ಫಿಲಿಪ್ಪಿ 1:10 - ದೇವ್ನಿ ಖ್ಹಾಚಿ ವಚನ್

¹⁰ ಅಮ್ ಮಹಾನ್ ಕಾಮ್‌ಖ್ಹಾರು ಖಿವುಕರಿ ಬೋಲಾನು ತುಮೆ ಪರ್ಖಾವಾಳ ಹುಯಿರ‍್ಹೇಣು ಕರೀಬಿ ಬಿಜು಼ ಕ್ರಿಸ್ತ ಆವಾನ ದನ್ಮ ತುಮೆ ಪರಿಶುದ್‌ಥೀಬಿ ದೋಷ್‌ಕೊಂತೇಬಿ ರ‍್ಹಿಶು.

ಫಿಲಿಪ್ಪಿ 1:10 Cross References

ಮತ್ತಾಯ 16:23

ತದೆ ಯೇಸುನೆ ಫರೀನ್, ಪೇತ್ರನ, “ಏ ಶೈತಾನ್, ಮಾರ ಖ್ಹಾಮ್ಣೇಥೊ ಹಟಿಜಾ಼! ತೂ ಮಾರ ಕಾಮ್ನ ಅಡ್ಡಿ ಹುಯಿರ‍್ಹೋಸ್! ತಾರಿ ಆ ಸೋಚ್ ಅದ್ಮಿನಿ ಸೋಚಸ್‌ ಪಣ್ಕಿ ದೇವ್ನಿ ಸೋಚ಼್ ಕಾಹೆ” ಕರಿ ಬೋಲ್ಯೊ.

ಮತ್ತಾಯ 26:33

ತದೆ ಪೇತ್ರನೆ ಯೇಸುನ, “ಖ್ಹಾರು ಡರಿನ್, ತುನ ಮ್ಹೆಂದಿದಾತೋಬಿ ಮೇ ತುನ ಮ್ಹೇಲಿಶ್ ಕೊಯ್ನಿ” ಕರಿ ಬೋಲಾಖ್ಹತರ್,

ಯೋಹಾನ 1:47

ಯೇಸುನೆ ಇನಾಭಣಿ ವಳ್ಯಾವ್‌ಥೋತೆ ನತಾನಿಯೇಲ್‌ನ ದೇಖಿನ್‌, ಇನಿ ಬಾರೇಮ, “ಹಂದೇಖೊ, ಆ ಖ್ಹಾಚೊ಼ ಇಸ್ರಾಯೇಲ್‌ವಾಳೊ; ಅನಾಮ ಶನೀಶ್ ಗಲತ್‌ ಕೊಯ್ನಿ!” ಕರಿ ಬೋಲ್ಯೊ.

ಯೋಹಾನ 3:20

ಖರಾಬ್‌ನ ಕರಾವಾಳು ಇವ್ಣು ಖರಾಬ್ ಕಾಮ್‍ಅಖ್ಖು ಭಾರ್‌ ಆವ್‍ತುರ‍್ಹೀಶೆಕರಿ ಉಜಾ಼ಳಮ ಆವಕೊಯ್ನಿ ಅಜು಼ ಉಜಾ಼ಳಾನ ವಹೇರ್‌ಕರಸ್.

ಅಪೊಸ್ತಲರ್‌ನು ಕಾಮ್‌ಖ್ಹಾರು 24:16

ಇನಾಖ್ಹಾಜೆ ದೇವ್ ಬಿಜು಼ ಅದ್ಮಿನ ಖ್ಹಾಮ್ಣೆ ಮಾರೇಥಿ ಹುವಾಯೆತ್ರೆ ದಿಲ್ನಿಸಾಕ್ಷಿನ ಕದೇಬಿ ಪಾಕ್‌ ರಾಖಾನ ಕೋಶಿಶ್ ಕರುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:2

ಆ ಜಗತ್‌ವಾಳು ಚಾ಼ಲ್ ಚ಼ಲಣ್ಣಾ ನಾ ಪಾಡಿಚಾ಼ಲ್ನುತೆ ನವ ದಿಲ್‌ಥಿ ಬದ್ಲಿನ್ ಪರಲೋಕ್‌ನ ಖ್ಹಯಾಲ್‌ವಾಳ ಹುಯಿ‍ರ‍್ಹೆವೊ. ಅಮ್ ರ‍್ಹಿಯಾತೊ ದೇವ್ನ ಪರ್ಖಿನ್‌ ಅಛ್ಛಾ಼ನಾಬಿ, ಇಷ್ಟರ‍್ಹವಾನುಬಿ ಕಳಂಕ್‌ ಕೊಂತೇಬಿ ಖಿವುಕರಿ ಮಾಲುಮ್‌ ಕರ‍್ಲಿಶು.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 12:9

