పిలిపి 1:1 - కొత్త కరార్ కరే బాత్కుంఙ్ పావ్

¹ పిలిప్పి పట్నంముత్ క్రీస్తు యేసున్ ఒర్కితర్ పవిత్ర అనెక దదాకేర్ సదరున్ సంగమ్ నాయకులున్ సేవాకెర్ క్రీస్తు యేసున్ గడియక్ పౌలు, తిమోతి వాయ్ తా గొట్టిక్.

పిలిపి 1:1 Cross References

మార్క 13:34

ఇద్ ఇనంఙ్ అన్సద్. సేరేక మన్కక్ తన్నెఏల్లన్ సాయుత్‍ సేరేంఙ్ తనే. గడియక్ అదికార్ సియుత్న ఏరేత్ అమ్నుంఙ్‍ పనిక్ ఇండుత్న ఎల్లబొయిదన్ కయ్యెకరున్ ఇనంఙ్ ఉకూమ్‍ సియ్‍స్సాదొ. ఉసారడ్ అండ్రు.

యోహాన్ 12:26

అనేత్ సేవ కాల్కకాంద్ అనున్ వంట వరెంఙ్. అపుడ్ అన్ ఎత్తి అన్సతొ అత్తి అనె గడియకున్ అతిన్ అన్సంద్ అనున్ పైయెకాంద్ బాంద్ ఓల్సద్.

అపొస్తు 1:20

పేతురుంద్‍ ఇంకా ఇనంఙ్ ఇన్తెంద్. ఇదున్ బదోల్ కిర్తనల పుస్తకముత్ ఇనంఙ్ వాయుత్ అన్సాద్, అమ్నె ఎల్ల కరాబ్ ఎరెంఙ్ ఇడుర్ అత్తి ఏరి బత్కసెటా సెరేంఙ్ ఇడ్, “అమ్నె జాగత్ మరొక్కొనున్ అనెంఙ్ ఇడ్ ఇనంఙ్ వాయుత్ అండద్.”

అపొస్తు 20:28

అన్నె పోరక్నె నెత్తుర్ డ్ తోద్‍తె పోరక్నె వాబ్ వాలడ్ తన్నె సొత నెత్తుర్ ఇసా వాయుత్ అన్సాద్ ప్రబుద్ తన్నె నెత్తురున్ కమాప్తా సంగమున్ కయ్యెకద్ సటీ పరిసుద్దాత్మ ఇంమున్ అదికరిక్ లాఙ్ ఇదర్తిన్ ఆ మందన్ సంగంమున్ ఇమ్మెత్ నిరి ఉసారడ్ అండ్రు.

అపొస్తు 9:13

అనగ్తి అననీయ ప్రబు ఈ మన్కక్ యెరూసలెముత్ ఇనే నీ మంది ఏంతేఒ పవిత్ర కత్న అస్సన్ ఇస్సా అంమదును బదోల్ ఎందరొ ముత్తికులాండ్ వింతన్.

రోమీ 1:1

యేసు క్రీస్తుంద్ సేవక్, అపొస్తులున్ లంఙ్‍, దెయ్యమ్నె సువార్త కలేంఙ్ ఆసుత్ కూగ్‍త, పౌలున్ ప్రబుద్ కూగ్‍తెంద్.

రోమీ 1:7

తే రోమాత్ అనెకర్ ఇముంఙ్ సిమ్కనంఙ్ దెయ్యమున్ వాలడ్ లాడ్త కృపత మన్కకెరున్ అనెకరుంఙ్ వాయ్సనండాతున్ నేండె బాంద్ ఎద్ద దెయ్యం తన ప్రబుంద్ ఇంత యేసు క్రీస్తుంద్ తన పవిత్ర సమాదనం రొంబాడద్.

1 కొరింతి 16:10

తిమోతి వత్తె అముదు ఇమంతి బత్కెకద్లంఙ్ ఓలుర్. అన్ లంఙ్ అందనాయ్ ప్రబునే పని కల్‍సాద్.

