ಫಿಲಿಪ್ಪಿ 2:16 - ದೇವ್ನಿ ಖ್ಹಾಚಿ ವಚನ್

¹⁶ ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

ಫಿಲಿಪ್ಪಿ 2:16 Cross References

ಮತ್ತಾಯ 10:27

ಮೇ ಅಂಧಾರಾಮ ತುಮೂನ ಬೋಲುಸ್ತೆ ಇನ ತುಮೆ ಉಜಾ಼ಳಾಮ ಬೋಲೊ. ಅಜು಼ ಕಾನ್‌ಮ ಬೋಲುಸ್ತೆ ಇನ ಘರ್‌ನ ಛ಼ತ್‍ಪರ್‌ಥು ಭೀರಿನ್‌ ಚಿಕ್ರಿನ್ ಬೋಲಿನ್ ಫೈಲಾವೊ.

ಲೂಕನೆ ಲೀಖ್ಯೋತೆ ಅಛ್ಛಿ ಸಮಾಚಾರ್ 12:8

“ಮೇ ತುಮೂನ ಬೋಲಸ್ಕಿ, ಕೋಣ್ ಅದ್ಮಿನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲೇಸ್ಕಿ, ಅದ್ಮಿನೊ ಛಿಯ್ಯೋಬಿ, ದೇವ್‌ನು ದೂತರ್‌ನ ಖ್ಹಾಮ್ಣೆ ಯೋ ಮಾರವಾಳೊಕರಿ ಮಾನಿಲಿಶೆ.

ಯೋಹಾನ 6:63

ಜಾನ್‌ ದೇಸ್ತೆ ದೇವ್‌ನು ಆತ್ಮ ಹುಯಿರುಸ್ ಅದ್ಮಿನು ಹಿಮ್ಮಥ್ಥಿ ಫಾಯಿದೊ ಕೊಯ್ನಿ; ಮೇ ತುಮೂನ ಖಿವು ವಾತ್ನ ಬೋಲ್ಯೋಕಿ ಯೊ ದೇವ್‌ನೊ ಆತ್ಮ ಹುಯಿರ‍್ಹೂಸ್. ಅಜು಼ ಯೋ ಜಾನ್ನ ದೇಸ್.

ಯೋಹಾನ 6:68

ಸೀಮೋನ್‌ ಪೇತ್ರನೆ ಯೇಸುನ, “ಪ್ರಭು, ತುನ ಮ್ಹೆಂದಿನ್ ಹಮೆ ಕಿಜ್ಗಾ಼ ಜ಼ಯ್ಯೆ? ತಾರಕನ ಹರ್‌ಹಮೇಶಾನಿ ಜಿ಼ಂದ್‌ಗಿ ದ್ಯವಾನಿ ವಾತೆ ಛಾ಼.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:26

ಮಾರ ಭೈಯೇವೊ, ಅಬ್ರಹಾಮ್‌ನಿ ಖಾನ್‍ದಾನ್‍ವಾಳವೋ, ಖ್ಹಾಚ ದೇವ್ನ ಆರಾದನೆ ಕರುಕರಾತೆ ಯೆಹೂದ್ಯರ್‌ಕಾಹೆತೆ ಅದ್ಮಿವೊ, ಖ್ಹಮ್‍ಜೊ! ಆ ರಕ್ಷಣೆನು ವಚನ್ ಮೋಕ್‍ಲೈರ‍್ಹುತೆ ಅಪ್ಣಖ್ಹಾಜೇಸ್.

1 ಕೊರಿಂಥ 1:8

ಯೊ ತುಮೂನ ಖ್ಹರ್ತಿಲಗು ಘಟ್‍ರಾಖಿನ್ ಬಚಾ಼ಡ್‍ಷೆ. ಅಮ್ಮಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಬಿಜು಼ ಪಾಛೊ಼ ಆವಾನ ವೇಳ್ಮ ತುಮೆ ನಿರ್ದೋಷಿ ಹುಯಿರ‍್ಹಿಶು.

1 ಕೊರಿಂಥ 9:26

ಇನಖ್ಹಾಜೆ ಮೇಬಿ ಶುಶತ್‍ಕೊಂತೆ ನಾಖ್ಹುಕೊಯ್ನಿ, ವಹಿರಾನಿಜೋ಼ಡೆ ಮಾರ್‌ಪೀಟ್ ಕರಾನಿಘೋಣಿ ಲಡುಕೊಯ್ನಿ.

