ಫಿಲಿಪ್ಪಿ 1:29 - ದೇವ್ನಿ ಖ್ಹಾಚಿ ವಚನ್

²⁹ ಕ್ರಿಸ್ತನವಾಳಾನ ಹಾತ್‌ ಫೈಲೈನ್ ದ್ಯವಾಳ ಹುಯಿರೇವೊ. ಕ್ರಿಸ್ತಪರ್ ವಿಶ್ವಾಸ್‌ರಾಖಾನು ಖಲಿ ಕಾಹೆ ಇನಖ್ಹಾಜೆ ವದೇಖ್ಹ್‌ಪಡಾನುಬಿ ಅಛ್ಛು಼ ವರ ಮಳಿರ‍್ಹೂಸ್‌.

ಫಿಲಿಪ್ಪಿ 1:29 Cross References

ಮತ್ತಾಯ 16:17

ಯೇಸುನೆ, “ಯೋನಾನೊ ಛಿಯ್ಯೊ ಸೀಮೋನ, ತೂ ಧನ್ಯ ಹುಯಿರ‍್ಹೋಸ್! ಆ ಖ್ಹಾಚ಼ನ ತುನ ಮಾಲುಮ್ ಕರಾಯೂತೆ ಅದ್ಮಿನೆ ಕಾಹೆ, ಪಣ್ಕಿ ಸೊರ್ಗಾಮ ಛಾ಼ತೆ ಮಾರ ಬಾನೇಸ್ ಆ ಖ್ಹೂಜ಼್‌ ಕರಾಯೋತೆ ಕರಿ ಬೋಲ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 13:39

ಅನಖ್ಹಾಜೆಸ್ ಯೇಸುಮ ವಿಶ್ವಾಸ್ ಕರಾವಾಳ ಹರೇಕ್‍ಜ಼ಣಾನ ಇನೇಥಿಸ್ ಇವ್ಣ ಅಖ್ಖಾಪಾಪ್‍ನ ಕ್ಷಮಾಪಣ್ ಮಳ್‍ಶೆ. ಧರ್ಮಶಾಸ್ತ್ರಥಿ ತುಮಾರಿ ಪಾಪ್ನ ಛೋ಼ಡಾವನ ಹುವಾಕೊಯ್ನಿ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:22

ಹಿಜ಼್ಜಾನ ಶಿಷ್ಯರ‍್ನ ಭಾಲಿದೀನ್ ವಿಶ್ವಾಸ್ಮ ಘಟ್ ಭೀರಾವನ ಹಿಮ್ಮತ್ ದಿದಾ. “ಅಪ್ಣಿ ದೇವ್ನಿ ರಾಜ್ಯನ ಘಣು ಮುಶ್ಕಿಲ್‍ನ ಮಹಿಕರಿ ಜಾ಼ವ್ಣುಪಡಸ್” ಕರಿ ಬೋಲಿಲಿದ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 14:27

ಪೌಲ,ಬಾರ್ನಬ ಅಂತಿಯೋಕ್ಯನ ಆಯಿನ್ ಹಿಜ಼್ಜಾನಿ ಸಬೆವಾಳನ ಎಕ್ಟು ಕರಿನ್, ದೇವ್ನೆ ಇವ್ಣಿಜೋ಼ಡೆ ರ‍್ಹೀನ್ ಕರ‍್ಯೊತೆ ಅಖ್ಖಾಕಾಮ್ನಿ ಬಾರೇಮ ಇವ್ಣುನ ಖ್ಹಮ್‍ಜಾ಼ಡ್ಯ. ಬಿಜು಼ “ಯೆಹೂದ್ಯರ್‌ಕಾಹೆತೆ ಇವ್ಣೇಬಿ ವಿಶ್ವಾಸ್ ಕರಾನಿತರ ದೇವ್ ಬಾಕಲ್ ಉಖ್ಡಿರಾಖ್ಯೋಸ್!” ಕರಿ ಬೋಲಿವತಾಳ್ಯೊ.

