ಫಿಲಿಪ್ಪಿ 2:19 - ದೇವ್ನಿ ಖ್ಹಾಚಿ ವಚನ್

¹⁹ ಕತೋಬಿ ಪ್ರಭು ಯೇಸುನಿ ಮರ್ಜಿ ಹುಯೂತೊ ಮೆ ತಿಮೊಥೆನ ಜ಼ಲ್ದೀಥಿ ತುಮಾರಕನ ಮೋಕಲ್ನುಕರಿ ಭರೋಖ್ಹೊ ಛಾ಼. ಇನೇಥಿ ತುಮಾರಿ ಬಾರೇನಿ ಸಮಾಚಾರ‍್ನ ಖ್ಹಮ್‌ಜಿನ್‌ ಮೆ ಭಾಲ್‌ ಹುಯಿಶ್.

ಫಿಲಿಪ್ಪಿ 2:19 Cross References

ಮತ್ತಾಯ 12:21

ಅಜು಼ ಅಲಕ್‌ ಅದ್ಮಿಖ್ಹಾರು ಇನ ನಾಮ್‌ಪರ್‌ ಭರೋಖ್ಹೊ ಕರ್ಶೆ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 16:1

ಪೌಲನೆ ದೆರ್ಬೆ ಅಜು಼ ಲುಸ್ತ್ರಕರಿ ಖ್ಹಯೇರ್‌ಮ ಗಯೊ.ಹಿಜ್ಜಾ಼ ತಿಮೊಥೆಕರಿ ಏಕ್‍ಜ಼ಣೊ ಕ್ರಿಸ್ತನೊ ವಿಶ್ವಾಸಿ ಥೊ. ತಿಮೊಥೆನಿ ಆಯ ಯೆಹೂದ್ಯವಾಳಿ ಹುಯಿರ‍್ಹೀಥಿ ಅಜು಼ ಬಾ ಗ್ರೀಕ್‍ವಾಳೊ ಹುಯಿರ‍್ಹೋಥೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:12

ಪಾಛೊ಼ ಯೆಶಾಯ ಶಾತ್ ಬೋಲಸ್‍ಕತೊ, “ಇಷಯನ ಪಿಳ್ಗಿವಾಳೊ ಏಕ್‍ಜ಼ಣೊ ದೆಖೈಲೇಸ್. ಯೊ ಯೆಹೂದ್ಯರ್‌ಕಾಹೆತೆ ಅದ್ಮಿಖ್ಹಾರಾನ ಚ಼ಲಾವನ ಆವ್‌ಶೆ. ಅಜು಼ ಯೊ ಅದ್ಮಿಖ್ಹಾರು ಇನಖ್ಹಾಜೆ ಭರೋಖ್ಹೊ ಕರ್ಶೆ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:21

ಮಾರಿ ಜೋ಼ಡ್ಮಕಾಮ್‍ ಕರಾವಾಳೊ ಹುಯಿರೋತೆ ತಿಮೊಥೆಯ ತುಮೂನ ಖ್ಹಲಾಮ್ ಬೋಲುಕರುಸ್. ಇಮ್ಮಸ್ ಲೂಕ್ಯಬಿ, ಯಾಸೋನಬಿ, ಸೋಸಿಪತ್ರಬಿ, ಅಜು಼ ಮಾರಿನಿತರ ಯೆಹೂದ್ಯರ್‌ಖ್ಹಾರು ಹುಯಿರ‍್ಹಾತೆ ಇವ್ಣೆ ತುಮೂನ ಖ್ಹಲಾಮ್ ಬೋಲುಕರಸ್.

1 ಕೊರಿಂಥ 4:17

ಆ ಕಾರಣ್‍ಥಿ ಪ್ರಭುಮ ಮಾರ ಪ್ಯಾರ್‌ನೊ ಅಜು಼ ವಿಶ್ವಾಸ್‌ನೊ ಛಿಯ್ಯೊ ಹುಯಿರ‍್ಹವಾಳೊ ತಿಮೊಥೆನ ತುಮಾರಕನ ಮೋಕ್ಲಿರಾಖ್ಯೊಸ್. ಯೊ ತುಮೂನ ಕ್ರಿಸ್ತಯೇಸುಮ ಮಳಿರ‍್ಹವಾಮ ನವ ಜಿವ್ಣಮ ಅಜು಼ ಅಖ್ಖೀಸ್ ಬಾಜೂ಼ಮ ಮೇ ಹರೇಕ್ ಸಬೆಮಾಬಿ ಶಿಕಾಡನು ಚಾ಼ಲ್‍ಚ಼ಲಣ್‍ ಯೋ ತುಮಾರ ಖ್ಹಯಾಲ್ಮ ಲೀನ್‌ ಆವ್‌ಶೆ.

