ಫಿಲಿಪ್ಪಿ 1:1 - ಕ್ಹುದಾನಿ ಕ್ಹರಿನಿ ವಾಕ್ಯಾ

¹ ಯೆಸು ಕ್ರಿಸ್ತನೊ ಆಳ ಥಯಲ ಪೌಲಾ ತಿಮೊಥಿ ಫಿಲಿಪ್ಪಿವಾಲಾವೊನೆ ಬರ್ದಾನು ಪತ್ರ. ಯೆಸು ಕ್ರಿಸ್ತನಾ ಮುಲಕ ಕ್ಹುದಾ ಪರಿಶುದ್ಧ ರ‍್ಹಯಲ ಮನಕ್ಹೊನೆ ಕ್ಹಾರಾ ಮ್ಹೊಟಾ ಮನಕ್ಹೊನೆ ಸಭೆಮಾ ಸೆವೆ ಕರಾಲಾವೊನೆ ಹಮೆ ಎ ಪತ್ರ ಬರ್ದಾಡ್ಯಾಸ.

ಫಿಲಿಪ್ಪಿ 1:1 Cross References

ಮಾರ್ಕ 13:34

ಎ ಕಿಮ ವ್ಹೈ ಕದ್ಯಾಮ ಯಕ್ಲೊ ಮನಕ್ಹ ತಿನು ಘರ ಛೊಡಿನ ಬಿಜಾ಼ ದೆಶೆ ಜಾ಼ತಾಮಾ ಘರ್ನಿ ಜವಾಬ್ದಾರಿ ತಿನಾ ಆಳೊನಾ ಹತ್ಮಾ ದಿನ್ನ ಜಾ಼ತಾಮಾ ಯಕೆಕ್ಕಲಾನೆ ತಿನಾ ಕಾಮನಿ ಜವಾಬ್ದಾರಿ ನೆಮ್ಸಿನ ಬಾಕಲ ಕೈದಾಲಾನೆ ಬಲೈನ - ತು ಇವ್ನೊಪರ ತಾರಿ ನಜ಼ರ ರ‍್ಹವಾದೆ ಕೈನ ಮಿ ತುನೆ ಆಗನ್ಯೆ ದ್ಯುಸ.

ಯೊಹಾನ 12:26

ಕುನ್ನ ಮಾರಿ ಸೆವೆ ಕರು ಕೈನ ಛೆ ತೆ ಮಾರಾ ಪಾಚೊ಼ ಔ. ವರಿ ಮಿ ಕಿಜಾ಼ ರ‍್ಹೌಸ ತ್ಯಾ ಮಾರಾ ಸೆವಕೊಬಿ ರ‍್ಹವಸ ವರಿ ಮಾರೊ ಬಾ ಮಾರಿ ಸೆವಾ ಕುನ್ನ ಕರಸ ತ್ಯುನೊನೆ ಮರ್ಯಾದಿ ದಿವಸ ಕದ್ಯೊ.

ಅಪೊಸ್ತಲೊ 1:20

ತಿನು ಘರ ಹಾಳ ಥಾವಾದೆ! ತ್ಯಾ ಕುನ್ನಜ಼ ರ‍್ಹಯಲ ನೈಸೊ ಥಾವಾದೆ. ಕಿರ್ತನೆ. 69:25 ಕೈನ ಕಿರ್ತನೆನಾ ಪುಸ್ತಕಮಾ ಯುದನಾ ಹುತಿ ಲಿಕ್ಕಲ ಛೆ ತೆನೈಸೊ ಬಿಜೆಕ್ಲೊ ತಿನು ಕಾಮ ಲಿವಾದೆ’ ಕಿರ್ತನೆ. 109:8 ಕೈನ ಬರ್ದಲ ಛೆ.

