फिलिप्पियो 3:19 - सत मारग पर चलन वारो किताब

¹⁹ उनको खातमा नास से, उनको पोट देवता से, वय आपरो बेसरमी को गोस्टी ला महिमा करासेत अना संसारिक चीजगीन पर मन लगाय रव्हसेती।

फिलिप्पियो 3:19 Cross References

मत्ती 16:23

वोना मंघा पछलके पतरस लक कहीस “हे सैतान मोरो पुढ़ा लक दुहुर भयी जाय” तु मोरो लाई रास्ता को ठोकर सेस, कहेका तु परमेस्वर लक आयो बिचार पर नही, पर मानूस की सुभाव लक गोस्टी करासेस।

मत्ती 25:41

तबा उ आपरो डाकयो कन, वालो लक सांगेत ओ सापित लोकगीन मोरो पुढा लक, कभी नही बुझन वालो अमर स्तो मा जावो, जोन इबलीस अखीन ओको सरगदूत गीन लाइ तैय्यार से,

लूका 12:19

तबा मि आपरो मन ला सांगू, “हे मोरो मन, तोरो जवर लगत बरस को साठी लगत सी जायदाद राखीसे। सुख मनाय अना जेवन कर, खुसी मनाव।” साजरो-साजरो रव्हो अखीन चैन लक जिंदगानी करेत।

लूका 16:19

एक धनवान मानूस रव्हत होतो। उ गजब मंहगो ऊचो-ऊचो कपरा घालत होत्यो, अना रोज साजरो-साजरो जेवन करत होतो।

लूका 18:4

काही बेरा तकन उ नही मानिस, पर आखीर मा मन मा बिचारन लगीस, का मोला ना तो परमेस्वर को भेव से ना ता कोनी लोकगीन को भेव सेत।

रोमियो 16:18

आपरो पोट को सेवा करनवारा, अना चिकनो-चिकनो साँग के सिदो-सादो मन को लोकगीन ला बहकानवारा, असो लोकगीन पिरभू यीसु मसीह को सेवा नही करा सेस, पर वय आपरो सेवा करसेस।

रोमियो 6:21

अबा जोन बात मा तूमी लज्जित होवा सो, उनमा वोना बेरा तुमीला काजक भेटत होतो। काय का वोको अन्त तो मरनो सेत।

1 कुरिन्थियो 3:3

अबा तुम यो दुनिया को लोकगिन को जसो रव्हासेव। जबा तुमी मा ईरसा होवा सेत। अना तुमी एकमेक लक झगड़ा करा सेव। का एकोलक साबीत होवा सेत का तुमी यो दुनिया लक संबंध लक जी रहयो सेत।

1 कुरिन्थियो 5:2

मंग काजक को गरब, एको उलट तुमरो मा उदासी होवनो पाहिजे। अना जोन मानूस ना असो काम कियो सेत वोला संगती लक बाहेर हेड़ो।

1 कुरिन्थियो 5:6

तुमरो गरब करनो साजरा नाहती। का तुमीला मालुम नहती? जरा सो खमिर सब मलो कनिक ला खमीर बना डाका सेत, अना जसो हाना सेत का “एक मरो मसरी, सप्पा बोडी को पानी ला, खराब कर देवसेस।”

2 कुरिन्थियो 11:12

पर जोन मी करासू वोच करत रव्हिन, का जोन लोकगीन डाव ढूढसेत, उनला डाव नोको मिल्हेत जोन लक, जोन गोस्टी मा वय गरब करासेत, वोमा वय आमरो बरोबर ठहरेत।

2 कुरिन्थियो 11:15

एकोलाय अदी वोको सेवा करनवारा, धरम को दास जसो रुप धरेति तो कोनतो मोठी गोस्टी सेत। पर उनको आखीर उनको काम को अनूसार होयेती।

गलातियो 6:13

काहेकि सुध्द कियो हुया लोक खुदच मोसे को नियम पालन नही करासेत, बलकि वय तुमरो खतना करन चाव्हसेत जेनको लक वय यो गोस्टी कर सकबिन की आपरो-आपरो आँग मा यो धरम नियम अपनाय लियो से।

फिलिप्पियो 2:21

काहेकि सबच आपरी सुवारत को खोज मा रव्हसेत, नाच यीसु मसीह की।

कुलुस्सियो 3:2

धरती को नही पर सरग को चीज गीन की बिचार मा रव्हो

2 थिस्सलुनीकियो 1:9

वय पिरभु को पुढ़ा लक महिमा अना ओको ताकत लक दुर भय जाहेत अना अमर नास को सजा पाहेति।

