फिलिप्पियो 1:30 - सत मारग पर चलन वारो किताब

³⁰ तुमला वसोच मेहनत करनो से, जसो तुमी ना मोला करता चोयोसेव, अना अबा भी आयकासेव का मि वसोच करूसेऊ।

फिलिप्पियो 1:30 Cross References

योहन 16:33

मि ना यो गोस्टी तुमला एकोलाय सांगीसेऊ की तुमला मोरो सान्ती मिल्हे, जगत मा तुम्हिला दुख होवासे, पर हिम्मत राखो! मि ना जगत ला जीत लियोसेऊ।

फिलिप्पियो 1:13

यहान तकन का कैसर को राजभवन को सप्पा जनता अना बचयो सब लोकगीन मा यो दिसयो से। का मि मसीह मा बंधन मा सेव।

कुलुस्सियो 1:29

असो करन काजी, मी मसीह यीसु को ताकतवर ताकत ला काम मा आनके अखीन जोन काम करासू। वोको लाय मी मेहनत भी करासू।

कुलुस्सियो 2:1

मी चाव्हसू का तुम्ही ला मालुम पड जाय का तुम्हारो अना उनको लाय जोन लौदीकिया मा सेत, अना उन सबको लाय जोन मोरो टोन्ड ला नही चोविसेत, वय नही जानत का मी कसो काम करासू।

1 थिस्सलुनीकियो 2:2

पर तुमी त जानासेव का फिलिप्पी मा दुख उचलनो अना बुरो बरताव सह्वनो को मंघा भी हमी अपरो परमेस्वर मा असी हिम्मत पायके, घोर बिरोध को होतो हुयो भी तुमला परमेस्वर की साजरो बारता आयकावाया।

1 तीमुथियुस 6:12

बिस्वास की साजरी कुस्ती लड अना वोना अमर जीवन ला धर लेवो जेनको लाई तु बुलावोयो गईसे अना लगतसा गवाह गीन को पुढा साजरो अंगीकार करयो गयो।

2 तीमुथियुस 4:7

मी साजरी कुस्ती लड़ चुकी सेउ मीना अपरी दौड पूरी कर लेई सेस मीना बिस्वास की देख-रेख करीसेस।

इब्रानियो 12:1

काहेका अमी गवाही को इतरो मोठ्यो गरदी लक घिरयो हुयो सेजन। जोन अमिला बिस्वास को मन्जे काय सेत? यो गोस्टी को पुरुप सेत। एकोलाय आओ बाधा पहुँचान वालो हरेक चीजला अना वोना पाप को जोन सरड़ मा अमिला उलझा लेवासेत। फटाक नारी फेंकके अना उ दौड़मा धावनो सेत, आओ अमी धीरज लक धावबिन।

इब्रानियो 12:4

पाप को विरोध मा आपरो लड़ाईमा तुमला एतरो सहनो नही पड़यो का रकत बोहानो पड़यो।

परकासित वाक्य 12:11

उनना मेढ़ा को रकत, अना आपरो गवाही को कारन लक ओला हराय देईन। “आखरी साँस तकन उनना आपरो जीवन को माया नही करीन।”