ಫಿಲಿಪ್ಪಿ 1:27 - ಕ್ಹುದಾನಿ ಕ್ಹರಿನಿ ವಾಕ್ಯಾ

²⁷ ಇಮ್ಮ ಕ್ರಿಸ್ತನಾ ಸುವಾತೆಮಾ ಯೊಗ್ಯ ಥಯೆನ ಚ್ಯಾಲಿ ಜಾ಼ವೊ. ತೆಲಾಮಾ ಮಿ ಅಯೆನ ತುಮೊನೆ ದೆಕ್ಕಯವಾಲಾ ಕ್ಹರಿಜ಼ ವೆ.

ಫಿಲಿಪ್ಪಿ 1:27 Cross References

ಮತ್ತಾಯ 12:25

ಪರಿಸಾಯರೊ ವಿಚಾರ ಕರಾನಾ ಸಂಗತಿಯೊ ಯೆಸುನೆ ಗ್ವತ್ತ ಥಯಾತಾ. ತಿನಾಹುತಿ ಯೆಸು ತ್ಯುನೊನೆ, ತಿನಾಕ್ಹು ತಿನೆಜ಼ ವಿರೊದ ಥೈನ ತೆಜ಼ ಹೊರಾಡಾನು ರಾಜ್ಯ ನಾಶ ಥಾವಸ. ತಿನಾ ಲಿಂಗತ ತುಟಿಗಯಲ ಹರಿಯಕ್ಕ ರಾಜ್ಯ ಸ್ಥಿರ ನೈ ರ‍್ಹತು. ಭೆದಭಾವ ಹೊಂದಲ ಹರಿಯಕ್ಕ ಕುಟುಂಬ ಅಭಿವೃದ್ಧಿ ಥಾತು ನೈ.

ಅಪೊಸ್ತಲೊ 2:46

ಹರಯಕ್ಕ ದಿನ್ನ ದೆವಾಲಯನೆ ಮಳಿನ ಆತಾತಾ. ತ್ಯುನಾ ಕ್ಹಾರಾವೊನು ಉದ್ದೆಶ ಯಕ್ಕಜ಼ ವ್ಹತ್ತು. ತ್ಯುನೆ ತ್ಯುನಾ ಘರೊಮಾನಾ ರೊಟ್ಲೊ ತೊಡಿನ ಮಳಿನ ಖಾತಾತಾ. ತ್ಯುನಾ ಮನಕ್ಹೊ ಖುಶಿಕ್ಹು ಭರಲವ್ಹತ್ತಾ.

ಅಪೊಸ್ತಲೊ 24:24

ದಕ್ಹಾ ದಿನ್ನ ಥಯಲ್ಪರ ಫೆಲಿಕ್ಸ, ಯಹುದಿಯೊನೆ ರ‍್ಹಯಲ ದ್ರೊಸಿಲ್ಲ ಕವಾಲಿ ಬಾಕ್ಡಿ ತಿನಾ ಕ್ಹಾತೆ ಐನ, ಪೌಲಾನೆ ಬಲೈನ ಕ್ರಿಸ್ತ ಯೆಸುಮಾ ಮ್ಹೆಲಾನಾ ಬರೊಕ್ಹಾನಾ ಹುತಿ ತೆ ಕವಾನಿ ವಾತೊ ಐಕ್ಯೊ.

ಅಪೊಸ್ತಲೊ 4:32

ವಿಶ್ವಾಸಿಯೊನು ಮನಸ್ಸ ಜ಼ಲಮ ಯಕ್ಕಜ಼ ವ್ಹತ್ತು. ಸಮುದಾಯಮಾ ರ‍್ಹಯಲ ಕುನ್ನಬಿ ರ‍್ಹೈನಕಾ ತಿಕನ ರ‍್ಹಯಲ ಕ್ಹಾರು ತಿನು ವ್ಹೈ ಕೈನ ಕವಾಡಾ ನ್ಹೊತಾ. ತಿನಿ ಜ಼ಗಾ, ತ್ಯುನೆ ಹರಯಕ್ಕನೆ ವಾಟಿಲಿವಾಡಾತಾ.