ಅಪೊಸ್ತಲೊ 20:28

ಕರ್ತಾ ತಿನಾ ಸ್ವಂತನು ರಗತಕ್ಹು ಕಮಾಯಲ ಕ್ಹುದಾನಿ ಸಬೆವಾಲಾ ಪಾಲನ ಕರಾನಾಹುತಿ ಪವಿತ್ರ ಆತ್ಮಾ ತುಮೊನೆ ಎ ಗುಂಪಮಾ ಸಭಾದಕ್ಷ ಕರಿನ ಮ್ಹೆಲಲ ಹುತಿ ತುಮಾರಾ ಹುತಿ, ಕ್ಹಾರಿ ಗುಂಪನಾ ಹುತಿ ಹುಷಾರಮಾ ರ‍್ಹವೊ.

ಅಪೊಸ್ತಲೊ 9:13

ತೆ ವಾತೆ ಅನನಿಯಾ - ಪ್ರಭು, ತೆ ಮನಕ್ಹ ಯೆರುಸೆಲಿಮಮಾ ತಾರಾ ಪರಿಶುದ್ಧ ಮನಕ್ಹೊನೆ ಕೆಕ್ಲು ಕೆಟ್ಟ ಕರ‍್ಯೊಸ ಕವಾನು ಮಿ ಮನಕ್ಹೊನಾ ಮ್ಹೊಡಾತೊ ಐಕ್ಯೊಸ.

ರೊಮಾಪೂರ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಅಪೊಸ್ತಲ ಥಾವಾನಾ ಹುತಿ ಮನೆ ಬಲಾಯೊ. ಕ್ಹುದಾನಿ ಸುವಾರ್ತೆ ಕ್ಹಾರಾ ಮನಕ್ಹೊಕನ ಕವಾನಾ ಹುತಿ ಮನೆ ಇನಿಲಿದ್ಯೊ.

ರೊಮಾಪೂರ 1:7

ರೊಮಮಾ ರ‍್ಹಯಲವಾಲಾ ಕ್ಹುದಾನಾ ಸ್ವಂತ ಮನಕ್ಹೊ ಥಾವಾನಾ ಹುತಿ ಕ್ಹುದಾಜ಼ ಬಲಾಯಲವಾಲಾ ಥಯಲ ತುಮೊನೆ ಕ್ಹಾರಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ. ತುಮೆ ಕ್ಹುದಾನೆ ಮಯಾನಾ ಮನಕ್ಹೊ ಥಯಾಸ. ಅಪ್ನೊ ಬಾ ಥಯಲ ಕ್ಹುದಾಕ್ಹು ಪ್ರಭು ಥಯಲ ಯೆಸು ಕ್ರಿಸ್ತಕ್ಹು ತುಮೊನೆ ಕೃಪಾ ವರಿ ಶಾಂತಿ ಮಳಾದೆ.

1 ಕೊರಿಂಥ 16:10

ತಿಮೊಥೆ ಆಯೊಮ ತೆ ತುಮೊಮಾ ಭೆಂವಾಚಿ ದೆಕಿಲಿವೊ, ತೆಬಿ ಮಾರಾ ಲಿಂಗತ ಕರ್ತಾನಿ ಸೆವೆ ಕರಸ.

2 ಕೊರಿಂಥ 1:1

ಕ್ಹುದಾನಿ ಮರ್ಜಿನಾ ಲಿಂಗತ ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ವರಿ ಭೈ ಥಯಲ ತಿಮೊಥಿನಾ ಕ್ಹಾತೆ ಮಳಿನ ಕೊರಿಂಥಮಾ ರ‍್ಹಯಲ ಕ್ಹುದಾನಿ ಸಬೆವಾಲಾವೊನೆ ಅಖಾಯಾಮಾ ಸಿಮೆಮಾ ರ‍್ಹಯಲ ಕ್ಹಾರಾ ಕ್ಹುದಾನಾ ಮನಕ್ಹೊನೆ ಎ ಪತ್ರ ಬರ್ದಾಡ್ಯೊಸ.

