ಫಿಲಿಪ್ಪಿ 2:17 - ದೇವ್ನಿ ಖ್ಹಾಚಿ ವಚನ್

¹⁷ ತುಮಾರಿ ವಿಶ್ವಾಸ್ ಕರಿ ಬಲೀನ ಕಾಣ್ಕೆಮ ದೇವ್ನ ಮೇ ಅರ್ಪಣ್‌ಕರಾಮ ಮಾರ ಲೋಹಿನ ವವ್ಹಾಡನಿತರ ಹುಯುತೋಬಿ ಮನ ಖುಷಿ, ತುಮಾರ ಜೋ಼ಡೇಬಿ ಶಂತೋಖ್ಹ್‌ ಪಡುಸ್.

ಫಿಲಿಪ್ಪಿ 2:17 Cross References

ಅಪೊಸ್ತಲರ್‌ನು ಕಾಮ್‌ಖ್ಹಾರು 20:24

ಮೇ ಮಾರ ಶೊಂತ್ ಜಾನ್ನಿ ಬಾರೇಮ ಸೋಚುಕೊಯ್ನಿ. ಪ್ರಭು ಹುಯಿರ‍್ಹೋತೆ ಯೇಸುನೆ ಮನ ದೀರಾಖ್ಯೋತೆ ಕಾಮ್ನ ಪೂರ ಕರಾನುಸ್ ಮನ ಖ್ಹಾರೇಥಿ ಮುಖ್ಯ. ಯೊ ದೇವ್ನು ವಾರ್‌ಖ್ಹಾನಿ ಬಾರೇಮಾನಿ ಸುವಾರ್ತೆನ ಸಾಕ್ಷಿನು ಕಾಮ್ ಹುಯಿರ‍್ಹೂಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 21:13

ಇನಖ್ಹಾಜೆ ಪೌಲನೆ, “ತುಮೆ ಆಂಝು಼ನಾಖಿನ್ ತುಮೆ ಶನ ಮಾರು ದಿಲ್‌ತೋಡಾವೊಸ್? ಮೆ ಯೇಸುನ ನಾಮ್ನಖ್ಹಾಜೆ ಯೆರೂಸಲೇಮ್ಮ ಭಂದಿಹುವಾನು ಕಾಹೆತೆ ಪ್ರಭುನಖ್ಹಾಜೆ ಮರನಾಬಿ ತಯಾರ್ ಛೂ಼” ಕರಿ ಬೋಲ್ಯೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:1

ಇನಖ್ಹಾಜೆ ಭೇನೆ, ಭೈಯೇವೊ, ದೇವ್ನಿ ಗೋರ್‌ಥಿ ಗಿಂಗೈಲ್ಯವಾನು ಶಾತ್‍ಕತೊ, ತುಮಾರು ತುಮೇಸ್ ಶರೀರ್‌ನ ದೇವ್ನ ಪರಿಶುದ್‌ಬಿ ಖ್ಹರಾವ್ಣಿತರಾಬಿ ಹುಯಿರ‍್ಹವಾನು ಜಿವ್‌ತಜಾನ್ನ ಬಲಿದೀನ್ ಸಮರ್ಪಣ್‌ಕರೊ. ಆಸ್‌ತುಮೆ ದೇವ್ನಕರಾನಿ ಖ್ಹಾಚಿ ಆರಾದನೆ,

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 15:16

ಅಮ್ಮಸ್ ಯೆಹೂದ್ಯರ್‌ಕಾಹೆತೆ ಅದ್ಮಿವೊನಖ್ಹಾಜೆ ಯೇಸುಕ್ರಿಸ್ತನಿ ಸೇವಕ್‌ಹುವಾನಖ್ಹಾಜೆ ಮನ ದೇವ್ನಿ ಆಶೀರ್ವಾದ್‌ ಹುಯು. ಮೇ ದೇವ್ನಿ ಸುವಾರ್ತೆನಿ ಸೇವೆನ ಏಕ್‌ ಯಾಜಕ್‍ನಿತರ ಚ಼ಲೈನ್ ಪವಿತ್ರಾತ್ಮಥಿ ದೇವ್ನ ಸಮರ್ಪಣ್‌ಕರಾನ ಕೋಶಿಷ್ ಕರುಕರೂಸ್.

2 ಕೊರಿಂಥ 12:15

ಇನಖ್ಹಾಜೆ ಮಾರಾಕನ ರ‍್ಹೇಸ್ತೆ ಅಖ್ಖು ತುಮುನ ದ್ಯವಾನು ಖುಷಿಕರುಸ್. ಮನಾಸ್ ತುಮುನ ದಿನಾಖುಸ್. ಮೇ ತುಮುನ ಘಣು ಪ್ಯಾರ್ ಕರ‍್ಯೋತೊ, ತುಮೆ ಮನ ಕಮ್ ಪ್ಯಾರ್ ಕರ್ಶುಕಿಶು?