ಅಪೊಸ್ತಲರ್‌ನು ಕಾಮ್‌ಖ್ಹಾರು 5:41

ಅಪೊಸ್ತಲರ್ ನ್ಯಾವ್‍ನಿ ಘಲ್ಡಾನಿ ಸಭೆಮಾಥು ನಿಕ್ಳಿನ್ ಚ಼ಲೇಗಯ. ಯೇಸುನ ನಾಮ್ನಖ್ಹಾಜೆ ಖ್ಹರಮ್‌ ಕಡೈಲ್ಯಾವಾನ ಹಮೆಯೋಗ್ಯರ್ ಹುಯಾಕರಿ ಖುಷಿಕರ‍್ಯು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 5:3

ಎತ್ರೇಸ್ ಖಲಿಕಾಹೆ, ಅಪ್ಣುನ ಆವಸ್ತೆ ಖ್ಹತಾಪ್ಣಿಮಾಬಿ ಖುಷಿಥಿ ಛಿಯೆ. ಕತೋಬಿ ಖ್ಹತಾಪ್ಣಿ ಖ್ಹಮಾಳಿ ರ‍್ಹವಾನ ಶಿಕಾಡಸ್‌ಕರಿ ಅಪ್ಣುನ ಮಾಲುಮ್‌ ಛಾ಼.

ಎಫೆಸ 2:8

ವಿಶ್ವಾಸ್‌ನಿ ಕೃಪೆಥಿಸ್ ತುಮೆ ರಕ್ಷಣೆ ಲೀರಾಖವಾಳ ಹುಯಿರ‍್ಹಾಸ್. ಆ ಬಚಾ಼ವ್ಣಿ ಅಪ್ಣಕಾಮ್ನು ಫಲ್‌ಕಾಹೆ, ಯೊ ದೇವ್‌ನು ಧರಮಸ್.

ಕೊಲೊಸ್ಸೆ 2:12

ತುಮೆ ಬ್ಯಾಪ್ತಿಸ್ಮಥಿ ಕ್ರಿಸ್ತನಿ ಜೋ಼ಡ್ಮ ಗಡೈಗಯ, ಅಜು಼ ಇನ ಮರ‍್ಯಾಹುಯಾಮಾಥು ಉಠಾಡ್ಯೋತೆ ದೇವ್ನಿ ಶಕತ್ಮ ವಿಶ್ವಾಸ್ ಕರ‍್ಯಾತೆ ಇನಖ್ಹಾಜೆ ತುಮೆ ಇನಿ ಜೋ಼ಡ್ಮ ಉಠೀನ್ ಆಯ.

ಯಾಕೋಬ 1:2

ಮಾರ ಭೈಯೇ ಭೇನೆವೊ, ತುಮೆ ಥರಥರಾನು ವದೇಖ್ಹ್‌ ಝೇಲಾನಿ ವಖ್ಹ್‌ತೆ ಇನ ತುಮೆ ಹೈರುತೆ ಖಲಿ ಖ್ಹುಶಿಕರಿ ಬೋಲಿನ್ ಖ್ಹಮಾಳಿಲೇವೊ.

1 ಪೇತ್ರ 4:13

ಕತೋಬಿ ತುಮೆ ಕೆತ್ರೆಪರಕ್ಮ ಕ್ರಿಸ್ತನಿ ಖ್ಹತಾಪ್ಣಿವ್‌ಮ ಭಾಗ್‌ವಾಳ ಹುಯಿರಾಸ್ಕಿ ಎತ್ರಸ್‍ಪರಕ್ಮ ಖುಷಿ ಪಡೊ. ಇನಖ್ಹಾಜೆ ಯೋ ಮಹಿಮೆಥಿ ಆವಾದಿನ್ ತುಮೆ ದೇಖಿನ್ ಘಣಿ ಖುಷಿಥಿ ಭರೈಜಾಶು.