ಗಲಾತ್ಯ 1:10

ಮನಕ್ಹೊ ಮನೆ ಸ್ವಿಕಾರ ಕರಾನಾ ಹುತಿ ಮಿ ಕೊಶಿಶ ಕರಾಡ್ಯೊಸ ಕೈನ ತುಮೆ ತಿಳ್ದೊಸಿಸು? ನೈ! ಮಿ ಕ್ಹುದಾನೆಜ಼ ಖುಶಿ ಕರಾನೆ ಕೊಶಿಶ ಕರಾಡ್ಯೊಸ. ಮನಕ್ಹೊನೆ ಖುಶಿ ಕರಾನಾ ಹುತಿ ಮಿ ಕೊಶಿಶ ಕರಾಡೊ ಸು? ಮಿ ಮನಕ್ಹೊನೆ ಖುಶಿ ಕರಾನೊ ರ‍್ಹಯೊಮ ಯೆಸು ಕ್ರಿಸ್ತನೊ ಸೆವಕ ಥೈನ ರ‍್ಹತೊ ನ್ಹೊತೊ.

ಗಲಾತ್ಯ 3:26

ತುಮೆ ಕ್ಹಾರಾ ಕ್ರಿಸ್ತಮಾ ಬಾಪ್ತಿಸ್ಮ ಕರೈಲಿದಲಹುತಿ ಕ್ರಿಸ್ತಮಾಜ಼ ತುಮೆ ಛೆ.

ಗಲಾತ್ಯ 3:28

ಹಮ್ನಾ ಕ್ರಿಸ್ತಮಾ ಯಹುದಿ, ಗ್ರಿಕ ಕವಾನು ಫರಕ ನತ್ತಿ; ಸ್ವತಂತ್ರ ರ‍್ಹಯಲವಾಲಾ ವರಿ ಗುಲಾಮೊ ಕವಾನು ಫರಕ ನತ್ತಿ; ಬಾಕಡಿಯೊ ವರಿ ದಾಣಗಾಮಾ ಫರಕ ನತ್ತಿ. ತುಮೆ ಕ್ಹಾರಾ ಕ್ರಿಸ್ತ ಯೆಸುಮಾ ಯಕಜ಼ ಥಯಾಸ.

ಎಫೆಸ 1:1

ಕ್ರಿಸ್ತ ಯೆಸುನೊ ಅಪೊಸ್ತಲ ಥಯಲ ಪೌಲಾ ಮಿ ಕ್ಹುದಾನಿ ಆಸನಿಂಗತ ಅಪೊಸ್ತಲ ಥಯೊಸ. ಎಫೆಸ ಗಾಮ್ಮಾ ರ‍್ಹವಾಲಾ ವರಿ ಕ್ರಿಸ್ತ ಯೆಸುಪರ ಬರೊಕ್ಹೊ ಮ್ಹೆಲಲ ಪರಿಶುದ್ಧ ಕ್ಹುದಾನಾ ಮನಕ್ಹೊನೆ ಮಿ ಎ ಪತ್ರ ಬರ್ದಾಡ್ಯೊಸ.

ಎಫೆಸ 1:15

ಕರ್ತಾ ತಿನಾಹುತಿಜ಼ ಮಾರಿ ಪ್ರಾಥನಾಮಾ ಮಿ ತುಮೊನೆ ಶೆ ಕರಿಲಿನ ತುಮಾರಿ ವಿಷಯಮಾ ಕ್ಹುದಾನೆ ಹಮೆಶಾಬಿ ಸ್ತೊತ್ರ ಕೌಸ ಪ್ರಭು ಥಯಲ ಯೆಸುಮಾ ತುಮೊನೆ ರ‍್ಹಯಲ ಬರೊಕ್ಹಾನಾ ಹುತಿ

ಎಫೆಸ 6:24

ಅಪ್ನೊ ಪ್ರಭು ಥಯಲ ಯೆಸು ಕ್ರಿಸ್ತನೆ ಹಮೆಶಾನಿ ಮಯಾಕ್ಹು ಮಯಾ ಕರಾಲಾ ತುಮೊಪರ ಕ್ಹುದಾನಿ ಕೃಪಾ ಹಮೆಶಾಬಿ ರ‍್ಹವಾದೆ.