2 ಕೊರಿಂಥ 1:14

ತುಮೆ ಪಹಿಲೇಸ್ ಹಮೂನ ಮಾಲುಮ್ ಕರಿರಾಖ್ಯಸ್. ಹಮೆ ಪ್ರಭು ಯೇಸುಮ ಕಂಡಿಚ಼ಡೈಲ್ಯವಾನ ಕಾರಣ್ ಹುಯಿರ‍್ಹಿಯೇಸ್. ಅಪ್ಣೊ ಪ್ರಭು ಹುಯಿರೋತೆ ಯೇಸುಕ್ರಿಸ್ತ ಪಾಛೊ಼ ಆವಾನ ದನ್ಮ ತುಮೆ ಹಮಾರಿ ಭರೋಖ್ಹಾಮ ಛಾ಼ತೆ ತಿಮ್ ಹಮೆ ತುಮಾರಿ ಭರೋಖ್ಹಾಮ ರ‍್ಹಿಶುಕರಿ ತುಮೆ ಮಾನಿಲೇವೊಸ್.

ಗಲಾತ್ಯ 2:2

ದೇವ್ನಿ ಖ್ಹೂಜ಼್‌ನಿತರ ಜಾ಼ವ್ಣುಥೂತೆ ಇನಖ್ಹಾಜೆ ಯೆಹೂದ್ಯರ್‌ಕಾಹೆತೆ ಅದ್ಮಿಮ ಮೆ ಬೋಲಿವತಾಳನು ಸುವಾರ್ತೆ ಶಾತ್‌ಕರಿ ಹಿಜ಼್ಜಾಥೂತೆ ಗಲ್‌ಢಾವ್‌ನಾಸ್ ಖ್ಹಮ್‌ಜಾ಼ಡ್ಯೊ. ಶನಕತೊ ಮೆ ಸುವಾರ್ತೆನಖ್ಹಾಜೆ ಪಡ್ಯೋತೆ ಕಾಮ್‍ರ‍್ಹೆವೊ, ಮೇ ಹಮ್ಕೆ ಕರುಕರುಸ್ತೆ ಕಾಮ್‌ಖ್ಹಾರು ಬಿಣ್‌ಫಾಯಿದಾನು ನಾಹೊಣುಕರಿ ಮಾರಿ ಆಖ್ಹ್.

ಗಲಾತ್ಯ 4:11

ಮೇ ತುಮಾರಖ್ಹಾಜೆ ಮ್ಹಿನತ್ ಕರ‍್ಯೊತೆ ಫಲ್‌ಕೊಂತೆ ಹುಯ್ಗುಕಿಶುಕಿ ಕರಿ ತುಮಾರಿ ಬಾರೇಮ ಡರ್‌ ಹುವಾಸ್.

ಫಿಲಿಪ್ಪಿ 1:10

ಅಮ್ ಮಹಾನ್ ಕಾಮ್‌ಖ್ಹಾರು ಖಿವುಕರಿ ಬೋಲಾನು ತುಮೆ ಪರ್ಖಾವಾಳ ಹುಯಿರ‍್ಹೇಣು ಕರೀಬಿ ಬಿಜು಼ ಕ್ರಿಸ್ತ ಆವಾನ ದನ್ಮ ತುಮೆ ಪರಿಶುದ್‌ಥೀಬಿ ದೋಷ್‌ಕೊಂತೇಬಿ ರ‍್ಹಿಶು.

ಫಿಲಿಪ್ಪಿ 1:6

ಆ ಅಛ಼್ಛುಕಾಮ್ನ ತುಮಾರಮ ಶುರುಕರ‍್ಯೊತೆ ದೇವ್ನೆ ಇನ ಚ಼ಲಾವ್ತೊಹುಯಿನ್ ಯೇಸು ಕ್ರಿಸ್ತ ಆವಾನಮಹಿ ಪೂರ ಕರ್ಶೆಕರಿ ಮನ ಭರೋಖ್ಹೊ ಛಾ಼.

1 ಥೆಸ 2:19

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಆವಾನಿ ವಖ್ಹತ್‌ಮ, ಇನಖ್ಹಾಮ್ಣೆ ಹಮಾರಿ ಭರೋಖ್ಹೊ, ಲ್ಹಾಯಕ್, ಖ್ಹುಶಿ, ಅಜು಼ ಹಮೆ ಖ್ಹರಾವನಿ ಕಿರೀಟ್‌ಬಿ ಕೋಣ್? ತುಮೇಸ್ ಕಾಹೆಕಿ ಶು.