ರೊಮಾಪೂರ 1:16

ಮಿ ಸುವಾರ್ತೆನಾ ಹುತಿ ಆತ್ಮ ವಿಸ್ವಾಸಕ್ಹು ಛೆ. ಬರೊಕ್ಹೊ ಮ್ಹೆಲಲ ಹರ ಯಕ್ಲಾನಾ ರಕ್ಷಣೆನಾ ಹುತಿ ಕದ್ಯಾಮ ಪೈಲಾ, ಯಹುದಿಯೊನೆ ಪಾಚಾ಼ತಾ ಯೆಹುದಿ ನೈಸೊವಾಲಾವೊನೆ ಬರೊಕ್ಹೊ ಮ್ಹೆಲಲ ವಾಲಾವೊನೆ ರಕ್ಷಣೆ ಕ್ಹುದಾನಿ ತಾಕತ ಥೈಸ.

ರೊಮಾಪೂರ 1:5

ಕ್ಹುದಾ ತಿನಾ ಮುಲಕ ಮನೆ ಕ್ರಿಸ್ತನಾ ಹುತಿ ಅಪೊಸ್ತಲ ಥಾವಾನೆ ನಸಿಬ ದಿದ್ಯೊ. ಕ್ಹಾರಾ ದೆಶನಾ ಮನಕ್ಹೊನೆ ತಿನಾ ಬರೊಕ್ಹಾಮಾ ಲೌ ಕೈನ ಕ್ಹುದಾ ಮನೆ ಎ ಭಾಗ್ಯ ದಿದ್ಯೊ.

ರೊಮಾಪೂರ 1:9

ಕ್ಹುದಾ ತಿನಿ ಸೆವೆ ತಿನಾ ದಿಕ್ರಾನಾ ಹುತಿ ಸುವಾರತೆನು ಉಪದೆಶ ಕರತೊ ಮಿ ಮಾರಾ ಮನಸೆ ತಿನಿ ಸೆವಾ ಕರಾಡ್ಯೊಸ. ಇನೆ ಕ್ಹುದಾಜ಼ ಸಾಕ್ಷಿ ವ್ಹೈ. ಕಾಕದ್ಯಾಮ ಮಿ ಪ್ರಾಥನಾ ಕರತಾಮಾ ತುಮೊನೆ ಹಮೆಶಾಬಿ ಶೆ ಕರುಸ.

ರೊಮಾಪೂರ 10:8

ಕ್ಹುದಾನಿ ವಾಕ್ಯಾ ತುಮಾರಿ ಕ್ಹಾಮಿಜ಼ ಛೆ; ತೆ ತಾರಾ ಮ್ಹೊಡಾಮಾ ತಾರಾ ಮನಸಮಾಬಿ ಛೆ ಕವಸ. ತೆ ವಾಕ್ಯಾ ಅಪೆ ಕವಾನು ಬರೊಕ್ಹಾನಿ ವಿಷಯಮಾನಿ ವಾಕ್ಯಾ ವ್ಹೈ.

ರೊಮಾಪೂರ 15:16

ಯಹುದಿ ನೈ ರ‍್ಹಯಲ ಪವಿತ್ರ ಆತ್ಮಾನಾ ಮುಲಕ ಪವಿತ್ರ ಥಯಾ. ಮನಕ್ಹೊನೆ ಮದದ ಕರಾನಾ ಹುತಿ ಕ್ಹುದಾ ಮನೆ ಯಾಜಕನಿ ಸೆವಾ ವ್ಹೈ ಕೈ ಕರಲ್ದಯ. ಕ್ಹುದಾನೆ ಸುವಾರ್ತೆ ಕೈನ ಉಪದೆಶ ಕರಿನ ಮಿ ತಿನೆ ಸೆವಕ ಥಾವಾ ವರಕ್ಹು ಕರ‍್ಯೊ. ಯಹುದ್ಯೊ ನೈ ರ‍್ಹಯಲ ಮನಕ್ಹೊನೆ ಕ್ಹುದಾಕನ ಔ ಕೈನ ಮಿ ಸೆವೆ ಕರಾ ವರಕ್ಹು ಥಯೊ. ತೆ ಮನಕ್ಹೊ ಕ್ಹುದಾನಾ ಹುತಿ

ರೊಮಾಪೂರ 15:29

ಮಿ ತುಮೊಕನ ಆತಾಮಾ ಕ್ರಿಸ್ತನಾ ಘನ್ನಾ ಆಶಿರ್ವಾದ ಲೌಸ ಕೈನ ಮನೆ ಆಸ ಛೆ.

