ಫಿಲಿಪ್ಪಿ 2:25 - ದೇವ್ನಿ ಖ್ಹಾಚಿ ವಚನ್

²⁵ ಮಾರಿ ಜ಼ರೂರತ್ನ ಕಾಡಾನಖ್ಹಾಜೆ ತುಮೆ ಮೋಕ್‍ಲ್ಯಥಾತೆ, ಮಾರೊ ಭೈ, ಜೋ಼ಡ್ನೊ ಸೇವಕ್‌ಬಿ, ಜೋ಼ಡ್‌ನೊ ಶಿಪಾಯಿಬಿ ಹುಯಿರ‍್ಹೋಸ್ತೆ ಎಪಫ್ರೊದೀತ್‌ನ ತುಮಾರಕನ ಮೋಕ್ಲಾನು ಜ಼ರೂರತ್ ಕರಿ ಲ್ಯಾಹುಸ್.

ಫಿಲಿಪ್ಪಿ 2:25 Cross References

ಯೋಹಾನ 13:16

ಮೇ ತುಮೂನ ಖ್ಹಾಚ ಬೋಲುಕರುಸ್, ಆಳ್‌ ಯಜಮಾನ್‍ಥಿ ಮೋಟೊ ಕಾಹೆ, ಅಜು಼ ಖಬರ್‌ದ್ಯವಾಳೊ ಇನ ಮೋಕ್‌ಲ್ಯೊತೆ ಇನೇಥಿ ಮೋಟೊ ಕಾಹೆ.

ಯೋಹಾನ 17:18

ತುನೆ ಮನ ಆ ಜಗತ್‌ಮ ಮೋಕ್‌ಲ್ಯೊತೆ ಇಮ್ಮಸ್, ಮೇಬಿ ಅವ್ಣುನ ಆ ಜಗತ್‌ಮ ಮೋಕ್ಲಿರಾಖ್ಯೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:3

ಕ್ರಿಸ್ತಯೇಸುಮ ಮಾರಿ ಜೋ಼ಡ್ಮಕಾಮ್‍ ಕರಾವಾಳು ಹುಯಿರಾತೆ ಪ್ರಿಸ್ಕಿಲ್ಲನಾಬಿ ಅಕ್ವಿಲನಾಬಿ ಮಾರಿ ಖ್ಹಲಾಮ್ ಬೋಲಿದೆವೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:9

ಕ್ರಿಸ್ತಮ ಮಾರಿ ಜೋಡ್ನಸೇವಕ ಹುಯಿರೋತೆ ಉರ್ಬಾನಾಬಿ ಮನ ಪ್ಯಾರ್‌ನೊ ದೋಸ್ತ್ ಸ್ತಾಖುಯನಾಬಿ ಖ್ಹಲಾಮ್.

1 ಕೊರಿಂಥ 3:9

ಶನಕತೊ ಹಮೆ ದೇವ್ನಖ್ಹಾಜೆ ಜೋ಼ಡ್ಮಕಾಮ್‍ ಕರಾವಾಳ. ತುಮೆ ದೇವ್ನು ಖೇತರ್‌ ಹುಯಿರ‍್ಹಾಸ್. ದೇವ್ನು ಪ್ರಾರ್ಥನೇನಿ ಮಂದಿರ್‌ ಹುಯಿರ‍್ಹಾಸ್.

2 ಕೊರಿಂಥ 2:13

ಕತೋಬಿ ಮಾರೊ ಭೈ ಹುಯಿರೋತೆ ತೀತನ ಮೇ ಹಿಜ್ಜಾ಼ ದೇಖ್ಯೊಕೊಂತೆ ಮಾರ ದಿಲ್ನ ಸಮಾಧಾನ್ ಕೋಥೂನಿ. ಇನಖ್ಹಾಜೆ ಮೇ ಇವ್ಣುನ ಧನ್ಯವಾದ್‌ ಬೋಲಿನ್ ಹಿಜ಼್ಜಾಥೊ ಮೆಕೆದೋನಿಯನ ನಿಕ್‍ಳ್ಯೊ.

ಫಿಲಿಪ್ಪಿ 2:26

ಇನೆ ತುಮಾರಿ ಬಾರೇಮ ತರ್ಖ್ಹುಕರ್ತೊಥೊ ಅಜು಼ ಯೊ ಜಾನ್ನ ಅಛ್ಛು಼ಕೊಂತೆ ಖಬರ್‌ನ ತುಮೆ ಖ್ಹಮ್‍ಜ್ಯಾತೆ ಇನಖ್ಹಾಜೆ ಯೊ ದುಖ್ ಕರಿಲಿದೊ.