ಫಿಲಿಪ್ಪಿ 2:19

ತಿನಾಹುತಿ ಮಿ ತಿಮೊಥಿನೆ ಜಲದಿಜ ತಮನೊಕನ ವಳೌ ಕೈನ ಕರ್ತಾ ಥಯಲ ಯೆಸುಮ್ಮಾ ಮಾಂಗಿಲ್ಯುಸ. ತಿನಾ ಮುಖಾಂತರ ತಮಾರ ಸಂಗತಿಯೊ ತಿಳ್ದಿನ ಮಿ ಆದರಣೆ ವ್ಹಂದ್ಯೊ.

ಫಿಲಿಪ್ಪಿ 2:5

ಕ್ರಿಸ್ತ ಯೆಸಲಿಂಗತ ತಮಾರುಬಿ ಮನಸ ರ‍್ಹವಾದೆ.

ಫಿಲಿಪ್ಪಿ 3:12

ಅಕ್ಲಾಮ್ಮಾಜ ಮಿ ಯೆ ಕ್ಹಾರು ಪಡದಿಲಿನ ಪುರಾ ಥಾವಾನಾ ಹುತಿ ಆಯೆಲವಾಲೊ ವ್ಹೈ ಕೈನ ಕತೊನೈ. ತೆನೈಸೊ ಮಿ ಸು ಹೊಂದೊಲಿವಾನಾ ಹುತಿ ಯೆಸು ಕ್ರಿಸ್ತಜ ಮನೆ ಧರಲಿದ್ಯೊ ತೆ ಹೊಂದಿಲಿವಾನಾ ಹುತಿ ಕೊಶಿಶ ಕರಾಡ್ಯೊಸ.

ಫಿಲಿಪ್ಪಿ 3:3

ಕ್ಹರಿನಾಜ ಖತ್ನಾ ಕರಾವಾಲಾ ಕುವೈ ಕದ್ಯಾಮ್ಮಾ ಕ್ಹುದಾನಿ ಆತ್ಮಾಕ್ಹು ಭರಲವಾಲಾ ಆರಾಧನಾ ಕರಾವಾಲಾ ಕ್ರಿಸ್ತ ಯೆಸುಮ್ಮಾ ಖುಶಿ ಕರಾವಾಲಾ ಅಂಗನು ಸಂಬಂಧರ‍್ಹಹೆಲೊಮ್ಮಾ ಭರೊಕ್ಹೊ ನೈರ‍್ಹಹೆಲವಾಲಾ ಹಮೆಜ಼ ವ್ಹೈ.

ಫಿಲಿಪ್ಪಿ 3:8

ತೆಕ್ಲುಜ ನೈಸೊ ಮಾರಾಕರ್ತಾ ಥಯಲ ಯೆಸು ಕ್ರಿಸ್ತನಾನಿಂತ ಚಾ಼ಲಾನು ಘನು ಚೊ಼ಕು ವ್ಹೈ ಕೈನ ವಳಕಿನ ಯೆ ಕ್ಹಾರು ಮಿ ಹಾಳ ಥಾವಾ ವ್ಹೈಕೈನ ಕೈಲಿದ್ಯೊಸ. ತಿನಾಹುತಿ ಮಿ ಕ್ಹಾರು ಜವೈಲಿನ ತೆ ಕ್ಹಾರಾನೆಜ ಮಿ ಕಸ ವ್ಹೈ ಕೈನ ಕಲಿದ್ಯೊ.

1 ಥೆಸಲೊನಿಕ 1:1

ಅಪ್ನೊ ಬಾ ಥಯಲ ಕ್ಹುದಾಮಾ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕ ಸಬೆವಾಲಾವೊನೆ ಪೌಲ, ಸಿಲ್ವಾನ ವರಿ ತಿಮೊಥೆ ಬರ್ದಾನು ಪತ್ರ. ಕ್ಹುದಾನಿ ಕೃಪಾ ಶಾಂತಿ ತುಮೊನೆ ರ‍್ಹವಾದೆ.

