फिलेपियो 4:8 - खेरलो वचन नोवालो नियम

⁸ ज्यानकेरीन एय बाय बोणहा, जी जी वातु खेरली, आदरणीय, हाज्यी, चोखाली, मोनाह पुटी तोहली, मतलब जी बी हाजा गुण एने स्तुतीन लायेक वातु हेत्यु, त्यु पोर द्यान लागाड्या किरो।

नाहाली

⁸ हे बायहो, ता वातुपोर लक्ष्य दयाजे सत्य हि, जे मोठा हि, जे योग्य हि, जे पवित्र हि, जे उचित हि, जे श्रिनणीय हि, एने जी जी वातू प्रिय हि, केव्ही काही पुण दिहरा गुण वा काही वाहवा.

फिलेपियो 4:8 Cross References

मत्ती 22:16

तेवी ता तान चेलाह हेरोदेस हेऱ्या यीशु फाय ज्य केणेन मोकल्या, “एय गुरू, आमु जाणतेह काय तु खिरो हे, एने बोगवानान वाट खेराय माय हिकाड़ने, एने कुणीन पारवाय नाह केरने, काहाकाय तु माणहान मुय देखीन वातु नाह केरने।

मरकुस 6:20

हेरोदेस योहानाह देरमी एने चोखालो एदमी जाणीन ताह बितालो, एने ताह वोचाड़ीन मील रियेल ईतो। एने हेरोदेस योहानान वातु होमलीन जुलूम गाबराय जातालो, पुण खुसी से होमेलतालो।

लुका 16:15

यीशु ता फरिसी माणहाह केयो, तुमू ते माणहान सामने आपणे आपाह देरमी केवाड़तेह, पुण बोगवान तुमरे मोनाह जाणेह। काहाकाय जी चिज माणहान नेजरी माय जुलूम हाजी हे, ती बोगवानान आहने खाराब हे।

लुका 2:25

यरूशलेम माय शिमीयोन नावान एक एदमी ईतो, एने तो एदमी देरमी एने बक्त ईतो; एने तो वाट जोवतालो काय बोगवान इस्राएलान माणहाह वोचाड़े, एने चोखालो जीव ता पोर ईतो।

लुका 23:50

ता युसूफ नावान एक हाजो एदमी ईतो, तो यहुदिन मोटला पोंचान एक माणुह ईतो,

यूहन्ना 7:18

जो तान उगे रेन बाणावीन काह किथे, तो तास ने बोड़ाय हुदेह। पुण जो ताह मोकेलनारान बोड़ाय हुदेह तोस खीरलो हे, एने ता माय काय अन्याय नाह।

प्रेरितान काम 10:22

ता केया, “कुरनेलीयुस आदिकारी आमुह मोकलेल हे, जो देरमी एने बोगवानान बोक्ती केरनार माणुह हे, एने आखा यहुदि माणहाम रेन एने बोगवानान हेरोगदुता से खुबेर सापड़ायेल हे, काय तुवाह गेर हादिन ज्यी खुबेर होमले।”

प्रेरितान काम 22:12

तेवी हनन्या नावान नेम ने गेत एक बोकत्यो माणुह, जो ताहरी रेणारान आखा यहुदिया माय हाजो नाव एतो, मार फाय आवो,

प्रेरितान काम 6:3

तानकेरता एय बाय बोणहा, तुमरे माय रेन हात हाजाह एदम्याह जा चोखाला जीवा केरीन एने इकेल माय पुरा हेते, निवाड़ लिवो काय आपु ताह ज्या कामा पोर ठेराव देहु।

रोमीयो 13:13

जीहे दिह्या होबा दिथे, तिहेच केरीन आपु हुतरी चाल चाले, नाह काय लीलाक्रिड़ा एने दारूड्यो पोणा माय, नाह सिनालो एने लुच्‍चाय माय, एने नाह राड़ एने कुयराय माय।

रोमीयो 13:3

काहाकाय हाजाला कामाह आदिकारीन बिय रेणे इही नाह, पुण खाराब कामाह रेणे, केरीन आदिकारीन बिय नाय रेणे जुवे ओहली तारी मोरजी एय, ताहार हाजो काम केर, जासे आदिकारीन द्‍वारा तारी बोड़ाय एय।

