ପିଲିପିୟ 4:8 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

⁸ ସାରାସାରିୱେନ୍‌କା, ଏ ତଡ଼ାନ୍‌କୁ ନି ତାଙ୍ଗିଁକି, ଆମା ୱିଜୁ ନେଗିକା ମାରି ୱେଡ଼ିକାଦି ବିସୟ୍‌ ମାନାତ୍‌, ଆମା ଆମାକା ସତ୍‌, ଆମା ଆମାକା ପେରିକା, ଆମା ଆମାକା ଟିକ୍‌, ଆମା ଆମାକା ପୁରାନେଗିକା, ଆମା ଆମାକା ଲୋକ୍‌ତିଙ୍ଗ୍‌ ନେଗିକା, ଆମା ଆମାକା ସନ୍‍ମାନଜନକ, ଆୟାୱିଜୁ ବିସୟ୍‌ ସିନ୍ତା କିଦୁ ।

Konda: కొండ బాసదు నెగ్గి కబ్రు

⁸ నా తంబెరిఙాండె, ఆకార్‌దు, నాను ఉండ్రి వెహ్సిన. మీరు ఈహు ఒడిఃబిజి మండ్రెఙ్‌ ఇజి నాను వెహ్సిన. నిజమాతి వన్కాఙ్, లోకుర్‌ గవ్‌రం సీదెఙ్‌ తగ్ని వన్కాఙ్, నాయం మని వన్కాఙ్, పాపం సిలి వన్కాఙ్, లోకుర్‌ ఇస్టం కిదెఙ్‌ తగ్ని వన్కాఙ్, గొప్ప పేరు తపిస్ని వన్కాఙ్, లోకుర్‌ పొగిడిఃని వన్కాఙ్‌ మీరు ఒడిఃబిజి మండ్రు.

ପିଲିପିୟ 4:8 Cross References

మత్తయి 22:16

ୱାର୍‌ ନିଜେଦି ଏସଲୋକ୍‌ ସିସୁରିଙ୍ଗ୍‌ ମାରି ହେରୋଦ ଦଲତୀ ଏସ ଲୋକାଙ୍ଗ୍‌ ଜିସୁଦି ଲାକ୍‌ତୁ ପୋକ୍‌ତାର୍‌ । ୱାର୍‌ ୱାଜି ଜିସୁଙ୍ଗୁଁ ଇର୍ହାର୍‌, “ଏ ଗୁରୁ, ମାପ୍‌ ନେସ୍‌ନାପ୍‌, ନିନ୍‌ ସତ୍‌ ଇନି ମାରି ନିନ୍‌ ମାପୁରୁଦି ସତ୍‌ ବିସୟ୍‌ତାନ୍‌ ସିକିୟା ସିନି । ମାରି ଆଇକାର୍‌ ଇନିକା ଅଡ଼୍‍ବିନାର୍‍ ଆୟା ବିସୟ୍‌ତାନ୍‌ ବେମ୍‍ରିଆଇ, ଇରିଙ୍ଗ୍‌ ନିନ୍‌ ଏମେୱାରି ମାଟାଦିଙ୍ଗ୍‌ ମନ୍‍ସିଇ ।

మార్కు 6:20

ଇରିଙ୍ଗ୍‌ ହେରୋଦ ଯୋହନତିଙ୍ଗ୍‍ ଅରେନ୍‍ ଦାର୍ମୁ ମାରି ପବିତ୍ର ଲୋକ୍‌ ଇଜି ନେସ୍‌ସି ତିଲାଜି ମାର୍‌ଆନ୍‌, ମାରି ଯୋହନତିଙ୍ଗ୍‍ ରକ୍ଷା କିଦେଙ୍ଗ୍‌ ବଦାକିଜି ମାର୍‌ଆର୍‌, ମାରି ହେରୋଦ ଯୋହନତି ମାଟା ୱେନ୍‌ଜି ନାଣ୍ଡ ତରବର ଆଜିମାର୍ହାନ୍‍ ଆତିଙ୍ଗ୍‌ବା ୱେଡ଼ିକାଦାନ୍‌ ଆୟା ମାଟା ୱେନ୍‍ଜି ମାର୍‍ଆନ୍‍ ।

లూకా 16:15

ଆବେନ୍‌ ୱାନ୍‌ ୱାରିଙ୍ଗ୍‌ ଇର୍ହାନ୍‌, ଏର୍‌ ନିଜେ ନିଜେଦିଙ୍ଗ୍‌ ଲୋକାରି ଆଗ୍‌ଡ଼ି ଦାର୍ମୁ ଇଜି ତର୍‍ନାର୍‍, ମିର୍‌ ଆୟାୱାଜାଦି ଲୋକୁ, ମାତର୍‌ ମାପୁରୁ ମି ଜିବନ୍‍ତିଙ୍ଗ୍‌ ନେସ୍‌ନା; ମାତର୍‌ ଏମେକା ଲୋକାରି ମାନୁ ପେରିକା, ଆୟାକା ମାପୁରୁଦି ଆଗ୍‌ଡ଼ି କାଡ଼୍‌ନିକା ।