ತುಮಾರಿ ಪ್ಯಾರ್ ಪಾಕ್‌ ದಿಲ್‌ಥಿ ರ‍್ಹವಾದೆ. ಖರಾಬ್‍ಕಾಮ್ನ ವಹೇರ್‌ಕರೀನ್, ಅಛ್ಛಾ಼ನ ಧರಿರಾಖೊ.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 16:17

ಭೇನ್ ಭೈಯೇವೊ, ತುಮೆ ಶಿಕಿರಾಖ್ಯಾತೆ ಬೋಧನೆನ ವಿರೋದ್ ಹುವಾಳೂಬಿ ತುಮಾರಿ ಒಗ್ಗಟ್ ಫುಟಾಖ್ಹರ್ಕು ತುಮಾರಮ ಕಚ಼್ಚರ್‌ ಹುವಾನಿತರ ಕರವಾಳನಿ ಬಾರೇಮ ಹೊಷಾರ್‌ಥಿ ರ‍್ಹವೊ. ಎಥ್ರಾನವಾಳಥಿ ದೂರ್ ರ‍್ಹೇವೊಕರಿ ಗಿಂಗೈಲೆವುಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 2:18

ಧರ್ಮಶಾಸ್ತ್ರಥಿ ಉಪದೇಶ್‌ನ ಲೀನ್‌, ಇನಿ ಖ್ಹೂಜ್‌ನ ಕರಿರಾಖವಾಳೊಬಿ, ಆಹೈರುತೆ ಬರೋಬರ್‌ನು ಯೋ ಬರೋಬರ್‌ನು ಕಾಹೆಕರಿಬಿ ತರೀಪ್‌ಶ ಕರಾವಾಳೊ ಹುಯಿರೊಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:16

ಮೇ ಕರಾನ ಆಖ್ಹ್ ಕರುಕೊಂತೆ ತಿನ ಕರಾವಾಳೊರ‍್ಹಯೋತೊ, ಧರ್ಮಶಾಸ್ತ್ರ ಅಛ್ಛು಼ಕರಿ ವತಾಳಸ್‍.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 7:22

ಶನಕತೊ ಮೇ ಪೂರದಿಲ್‍ಥಿ ದೇವ್ನು ಧರ್ಮಶಾಸ್ತ್ರಮ ಖುಷಿಕರವಾಳೊ ಹುಯಿರ‍್ಹೋಸ್.

ಪೌಲನೆ ರೋಮಾಪುರವಾಳನ ಲೀಖ್ಯೋತೆ ಚಿಟ್ಟಿ 8:7

ಶರೀರ್‌ನಿ ಸ್ವಭಾವ್‌ಪರ್‌ ದಿಲ್‌ರಾಖನು ದೇವ್ನ ವಿರೋದ್‌ ಹುಯಿರ‍್ಹೇಸ್. ‍ಶನಕತೊ ಯೊ ದೇವ್ನಿ ನಿಯಮ್ನ ವಿಧೇಯ ಹುವಾಕೊಯ್ನಿ. ಅಜು಼ ಯೊ ಶಾತ್ಬಿ ಕರಾನ ಕೊಹೊಯ್ನಿ.

1 ಕೊರಿಂಥ 1:8

ಯೊ ತುಮೂನ ಖ್ಹರ್ತಿಲಗು ಘಟ್‍ರಾಖಿನ್ ಬಚಾ಼ಡ್‍ಷೆ. ಅಮ್ಮಸ್ ಅಪ್ಣೊ ಪ್ರಭು ಯೇಸುಕ್ರಿಸ್ತ ಬಿಜು಼ ಪಾಛೊ಼ ಆವಾನ ವೇಳ್ಮ ತುಮೆ ನಿರ್ದೋಷಿ ಹುಯಿರ‍್ಹಿಶು.

