फिलिप्पियो 2:13 - सत मारग पर चलन वारो किताब

¹³ काहेकि परमेस्वर च से जोन ना आपरी साजरो मरजी को लाई तुमरो मन मा मरजी अना काम, दुही गोस्टी को करन को असर डाकीसेस।

फिलिप्पियो 2:13 Cross References

लूका 12:32

हे नान्हो हेड़ डराव नोको! परमेस्वर को इक्सा सेत, का तुम्ही ला राज देहेत।”

लूका 2:14

सरग मा परमेस्वर की बड़ाई अना धरती मा उन मानूस लक जिन लक खुस से, अखीन सान्ती होय।

योहन 3:27

योहन ना जवाब देइस, “जब तकन मानूस ला सरग लक नही दियो जाय सका, तब तकन वा काही नही पाय सकासे।

योहन 6:45

भविस्यवक्ता गीनको लेख मा यो लिखयो से। वय सब परमेस्वर को कन लक सिकायो होयेति। जोन कोनी ना दाअजी लक आयकिया अना सिकाया होयेत, उ मोर कठा आहेति।

योहन 6:65

अना ओना कहीस, एको लाई मिना तुमी लक कव्हयो होतो का जबा तकन कोनी को दाअजी को कन लक यो वरदान न देयो जाहेत तबा तकन उ मोरो कठा नही आय सका।

पेरीत 11:21

अना पिरभू को ताकत उनको वरता होती। अखीन गजब लोक गीन भरोसा करके पिरभू को मानन वारा बन गईन।

रोमियो 12:3

अना मी परमेस्वर को किरपा को वजा लक हरेक ला कव्हसेऊ। अपरो आप ला जरुरत लक जादा हुसियार नोको समजो। आपरो बिचार मा सयंम बरतो। अना परमेस्वर ना तुम्हिला जोन बिस्वास देयि सेत, वोको अनुसार खुद को बरोबरी करो।

रोमियो 9:11

पर वोको एक लेकरा ला निवाड़ो अना यो पूरो तौर लक परमेस्वर को खुद को यदेस्य को परिनाम होतो, परमेस्वर ना कहयो यो मोरो निवाड़ो गयो मानूस सेत।

रोमियो 9:16

एकोलाय यो मानूस को इक्सा या वोको मेहनत पर नही, पर दया करनवारा परमेस्वर को इक्सा पर सेत।

1 कुरिन्थियो 12:6

मानूस ला दिसान को काम लगत सेत, पर परमेस्वर एकच सेत। जोन सब काम करवासेत अना रकम-रकम को काम वोको ताकत लक होवासेत।

1 कुरिन्थियो 15:10

मि जोन काही सेउ, परमेस्वर को किरपा लक सेउ, अना जोन किरपा मोला मिलिसे उ बेकार नही भई। मी उन सब लक जादा महेनत करिसेऊ।

2 कुरिन्थियो 3:5

असो नहाय का हमी अपरो आप ला एना काबील समझा सेजन का हमी खुदच काही कर सकासेजन पर अमीला काबिल बनावन वारा परमेस्वर से।

इफिसियो 1:11

सबच गोस्टी परमेस्वर को नियाव अना योजना को कन लक कियो जावसे। परमेस्वर ना आपरो निजि मकसद को काजी च हमला ओनोच मसीह मा संत बनन लाई बेचयो से। यो ओकोच कन लक भयो जेनला परमेस्वर ना सब लक सूरू लक पयलेच लक ठहरायीसेस।

इफिसियो 1:5

आमरो पुढ़ा ओको जो पिरेम से ओकोच काजी ओना यीसु मसीह को कन लक आमीला आपरो लेकरा को रुप मा आपनायो जान को लाई ठहरायीसेस। योच ओको मरजी होती अना योच ओको मकसद भी होतो।

इफिसियो 1:9

जसो की मसीह को कन लक उ हमला दिसानो चाव्हत होतो।

इफिसियो 2:8

परमेस्वर को दया कन लक आपरो भरोसा को काजी तुमरो सूटकारा भयीसे। योयो तुमला तुमरी कन लक नही मिलीसे, पर यो ता परमेस्वर को दियो हुयो दान से।

2 थिस्सलुनीकियो 1:11

आमरो परमेस्वर तुमला यो बुलाहट काजी काबिल समझसे, अना भलाई को मनसा अना भरोसा को काज-काम ला ताकत सकट पूरो करेत एकोसाठी आमी तुमरो लाई पिराथना भी करसेजन।

2 तीमुथियुस 1:9

जेना आमरो सुटकारा करीस, अना पवीतर बुलावा लक हाकलीस अना यो हमरो काम गीन को लक नाहती, पर वोको मकसद अना वोनो किरपा को लक सेत, जोन मसीह यीसु मा हरामेसा लक भयो सेत।

इब्रानियो 13:21

तुमला सबा साजरो साधन लक भर देवे, जेनको लक तुमी वोको मनसा पूरो करो। अना यीसु मसीह लक उ आमरो भीतर वोना सब काही परगट करे जोन वोला भावासेत। ओकी महिमा सदा तकन बनयो रव्हे। आमिन।

1 पतरस 1:3

धन्य से, आमरो पिरभू यीसु मसीह को परमेस्वर! जेना यीसु मसीह को मरयो हुयो मा लक जित्तो होवनो को कारन, अपरी मोठी दया लक, हमरो जीवित आस को लाई, नवतो रीती लक जलम देईसेस।