ಎಫೆಸ 1:13

ಸುವಾರ್ತೆನಿ ಖ್ಹಾಚಿ ಸಂದೇಶ್ನ ಖ್ಹಮ್‍ಜಾ಼ನಿ ವಖ್ಹ್‌ತೆ, ತುಮೇಬಿ ಜಿನು ದೇವ್ನ ಅದ್ಮಿ ಹುಯಿರ‍್ಹಾಥ. ಸುವಾರ್ತೆ ತುಮುನ ಛುಟ್ಕಾರ್ ದಿದು. ತುಮೆ ಕ್ರಿಸ್ತಮ ವಿಶ್ವಾಸ್ ಕರಿರಾಖ್ಯಾಸ್ ಅಜು಼ ದೇವ್ ಯೋ ವಾಗ್ದಾನ್ ಕರ‍್ಯೊತೆ ಪವಿತ್ರಾತ್ಮನ ತುಮುನ ದ್ಯಾವಥಿ ಇನೊ ಮುದ್ರೊನಾಖಿನ್ ಖ್ಹಣೇದ್ ಕರಿರಾಖ್ಯೋಸ್.

ಫಿಲಿಪ್ಪಿ 1:1

ಕ್ರಿಸ್ತ ಯೇಸುನ ದಾಸ ಹುಯಿರಾತೆ ಪೌಲಬಿ ತಿಮೊಥೆ, ಫಿಲಿಪ್ಪಿ ಖ್ಹಯೇರ‍್ನ ವಿಶ್ವಾಸಿಖ್ಹಾರಾನ ಅಜು಼ ಇವ್ಣ ಜೋ಼ಡೆ ರ‍್ಹವಾಳನ ಸಬೇನ ಮೋಟಾನ ಅಜು಼ ಮದತ್ ಕರವಾಳನ ಲೀಖಾನು ಶಾತ್‌ಕತೊ,

ಫಿಲಿಪ್ಪಿ 2:18

ಇಮ್ಮಸ್ ತುಮೇಬಿ ಶಂತೋಖ್ಹ್‌ ಪಡೊ, ಅಜು಼ ತುಮೆ ಮಾರ ಜೋ಼ಡೆಬಿ ಶಂತೋಖ್ಹ್‌ ಕರೊ.

ಫಿಲಿಪ್ಪಿ 2:28

ಇನಖ್ಹಾಜೆ ತುಮೆ ಇನ ದೇಖಿನ್ ಪಾಛು಼ ಶಂತೋಖ್ಹ್‌ ಕರ್ನುಕರಿಬಿ ಮಾರಿ ದುಖ್ ಕಮ್ ಹೋಣುಕರೀಬಿ ಮೇ ಇನ ಘಣು ತರಖ್ಹ್‌ಥಿ ಮೋಕ್ಲುಕರುಸ್.

1 ಥೆಸ 3:2

ಹಮೆ ಹಮಾರ ವಿಶ್ವಾಸ್‌ಮ ಅಜು಼ ದೇವ್ನಖ್ಹಾಜೆ ಕ್ರಿಸ್ತನಿ ಸುವಾರ್ತೆನ ಬೋಧನೆಮ ಮಾರ ಜೋ಼ಡ್ಮ ರ‍್ಹವಾಳೊ ತಿಮೊಥೆನ, ತುಮೂನ ಹುಮ್ಮಖ್ಹ್ ದ್ಯವಾನ ಅಜು಼ ವಿಶ್ವಾಸ್ಮ ಹುಮ್ಮಖ್ಹ್‌ ಕರಾನಖ್ಹಾಜೆ ತುಮಾರಕನ ಮೋಕ್‍ಲ್ಯಾಥ.