1 ಕೊರಿಂಥ 10:32

ಬಿಜ಼ ಅದ್ಮಿಯೇವ್‍ ಕತೊ, ಯೆಹೂದ್ಯರ್‌ರ‍್ಹೆವೊ, ಯೆಹೂದ್ಯಕಾಹೇತೆ ರ‍್ಹವೊ, ನತರ್ ದೇವ್ನಿ ಸಬೆವಾಳನರ‍್ಹೇವೊ; ಇವ್ಣೆ ಗಲತ್‍ಮ ಪಡಾನಿಘೋಣಿ ಕದೇಬಿ ನಕೊಕರ್ಷು.

1 ಕೊರಿಂಥ 8:13

ಇನಖ್ಹಾಜೆ ಖಾವಾನು ರಾಛು಼ ಮಾರ ಭೇನೆ ಭೈಯೇನ ಪಾಪ್ ಹುವಾನುರ‍್ಹಿಯೂತೊ ಅಜು಼ ಮೇ ಕದೇಬಿ ಬೋಟಿನ ಕೋ ಖೈಶ್‍ನಿ,ಅಮ್ ಮೇ ಇವ್ಣುನ ಪಾಪ್ ಕರಾನ ಕಾರಣ್ ನಾಹೊಣು.

2 ಕೊರಿಂಥ 1:12

ಹಮೆ ಆ ವಾತ್ನಿ ಬಾರೇಮ ಕಂಡಿ ಛ಼ಡೈಲಿಯೇಸ್ಕಿ, ಹಮೆ ಖಲಿ ಅದ್ಮಿವೋನಿ ಅಕ್ಕಲ್‍ನ ಲಿದಾಕೊಂತೆ ದೇವ್ನ ವಾರ್‌ಖ್ಹಾನ ಆಖ್ಹ್‌ರಾಮ ಪರಿಶುದ್ಧಬಿ ನಿಯತ್‍ವಾಳಾಬಿ ಹುಯಿನ್ ಆ ಜಗತ್ಮ ತುಮಾರಿ ಬಾರೇಮ ಚಾ಼ಲಿಲಿದಾಕರಿ ಹಮಾರು ದಿಲ್‌ ಹಮೂನ ಸಾಕ್ಷಿ ಬೋಲಸ್.

2 ಕೊರಿಂಥ 2:17

ಕೈಏಕ್ ಜ಼ಣು ದೇವ್ನಿವಚನ್ನ ಮಿಲಾವಟ್ ಕರಿ ಬೇಪಾರ್ ಕರಾಸ್. ಹಮೆತೋಬಿ ಇಮ್‌ಕಾಹೆ ದೇವ್‌ಮ ರ‍್ಹೀನ್, ದೇವ್ನಖ್ಹಾಮ್ಣೆ ಕ್ರಿಸ್ತಯೇಸುನಿ ಗಳ್‌ಜೋ಼ಡ್ಮ ಬರೋಬರ್ ಖೀವೂಕಿ ತೀನಸ್ ಹಮೆ ಬೋಧನೆ ಕರೇಸ್.

2 ಕೊರಿಂಥ 6:3

ಹಮಾರಿ ಚಾ಼ಕ್ರಿ ಕಿನ ಖ್ಹಾಮ್ಣೇಬಿ ಚಿಂಘಾವ್ಣಿಮ ನಾಪಡ್ನುತೆ, ಹಮೆ ಕಿನಾಬಿ ಖ್ಹತಾಯಕೊಯ್ನಿ

2 ಕೊರಿಂಥ 8:8

ತುಮೆ ದೇವ್ಣುಕರಿ ಮೇ ಹುಕುಮ್‌ ಕರೂಕರು ಕೊಯ್ನಿ. ಕತೋಬಿ ತುಮಾರಿ ಪ್ಯಾರ್ ಕೆತ್ರಿ ಖ್ಹಾಚ಼ಪ್ಯಾರ್‌ಕರಿ ದಿಲ್‌ಛೋ಼ಡಿನ್ ತರೀಪ್‌ಶ ಕರಿಲೇವ್ಣುಕರಿ ಬೋಲುಸ್.