ಫಿಲಿಪ್ಪಿ 4:18

ಹೋಣುತೆ ಅಖ್ಖೂಸ್ ಮನ ಛಾ಼, ಚೆಹೆಳ್ ಹುಯಿರ‍್ಹೋಸ್. ಎಪಫ್ರೊದೀತ್‌ನ ತುಮೆ ದೀನ್ ಮೋಕ್‌ಲ್ಯಾತೆ ಇನಾಮ್ ಮನ ಪೋಚಾ಼ನಿ ವಖ್ಹ್‌ತೆ ಮೆ ಭರೈನ್ ಚೆಹಳ್‌ವಾಳೊ ಹುಯಿರ‍್ಹೋಸ್. ಯೊ ತುಮಾರು ಕಾಣ್‌ಕೆ ದೇವ್ನ ಢಪ್ಕಾರ‍್ನು ವಾ ಹುಯಿರ‍್ಹುಸ್, ಯೊ ದೇವ್ನ ಲ್ಹಾಯಕ್‌ನು ಬಲಿ ಹುಯಿರ‍್ಹುಸ್.

ಫಿಲಿಪ್ಪಿ 4:3

ಮಾರೊ ಖ್ಹಾಚೊ಼ ಸಾಥಿನೊ ಸೇವಕ್, ಯೊ ತಯೇಡಾವ್ನ ಮದತ್ ಹುಯಿರ‍್ಹೇವ್ಣುಕರಿ ತುನ ಬೋಲಿಲೆವುಸ್. ಇವ್ಣೆ ಜಿನು ಕ್ಲೇಮೆನ್ಸ್ ಅಜು಼ ಥೋಡ ಜೋ಼ಡ್ಮಕಾಮ್‍ ಕರವಾಳನ ಖ್ಹಮೇದ್ ಮಾರ ಜೋ಼ಡೆ ಸುವಾರ್ತೆನಖ್ಹಾಜೆ ಖ್ಹತ್ಯು. ಅವ್ಣು ನಾಮ್‌ಅಖ್ಖು ಜಾನ್ನ ಹಕ್‌ವಾಳಾನಿ ಪಟ್ಟಿಮ ಛಾ಼.

ಕೊಲೊಸ್ಸೆ 1:7

ಅನ ತುಮೆ ಹಮಾರ ಜೋ಼ಡ್ಮ ಪ್ಯಾರ್‌ನೊ ಸೇವಕ್ ಹುಯಿರ‍್ಹೋತೆ ಎಪಫ್ರಥಿ ಶಿಕಿಲಿದ. ಯೋ ತುಮಾರ ಖ್ಹಾಜೆ ಕ್ರಿಸ್ತನೊ ವಿಶ್ವಾಸ್‌ವಾಳೊ ಸೇವಕ್ ಹುಯಿರ‍್ಹೋಸ್.

ಕೊಲೊಸ್ಸೆ 4:11

ಯೂಸ್ತಕರಿ ಬೋಲೈಲಿದೋತೆ ಯೇಸುಬಿ ತುಮುನ ಖ್ಹಲಾಮ್‍ಕರಸ್. ದೇವ್ನ ರಾಜ್ಯನಖ್ಹಾಜೆ ಮಾರಿಜೋ಼ಡೆ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೊಸ್. ಯೆಹೂದ್ಯರ್‌ಹುಯಿರ‍್ಹುತೆ ಅವ್ಣೆಥೀಸ್ ಕಾಮ್‌ಕರಾಮ ಮನ ಭಾಲಿ ಹುಯು.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

ಫಿಲೆಮೋನ 1:24

ಮಾರ ಜೋ಼ಡ್ಮಕಾಮ್‍ ಕರಾವಾಳ ಹುಯಿರ‍್ಹಾತೆ ಮಾರ್ಕ, ಅರಿಸ್ತಾರ್ಕ, ದೇಮ ಅಜು಼ ಲೂಕ ಅವ್ಣೇಬಿ ತುನ ಖ್ಹಲಾಮ್ ಕರಸ್.

ಇಬ್ರಿ 3:1

ಇನಖ್ಹಾಜೆ ಕ್ರಿಸ್ತಮ ಪರಿಶುದ್ಧರ‍್ಹವಾಳ ಭೈಯೇ ಭೇನೆವೊ ಸೊರ್ಗನು ಬುಲಾವ್ಣಿಮ ಭಾಗ್‌ ಲೀರಾಖವಾಳವೊ, ಅಪ್ಣೆ ಮಾನಿರಾಖ್ಯತೆ ಅಪೊಸ್ತಲಬಿ ಅಜು಼ ಮಹಾಯಾಜಕ್‍ಬಿ ಹುಯಿರ‍್ಹೋತೆ ಯೇಸುನಿ ಬಾರೇಮ ಧ್ಯಾನ್ ಲಗಾಡಿನ್ ಸೋಚೊ.