फिलिप्पियो 4:8 - सत मारग पर चलन वारो किताब

⁸ एकोलाई हे भाऊगीन जोन-जोन गोस्टी खरो सेत, अना सुहानो मान भाव को सेत अना जोन-जोन नियाव वारो सेत, जोन-जोन गोस्टी पवीतर सेत, जोन-जोन गोस्टी मन ला खुस करासेत अना साजरो अना बड़ाई वालो सेत उन ला मन लगाय राखो।

फिलिप्पियो 4:8 Cross References

मत्ती 22:16

अखीन उनना अपरो चेला गीन ला हेरोदियोगीन को संग वोको जवर असो कव्हन लाई धाडिस हे गुरू हमी जानासेजन का तु खरो सेस, अना परमेस्वर को रस्ता खराई लक सिकावा सेस, अना कोनी की चिंता नही करासेस, काहेकि तु मानूस को टोन्ड चोयके गोस्टी नही करसेस।

मरकुस 6:20

काहे का हेरोदेस योहन ला एक नेक अना पवीतर मानूस मानत होतो, येको लाय उ डरात होतो अना वोकी रक्सा करत होतो। जबा उ ओकी आयकत होतो, तब उ लगत डरात होतो, पर ओको गोस्टी खुसी लक आयकत होतो।

लूका 16:15

एको पर यीसु ना कव्हयो, तुमी लोकगीन को पुढ़ा सच्चो होवन को ढोंग करासो पर परमेस्वर तुमरो दिल ला जानासे, जोन चीज मानूस को नजर मा उच्चो से दुनिया को धन-दौलत, वा परमेस्वर को नजर मा बेकार से।

लूका 2:25

ओना बेरा येरुसलेम नगर मा, सिमोन नाव को, एक नेक मानूस रव्हत होतो। उ इसरायल को सान्ती को बाट चोवत होतो। पवीतर आतमा ओको पर होतो।

लूका 23:50

यूसुफ नाव को एक भला मानूस होतो, वोको अँदर कोनी कपट नही होत्यो, अना उ नेक मानूस होतो।

योहन 7:18

जोन आपरो टोंड लक कव्हन चाव्हासे, उ आपरो बड़ाई चाव्हासे, पर जोन आपरो धाड़न वालो की बडाई चाव्हासे, वाच खरो से, अना ओमा अन्याय नाहती।

पेरीत 10:22

उनना कहिन सौ सेना दल को नायक करनेलियुस जोन परमेस्वर ला मानासेत उ एक नेक मानूस से। अना सबच यहुदी गिन वोको आदर करासेत। वोना एक पवीतर सरगदूत लक यो हुकूम पाईसेस, का तोला अपरो घर बुलायके तोरो लक गोस्टी आयके।

पेरीत 22:12

यो सहेर मा तबा हनन्याह नाव को एक मानूस होतो। उ मोसे को नियम ला माननवालो एक नेक मानूस होतो। उ मोरो जवर आयो।

पेरीत 6:3

ता भाऊगिन साजरा नाव वारा, पवितर आतमा अना सूझबुझ लक भरयो, सात मानूस ला आपरो मा लक बेच लेव, अमी उनला यो काम को अधिकारी बना देबिन।

रोमियो 13:13

आमी दिवस को लक खरो चाल-चलबिन। आमी रगिलोपन नसा पानी गन्दोकाम, अना छिनालापन जलन अना देह को वासना झगड़ा-रगडा लक दुहुर रव्हबिन।

रोमियो 13:3

राजा अना सासकगिन उन लोक हुनला नही डरावा सेत, जोन साजरा काम करा सेत, पर वय वोला च डरावा सेत, जोन बुराई करा सेत। अदी तुमी सासन लक नही डरनो चाव्हा सेव, तो भलो काम करो, तुमरो बड़ाई होहेत।

रोमियो 14:18

जोन एना गोस्टी लक यीसु मसीह को सेवा करा सेत, परमेस्वर उ को चहेतो अना मानूस गीन मा सतकार को काबील ठयरा सेत।