1 ಕೊರಿಂಥ 1:10

ಭಾಯೊ ಭೆನೊ, ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನಾ ನಾಮ ಪರ ಮಿ ತುಮೊಕನ ಮಾಂಗಿಲಿವಾನು ಸು ವ್ಹೈ ಕದ್ಯಾಮ, ವಾದವಿವಾದ ನೈಸೊ ಬಿನ್ನಭೆದ ನೈಸೊ ಯಕ್ಕಜ಼ ಮನಸ್ಸಕ್ಹು ಯಕ್ಕಜ಼ ಉದ್ದೆಶಕ್ಹು ತುಮೆ ಯಕ್ಕಜ಼ ಥೈನ ರ‍್ಹವೊ.

1 ಕೊರಿಂಥ 15:58

ತಿನಾ ಹುತಿ ಮಾರಾ ಮಯಾನಾ ಭಾಯೊ ಭೆನೊ, ಘಟ್ಟ ಥೈನಬಿ ನಿಶ್ಚಲ ಥೈನ ರ‍್ಹವೊ. ಕಾಕದ್ಯಾಮ ತುಮೆ ಕ್ಹುದಾನಿ ಸೆವಾಮಾ ಕರಾನಿ ಕೊಶಿಶ ವ್ಯರ್ಥ ನೈ ಥಾತು. ತೆ ತಿಳ್ದಿಲಿನ ಕ್ಹುದಾನು ಕಾಮ ಹಮೆಶಾಬಿ ಘನ್ನಿ ಆಸಕ್ತಿಕ್ಹು ವರಿ ಹಮೆಶಾಬಿ ಶ್ರಧ್ದಾ ರ‍್ಹಯಲವಾಲಾ ಥೈನ ಕರಾಲಾ ಥಾವೊ.

2 ಕೊರಿಂಥ 13:11

ಲಾಸ್ಟಮಾ ಭಾಯೊ ಖುಶಿ ಕರೊ ಶಿದಾ ಕರ್ಲಿವೊ ಧೈರ‍್ಯಕ್ಹು ರ‍್ಹವೊ ಯಕ್ಕಜ಼ ಮನಸಕ್ಹು ರ‍್ಹವೊ ಸಮಾದಾನ ಕ್ಹು ರ‍್ಹವೊ ತೆಳಾಮಾ ಮಯಾಕ್ಹು ರ‍್ಹಯಲ ಶಾಂತಿದಾಯಕ ರ‍್ಹಯಲ ಕ್ಹುದಾ ತುಮಾ ಕ್ಹಾತೆ ರ‍್ಹವಸ.

2 ಕೊರಿಂಥ 4:4

ಎ ದುನಿಯಾನೊ ಅದಿಪತಿ ಬರೊಕ್ಹೊ ನೈಸೊವಾಲಾವೊನೆತ್ಯುನಾ ಮನಸೊ ಕುಡ್ಡಾ ಕರ‍್ಯೊಸ. ಕ್ರಿಸ್ತನಿ ಮಹಿಮಾನಾ ಹುತಿ ರ‍್ಹಯಲ ಸುವಾರ್ತೆನು ಉಜಾಲು ತ್ಯುನೆ ದೆಕ್ತಾ ನೈ. ಕ್ರಿಸ್ತ ಯಕ್ಲೊಜ ಕ್ಹುದಾನು ಪ್ರತಿರುಪ ಥಯೊಸ.

2 ಕೊರಿಂಥ 9:13

ಎ ಮದತ ಕ್ಹ ದಿಕ್ಹ ಐನ ತಾರ ಚೊ಼ಕ ಭಾವ ತ್ಯುನೆ ಕತಾಮಾ ದೆಕ್ತಾಮಾ ತುಮ ಕ್ರಿಸ್ತ ಕವಾ ವಿಧೆಯ ಲಿಂಗತ ಹುತ ಹುತಿ ತ್ಯುನೆ ವರಿ ಕ್ಹಾರ ಖುಲ್ಲಾ ಮನಸ ಮದತ ಕರಲ ಹುತ ಹುತಿ ಕ್ಹುದಾ ಮಾ ಕ್ಹುದಾ.