2 కొరింతి 1:1

కొరింతిత దెయ్యమున్ సంగమున్ అకయ ప్రాతాముత్ సిమ్కనయ్ అనెకా పవిత్ర రున్సిమ్మనయ్ దెయ్యమ్నె సంకటున్ వాలడ్ క్రీస్తు యేసు అపొస్తులున్ అమ్నె పౌలు, నేండె దాదకేర్ తిమోతి వయ్ తా గొట్టిక్.

గలతి 1:10

పంఙి అన్ మన్కకెర్ అవేదన్ కొర్సాత్? తోద్ ఇంతే దెయ్యమ్నె అవేదన్ కొర్సాత్? అన్ కబుల కుసిన్ వర్గలత్ ఇసాత నండతున్? అన్ ఇంక మన్కకెరున్ కుసిన్ వర్గ తానింతే క్రీస్తునే సేవక్నన్ ఎరేని ఎరెన్.

గలతి 3:26

యేసు క్రీస్తు నంతి నీర్ సదర్ విస్వాసమున్ వాలడ్ దెయ్యమ్నె కీకె.

గలతి 3:28

ఇంతీ యూదుడు గ్రీకు దేసతంద్ గడియక్‍ స్వతంత్రుడ్ ఇసా తేడ తోద్. యేసు క్రీస్తు నంతి నీర్ సదర్ ఒక్కొది అండాతిర్.

ఎపెసి 1:1

ఎపెసుంఙ్ అనెక పవిత్ర మంది, క్రీస్తు యేసునంతీ విస్వాసముత్ అనెకరుంఙ్ దెయ్యమ్నె కయిద వాలడ్ క్రీస్తు యేసు అపొస్తులున్ పౌలు వయేకా గొట్టిక్.

ఎపెసి 1:15

ఈ కరనం వాలడ్ ప్రబున్ ఇనెక యేసునాడ్ ఇమ్మె ఇస్వద్ గురించి పవిత్ర సిమ్కనన్ వాలడ్ ఓలిపెక ప్రేమన్ వాలడ్ అన్ వత్తన్ అత్తరాన.

ఎపెసి 6:24

నేండె ప్రబు యేసు క్రీస్తున్ పొదె కరెయ్ ప్రేమ్ కలెకాద్ ఔరున్ సదరున్ కృప వెంట అనెఙ్ ఇస.

పిలిపి 2:19

నీర్ ఎనాఙ్ అండతిరొ ఒర్కిలెంఙ్ అనుంఙ్ సోయ్ ఎరెంఙ్‍, ప్రబు యేసు నుంఙ్ ఆస అండె జల్దిని తిమోతిన్ ఇమ్మత్తి పవిడత్ ఇసతున్.

పిలిపి 2:5

క్రీస్తు యేసున్ అనెక ఇనట మాన్ గ్యాన్ నీర్ గిన కలయుత్ అండ్రు.

పిలిపి 3:12

ఇద సిమ్కనలంతి అని గదియెంఙ్ సలెతన్ అదుఙి అన్ ఇంక మూరైయ్ ఎతన్. క్రీస్తు యేసు అన్ తనెందున్ సటీ సుంతెదో అదున్ అన్ గిన సొంతం ఇదర్త్ ఇసతున్ అన్ ఇంక ఇదర్సని అండతున్.

పిలిపి 3:3

తానుంఙ్ ఇంతె, నేండ్‍ దెయ్యమ్నె ఆత్మత్ పుజ ఇదర్స మేన్త అసా పొదె బరోసా ఇడ్సెట క్రీస్తు యేసునంతీ అస ఇడుత్ అండతుమ్. నేడీ అసల్ ఈ సున్నతి సుముత్ అనెకరం నేండ్.

పిలిపి 3:8

పఙితుఙ్ అనె ప్రబువు ఇనెక యేసు క్రీస్తున్ ఒర్కిల్లెకద్ ఎంతె కటిన్ తా గొట్టి. అదుఙి మిక్తవున్ జాగలున్ పనిక్ వర్సెటలన్ ఇట్టం. అమ్నున్ సుంముత్ మిక్తవున్ అదవున్ సిమ్కనన్ మన్ పొలడ్ సయ్తన్. క్రీస్తున్ అన్ సుంమత్ ఇస అండతున్, అదవున్ కిస్కటముత్ జొపిటెతి ఓల్సాత్.