रोमियो 2:29

तरी असली यहूदी वा मानूस सेत। जोनको दिल को खतना सेत। अना यो परमेस्वर को आतमा को काम सेत, कोनी लिख्यो कानून को नाहोती। असो मानूस को परमेस्वर बड़ाई करा सेत कोनी मानूस नही।

1 कुरिन्थियो 4:5

एकोलाय तुम्हिला सही बेरा आवन को पयले कोनी को फैसला नही करनो पाहिजे। आखीर फैसला परमेस्वर को आवन को रस्ता चोवनो पाहिजे। उ जोन राज इन्धार मा लुकयो सेत, उनला उजाड़ मा आनेत। अना लोक गिनको डिमाक मा लुकयो उद्देस्‍य ला उजागर करहेत। तबा सबला परमेस्वर को कन लक बड़ाई भेटेत जोनको वय हकदार सेत।

2 कुरिन्थियो 13:7

आमी आपरो परमेस्वर लक असो पिराथना करीसेजन, का तुमी कोनी बुराई नोको करो। लोकगीन ला साजरा चोवन काजी नही पर एकोलाय तुमी भलाई को काम करो का चाहे कोनी अमीला नाव धरेत यो मंजूर सेत आमी भलाई च करबिन।

2 कुरिन्थियो 6:8

जस-अपजस मा, मान-बेइज्जति मा, बदनामी अना सजरा नाव मा, हमला लोक धोकादेवन वारा समजासे पर आमी खरो सेजन।

2 कुरिन्थियो 8:18

आमी ना वोको संग उ भाऊ ला भी धड़यो से, जेनको नाव साजरो बारता को बारेमा कलीसिया मा फैलो हुया से।

2 कुरिन्थियो 8:21

कायको लाय का जोन गोस्टी केवल पिरभू को कठा नही पर मानूसगिन को जवर भी सजरा सेत आमी वोचको चिन्ता करासेजन।

गलातियो 5:22

पर पवीतर आतमा को फर माया, उत्साह, सान्ती, धीरज, दयालुपन, भलाई अना भरोसा सेत।

इफिसियो 4:25

यो काजी तुमी खोटो कव्हनो तज देने। अना आपरो पड़ोसी लक खरो सांगने, कायसेकि आमी आपस मा एक दुसरो का आँग सेजन।

इफिसियो 5:9

काहेकि उजियाड़ो को फर सब परकार को भलो काम अना धरमिपन अना सत्य से।

इफिसियो 6:14

ऐना रिती लक खराई लक नोको चुकने अना धरमी बनयो रव्हने,

फिलिप्पियो 3:1

एकोलाई अगा भाऊ मोला तुमला यो घड़ी-घड़ी लिखनो मा, काही दुख नही होवा का पिरभु मा खुसी रव्हो। काहेकि ऐमा तुमरो रक्सा होवासे।

कुलुस्सियो 4:5

मौका ला बेस जानके बाहेर वारा गीन को सँगा सोच समझ के लक बेवहार करोह।

1 थिस्सलुनीकियो 4:12

जोको लक बाहेर वारा लक मान मिल सकेह अना तुमला कोनी चीज की आस नही रह।

1 तीमुथियुस 2:2

राजा गीन अना सबच उच्चो पदवारा गीन ला नेमत एकोलाई का हमी आराम अना चैन को संग सारी भक्ती अना घंभीर रुप लक जीवन बिताहेत।

1 तीमुथियुस 3:11

एना परकार लक आई-माई ला भी गम्भीर होवनो पाहिजे लान-छान लगावन वारो नही होहे पर जगाहेत अना सबच गोस्टी गीन मा बिस्वास काबील होहे।

1 तीमुथियुस 3:4

अपरो घर को साजरो देख-रेख करतो होहे अना अपरा लेकरा-बारा ला साजरी गम्बीरता लक अपरो बसमा राखतो होहे।

1 तीमुथियुस 4:12

कोनी तोरी जवानी ला हलको नही समझ पाहे पर बचन अना चाल-चलन अना पिरेम अखिन बिस्वास अना पवितर पन मा बिस्वासी गीन को लाई नमूना बन जाव।