ಗಲಾತ್ಯ 5:11

ಭೈಯೇ ಭೇನೆವೊ, ಅದ್ಮಿ ಖ್ಹತ್ನ ಕರಾವ್ಣು ಕರಿ ಮೇ ಬೋಧನೆ ಕರುಕೊಯ್ನಿ. ಖ್ಹತ್ನನು ಜ಼ರೂರತ್ ಛಾ಼ಕರಿ ಮೇ ಬೋಧನೆ ಕರಾವಾಳೊ ಹುಯೋತೊ ಮೇ ಬಿಜೂ಼ಬಿ ಖ್ಹತಾಪ್ಣಿನ ಮಹಿ ಶನ ಛೂ಼? ಅದ್ಮಿ ಖ್ಹತ್ನ ಕರಾವ್ಣುಕರಿ ಮೇ ಹಮ್ಕೆ ಬೋಧನೆ ಕರಾವಾಳೊ ರ‍್ಹಯೋತೊ ಶಿಲ್‌ಬೇನಿ ಬಾರೇನಿ ಮಾರಿ ಬೋಧನೆಥಿ ಶನೂಸ್ ಕಚ಼್ಚರ್‌ ಕೊರ‍್ಹಿಶೇನಿ.

ಎಫೆಸ 4:15

ಕತೋಬಿ ಪ್ಯಾರ್‌ಮ ಖ್ಹಾಚು಼ಬೋಲ್ತಹುಯಿನ್ ಹರೇಕ್ ವಾತೆವ್‌ಮಾಬಿ ಮುಡ್‌ಕ್ಯು ಹುಯಿರ‍್ಹೋಸ್ತೆ ಕ್ರಿಸ್ತಮ ಭಡವಾಳ ಹುಯಿರ‍್ಹಿಯೆ.

ಎಫೆಸ 5:10

ಪ್ರಭುನ ಲ್ಹಾಯಕ್ ಶಾತ್‌ಕರಿ ಬೋಲಾನು ತರೀಪ್‌ಶ ಕರೀನ್‌ ಮಾಲುಮ್ ಕರಿಲೆವೊ.

ಎಫೆಸ 5:27

ಇನಖ್ಹಾಜೆ ಕಳಂಕ್‌ನಿ ದಾಗ್ ನಾ ರ‍್ಹೇವ್ಣುತೆ ಪರಿಶುದ್ಧಬಿ, ದೋಷ್‌ಕೊಂತೇಬಿ, ಮಹಿಮೆಥಿ ರ‍್ಹವಾನಿ ಸಬೆಕರೀನ್ ಇನಖ್ಹಾಮ್ಣೆ ಭೀರಖಡ್ನುಕರಿ ಭೋದನೆನ ಜೋ಼ಡೆಸ್ ಪಾಣಿಥಿ ನೊಹಾಡಿನ್ ಶುದ್ದಕರ‍್ಯೊ.

ಎಫೆಸ 6:24

ಅಪ್ಣೊ ಪ್ರಭು ಯೇಸು ಕ್ರಿಸ್ತನ ಹಮೇಶಾಬಿ ಪ್ಯಾರ್ ಕರಾವಾಳ ಅಖ್ಖಾಸ್‌ಪರ್ ದೇವ್ನಿ ವಾರ್‌ಖ್ಹೊ ರ‍್ಹವಾದೆ.

ಫಿಲಿಪ್ಪಿ 1:16

ಅವ್ಣೇತೊ ಮೆ ಸುವಾರ್ತೆನಿ ಬಾರೇಮ ಜ಼ವಾಬ್ ಬೋಲಾನಖ್ಹಾಜೆ ಹಜ್ಜಾ಼ ಮೆ ಘಲೈರ‍್ಹೋಸ್ ಕರಿ ಮಾಲುಮ್ ಕರಿನ್ ಪ್ಯಾರ್‌ಥಿ ಪ್ರಚಾರ್ ಕರುಕರಸ್.

ಫಿಲಿಪ್ಪಿ 1:6

ಆ ಅಛ಼್ಛುಕಾಮ್ನ ತುಮಾರಮ ಶುರುಕರ‍್ಯೊತೆ ದೇವ್ನೆ ಇನ ಚ಼ಲಾವ್ತೊಹುಯಿನ್ ಯೇಸು ಕ್ರಿಸ್ತ ಆವಾನಮಹಿ ಪೂರ ಕರ್ಶೆಕರಿ ಮನ ಭರೋಖ್ಹೊ ಛಾ಼.