2 ಕೊರಿಂಥ 4:12

ಇನಾಖ್ಹಾಜೆ ಮರಣ್ ಹಮಾರಮ ಕಾಮ್ ಕರುಕರಸ್, ಕತೋಬಿ ತುಮಾರಮ ಜಾನ್‌ ಕಮ್ ಕರುಕರಸ್.

2 ಕೊರಿಂಥ 6:10

ದುಖ್‌ಲ್ಯವಾಳ ರ‍್ಹಿಯಾತೋಬಿ ಸೇವೆಮ ಕದೇಬಿ ಹಾಶಿಖ್ಹುಶಾಲಿಥಿ ರ‍್ಹವಾಳ ಹುಯಿರ‍್ಹಾಸ್, ಗರೀಬ್‍ರ‍್ಹಿಯತೋಬಿ ಕೈಏಕ್ ಜ಼ಣನ ವಿಶ್ವಾಸ್‌ಮ ಧನ್‍ದೌಲತ್‌ವಾಳ ಕರೀನ್ ಬಣೈರಾಖ್ಯಾಸ್; ಶಾತ್‍ಬಿಕೊಂತೆ ರ‍್ಹಿಯತೋಬಿ ಅಖ್ಖಾನ ಲೀರಾಖವಾಳ ಹುಯಿರ‍್ಹಾಸ್.

2 ಕೊರಿಂಥ 7:4

ತುಮಾರಿ ಜೋ಼ಡ್ಮ ವಾತ್‍ಬೋಲನ ಘಣು ಧಿಲ್‍ಪತ್‍ಬಿ ತುಮಾರಿ ಬಾರೇಮ ಮನ ಘಣು ಭರೋಖ್ಹೊ ಛಾ಼; ಮೇ ಧಿಲ್‌ಪತ್‌ಥಿ ಭರೈನ್ ಅಪ್ಣುನ ಉಶೆತೆ ಖ್ಹಾರೀಸ್‍ ಖ್ಹತಾಪ್ಣಿಮ ಘಣೇಥಿ ಘಣು ಖ್ಹುಶಿಮ ಛೂ಼.

ಫಿಲಿಪ್ಪಿ 1:20

ಕಿಮ್‌ಕತೊ ಮೆ ಖಿವಿ ವಿಚಾರ್‌ಮಾಬಿ ಖ್ಹರ್ಮಾಯೊಕೊಂತೆ ಕೆದೇಬಿ ರ‍್ಹವಾನಿತರಸ್ ಹಮ್ಕೇಬಿ ಜಿನು ಘಣು ಭಾಲಿಥಿ ಛೂ಼ತೆ ಇನಖ್ಹಾಜೆ ಜಿವ್ತೊ ರ‍್ಹಿಯೊತೋಬಿ ಬರೋಬರಸ್ ನತರ್ ಮರ‍್ಯೊತೋಬಿ ಬರೋಬರಸ್ ಮಾರಿ ಶರೀರ್‌ಥಿ ಕ್ರಿಸ್ತನ ಮಹಿಮೆ ಹುವಾದೆಕರಿ ಮಾರಿ ಮೋಟಿ ಹರಖ್ಹ್ ಹುಯಿರ‍್ಹೀಸ್, ಇಮ್ಮಸ್ ಉಷೆಕರಿ ಭರೋಖ್ಹೊ ಛಾ಼.

ಫಿಲಿಪ್ಪಿ 2:18

ಇಮ್ಮಸ್ ತುಮೇಬಿ ಶಂತೋಖ್ಹ್‌ ಪಡೊ, ಅಜು಼ ತುಮೆ ಮಾರ ಜೋ಼ಡೆಬಿ ಶಂತೋಖ್ಹ್‌ ಕರೊ.

ಫಿಲಿಪ್ಪಿ 2:30

ಅಮ್ ತುಮೇಸ್ ಮನ ಕರ್ನುತೆ ಮ್ಹೆಮಾನ್ಮ ಜ಼ರೂರತ್‌ನ ಭರಾನಖ್ಹಾಜೆ ಇನ ಜಾನ್‌ಪರ‍್ಲಿ ಆಖ್ಹ್‌ನ ಮ್ಹೆಂದಿನ್ ಕ್ರಿಸ್ತ ಯೇಸುನಿ ಸೇವೆಮ ಮರಿಗೊ.