1 ಥೆಸ 3:5

ತಿಮೊಥೆನ ತುಮಾರಿ ವಿಶ್ವಾಸ್‌ನಿ ಬಾರೇಮ ಮಾಲುಮ್ ಕರಿಲ್ಯವಾನಖ್ಹಾಜೆ ಮೇ ತುಮಾರಕನ ಮೋಕ್‌ಲ್ಯೊತೆ. ಬಿಜು಼ ಜಾ಼ಖ್ಹತ್ ಥಾಮಾನ ಕೋ ಉಶೇನಿ ಕರಿ ಸೋಚಿನ್, ಮೇ ಇನ ಮೋಕ್‌ಲ್ಯೊತೆ. ಶನಕತೊ ಶೈತಾನ್ನೆ ತುಮೂನ ಶೋದನೆ ಕರ‍್ಯೊತೆ ಇನೇಥಿ ಹಮಾರಿ ಮ್ಹಿನತ್ ಬಿಣ್‌ಫಾಯಿದಾನು ಹುಯಿಜಾ಼ಶೆ ಕರಿ ಮನ ಧಡೂಕೊ ಥೊ.

2 ಥೆಸ 1:3

ಹಮಾರ ಭೈಯೆ ಭೇನೊ, ತುಮಾರಿ ಬಾರೇಮ ಹಮೆ ಹಮೇಶ ದೇವ್ನ ಧನ್ಯವಾದ್ ಕರಿಯೇಸ್. ಅಮ್ ಕರಾನು ಹಮೂನ ಬರೊಬರಸ್‌ ದೆಖಾಯು, ಶನಕತೊ ತುಮಾರಿ ವಿಶ್ವಾಸ್ ಘಣು ಭಡುಕರಾಸ್ ಅಜು಼ ಏಕ್‌ಥಿಏಕ್‌ ತುಮಾರಿ ಪ್ಯಾರ್ ದನ್‌ಪರ್-ದನ್ ಭಡ್ತು ಜಾ಼ವಾದೆ.

2 ತಿಮೊ 1:12

ಅನಖ್ಹಾಜೆಸ್ ಮೇ ಆ ಖ್ಹಾರು ಖ್ಹಮಾಳುಕರುಸ್ತೆ. ತೋಬಿ ಮೇ ಖ್ಹರ್‌ಮಾವ್‍ಕೊಯ್ನಿ. ಶನಕತೊ ಮೇ ಕಿನಾಪರ್ ಭರೋಖ್ಹೊ ಕರಿರಾಖ್ಯೋಸ್‌ಕಿ ಯೊ ಮನ ಮಾಲುಮ್‌ ಕರಿರಾಖ್ಯೋಸ್. ಅಜು಼ ಮನ ಅಛ್ಛಿನಿತರ ಮಾಲುಮ್‍ಕಿ ಯೋ ಮಾರ ಹಾತ್ಮ ಶಾತ್ ದೀರಾಖ್ಯೋಸ್ತೆ ಇನ, ಪ್ರಭು ಆವಾನು ಯೊ ದನ್ ಆವಾತೋಡಿ ಬಚಾ಼ಡನ ಶಕತ್‌ವಾಳೊ ಹುಯಿರ‍್ಹೋಸ್.

ಯಾಕೋಬ 4:15

ಇನಖ್ಹಾಜೆ ತುಮೆ ಅಥ್ರಾನಿ ವಾತ್ನ ಮ್ಹೆಂದಿನ್ “ಪ್ರಭುನಿ ಖ್ಹೂಜ಼಼್ ಉಷೇತೊ ಅಪ್ಣೆ ಬಚಿರ‍್ಹಿಶು ಅಜು಼ ಆ ಕಾಮ್‍ರ‍್ಹೆವೊ ಯೋ ಕಾಮ್‍ರ‍್ಹೆವೊ ಕರ್ಶು” ಕರಿ ಬೋಲ್‌ಶು ಕರಿ ತುಮೆ ಬೋಲಿಲೇವ್ಣು.

1 ಪೇತ್ರ 1:21

ಇನ ಮರ‍್ಯಾಹುಯಾಮಾಥು ಉಠಾಡಿನ್ ಇನ ಮಹಿಮೆ ದಿದಾಹುಯಾ ದೇವ್‌ಮ ತುಮೆ ಇನೇಥಿ ವಿಶ್ವಾಸ್ ಕರಾವಾಳ ಹುಯಿರ‍್ಹಾಸ್. ಅಮ್‍ರ‍್ಹವಾಪರ್ ತುಮಾರಿ ವಿಶ್ವಾಸ್‍ಬಿ ಟಿವಾವ್ಣಿಬಿ ದೇವ್‍ಮಾಸ್‍ ಭೀಯುಸ್.