1 ಥೆಸಲೊನಿಕ 2:2

ಥೆಸಲೊನಿಕೆ ಆವಾತಿ ಪೈಲಾ ಹಮೆ ಫಿಲಿಪ್ಪಿಮಾ ಕೆಕ್ಲು ತ್ರಾಸ ಖಾದ್ಯಾ ಕೈನ ತುಮೊನೆ ಗ್ವತ್ತ ಛೆ. ತೆನೈಸೊ ಹಮೆ ಧೈರ್ಯಕ್ಹು ರ‍್ಹವಾನೆ ವರಿ ಕ್ಹುದಾಕಂತಿ ಆಯಲ ಸುವಾರ್ತೆ ಕವಾನೆ ಕ್ಹುದಾಜ಼ ಹಮೊನೆ ಆಸ್ರೊ ಕರ‍್ಯೊ.

2 ಥೆಸಲೊನಿಕ 1:1

ಮಾರೊ ಬಾ ಥಯಲ ಕ್ಹುದಾಕನ ವರಿ ಪ್ರಭು ಥಯಲ ಯೆಸು ಕ್ರಿಸ್ತಮಾ ರ‍್ಹಯಲ ಥೆಸಲೊನಿಕವಾಲಾವೊನಿ ಸಬೆನೆ ಪೌಲಾ, ಸಿಲ್ವಾನ ವರಿ ತಿಮೊತಿ ಬರ್ದಾನು ಪತ್ರ.

2 ಥೆಸಲೊನಿಕ 1:10

ಪ್ರಭು ಥಯಲ ಯೆಸು ದಿಕ್ಹ್ತಾಮಾ ಎ ಕ್ಹಾರು ಥಾವಸ. ತೆ ತಿನೆ ಮಳಾನು ರ‍್ಹಯಲ ವೈಭವ ಸ್ವಿಕಾರ ಕರಾನೆ ತಿನಾ ಪರಿಶುದ್ಧ ಮನಕ್ಹೊನಾ ಕ್ಹಾತೆ ದಿಕ್ಹಸ. ನಂಬಲ ಮನಕ್ಹೊ ತಿನೆ ದೆಕಿನ ಘಾಬ್ರಾ ಥಾವಸ. ಹಮೆ ಕದಲ ನಂಬಲವಾಲಾ ತುಮೆ ವಿಸ್ವಾಸಿಯೊನಾ ಕ್ಹಾತೆ ರ‍್ಹವೊಸಿ.

1 ತಿಮೊತಿ 1:2

ತು ಬರೊಕ್ಹೊ ರ‍್ಹಯಲವಾಲೊ ಥಯಲಕ್ಹು ಮನೆ ಕ್ಹರಿನೊ ದಿಕ್ರಾ ಲಿಂಗತ ಛೆ. ಬಾ ಥಯಲ ಕ್ಹುದಾಕ್ಹು ವರಿ ಅಪ್ನೊ ಪ್ರಭು ಥಯಲ ಕ್ರಿಸ್ತ ಯೆಸುಕ್ಹು ಕೃಪಾ ಮರಗಾ ಶಾಂತಿ ತುನೆ ಮಳಾದೆ.

