ನ ಪ್ಯಾರ್ ಕರ‍್ಯಕೊಂತೆ, ಮೇಂಢಾನ ಚೆಲ್ಕುಹುಯಿರ‍್ಹವಾಳನ ಲ್ಹೋಯಿಥಿಬಿ ಇನು ಸಾಕ್ಷಿನು ಅಜು಼ ಬೋಲಾಯುತೆ ವಚನ್‌ಥಿಬಿ ಇನ ಜೂತಿಲಿದು.