21 ಮನತೊ ಬಚಾ಼ನುಕತೊ ಕ್ರಿಸ್ತಸ್, ಮರಾನು ನಫ್ಫೋಸ್.
ತುಮೂನ ಕ್ರಿಸ್ತಯೇಸುಮ ಏಕ್‌ಭಾಗ್ ಕರಿ ಬಣಾಯೋತೆ ದೇವ್ನೇಸ್. ಕ್ರಿಸ್ತ ಅಪ್ಣಖ್ಹಾಜೆ ದೇವ್‌ಕಂಥು ಆಯೋತೆ ಗ್ಯಾನಿ ಹುಯಿರೊಸ್. ಅಪ್ಣೆ ನೀತಿವಾಳ ಹುಯಿರ‍್ಹವಾನ, ಅಪ್ಣೆ ಅಖ್ಖು ಪವಿತ್ರಹುಯಿರ‍್ಹಾಸ್.
ಪೌಲರ‍್ಹೆವೊ ಅಪೊಲ್ಲೋಸ ರ‍್ಹವೊ ಕೇಫನರ‍್ಹೇವೊ, ಜಗತ್ನಾರ‍್ಹೇವೊ ಜಾನ್‌ರ‍್ಹೇವೊ, ಮರಣಸ್‍ರ‍್ಹೇವೊ, ಹಮ್ಕೆನಿವಾತೆರ‍್ಹೇವೊ, ಅಗ್ಲಿವಾತ್‍ರ‍್ಹೇವೊ ಆ ಖ್ಹಾರು ತುಮಾರುಸ್.
ಧರ್ತಿಪರ್ ಅಪ್ಣೆ ಜಿವಿರ‍್ಹಾತೆ ಆ ಡೇರೊ ಕತೊ ಆ ಶರೀರ್ ನಾಶ ಉಷೆಕರಿ ಅಪ್ಣುನ ಮಾಲುಮ್‌ಛಾ಼. ಅಪ್ಣೆ ಜಿವಿರ‍್ಹಾವಾನ ಖ್ಹಾಜೆ ದೇವ್ ಅಪ್ಣುನ ಏಕ್‌ ಘರ್‌ದಿಶೆ. ಯೋ ಅದ್ಮಿನ ಹಾತೇಖ್ಹು ಕರ‍್ಯುಹುಯು ಘರ್‌ಕಾಹೆ. ಯೋ ಪರ್‌ಲೋಕ್‌ಮ ದೇವ್‍ಥಿ ಬಣಾಯುಹುಯು ಹರ್‌ಹಮೇಶ ರ‍್ಹವಾನು ಘರ್ ಹುಯಿರುಸ್.
ಇನಾಖ್ಹಾಜೆ ಹಮೆ ಕದೇಬಿ ಭಾಲಿಥಿ ಛಿಯೆ ಬಿಜು಼ ಆ ಶರೀರ್‌ಮ ಜಿವ್ಣುಕರ‍್ವಾಲಗೂ ಪ್ರಭುಥಿ ದೂರ್ ಹುಯಿರ‍್ಹಿಶು ಕರಿ ಭರೋಖ್ಹೊ ಲೀರಾಖವಾಳ ಹುಯಿರ‍್ಹಾಸ್.
ಇನಾಖ್ಹಾಜೆ ಹಮೆ ಭಾಲಿವಾಳ ಹುಯಿರ‍್ಹಿನ್ ಶರೀರ್‌ನ ಮ್ಹೇಲಿನ್ ಪ್ರಭುನಿ ಜೋ಼ಡ್ಮ ಜಾ಼ವಾನೂಸ್ ಅಛ್ಛು಼ಕರಿ ಆಖ್ಹ್ ಕರಿಯೇಸ್.
ಅಜು಼ ಜಿವ್‌ಕರೂಸ್ತೆ ಮೇಕಾಹೆ, ಕತೋಬಿ ಕ್ರಿಸ್ತ ಮಾರಮಹಿ ಜಿವವಾಳೊ ಹುಯಿರೊಸ್. ಹಮ್ಕೆ ಮೆ ಶರೀರ್‌ಮ ಜಿವ್ಣುಕರಾನು ಕಿಮ್ ಕತೊ ದೇವ್ನ ಛಿಯ್ಯಾಪರ‍್ಲಿ ವಿಶ್ವಾಸ್‌ಥೀಸ್. ಯೋ ಮನ ಪ್ಯಾರ್ ಕರೀನ್ ಮಾರ ಖ್ಹಾಜೇಥಿ ಇನಾಸ್ ದಿನಾಖಿದಿದೊ.