1 తెస్సలోని 1:1

బాంద్ ఇనెక దెయ్యమున్ ఇమ్మె ప్రబున్ యేసు క్రీస్తునత్తి అనెక తెస్సలొకతద్ ఇనెక సంగముత్ పౌలు, సిల్వాను, తిమోతి వాయెక గొట్టికున్. కృప సాంతి ఇముంఙ్ రొబడాద్!

1 తెస్సలోని 2:2

ఆమ్ ఇత్తి వరెంఙ్ పేలె పిలిప్పీత పట్నముత్ పేలెన్ తన హింసాన్ అవమనమూన్ అనుబావ్ కత్తమ్ ఇసా గిన ఇముంఙ్ ఒర్కి. జగ్డకలెకదూన్ నడుమ్ దెయ్యం దైరమ్ సియ్తెంద్ అదుఙి దెయ్యమ్నె గొట్టి ఇముంఙ్ ఇడ్తమ్.

2 తెస్సలోని 1:1

నేండె బాంద్ ఇనెక దెయ్యం ప్రబున్ యేసు క్రీస్తున్ అనెక తెస్సలొకతద్ సంగమున్ పౌలు, సిల్వానస్, తిమోతిన్ వయెకా గొట్టిక్.

2 తెస్సలోని 1:10

అముదు తన్నె పవిత్ర మన్కకెరున్ మహిమ ఎరెంఙ్ తన్నెత్ తాని నమ్‍తరున్ కమల్ లెత్న అనెంఙ్ ఆ దిన వత్తె ఇనంఙ్ ఎరద్. అమ్‍ ఇముంఙ్ ఇడ్త సాక్సం నీర్ నమ్‍తిర్ తా.

1 తిమోతి 1:2

బాంద్ అముదు దెయ్యం తన నేండె ప్రబున్ యేసు క్రీస్తున్ తన కృపన్, కివ్, సమాదన్ దన్యావద్ ఇనుంఙ్ రొంబాడద్.

1 తిమోతి 3:8

అనాయ్ గడియక్ ఒర్కితరుంఙ్ మానుంఙ్ బుడార్ లంఙ్‍, ఇంది నాల్కలాడ్ ముడ్సెటర్లంఙ్ అనెంఙ్ తోద్. జింఙలకేర్ లంఙ్‍, అనెంఙ్ తోద్.

తీతుకు 1:1

దెయ్యమ్నె అపొస్తులున్ నివ్డిప్త విస్వాసులున్ సోయ్ కలెంఙ్‍, ఔరు దెయ్యమ్నె బక్తకెర్ కర్రె సత్తెం క్రీస్తు యేసున్ బదోల్ ఇడ్డెక పౌ‍లున్. విస్వసుత్ గట్టినడ్ అనెంఙ్.

తీతుకు 1:7

మాల్కక్ తానుంఙ్ ఇంతె దండి దెయ్యమ్నె సేవక్ నిర్నయ్ కలెకద్ అదుంఙ్ ఎత్తి నిందాతోసెటాద్ అనెంఙ్. అముదు రగ్టక్, గర్వతద్, కల్లునెకాద్, కుడ్కలడెకాద్, కరాబ్ పేర్ కమపెకద్ అనెంఙ్ తోద్.

పిలేమోన్ 1:1

క్రీస్తు యేసుంద్ కైది ఎదా పౌలు, దాదక్ తిమోతింఙ్ లాడ్తంద్ సంగతిక్ పిలేమోనుంఙ్ అన్నె సోయ్త పనీ సంతక్ పిలేమోన్,

హెబ్రీ 13:23

నేండె దాదక్ తిమోతింఙ్ సాయ్తెర్ ఇసా ఒర్కిలుర్ అంద జల్దీ వత్తె అమ్నున్ వెంట కలయుత్ ఇమున్ ఓల్సాత్.