ಗಲಾತ್ಯ 1:7

ಕ್ಹರಿಮಾಜ಼ ಕೌ ಕದ್ಯಾಮ, ಬಿಜು಼ ಕಯುಜ಼ ಕ್ಹರಿನಿ ಸುವಾರ್ತೆ ಕೈಜ಼ ನತ್ತಿ. ತೆನೈಸೊ ದಕ್ಹಾ ಮನಕ್ಹೊ ತುಮೊನೆ ಗಲಿಬಿಲಿ ಕರಾಡಾಸ. ತ್ಯುನೆ ಕ್ರಿಸ್ತನಿ ಸುವಾರ್ತೆ ಬದಲಿಕರು ಕೈನ ದೆಕಾಡ್ಯಾಸ್.

ಎಫೆಸ 1:13

ಎ ತುಮೊನೆಬಿ ಲಾಗು ಥಾವಸ. ತುಮೆ ಕ್ಹರಿ ಭೊದನೆನಾ ಹುತಿ ಕದ್ಯಾಮ ತುಮಾರಿ ರಕ್ಷಣೆನಾ ಹುತಿ ಸುವಾರ್ತೆನಾ ಹುತಿ ಪುಚ್ತಾ಼ಮಾ ಕ್ರಿಸ್ತಮಾ ಬರೊಕ್ಹೊ ಮ್ಹೆಲೊ. ಕ್ಹುದಾ ತಿನಿ ವಾಗ್ದಾನನಾ ಲಿಂಗತ ತುಮೊನೆ ಪವಿತ್ರ ಆತ್ಮಾನೆ ದಿವಾನಾ ಮುಕಾಂತರ ತುಮೊಪರ ತಿನಿ ಖಾಸ ರ‍್ಹಯಲ ಶಿಕ್ಕೊ ಘಾಲ್ಯೊ.

ಎಫೆಸ 1:15

ಕರ್ತಾ ತಿನಾಹುತಿಜ಼ ಮಾರಿ ಪ್ರಾಥನಾಮಾ ಮಿ ತುಮೊನೆ ಶೆ ಕರಿಲಿನ ತುಮಾರಿ ವಿಷಯಮಾ ಕ್ಹುದಾನೆ ಹಮೆಶಾಬಿ ಸ್ತೊತ್ರ ಕೌಸ ಪ್ರಭು ಥಯಲ ಯೆಸುಮಾ ತುಮೊನೆ ರ‍್ಹಯಲ ಬರೊಕ್ಹಾನಾ ಹುತಿ

ಎಫೆಸ 4:1

ಮಿ ಕ್ಹುದಾನೊ ರ‍್ಹಯಲ ಹುತಿ ಜೈಲಮಾ ಛೆ. ತುಮೆ ಕ್ಹುದಾಕ್ಹು ಬಲಾಯಲವಾಲಾ ವ್ಹೈ. ತಿನಾಹುತಿ ತುಮಾರಾ ಬಲಾಯನಾ ಹುತಿ ತಿನಾಲಿಂಗತ ಯೊಗ್ಯ ಥೈನ ಜಿವ್ನಾ ಕರು ಕೈನ ತುಮೊನೆ ಮಾಂಗಿಲ್ಯುಸ.

ಫಿಲಿಪ್ಪಿ 1:5

ಕಾಕದ್ಯಾಮ ತುಮೆ ಪೈಲಾತಾಬಿ ಹಜು಼ನ ಲಕ್ಕಾಬಿ ಸುವಾರ್ತೆ ಪ್ರಚಾರಮಾ ಮದತ ಕರಾಲಾ ಥಯಾಸ ಕೈನ ಮಾರಾ ಕ್ಹುದಾನೆ ಕೃತದನ್ಯತಾ ಸುತ್ತಿ ಕೌಸ.