1 तीमुथियुस 5:10

अना साजरो काम मा नामी रही रव्हे जेना न लेकरा गीन को लालन-पालन करी रहेस पावना गीन की सेवा करी रहेस पवीतर लोक गीन का पाय धोई सेस दुखी गीन मदद करीसेस अखिन हर एक को साजरो काम मा मन लगाई सेस।

1 तीमुथियुस 5:2

सयानो आई-माई की माय समझके अना जुवान आई-माई गीन ला पवितर नजर लक बहिन समझके समझाय देवो।

तीतुस 1:8

पर मिजवानी करन मा मान महत्तम करन वालो होय, भलाई चाव्हन वालो होय, धीरज राखन वालो, न्याय करनवालो, पवीतर अना आपरो मन ला कब्जा मा करनवालो होय।

तीतुस 2:14

जेने आपरो आप ला आमरो साठी दे देईसेस, की आमी ला हरेक परकार लक दुस्टपन लक छुड़ाय लेहे। अना आपरो बेचयोगयो लोकहुन को रुप मा आमीला पवितर करलेव, जोन लक नेक काम करन लाई आमी हरमेसा तैय्यार रव्हे।

तीतुस 2:2

मजे बुजरुक मानूस हुसियार अना गम्भिर नरम अना आपरो मन ला कबजा मे राखनवारा होहे, अना वोको भरोसा अना माया अना धीरज पक्का होहे।

तीतुस 2:7

सब गोस्टीहुन मा आपरो आप ला साजरो कामकाज को नमुना बनाव। तोरो पिरवचन मा सफाई, गम्भीरता,

तीतुस 3:14

आमरो लोकगीन भी जरुरत को पुरा करन लाई साजरो काम मा लगयो रव्हनो सीकेत। मजे बिनफर नोको रहेत।

इब्रानियो 11:2

एकोलाय जूनो जमाना मा लोकगिन परमेस्वर को मान भेटयो।

इब्रानियो 13:18

आमरो साठी पिराथना करत रव्हो। अमिला भरोसा सेत का आमरो मन सूध्ध सेत। काहेका आमी सबच गोस्टी मा साजरी चाल चलन को बरताव राखसेजन।

याकूब 1:27

आमरो परमेस्वर अना अजी को नजर मा बिलकुल सफा अना निरदोस भगती यो से; मुसीबत मा पड़यो अनाथगिन अना बेवागिन को सुधि लेवनो, अना खुदच ला कोनी संसारिक बुराई लक बेदाग राखनो।

याकूब 3:17

पर जोन अक्ल वरता लक आवासे उ पहेल त पवीतर होवासे मंग मेल-मिलाप नरम अखीन भला सुभाव अना दया सान्ती अखीन साजरो फर गीन लक लदी हुई अना पक्स-पात को बगर अखीन निस्कपट होवासे।

1 पतरस 1:22

अबा चोवो जबा तुमी ना सच्चाई ला मानत-मानत, सच्चौ भाऊचारा लक निस्कपट माया ला चोवान काजी आपरो आतमा ला पवितर कर लियो सेत। ता पवितर मन लक तेजी लक एक दुजो लक माया करन को आपरो निसान बनालेव।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 4:8

मुख्य गोस्टी मंजे एकमेक को मनमा मना पासुन गहरो पिरेम बनायो राखो। काहेका पिरेम लगत पापगिन ला पांघरून घालते।

2 पतरस 3:1

अगो चहेतो भाऊहुन! मी तुम्हाला दुसरो बार चिठ्ठी लिखासू। यो चिठ्ठी मध्ये तुमी लोकहुनला काही गोस्टी को हेत दिलाय के तुमरो साजरो अक्कल ला सतरक करनो चाव्हासेऊ।

1 योहन 3:18

ओ टुरागीन, आमी गोस्टी अना जुबान लकच नही, पर काम अना खराई लक भी माया करबिन।

1 योहन 3:3

हरेक कोनी जोन ओनो पर असी आस राखासे, उ आपरो आपला वसोच पवितर करासे जसो मसीह पवितर से।

1 योहन 4:1

ओ चहेतो, हरेक आतमा को भरोसा नोको करो पर आतमा ला परखो का वय परमेस्वर को कन लक सेत का नही; काहेका लगत सा खोटो भविस्यवक्ता संसार मा हिटके उभो होयी सेत।