2 थिस्सलुनीकियो 2:12

जेनको लक जेतरा लोक खराई लक भरोसा नही राखेहेत वरन अधरम लक खुस रहेत, वय सबच दन्ड भोग हेत।

2 थिस्सलुनीकियो 2:8

तबा उ अधरमी दिसे जेनला पिरभु यीसु आपरो टोंड लक फुँक के जान लक मार डाकेह अना आपरो आवन को तेज लक भस्म कर देहे।

1 तीमुथियुस 6:5

अना वय मानूस गीन मा बेकार झगड़ा-राड पैदा होवासेत जेनको लक अक्कल बिगड़ गईसे अना उ खराई लक दुहुर भय गीन जोन समझासेत का भक्ती कमाई को जरिया से।

2 तीमुथियुस 3:4

बिसवासघाती ढीठ घंमडी अना परमेस्वर लक पिरेम नही, तरी सूक सुबिता का चाव्हवन वारा होहेत।

याकूब 4:16

पर अबा तुमी अपरो डींग मारनो पर घमंड करासेव असो सबा घमंड बुरो होवासे।

2 पतरस 2:1

जोन परकार वोना लोकांमध्ये खोटे भविस्यवक्ता होतिन। तसोच तुमरो मध्ये खोटा उपदेसक आहेत। जेना नासवन्त ढोंगी पाखन्ड को उद्घाटन लुक-लुक के करतत। अना वोना पिरभु को जोनना उनला बिकत लियो सेत। असो परमेस्वर ला नाकारतत। अना स्वता ला लवकरच विनास आनतत।

2 पतरस 2:13

अना असो उनको पाप अना खोटो काम को सजा भोगनो पड़ेत। उनला दिवस अना दुपार मा आनंद लक बितावनो साजरो लगासेत। वय कलंकित अना दूसित सेत।

2 पतरस 2:3

अना वय बडबड गोस्टी ला लोभ को लाय बनाहेत, अना जोनको फैसला खूब पयले भयी गयोसेत। अना उनको मघा आवासेत। उनको नास झोपल्या नाही!

यहूदा 1:10

पर असो लोकगीन जोन गोस्टी ला नही समझासेत पर उनला बदनाम करासेत, जोन गोस्टी गीन ला बेडीमाक जनावर को जसो सुभाव च लक जसो जानासेत अना उनमा अपरो आपच ला नास करासेत।

यहूदा 1:16

यो लोक चुगली करनवारा सेत, अना दोस खोजन वारा सेत। यो लोक आपरी मरजी हुन को दास सेत अना आपरो टोंड लक घमन्ड भरी गोस्टी बोलसेत आपरो फायदा को लाई यो दुसरो की मियामिठठु करासेत।

यहूदा 1:4

काहेकि आमरो बीच मा काही लोक चोरी लक आय घुसी सेत ऐना लोकहुन को सजा को बारे मा गिरंथ ना लगत पयलेच भविस्यवानी कर देयि होतिस। यो लोक बिना परमेस्वर को सेत। एना लोकहुन परमेस्वर को किरपा ला सुख सुविदा को एक बहाना बनाय डाकीसेत अना यो आमरो पिरभु अना केवल एक मालिक यीसु मसीह ला नही मानासेत।

परकासित वाक्य 18:7

वा जेतरी आपरो बड़ाई करके जितरो सुक भोगिसेत, तुमी भी ओला ओतरो च परेसानी अना कस्ट देव। काहेकि उ मन च मन कव्ह से, “मि ता रानी जसो सेव। मि बेवा नहीं सेव, मोरो कबच आंसु नही बहेत।”

परकासित वाक्य 19:20

तबा पाठी को सेना ओनो जनावर ला धर लेयीन। ओको संगा च ओनो खोटो भविस्यवक्ता ला भी, जो ओनो जनावर को नाव मा चमत्कार निसान दिसायके उनला छल रहयो होतो, जिन पर ओनो हिंसक जनावर को छाप होती अना जो ओकी मूरति को पूजा करत होतीन। ऐना दुही ला जित्तो च गंधक लक सुलगी स्तोको झील मा फेक दियो गयो।

परकासित वाक्य 21:8

“पर डरपोकगीन, अबिस्वासी, निन्दक, हत्यारागीन, छिनाल अना छिंडरागीन, टोन्हा, मुरत पुजा करनवारा, अना सबच झूठो को जघा ओना झील मा होहे, जो स्तो अना गन्धक लक पेटा से। योच से दुसरी मिरतु।”

परकासित वाक्य 22:15

पर कुतरा अना टोनहा अना छिंडरावारा अना खूनी अना मुरत पुजा करनवारा, अना हरेक झुठो को चहेतो अना बनानवारा बाहेर रह।