ಫಿಲಿಪ್ಪಿ 2:12

ತಿಮ್ಮ ರ‍್ಹಯಲಕ್ಹು ಮಾರಾ ಮಯಾನಾ ತಮ್ಮೆ ಮಾರಾ ವಾತೊ ಹಮೆಶಾಬಿ ಪಾಲನೆ ಕರಲ ಲಿಂಗತ ಹಮ್ನಾಬಿ ಪಾಲನೆ ಕರೊ. ಮಿ ತಮಾರಾ ಕ್ಹಾತೆ ರ‍್ಹತ್ತಾಮ್ಮಾ ಯಕ್ಕ ನೈಸೊ, ಮಿ ನೈಸೊ ಟೆಮ್ಮಾ ಘನಿ ಭಕ್ಹು ಕಾಪಾಲಾ ಥೈನ ತಮಾರಾ ತಮಾರಾ ರಕ್ಷಣೆ ಕರಲಿಯೊ.

ಫಿಲಿಪ್ಪಿ 2:24

ತೆನೈಸೊ ಮಿಬಿ ಜಲದಿಜ ಔಸ ಕೈನ ಕರ್ತಾ ಪರ ಘನೊ ಭರೊಕ್ಹೊ ಮ್ಹೆಲೊಸ.

ಫಿಲಿಪ್ಪಿ 3:18

ಕಾಕದ್ಯಾಮ್ಮ ಘನಾಜ಼ನಾ ಕ್ರಿಸ್ತನಾ ಶಿಲೆಬೆನಾ ವಿರೊದ್ದ ಥೈನ ಚಾಲಸ. ತ್ಯುನಿ ವಿಷಯಮ್ಮಾ ತುಮೊನೆ ಕೆಕ್ಲಿಸಲ ಕದ್ಯೊ, ಹಮ್ನಾ ಬಿ ರೊತೊ ಕೌಸ.

ಫಿಲಿಪ್ಪಿ 3:20

ಅಪೆತೊ ಸ್ವರ್ಗನಾ ಪ್ರಜೆ ವ್ಹೈ ಕರ್ತಾ ಥಯಲ ಯೆಸು ಕ್ರಿಸ್ತ ತ್ಯಾತೊಜ ರಕ್ಷಕ ಥೈನ ಆವಾನೊ ದೆಕಾತ್ತಾ ಛೆ.

ಫಿಲಿಪ್ಪಿ 4:1

ಮಾರಾ ಭಾಯೊ ಭೆನೊ ಮಿ ತುಮೊನೆ ಮಯಾ ಕರುಸ ವರಿ ತುಮೊನೆ ದೆಕಾನೆ ಆಸ ಕರುಸ ಮನೆ ತುಮೆ ಕ್ಹುಶಿ ಕರೊ ಮಿ ತಮಾರಾ ಹುತಿ ಹೆಮೆ ಪಡಾನಿನಿಂತ ಕರ‍್ಯಾಸ. ಮಿ ಕದಲನಿಂತ ತುಮೆ ಪ್ರಭುನಿ ವಾಟಪರ ಚಾ಼ಲೊ.

ಕೊಲೆಸ್ಸೆ 1:10

ಕ್ಹುದಾನಿ ಪಸಂಪ ಡೊಳಾ ದಿಕ್ಹಾವರಕ್ಹಾ ತುಮೆ ಚೊ಼ಕಾ ಥಛ ಕೈನ ಕ್ಹಾರಿ ತರಾನಾ ಚ಼ೊಕಾ ಫಲ ದಿವಾಲಾ ಥೌ ಕೈನ ಬೆಳತ್ತಾ ರ‍್ಹೌ ಕೈನ

ಕೊಲೆಸ್ಸೆ 1:4

ಹಮೆ ಕ್ಹುದಾನೆ ಸ್ತೊತ್ರ ಕರಾನೆ ಕಾರಣ ಸುವೈ ಕದ್ಯಾಮ ಕ್ರಿಸ್ತಮಾ ಯೆಸುಮಾ ರ‍್ಹಯಲ ತಮೊನೆ ರ‍್ಹಯಲ ಬರೊಕ್ಹಾನಾ ಹುತಿ, ಕ್ಹುದಾ ಮನಕ್ಹೊ ಪರ ತಮೊನೆ ರ‍್ಹಯಲ ಮಯಾನಾಹುತಿ ಪುಚ್ಯೊಸ.