रोमीयो 14:18

जो कुण इहकेरीन मसीन सेवा किरेह, तो बोगवान स्वीकारेह एने माणहाह पुटेह।

रोमीयो 2:29

पुण खेरलो यहुदि तोस हे जो माय रेन यहुदि हे; जान मोन से खेतना ईयेल हे। एने ज्य बोगवानान जीवान काम हे, नाह काय लेखायेल नेमा केरीन; ओहला माणहे बोगवानान उगे रेन बोड़ाय सापड़ावी नाह काय माणहान उगे रेन।

1 कुरिंथीयो 4:5

तानकेरता जाह वोर मालीक नाह आवीत, टेमाह रेन पेल काल्लीस वातीन नियाव मा किरहो, तोस आदारा माय लीकेल वातु उजाला माय देखाड़ी, एने मोनान मतने वातु देखाड़ी, तेवी बोगवानान उगे रेन एकेकान बोड़ाय एय।

2 कुरिंथीयो 13:7

आमु आमरा बोगवानाह ज्यी विन्ता केरतेह काय तुमू कायच बुराय नाय केरी, ज्यानकेरता नाह काय आमु खेरला देखाय, ज्यानकेरता काय तुमू हाजो केरनार बोणी, चाहे आमु ठेगऱ्या ठेराहु।

2 कुरिंथीयो 6:8

मान एने मान नाह जुड़ने माय जिक एने आरवाणे माय बोटकावणारान गेत जाणाय जाथे, तीबी आमु खेराय माय बोलतेह।

2 कुरिंथीयो 8:18

आमु तीतुसा हेऱ्या ता बायाख बी मुकलेल हे, जान नाव हाजाली खोबरीन बाराम आखी मोंडली माय फेहली रेनोह।

2 कुरिंथीयो 8:21

काहाकाय ज्यी वातु मालीकान आहने ओलीस नाह, पुण माणहान आहने बी हाजी हे काय आमु तान कालजी केरतेह।

गलातीयो 5:22

पुण जीवान फोल मोंग, खुसी, सान्ती, दिर, गीण, बोलाय, बुरहो,

इफिसीयो 4:25

तानकेरता जुठ बोलनेन सोड़ीन एकेक माणुह तान आहेंल्या हेऱ्या खेरलो बोली, काहाकाय आमु आखा मसीन सेरीरान अंग हेते।

इफिसीयो 5:9

काहाकाय उजालान असर आखी बातीन बोलाय एने न्यायीपण एने खेराय माय हे।

इफिसीयो 6:14

तानकेरता खेरायीन पोट्टा केरीन तुमरी कोमेर बांद लिवो, एने देरमान कवच पेरीन,

फिलेपियो 3:1

तानकेरीन एय मारा मोंगाल्ला बाय बोणहा, मालीक माय खुस रिवो। तीस वातु तुमूह जाहार ताहार लेखणेन माहु काय तेकलीत नाह एत, एने ज्या माय तुमरी बोलाय हे,

कुलुसी 4:5

टेमान पुरो पुरो काम माय लावो एने विण बोरहा वालाह एकलीदार माय वेवार किरो।

1 थिस्सलुनिक्यो 4:12

इहकेरीन केरने से तुमू आखा बिगेर यहुदि माणहान द्‍वारे तुमूह मान सम्मान जुड़ी, एने दिहरान बोरहे रेणेन जोरवुत नाय पोड़ी। केरीन तुमूह काल्ली बी वोस्तुन कोमी पोड़ने नाय जुवे।

1 तीमुथीयुस 2:2

खास केरीन राजा एने उचा पोदवालान केरता, काहाकाय आपु हुकेह एने सान्ती माय एने बोगवानाह मान मेलतेन चोखाली जीवाय जीवे।

1 तीमुथीयुस 3:11

तिहेस केरीन बायकु बी हास केरीन रेणे जुवे, आरोप लागाड़नार नाय जुवे, पुण हाजा सोबाव वाली एने आखी वातु माय विश्वासयोग्य रेय।

1 तीमुथीयुस 3:4

तान गेरान तो हाजी व्यवस्ता केरनार जुवे, एने तान सोराह इहकेरीन ताबाम मिलेह काय ता तान मान मेलती।

1 तीमुथीयुस 4:12

कुण बी तारी जुवानीह खाराब जाणने नाय जुवे; पुण तु वचना माय, एने व्यवहारा माय, एने मोंग माय, एने बोरहा माय एने चोखाला माय आखा बुरहो केरनारान केरता एक हाजो हिक बोण जा।