ಫಿಲಿಪ್ಪಿ 4:18

ಹೋಣುತೆ ಅಖ್ಖೂಸ್ ಮನ ಛಾ಼, ಚೆಹೆಳ್ ಹುಯಿರ‍್ಹೋಸ್. ಎಪಫ್ರೊದೀತ್‌ನ ತುಮೆ ದೀನ್ ಮೋಕ್‌ಲ್ಯಾತೆ ಇನಾಮ್ ಮನ ಪೋಚಾ಼ನಿ ವಖ್ಹ್‌ತೆ ಮೆ ಭರೈನ್ ಚೆಹಳ್‌ವಾಳೊ ಹುಯಿರ‍್ಹೋಸ್. ಯೊ ತುಮಾರು ಕಾಣ್‌ಕೆ ದೇವ್ನ ಢಪ್ಕಾರ‍್ನು ವಾ ಹುಯಿರ‍್ಹುಸ್, ಯೊ ದೇವ್ನ ಲ್ಹಾಯಕ್‌ನು ಬಲಿ ಹುಯಿರ‍್ಹುಸ್.

ಕೊಲೊಸ್ಸೆ 1:24

ಹಮ್ಕೆ ಮೇ ತುಮಾರಖ್ಹಾಜೆ ಪಡುಕರೂತೆ ಖ್ಹತಾಪ್ಣಿಮ ಮನ ಖುಷಿ ಛಾ಼. ಕ್ರಿಸ್ತನು ವದೇಖ್ಹ್‌ಮ ಜ಼ರೂರತ್ ಛಾತೆ ಇನ ಸಬೆಕರಿ ಬೋಲಾನ ಶರೀರ್‌ನಖ್ಹಾಜೆ ಮೆ ಮಾರ ಶರೀರ್‌ಮ ಖ್ಹರ್ತಿಕರೂಸ್.

1 ಥೆಸ 2:8

ಶನಕತೊ ಹಮೆ ತುಮೂನ ಜಾ಼ಖ್ಹತ್ ಪ್ಯಾರ್ ಕರ‍್ಯಾತೆ ಇನಖ್ಹಾಜೆ ದೇವ್ನಿ ಅಛ್ಛಿ ಸಂದೇಶ್ ಖಲಿ ಬೋಲಾನಟೇಕೆ ಕಾಹೆತೆ ತುಮಾರಖ್ಹಾಜೆ ಜಾನ್ನ ದ್ಯವಾನಾಬಿ ಹಮೆ ತಯಾರ್ ಹುಯಿರಾಸ್.

2 ತಿಮೊ 4:6

ಶನಕತೊ ಮೇತೊ ಹಮ್ಕೇಸ್ ಬಲಿಹುಯಿನ್ ಅರ್ಪಣ್‌ ಹುಯೆಜವುಸ್. ಮೇ ಜಾ಼ವಾನಿ ವೇಳ್ ಖನ್ನೆ ಅಯಿಗು.

1 ಪೇತ್ರ 2:5

ತುಮೆ ಜಿವ್ತುಜಾನ್‍ವಾಳೊ ಬಂಡೊಹುಯಿನ್ ಆತ್ಮನು ಸಂಬಂದ್‍ವಾಳು ಮಂದಿರ್‌ ಹುವಾನಖ್ಹಾಜೆ ಬಣಾವಟ್ ಹುವ್‍ಕರಸ್, ಯೇಸು ಕ್ರಿಸ್ತಥಿ ದೇವ್ನ ಸ್ವೀಕಾರ್ ಹುವಾನಿತರಾನು ಆತ್ಮೀಕ್ ಬಲಿನ ದ್ಯವಾನ ಪರಿಶುದ್ ಯಾಜಕ್‌ನ ಖೂಮ್‌ವಾಳ ಹುಯಿರ‍್ಹಾಸ್.

1 ಯೋಹಾನ 3:16

ಪ್ರಭು ಯೇಸು ಅಪ್ಣಖ್ಹಾಜೆ ಇನ ಜಾನ್ನಾಸ್ ಮ್ಹೇಲ್ಯೊ. ಅನೇಥಿ ಲಾಡ್‌ ಕೆಥ್ರಾನು ಕರಿ ಅಪ್ಣೆ ಖ್ಹಮ್‍ಜಿಲಿದ ಕಿಮ್‌ಕತೊ. ಅಪ್ಣೇಬಿ ಭೈಯೇ ಭೇನೇನಖ್ಹಾಜೆ ಜಾನ್‌ ದೇವವಾಳ ಹುಯಿರಾಸ್‍.