1 ಥೆಸಲೊನಿಕ 3:6

ತೆನೈಸೊ ತಿಮೊಥೆ ತುಮೊಕಂತೊ ಹಮೊಕನ ಫರಿನ ಆಯಲಪರ, ತುಮಾರೊ ಬರೊಕ್ಹೊ ವರಿ ಮಯಾನಾ ಹುತಿ ಚೊ಼ಕಿಯೊ ವಾತೊ ಹಮೊನೆ ಕದ್ಯೊ. ತುಮೆ ಕೆಳಾಮಾಬಿ ಹಮೊನೆ ಶೆ ಕರೊಶಿ ಕೈನ ವರಿ ದೆಕಾನಿ ಆಸಕ್ಹು ಛೆ ಕೈನ ತೆ ಹಮೊನೆ ಕದ್ಯೊ. ತಿನಾಲಿಂಗತಜ಼ ಹಮೆ ತುಮೊನೆ ದೆಕಾನೆ ಘನ್ನಿ ಆಸಕ್ಹು ಛೆ.

1 ಥೆಸಲೊನಿಕ 4:1

ಲಾಸ್ಟಮಾ ಕವಾನು ಸು ವ್ಹೈ ಕದ್ಯಾಮ ಭಾಯೊ ವರಿ ಭೆನೊ, ಹಮ್ನಾ ತುಮೊನೆ ಬಿಜಿ಼ಯೊ ದಕ್ಹಿಯೊ ವಿಚಾರೊ ತಿಳಸುಸ. ಕ್ಹುದಾನೆ ಕಿಮ ಮೆಚ಼ಸಾನೆ ಜಿವ್ನಾ ಕರು ಕೈನ ತುಮೊನೆ ಶಿಕ್ಲಾಯಾಸ. ತುಮೆ ತಿನಾಲಿಂಗತಜ಼ ಜಿವ್ನಾ ಕರಾಡಾಸ. ತಿನಾಲಿಂಗತಜ಼ ಹಜು಼ನ ಹೆಚ್ಕಿ ನಜಿ಼ಕ ರ‍್ಹೈನ ಜಿವ್ನಾ ಕರು ಕೈನ ಹಮೆ ತುಮ್ನೊನೆ ಯೆಸುನಾ ನಾಮಪರ ಮಾಂಗಿಲಿಯೆಸ ವರಿ ಪ್ರೊತ್ಸಾಹ ಕರಿಯೆಸ.

1 ತಿಮೊತಿ 1:11

ತೆ ಉಪದೆಶ ಮನಕ್ಹೊನೆ ತಿಳಸಾನಾ ಹುತಿ ಕ್ಹುದಾ ತುನೆ ದಿದಲ ಸುವಾರತೆನು ಯಕ್ಕ ಭಾಗ ಥಯುಸ. ನಸಿಬವಾಲೊ ಥಯಲ ಕ್ಹುದಾ ಕಂತು ಎ ಮಹಿಮಾನಿ ಸುವಾರ್ತೆ ಐಸ.

1 ತಿಮೊತಿ 1:19

ತಾರಾಮಾ ಬರೊಕ್ಹೊ ಘಟ್ಟ ಥೈನ ರ‍್ಹವಾದೆ, ತುನೆ ಚೊ಼ಕು ಲಾಗಲಜ಼ ಕರ. ದಕ್ಹಾಜ಼಼ನಾ ಇಮ್ಮ ಕರ‍್ಯಾನೈ. ತ್ಯುನೊ ಬರೊಕ್ಹೊ ಕ್ಹಾರೊ ಹಾಳ ಥೈ ಗಯೊ.

2 ತಿಮೊತಿ 4:7

ಖೆಲಮಾ ಮಿ ಚೊ಼ಕೊ ಖೆಲ್ಯೊ. ವರಿ ಮಾರಿ ನ್ಹಾಟ ಕ್ಹರಾಯೊಸ; ಮಾರಾ ಬರೊಕ್ಹೊನಾ ವಚಾ಼ಡಿಲಿದ್ಯೊಸ.

ತಿತನೆ 2:10

ತ್ಯುನೆ ಸಾಮನೊ ಚೊ಼ರಿ ಕರುನೈ ವರಿ ತ್ಯುನೆ ಬರೊಕ್ಹು ರ‍್ಹಯಲವಾಲಾ ವ್ಹೈ ಕೈನ ದೆಕಾಡಿನ ದಿವೊ. ಆಳೊ ಇಮ್ಮ ಚಾ಼ಲಿನ ಜಾ಼ತಾ ರ‍್ಹಯಾಮ, ತ್ಯುನೆ ಕರಾನಾ ಹರ ಯಕ್ಕ ಕಾಮಮಾ ಅಪ್ನೊ ರಕ್ಷಕ ಥಯಲ ಕ್ಹುದಾನು ಉಪದೆಶ ಚೊ಼ಕು ವ್ಹೈ ಕೈನ ದೆಕಾಡಾನೆ ಥಾವಸ.