1 ಥೆಸ 3:5

ತಿಮೊಥೆನ ತುಮಾರಿ ವಿಶ್ವಾಸ್‌ನಿ ಬಾರೇಮ ಮಾಲುಮ್ ಕರಿಲ್ಯವಾನಖ್ಹಾಜೆ ಮೇ ತುಮಾರಕನ ಮೋಕ್‌ಲ್ಯೊತೆ. ಬಿಜು಼ ಜಾ಼ಖ್ಹತ್ ಥಾಮಾನ ಕೋ ಉಶೇನಿ ಕರಿ ಸೋಚಿನ್, ಮೇ ಇನ ಮೋಕ್‌ಲ್ಯೊತೆ. ಶನಕತೊ ಶೈತಾನ್ನೆ ತುಮೂನ ಶೋದನೆ ಕರ‍್ಯೊತೆ ಇನೇಥಿ ಹಮಾರಿ ಮ್ಹಿನತ್ ಬಿಣ್‌ಫಾಯಿದಾನು ಹುಯಿಜಾ಼ಶೆ ಕರಿ ಮನ ಧಡೂಕೊ ಥೊ.

ಇಬ್ರಿ 4:12

ದೇವ್ನಿ ವಚನ್ ಜಿವ್ತಜಾನ್ನು, ಕಾಮ್ ಕರ್ತುರ‍್ಯವಾನುಬಿ ಅಜು಼ ಖಿವಿ ಬೇಮ್ಹೋಡಾನಿ ತಲ್ವಾರ್‌ಥೀಬಿ ಚಾ಼ಲ್ತು ರ‍್ಹೀನ್, ಜಾನ್ನಬಿ ಆತ್ಮಾನ, ಕೀಲ್ ಬಿಶ್ಶಾನಾಬಿ ಅಲಕ್‍ ಕರಾಯೆತ್ರೆ ಪರಕ್ಮ ಪೇಶಿ ನಿಕ್‌ಳ ಎತ್ರೆಬಿ, ದಿಲ್ನಿಖ್ಹೂಜ್‍ನಾಬಿ ಸೋಚ್ ಸಮಜ್‌ನಾಬಿ ಪರ್ಖಾನು ಹುಯಿರ‍್ಹುಸ್.

1 ಪೇತ್ರ 1:23

ಶನಕತೊ ತುಮೆ ನವೇಥಿ ಪೈದಾ ಹುಯಿರ‍್ಹಾಸ್ತೆ ನಾಶ್ ಹುಯಿಜಾ಼ವಾನ ವಚನ್‍ಥಿಕಾಹೆ, ಕತೋಬಿ ನಾಶಹುವಾಕೊಂತೆ ವಚನ್‌ಥೀಸ್. ಯೋ ಕೆದೇಬಿ ಜಿವ್ತಜಾನ್‍ರ‍್ಹವಾಳ ದೇವ್ನಿ ವಚನ್‌ಥೀಸ್ ಉಬ್‌ಜ್ಯುತೆ.

1 ಯೋಹಾನ 1:1

ತುಮೆ ಖ್ಹಮ್‌ಜು಼ಕರಸ್ತೆ ಜಾನ್ನಿ ವಚನ್ ಶುರುವಾಥೂಸ್ ಛಾ಼ತೆ. ಇನ ಕಾನ್‍ಥಿ ಖ್ಹಮ್‍ಜಿರಾಖ್ಯಸ್; ಡೋಳೆಖ್ಹು ದೇಖಿರಾಖ್ಯಸ್, ದಿಲ್‌ಥಿ ಮಾನಿರಾಖ್ಯಸ್, ಅಜು಼ ಹಾತೇಥಿ ಛಿಮಿರಾಖ್ಯಸ್.

ಪ್ರಕಾಶಿತ್ 22:17

ಆತ್ಮ ಅಜು಼ ವ್ಯತುಲ್ಡೀಬಿ, ಆವ್ಣುಕರಿ ಬೋಲ್‌ಶೆ. ಖ್ಹಮ್‌ಜಾ಼ವಾಳೊ, ಆವ್‌ಕರಿ ಬೋಲಾದೆ. ಠೋಖ್ಹ್‌ ರ‍್ಹವಾಳೊ ಆವಾದೆ, ಆಖ್ಹ್ ರ‍್ಹವಾಳೊ ಜಾನ್ನಪಾಣಿನ ಮೋಲ್‌ಕೊಂತೆ ಫುಗಟ್‍ಥಿ ಲಿಲ್ಯಾವದೆ.