ಮನತೋಬಿ ಮಾರೊ ಪ್ರಭು ಯೇಸು ಕ್ರಿಸ್ತನಿ ಶಿಲ್‌ಬೇನಿ ಬಾರೇಮಸ್ ಪಣ್ಕಿ ಬಿಜು಼ ಖೆವಾಥೀಬಿ ಊಚು಼ ಹೋಣುಕೊಯ್ನಿ. ಇನೇಥಿ ಮೇ ಜಗತ್ನಖ್ಹಾಜೆ ಮರಿಗೊ; ಜಗತ್‌ ಮಾರಖ್ಹಾಜೆಬಿ ಶಿಲ್‌ಬೇಪರ್ ಮರಿಗಯುಥು.
ಕಿಮ್‌ಕತೊ ಮೆ ಖಿವಿ ವಿಚಾರ್‌ಮಾಬಿ ಖ್ಹರ್ಮಾಯೊಕೊಂತೆ ಕೆದೇಬಿ ರ‍್ಹವಾನಿತರಸ್ ಹಮ್ಕೇಬಿ ಜಿನು ಘಣು ಭಾಲಿಥಿ ಛೂ಼ತೆ ಇನಖ್ಹಾಜೆ ಜಿವ್ತೊ ರ‍್ಹಿಯೊತೋಬಿ ಬರೋಬರಸ್ ನತರ್ ಮರ‍್ಯೊತೋಬಿ ಬರೋಬರಸ್ ಮಾರಿ ಶರೀರ್‌ಥಿ ಕ್ರಿಸ್ತನ ಮಹಿಮೆ ಹುವಾದೆಕರಿ ಮಾರಿ ಮೋಟಿ ಹರಖ್ಹ್ ಹುಯಿರ‍್ಹೀಸ್, ಇಮ್ಮಸ್ ಉಷೆಕರಿ ಭರೋಖ್ಹೊ ಛಾ಼.
ಅಮ್ ಶರೀರ್‌ಮ ಬಚಾ಼ನುಸ್ ಫಲ್ ದ್ಯವಾನು ರ‍್ಹಯೂತೊ, ಅನಾಮಾಥು ಖಿವು ಚೂ಼ಣಿಲೇವ್ಣುಕರಿ ಮನ ಮಾಲುಮ್‌ ಕೊಪಡುಕರಾನಿ.
ಆ ಭೇನ ಇಚ಼್‌ಮ ಖ್ಹಪ್‌ಡಿರ‍್ಹೋಸ್, ಹಜ್ಜಾ಼ಥು ನಿಕ್ಳಿನ್ ಕ್ರಿಸ್ತ ಯೇಸುನಿ ಜೋ಼ಡ್ಮ ರ‍್ಹೇವ್ಣುಕರಿ ಬೋಲಾನುಸ್ ಮಾರಿ ಆಖ್ಹ್ ಹುಯಿರ‍್ಹೀಸ್, ಯೊ ಘಣು ಅಛ್ಛು಼ಸ್ ಹುಯಿರ‍್ಹುಸ್.
ಅಖ್ಖುಜ಼ಣು ಇವ್ಣ ಕಾಮ್‌ಪರ್ ಮಗನ್‌ ರ‍್ಹೇಸ್ ಪಣ್ಕಿ ಯೇಸು ಕ್ರಿಸ್ತನ ಕಾಮ್‌ಪರ್ ಮನ್‌ಲಗಾಡಕೊಯ್ನಿ.
ತುಮುನ ಜಾನ್‌ ಹುಯಿರ‍್ಹೋತೆ ಕ್ರಿಸ್ತ ದೆಖಾವನಿ ವಖ್ಹ್‌ತೆ ತುಮೇಬಿ ಇನಿ ಜೋ಼ಡ್ಮ ಮಹಿಮೆಮ ದೆಖಾವ್‌ಶು.
ಪರಲೋಕ್‌ಥು ಏಕ್‌ ಅವಾಜ಼್ ಮನ ಖ್ಹಮಜ್‍ಪಡ್ಯು. ಇನೆ ಹಂಕೇಥು ಪ್ರಭುನ ಭಕ್ತರ್‌ಹುಯಿನ್ ಮರಾವಳು ಧನ್ಯಕರಿ ಲೀಖ್‌ಕರಿ ಮನ ಬೋಲ್ಯು. ಇನ ಆತ್ಮನೆ, ಒಹೊ ಇವ್ಣೆ ಧನ್ಯರಸ್. ಇವ್ಣೆ ಇವ್ಣ ಮ್ಹಿನತ್‌ನ ಖತಮ್‌ಕರಿನ್ ಅರಾಮ್ ಕರ್ಶೆ ಅಜು಼ ಇವ್ಣು ಅಛ್ಛು಼ ಕಾಮ್‌ಖ್ಹಾರು ಇವ್ಣ ಜೋ಼ಡ್ಮ ಚಾ಼ಲ್‌ಷೆ ಕರಿ ಬೋಲ್ಯೊ.