ಫಿಲೊಮನ 1:5

ಕ್ಹುದಾನಾ ಪವಿತ್ರ ಮನಕ್ಹೊಪರ ತುನೆ ಮಯಾ. ವರಿ ಪ್ರಭು ಯೆಸುಮಾ ರ‍್ಹಯಲ ತಾರೊ ಬರೊಕ್ಹೊ ದೆಕಿನ ಕ್ಹುದಾನೆ ಸ್ತೊತ್ರಾ ಕೌಸ.

ಯಾಕೊಬ 3:18

ಸಮಾದಾನ ಕರಾಲಾ ಸಮಾದಾನ ಕವಾನಾ ಬಿಯ್ಯಾನೆ ಬಿತ್ತಿನ ನಿತಿ ಕವಾನು ಫಲ ಕಾಟಸ.

2 ಪೆತ್ರಾ 3:11

ಮಿ ತುಮೊನೆ ಕದಲ ತಿಮ್ಮ ತರಿಕಾಕ್ಹು ಕ್ಹಾರು ಹಾಳ ಥೈಜಾ಼ವಸ. ತಿನಾಹುತಿ ತುಮೆ ಕೆವಾ ಮನಕ್ಹೊ ಥೌ? ತುಮೆ ಪರಿಶುದ್ಧ ಥೈನ ರ‍್ಹೌ ವರಿ ಭಕ್ತಿವಾಲಾ ರ‍್ಹೌ.

2 ಪೆತ್ರಾ 3:14

ಮಯಾನಾ ದೊಸ್ತೊ, ಇನಾಹುತಿ ಅಪೆ ಕ್ಹಾಮಾ ದೆಕಾಡ್ಯಾಸ. ತಿನಾಹುತಿ ತುಮೆ ಪಾಪ ನೈಸೊವಾಲಾ ಥೈನ ತುಮೊನೆ ಥಯಲ ತೆಕ್ಲು ಕೊಶಿಶ ಕರೊ. ಕ್ಹುದಾನಾ ಕ್ಹಾತೆ ಸಮಾಧಾನಕ್ಹು ರ‍್ಹವಾನು ಕರೊ.

ಯುದ ಬರ್ದಲ ಪತ್ರ 1:3

ಮಯಾನಾ ದೊಸ್ತೊ, ಅಪೆ ಕ್ಹಾರಾ ವಾಟಿಲಿವಾನಿ ಮರ್ಗಾನಾ ಹುತಿ ತುಮೊನೆ ಬರ್ದು ಕೈನ ಮಿ ಘನ್ನೊ ಆಸ ಕರ‍್ಯೊತೊ.ತೆ ನೈಸೊ ವರಿ ಯಕ್ಕ ವಿಶಯನಾ ಹುತಿ ಮಿ ಬರ್ದಾನು ಜರುರತ್ತ ಛೆ ಕೈನ ಛೆ ಕೈನ ತಿಳದಿಲಿದ್ಯೊ. ಕ್ಹುದಾ ತಿನಾ ಪರಿಶುದ್ಧ ಮನಕ್ಹೊನೆ ದಿದಲ ಬರೊಕ್ಹಾನಾ ಹುತಿ ತುಮೆ ಪ್ರಯಾಸ ಪಡ್ದಿನ ಹೊರಾಡಾನಾ ಲಿಂಗತ ಮಿ ತುಮೊನೆ ಪ್ರೊತ್ಸಾಹ ಕರಾನಾ ಹುತಿ ಮನಸ ಕರುಸ. ಕ್ಹುದಾ ಅಪೊನೆ ಬರೊಕ್ಹೊ ಯಕ್ಕಸಲಾ ದಿದ್ಯೊಸ. ತೆ ಕ್ಹಾರಾ ಕಾಲಮಾಬಿ ಚೊ಼ಕು ಛೆ.