1 ತಿಮೊತಿ 3:8

ಇನಾ ಲಿಂಗತಜ಼ ಸಭೆಮಾ ಚೊ಼ಕಾ ಸೆವಕೊ ಥಯಲವಾಲಾ ತ್ಯುನಿ ನಡತೆಕ್ಹು ಬಿಜಾ಼ವೊಕ್ಹು ಚೊ಼ಕು ಕವೈಲಿವಾನೆ ಯೊಗ್ಯ ವ್ಹೈ. ಮ್ಹೊಡು ದೆಕಿನ ಬೊಲ್ಯಾವಾಚಿ ರ‍್ಹೌ. ತ್ಯುನೆ ದಾರು ಪಿನ ಟೈಮ ಕಾಡಾಲಾ ರ‍್ಹೌ ನೈ. ವರಿ ಬಿಜಾ಼ವೊನೆ ಮೊಸ ಕರಿನ ಸೌಕಾರ ಥಾವಾನೆ ಕರುನೈ. ದೊಕಡಾನಿ ಆಸ ರ‍್ಹೌ ನೈ.

ತಿತನೆ 1:1

ಕ್ಹುದಾನೊ ಸೆವಕ ಥಯಲ ವರಿ ಯೆಸುನೊ ಅಪೊಸ್ತಲ ಥಯಲ ಪೌಲಾ ಬರ್ದಾನು ಪತ್ರ. ಕ್ಹುದಾ ಮನೆ ಇನಿಲಿನ ಮನಕ್ಹೊನೊ ಬರೊಕ್ಹೊ ಘಟ್ಟ ಕರಾಹುತಿ ವರಿ ಕ್ಹರಿ ಕವಾಹುತಿ ಮನೆ ಮೊಕಲ್ಯೊ. ಕ್ಹುದಾನಿ ಸೆವೆ ಕಿಮ ಕರು ಕೈನ ತೆ ಕ್ಹರಿ ದೆಕಾಡಿನ ದಿವಸ.

ತಿತನೆ 1:7

ಸಬಾಪಾಲಕ ಕ್ಹುದಾನಿ ಸೆವೆ ಕಿಮ ಜವಾಬ್ದಾರಿ ಉಚೈಲಿದಲ ರ‍್ಹವಸ. ತಿನಾಹುತಿ ತೆ ಅಪಾರಾದಿ ವ್ಹೈ ಕೈ ಕವೈಲಿದಲ ರ‍್ಹೌ ನೈ; ಸ್ವಕ್ಕವಾಲೊ ರ‍್ಹೌ ನೈ; ತಿನಾಕ್ಹು ತಿನೆಜ಼ ದೆಕಿಲೆತೊ ರ‍್ಹೌ ನೈ; ವರಿ ಸಿಟ್ಟವಾಲೊ ರ‍್ಹೌ ನೈ; ವರಿ ಪಿದೊಡೊ ರ‍್ಹೌ ನೈ; ವರಿ ಲಡೈ ಕಾಡ್ತೊ ರ‍್ಹೌ ನೈ; ಮನಕ್ಹೊನೆ ಮೊಸ ಕರಿನ ಸೌಕಾರ ಥಾವಾನೆ ಕೊಶಿಶ ಕರತೊ ರ‍್ಹೌ ನೈ.

ಫಿಲೊಮನ 1:1

ಯೆಸು ಕ್ರಿಸ್ತನಾ ಹುತಿ ಜೆಲ್ಮಾ ರ‍್ಹಯಲ ಪೌಲ ವರಿ ಭೈ ಥಯಲ ತಿಮೊಥೆಕ್ಹು ಹಮಾರೊ ಮಯಾನೊ ವರಿ ಕ್ಹಾತೆ ಸೆವಾ ಕರಾನಾ ತುನೆಬಿ ,

ಇಬ್ರಿಯ 13:23

ಮಾರೊ ಭೈ ಥಯಲ ತಿಮೊಥಿನೆ ಬಿಡುಗಡೆ ಥೈಸ ಕೈನ ತುಮೊನೆ ಗೊತ್ತ ರ‍್ಹವಾದೆ. ತೆ ಜಲ್ದಿ ಆಯೊಮ ಮಿ ತಿನಾ ಕ್ಹಾತೆ ಐನ ತುಮೊನೆ ದಿಕ್ಹುಸ.