1 तीमुथीयुस 5:10

एने हाजाला कामान केरता नाव गाजेल एय, एने जी सोरान पोहणो केरेय; पावणाय केरेय, चोखाला माणहान पाय दुयेल एय, एने दुखाऱ्या माणहान सेवा चाकरी किरेल एय, एने आखा हाजा कामा माय मोन लागाड़ेल एय।

1 तीमुथीयुस 5:2

डावाली बायकुह आहख जाणीन; एने जुवान बायकुह पुरो चोखो मोन केरीन बोणीख जाणीन सोमजाड़ दे।

तीतुस 1:8

पुण पावणाय केरनार, एने जो हाजो हे ताह मोंग केरनार, संयमी, नियाव केरनार, चोखालो एने सोमेजदार एय।

तीतुस 2:14

जो सोताह आपणे केरता आप दियेल काय आपुह आखी बातीन खाराब माय रेन सोड़वे, एने आपुह तास ने चोखाला माणहे बाणावी हाजाला कामान केरता, केरीन कायेम तियार रिवो।

तीतुस 2:2

मोंडलीन डावाला एदमी सोता पोर काबु केर सिके, सम्माननिय एने सोमेजदार एय, एने तान बुरहो एने मोंग एने दिर पाको एय।

तीतुस 2:7

आखी वातु माय सोताह हाजा कामान नमुनो बोणाव। एने तार हिकवोण माय साप साप एने गम्बीरता,

तीतुस 3:14

आपणा माणहे बी जोरवतीह पुरी केरनेन केरता हाजा कामाम लागीन रेणे हिके काय फालतुक जीवाय नाय जीवे।

इब्रानियो 11:2

काहाकाय ज्यास बोरहान द्‍वारे डायलाह बोगवान फाय रेन बोड़ाय जुड़नी।

इब्रानियो 13:18

आमरी केरता विन्ता किरते रिवो, काहाकाय आमुह बुरहो हे काय आमरो मोन चोखो हे: एने आपु आखी वातु माय हाजी चाल चालने होदतेह।

याकुब 1:27

आपणा बोगवानान एने आबाख ने सामने चोखी एने हुवाली बोक्ती ज्यी हे काय विखावालान एने रांडायेल ने दुखा माय तान कालजी लेय, एने सोताह दुनियाह रेन निष्कलंक मेली।

याकुब 3:17

पुण ज्यी इकेल उपेर रेन आवीह ती पेल ते चोखाली रीथे ओवतो मीलनसार, हुवालो, एने सान्ती वाली एने किव, एने हाजा फोला केरीन बोरायेल बेदबाव एने बिगेर कोपेटान रीथे।

1 पतरस 1:22

जेवी तुमू बायबांडलान केरता बिगेर कोपेट मोंग ने केरता खेरायीह पालेन केरीन तुमरा मोनाह चोखा किरेल हेते, ते पुरो मोन लागाड़ीन एका दिहरा हेऱ्या जादा मोंग किरो।

1 पतरस 2:12

बिगेर यहुदिन विची माय आपणो बोलनो चालनो हाजो बाणावीन मीलो, ज्यानकेरता काय ज्‍यु वातु माय ता खाराब काम केरनारे सोमजीन तुमरी चिहटा केरतेह, त्युस वातु माय तुमरा हाजाला कामाह देखीन नियावान दिह बोगवानान बोड़ाय केरी।

1 पतरस 4:8

आखाम रेन हाजी वात ज्यी हे काय एका दिहराह जादा मोंग किरो, काहाकाय मोंग जुलूम पापाह डाप दिथे।

2 पतरस 3:1

एय मोंगाल्ला, एवी मी तुमूह ज्यी दिहरी चिट्ठी लेखथु मी तुमूह एर केरावतेन तुमरा चोखाला मोनाह जागतो केरथु,

1 योहान 3:18

एय मारा सोरा, आपु बोल एने जिबी केरीन ओलोस नाह, पुण काम एने खेरायीन द्‍वारे बी मोंग किरो।

1 योहान 3:3

एने जो कुण ज्यी आसा मिलेह, तो सोताह तीह केरीन चोखो किरेह जिहकेरीन यीशु चोखालो हे।

1 योहान 4:1

एय मोंगाल्ला, एक एक जीवा पोर बुरहो मा किरहो, पुण ता जीव बोगवानान उगे रेन हेते काय नाह तान पारेख किरज्‍यो; काहाकाय मोकतास जुठा जाणकार दुनिया माय फिरने बाजरेनाह।