फिलिप्पियो 1:11 - सत मारग पर चलन वारो किताब

¹¹ ओना धरमिपन को फर लक जोन यीसु मसीह को कन लक होवासेत, भरपुर होवत जावो जोको काजी परमेस्वर को महिमा अना बड़ाई होवती रह।

फिलिप्पियो 1:11 Cross References

मत्ती 5:16

वोको च जसो तुमरो भी उजाड़ो मानूस को पुढा चमकेत, काहे का उ तुमरो भलो काम ला देख के तुमरो बाप की सरग मा बड़ाई होहेत।

योहन 15:16

तुम लोकगीन ना मोला नही निवाड़ो सेव पर मिना तुमला निवाड़ी सेव अना तुमला ठहराई सेउ की तुमी जायके फर आनो अना तुमरो फर बनो रहे। की तुम्हि मोरो नाव लक जोन काही बाबूजी लक माँगो, उ तुमला देहे।

योहन 15:2

जोन डाली मोरो मा से अना नही फरासे, ओला उ काट डाकासे, अना जो फरासे, ओला छाटासे, जोन लक अखीन फरेत।

योहन 15:8

मोरो बाबूजी की बड़ाई योच लक होवासे, तुम्हि लगत सा फर आननो, तबाच तुम्हि मोरो चेला कहलाने।

रोमियो 15:28

एकोलाय मि यो काम पूरो करके, अना उनला यो चन्दा सुरक्सित सोपके, तुमारो जवर लक स्पेन जाबिन।

रोमियो 6:22

पर अबा पाप को कब्जा लक सूटकारा पायके अना परमेस्वर को दास बनके तुमला फर मिल्यो से, जेनको लक तूमी पवीतर भई जावासो। अना वोको अन्त अमर जीवन सेत।

1 कुरिन्थियो 10:31

एकोलाय तुमी चाहे जोन जेवन करो पिवो, जोन काही भी करो वा मा परमेस्वर को महिमा होवनो जरुरी सेत।

2 कुरिन्थियो 9:10

अता जोन बोनी करन वारा ला बीज अना जेवन को लाय पोडी देवसेत। उ तुमला बीज देहेत अना वोको मा फर आनहेत अना तुमरो धरम को फरला बढाहेत।

इफिसियो 1:12

जेकोलक आमी ओकी महिमा को तारीफ को काजी बन सकबिन। आमी मनजे जिनना आपरी सबच आसा मसीह पर निसान ला कर दियासेजन।

इफिसियो 1:14

उ आतमा आमरो वारिसपन को छुड़ोती को रुप मा ओनो बेरा तक को लाई हमला देयि गयी से, जब तक का उ हमला जो ओको आपरो सेत, सप्पा परकार लक सूटकारा नही दे देहे। ऐको काजी लोक ओकी महिमा को बड़ाई करेहेत।

इफिसियो 2:10

काहेकि परमेस्वर हमरो बनावन वालो से। ओना मसीह यीसु मा हमारो बनावनो एकोलाई करीस सेस हमि भलो काम करबिन जिनला परमेस्वर ना पयले लक च एकोलाई तैयार करीसे का उनला करतो हुयो आपरो जिंदगी बिताबिन।

इफिसियो 5:9

काहेकि उजियाड़ो को फर सब परकार को भलो काम अना धरमिपन अना सत्य से।

फिलिप्पियो 4:17

यो गोस्टी नोहोय की मि धन चाव्हसेउ, पर असो फर चाव्हसेउ जोन तुमरो लाभ को लाई बड़तो जाये।

कुलुस्सियो 1:10

तब जब तुमी पिरभू को रुप मा जिंदगी बितान काबिल होवजोस अना हमेसा आपरो चाल चलन लक वोला खुस करजोस ता तुमरो जिंदगी मा सबा परकार को साजरो करम पैदा करबिन, अना तुमी परमेस्वर को गियान मा बढ़बिन।

कुलुस्सियो 1:6

साजरा बारता आसीरवाद आनासेत। अना पूरो दुनिया मा फर-फुल रहयो से। जसो का तुमीना पयलो बार परमेस्वर को किरपा को बारे मा आयकयासेव। अना खरो खर यो पता चलयो होतो।

2 थिस्सलुनीकियो 1:12

आमरो परमेस्वर जोन सब लक वरता से अना पिरभु यीसु मसीह को किरपा को काजी जसो तुममा पिरभु यीसु मसीह को नाव बड़ाई पावसे अना तुमी ओको कारन बड़ाई पावासो।

तीतुस 3:14

आमरो लोकगीन भी जरुरत को पुरा करन लाई साजरो काम मा लगयो रव्हनो सीकेत। मजे बिनफर नोको रहेत।

इब्रानियो 12:11

जोन बेरा सजा दियो जाय रहयो होती, वोना बेरा सजा साजरो नही लगासेत। है, बल्कि दुख लगासेत। पर काही भी होय, वय जोन सजा को अनुभव करासेत। वोको लाय मंग नेकी अना सान्ति अना साजरा फर भेटासेत।

1 पतरस 2:12

गैर बिस्वासि गिन को बीच अपरी चाल-चलन बेस बनाय राखो। जेनको लक वय जेना गोस्टी गीन मा कुकरमी कहके तुमरी निन्दा-बदी करासेत। वोच गोस्टी मा तुमरो भलो काम गीन ला देखके नियाव को दिवस परमेस्वर की महिमा करहेत।

1 पतरस 2:5

तुमी भी जित्तो गोटा को जसो एक आतमिक भवन बनतो जाय रहयो सेव। जेनको लक एक असो याजकगीन को पवीतर समाज को रूपमा वोको सेवा कर सको। जोनको काम आतमीक बलिदान चाघावनो सेत। जोन यीसु मसीह को कन लक परमेस्वर को अपनाय जावन वालो होहे।

1 पतरस 2:9

पर तुमी एक बेचयो हुयो लोख सेव। याजकगिन को एक राज सेव, अना खुद परमेस्वर को परजा सेव। एक पवितर परजा, खुद परमेस्वर एक असो जन समूह मजे परजा सेव। तुमिला परमेस्वर ना इंधार लक उजाड़ मा आपरो अद्भुत गुन परगट करन लाय हाकली सेत।

1 पतरस 4:14

अदी मसीह को नाव मा तुमरो बेइज्‍ती होवासे। तर तुम्ही खुदला धन्य मानू सकत, कारन परमेस्वर को गौरवसाली आतमा तुम मा सावली करा सेत।