యాకోబ్ 1:1

దెయ్యమున్, మరియు ప్రబువు యేసు క్రీస్తున్ సేవక్ యాకోబు, దేసేంమత్ నేరయుత్ అనెక దెయ్యనే మందీన్‍ సదరున్ వందానలాడ్ వయాసద్.

1 పేతుర్ 2:25

నీర్ గేల్త గొర్రెలంఙ్ తిరుగ్స అండాతీర్. తే పఙ్ఙి ఇమ్మె కైయెకాద్, ఇమ్మె ఆత్మలున్ సంబడిపెకన్ వై మల్ల వత్తేర్.

2 పేతుర్ 1:1

సొబనడ్ అమ్ లాన్ సోయ్ విస్వసాడ్ అపొస్తులున్ అనెకనుంఙ్ యేసు క్రీస్తు పవీట్ట రాయబారీనే దాదక్ అముదు సీమోను పేతురు నేండె దెయ్యం రక్సక్ ఇనేక యేసు క్రీస్తు నీతి న్యాయమడ్ వాయత గోట్టిక్

యూద వాయ్త పత్రిక 1:1

బాంద్ ఎద్ద దెయ్యమ్నె కుగేకదున్, ప్రేమ్ సుమ్ముత్, యేసు క్రీస్తున్ వాలడ్ బద్రంగా అనెకారున్ యేసు క్రీస్తునే సేవకేర్, యాకోబునే దాదక్ యూద వాయ్సద్.

ప్రకటన 1:1

ఇదా జల్ది ఎరెకవ్లున్ యేసు క్రీస్తుంద్ తన్నె గడియకెరుంఙ్ ఓలిపెంఙ్ సటీ దెయ్యం అంనుంఙ్ సియ్తదున్ అముదు తన్నె దెయ్యమ్నె దూతులున్ పన్కుత్ తన్నె గడియక్ యోహానుంఙ్ ఇదవ్లున్ బదోల్ కరిప్తెంద్.

ప్రకటన 1:20

అమ్నె ఉన్న కేయ్యుత్ నీ ఓల్‍త ఏడ్ చుక్క, ఆ ఏడ్ బఙ్ఙర్నె దీవేనే లంన రహస్యం ఇది, ఆ ఏడ్ చుక్క ఏడ్ సంగలె దూత్. ఏడ్ దీవే ఏడ్ సంగ.

ప్రకటన 19:10

అదుంఙి అన్ పాన అంనున్ మొక్కెంఙ్ అంనున్ ముండట్ బోల్లపడేఙ్ కద్దున్. గానీ అముదు, “అనంఙ్ కన్నెమ్ దెయ్యముని మొక్! యేసునుంఙ్ సాక్సిలంఙ్ అనెకాద్ ఇనుంఙ్ ఇన్నె సంఙ్తకేరమ్ అన్ వెంటత దాదకున్ మాత్రమి” ఇంతెంద్

ప్రకటన 2:12

పెర్గముత్ అనెకా సంగంత దూతుంఙ్ ఇనంఙ్ వాయ్ ఇంది పక్కంఙ్ నదర్ అనెక రుసిలంఙ్ అకంద్ ఇడ్డెకా సంగతిక్.

ప్రకటన 2:8

స్ముర్నత్ అనెకా సంగంత దూతుంఙ్ ఇనంఙ్ వాయ్. పేలెతంద్ ఆక్రితద్ తికుత్ పానం ఎదంద్ ఇడ్డెకద్ తన్నెద్ ఇంతె

ప్రకటన 22:9

అప్పుడ్ అముదు, “అనంఙ్ కన్నెమ్. అన్ ఇనుంఙ్‍, ఇన్నె దాదకేర్, కబుల్లకెరుంఙ్‍, ఈ పుస్తక్త గొట్టికున్ పాడిపెకర్ సాదరున్ సంత సేవకేరుంఙ్. దెయ్యమున్ మొక్” ఇసా ఇడ్తెంద్.