ಫಿಲಿಪ್ಪಿ 2:16

ಅವ್ಣ ಮಹಿ ತುಮೆ ಹರೇಕ್‌ನಾಬಿ ಜಾನ್‌ರ‍್ಹವಾನು ವಚನ್ನ ವತಾಳವಾಳ ಹುಯಿರ‍್ಹಿನ್, ಜಗತ್‌ಮ ಝ಼ಮ್ಕಾನ ಶುಕ್ಕರ್‌ನಿಮತ್ ದೆಖಾವ್‌ಶು. ತುಮೆ ಅಮ್‍ಚಾ಼ಲ್ಯಾತೊ ಮಾರಿ ಸೇವೆ ಬಿಣ್‌ಫಾಯಿದಾನು ಕಾಹೆ, ಮೇ ವದೇಖ್ಹ್‌ ಪಡ್ಯೋತೆ ಫಾಯಿದೊಸ್‌ಕರಿ ಬೋಲಾನಿ ಖ್ಹರಾವ್ಣಿ ಕ್ರಿಸ್ತಾನ ದನ್ಮ ಮನಮಳ್‌ಷೆ.

1 ಥೆಸ 3:13

ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ಇನು ಪರಿಶುದ್ದ ಪರಿವಾರ್‌ನಿ ಖ್ಹಮೇದ್ ಆವಾನಿ ವಖ್ಹತ್‌ಮ, ಬಾ ದೇವ್ನ ಖ್ಹಾಮ್ಣೆ ತುಮೆ ಪವಿತ್ರಥಿ ಅಜು಼ ಗಲ್ತಿಕೊಂತೆ ಇಮ್‌ ರ‍್ಹವಾನಿಮತ್ ತುಮಾರ ದಿಲ್ನ ಖ್ಹಾರು ಘಟ್ ಕರಾದೆ.

1 ಥೆಸ 5:21

ಅಖ್ಖಾಸ್ನ ತರೀಪ್‌ಶ ಕರಿನ್, ಅಛ್ಛಾ಼ನ ಘಟ್ ಧರಿಲೆವೊ.

1 ಥೆಸ 5:23

ಶಾಂತಿ ದೆವಾಳೊ ದೇವಸ್ ತುಮೂನ ಪೂರಿ ತರಿಕಾಥಿ ಪವಿತ್ರ ಕರಾದೆ. ತುಮಾರು ಆತ್ಮ, ಜಾನ್‌ ಅಜು಼ ಶರೀರ್ ಖ್ಹಾರು ಅಪ್ಣೊ ಪ್ರಭು ಹುಯಿರ‍್ಹೋತೆ ಯೇಸು ಕ್ರಿಸ್ತ ದೆಖಾವಾನಿ ವಖ್ಹತ್‌ಲಗು ಪೂರ ದೋಷ್‌ಕೊಂತೆ ರಾಖಿಮ್ಹೇಲೊ.

1 ಯೋಹಾನ 4:1

ಪ್ಯಾರ್‌ನ ಅದ್ಮಿವೊ “ಅಪ್ಣಾಮ ಪವಿತ್ರಾತ್ಮ ಛಾ಼” ಕರಿ ಬೋಲಿಲ್ಯಾವಾಳ ಅಖ್ಖಾಸ್ನ ವಿಶ್ವಾಸ್ ನಾಕರ‍್ನು. ಯೊ ಹುಮ್ಮಖ್ಹ್‌ ದೇವ್‍ಥಿ ಆಯು ಕಿಶು ಕರಿ ತರೀಪ್‌ಶ ಕರಿನ್ ದೇಖೊ. ಶನಕತೊ ಜಗತ್‌ಮ ಕೆತ್ರುಕ್ಕಿ ಝೂ಼ಟು ದೇವ್ನಿ ಸಮಾಚಾರ್ ಬೋಲವಾಳು ಕಿಜ಼್ಜ ಕಿಜ್ಜಾ಼ಬಿ ಫೈಲೈಗು.

ಪ್ರಕಾಶಿತ್ 2:2

ತಾರು ಕಾಮ್‌ಖ್ಹಾರು ಅಜು಼ ಮಿನ್ಹತ್‌ಬಿ ಖ್ಹಮಾಳನುಬಿ ಮೇ ಮಾಲುಮ್ ಕರಿರಾಖ್ಯೋಸ್. ತೂ ಖರಾಬ್ ಅದ್ಮಿನ ಖ್ಹಮಾಳಿಷ್ ಕೊಯ್ನಿ. ಅಪೊಸ್ತಲರ್ ಕಾಹೆತೆಬಿ ಇವ್ಣುನ ಅಪೊಸ್ತಲರ್‌ಕರಿ ಬೋಲೈಲ್ಯವಾಳು ತೂ ಪರ್ಖಿನ್ ಇವ್ಣುನ ಝೂ಼ಟುಕರಿ ಮಾಲುಮ್‌ಕರಿಲಿದೊ.