ಯಾಕೊಬ 1:1

ಕ್ಹುದಾನೆಬಿ ವರಿ ಯೆಸು ಕ್ರಿಸ್ತನೆಬಿ ದಾಸ ಥಯಲ ಯಾಕೊಬ ಬಿಜಾ಼ ದೆಶಮಾ ಫೈಲಿಗಯಲ ಇಸ್ರಾಯೆಲೊನಾ ಬಾರಾ ಖಾಂದಾನವಾಲಾವೊನೆ ಬರ್ದಾನು ಸು ವ್ಹೈ ಕದ್ಯಾಮ, ತುಮೊನೆ ಚೊ಼ಕು ಥಾವಾದೆ.

1 ಪೆತ್ರಾ 2:25

ತುಮೆ ವಾಟ ಚು಼ಕಲ ಬಕ್ರಾವೊ ಲಿಂಗತ ಛೆ. ವರಿಬಿ ತುಮಾರೊ ಕುರುಬುರ‍್ಯಾಕನ ಕದ್ಯಾಮ ತುಮಾರಿ ಆತ್ಮಾನೆ ವಚಾ಼ಡಾಲಾಕನ ಫರಿನ ಆಯಾಸ.

2 ಪೆತ್ರಾ 1:1

ಯೆಸು ಕ್ರಿಸ್ತನೊ ಸೆವಕ ಥಯಲ ಸಿಮೆಯೊನ ಪೆತ್ರಾ ಅಪ್ನಾ ಕ್ಹಾತೆ ಘನ್ನಾ ಮ್ಹೊಟಾ ಬರೊಕ್ಹಾಮಾ ರ‍್ಹಯಲ ಮನಕ್ಹೊನೆ ಬರ್ದಾನು ಪತ್ರ. ಅಪ್ನೊ ಕ್ಹುದಾ ವರಿ ರಕ್ಷಕ ಥಯಲ ಯೆಸು ಕ್ರಿಸ್ತ ಕ್ಹರಿನೊ ರ‍್ಹಯಲ ಹುತಿ ತೆ ಬರೊಕ್ಹೊ ತುಮೊನೆ ಮಳ್ಯೊಸ. ತೆ ಯೊಗ್ಯ ರ‍್ಹಯಲಜ಼ ಕರಸ.

ಯುದ ಬರ್ದಲ ಪತ್ರ 1:1

ಯೆಸು ಕ್ರಿಸ್ತನೊ ಸೆವಕ ಯಾಕೊಬ್ನೊ ಭೈ ಥಯಲ ಯುದನ ಕ್ಹುದಾಕ್ಹು ಬಲಾಯಲವಾಲಾ ಬಾ ಥಯಲ ಕ್ಹುದಾನೆ ಮಯಾನಾ ಥಯಲ ಯೆಸು ಕ್ರಿಸ್ತಮಾ ಚೊ಼ಕಿತರಾ ರ‍್ಹಯಲವಾಲಾವೊನಾ ಹುತಿ ಬರ್ದಾನು ಪತ್ರ.

ಪ್ರಕಟನೆ 1:1

ಎಜ಼ ಯೆಸು ಕ್ರಿಸ್ತನಿ ಪ್ರಕಟನೆ ವ್ಹೈ. ಕ್ಹುದಾ ಭೆಗಿನಜ಼ ಅಗು ಥಾವಾನು ತಿನಾ ಸೆವಕೊನೆ ದೆಕಾಡಾನಾ ಹುತಿ ಎ ಕ್ಹಾರು ಯೆಸುನೆ ದೆಕಾಡಿನ ದಿದ್ಯೊ. ಕ್ರಿಸ್ತ ತಿನೊ ಸೆವಕ ಥಯಲ ಯೊಹಾನನೆ ದೆಕಾಡಾನಾ ಹುತಿ ತಿನಾ ದುತನೆ ಮೊಕಲ್ಯೊ.

ಪ್ರಕಟನೆ 1:20

ಮಾರಾ ಸಿದಾ ಹತ್ಮಾ ತು ದೆಕಲ ಕ್ಹಾತ ಚಿಕ್ಕಿಯೊ ವರಿ ತು ದೆಕಲ ಕ್ಹಾತ ಕ್ಹೊನಾನಾ ದಿವ್ವಾನಾ ಖಾಮೊ ದಡಿರ‍್ಹಯಲ ಅಮ್ಮ ಛೆ ಕ್ಹಾತ ಚಿಕ್ಕಿಯೊ ಕದ್ಯಾಮ ಕ್ಹಾತ ಸಭೆನಾ ದುತೊ ಕ್ಹಾತ ದಿವ್ವಾನಾ ಖಾಮೊ ಕದ್ಯಾಮ ಕ್ಹಾತ ಸಭೆ ವ್ಹೈ ಕೈನ ಕದ್ಯೊ.

ಪ್ರಕಟನೆ 19:10

ತೆಳಾಮಾ ಮಿ ದೆವಧೂತನೆ ಆರಾಧನಾ ಕರಾನಾ ಹುತಿ ತಿನಾ ಪಗೊ ಕ್ಹಾಮೊ ಅಡ್ಡ ಪಾಡ್ಯೊ. ತೆನೈಸೊ ದೆವದುತ ಮನೆ "ಮನೆ ಆರಾಧನಾ ಕರು ನಕೊ. ಯೆಸುನು ಕ್ಹರಿ ವಳಕಲವಾಲೊ ತರಾ ಲಿಂಗತ ವರಿ ತಾರಾ ಭಾಯೊ ಲಿಂಗತ ಮಿಬಿ ಯಕ್ಕ ಸೆವಕ ವ್ಹೈ. ತಿನಾ ಹುತಿ ಕ್ಹುದಾನೆ ಆರಾಧನಾ ಕರ! ಕಾಕದ್ಯಾಮ ಯೆಸು ಕ್ಹರಿ ವ್ಹೈ ಕೈನ ಪ್ರವಾದನೆಜ಼ ಸಾಕ್ಷಿ ವ್ಹೈ" ಕದ್ಯೊ.

ಪ್ರಕಟನೆ 2:12

ಪೆರಗಮಾ ರ‍್ಹಯಲ ಸಬೆನಾ ದುತನೆ ಎ ಬರದ; "ಘನ್ನು ಚುಪ ರ‍್ಹಯಲ ತಲ್ವಾರ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಸ.

ಪ್ರಕಟನೆ 2:8

ಸ್ಮುರನಮಾ ರ‍್ಹಯಲ ಸಬೆನಾ ದುತನೆ ಎ ಬರದ; ಆದಿಮಾ ವರಿ ಅಂತ್ಯಮಾ ರ‍್ಹಯಲವಾಲೊ ತುನೆ ಎ ಕ್ಹಾರು ಕವಾಡ್ಯೊಸ. ಮರಿನ ಜಿವ್ತೊ ಥೈನ ಉಟಿನ ಆಯಲ ವಾಲೊ ತೆಜ಼ ವ್ಹೈ.

ಪ್ರಕಟನೆ 22:9

ತೆನೈಸೊ ತೆ ದೆವದುತ ಮನೆ, ‘ಆರಾಧನಾ ಕರು ನಕೊ! ಮಿಬಿ ತಾರಾ ಲಿಂಗತಜ಼, ಎ ಪುಸ್ತಕಮಾ ರ‍್ಹಯಲ ವಾಕ್ಯಾನೆ ವಿಧೆಯಥಯಲ ಕ್ಹಾರಾ ಮನಕ್ಹೊ ಲಿಂಗತ ವರಿ ತಾರಾ ಭಾಯೊ ಥಯಲ ಪ್ರವಾದಿಯೊ ಲಿಂಗತ ಯಕ್ಕ ಸೆವಕ ಲಿಂಗತ ಮಿಬಿ ವ್ಹೈ. ತು ಕ್ಹುದಾನೆ ಅರಾಧನಾ ಕರು! ಕೈನ ಕದ್ಯೊ.