లూకా 2:25

ମାରି ସୁଡ଼ୁଦୁ, ଜିରୁସାଲମତୁ ସିମିୟୋନ ଦର୍‌ତି ଅରେନ୍‍ ଦାର୍ମୁ ମାରି ସାଦୁ ଲୋକୁ ମାର୍‌ଆନ୍‌; ୱାନ୍‌ ଇସ୍ରାଏଲ୍‌ତି ରକିୟାକିନିୱାନିଙ୍ଗ୍‍ ସୁଡ଼୍‍ଦେଙ୍ଗ୍‍ କାପ୍‌କିଜି ମାର୍‌ଆନ୍‌, ମାରି ପବିତ୍ର ଆତ୍ମା ୱାନିୱାଲେ ମାର୍ହାତ୍‌ ।

లూకా 23:50

ମାରି ସୁଡ଼ୁଦୁ, ଜିହୁଦିରି ହାରାମାତିୟା ଗାଡ଼୍‌ତି ଜୋସେପ୍‌ ଦର୍‌ତିକାନ୍‌ ଅରେନ୍‍ ଲୋକୁ ପେରିଦଲ୍‌ତି ନେତା ମାର୍ହାନ୍‌, ୱାନ୍‌ ଅରେନ୍‍ ନେଗିକାନ୍‌ ମାରି ଦାର୍ମୁଦି ଲୋକୁ,

యోహాను 7:18

ଏନ୍‌ ନିଜେଦି ମାଣାନ୍‌ ଇନାନ୍‌, ୱାନ୍‌ ନିଜେଦି ଗୌରବ୍‍ ପଇନାନ୍‌, ମାତର୍‌ ଏନ୍‌ ନିଜେଦି ପକ୍‍ତିୱାନିଦି ଗୌରବ୍‍ କିଦେଙ୍ଗ୍‌ ବଦା କିନାନ୍‌, ୱାନ୍‌ ସତ୍‌ ଇନାନ୍‌, ମାରି ୱାନିମାନୁ ଇନି ମିସ୍‌ ସିଲେତ୍‌ ।

అపొస్తు 10:22

ୱାର୍‌ ଇର୍ହାର୍‌, “ସେନାପତି କର୍ଣ୍ଣିଲିୟା ମାଙ୍ଗିଁ ପକ୍‍ତାମାନାନ୍‍ । ୱାନ୍‌ ଅରେନ୍‌ ଦାର୍ମୁଦି ଲୋକୁ । ୱାନ୍‌ ମାପୁରୁଙ୍ଗ୍‍ଁ ଆରାଦନା କିନାନ୍‌ ମାରି ଜିହୁଦିର୍‌ ୱିଜେରେ ୱାନିଙ୍ଗ୍‌ ମାନାନାର୍‌ । ନିଙ୍ଗିଁ ୱାନି ଇନ୍‌ଡ୍ର କୁକ୍‌ସି ଅସିନି ସିକିୟା ୱେନ୍‍ଡ୍ରେଙ୍ଗ୍‍ ଇଜି ମାପୁରୁଦି ଅରେନ୍‌ ପବିତ୍ର ଦୁତ୍‍ ୱାନିଙ୍ଗ୍‌ ଆଦେସ୍‌ ସିତାମାନାନ୍‌ ।”

అపొస్తు 22:12

“ଆୟା ଗାଡ଼୍‌ତୁ ହନନିୟ ଦର୍‌ତି ଅରେନ୍‌ ଦାର୍ମୁଦି ଲୋକୁ ମାର୍ହାନ୍‍ । ୱାନ୍‌ ମା ନିୟମ୍‌ ମାନାଜି ମାର୍ହାନ୍‍ ମାରି ଆବେ ବାସା କିଜିମାନି ଜିହୁଦି ଲୋକୁ ୱିଜେରେ ୱାନିଙ୍ଗ୍‍ଁ ନାଣ୍ତ ମାନାଜି ମାର୍ହାର୍‌ ।

అపొస్తు 6:3

ଆଦେଙ୍ଗ୍‌ ଏ ତଡ଼ାନ୍‌କୁ ନି ତାଙ୍ଗିଁକି ମି ମାଣ୍‌କୁ ପବିତ୍ର ଆତ୍ମା ନି ବୁଦିଦୁ ପୁରା ଆତିମାନି ସାତ୍ ଲୋକାଙ୍ଗ୍‌ ଆସ୍‍କିଦୁ । ମାଡ୍‌ ୱାରିଙ୍ଗ୍‌ ଇୟା ବିସୟ୍‌ତୁ ଦାୟିତ୍‍ ସିନାଟ୍‍ ।

ରୋମିୟ 13:13

ରଙ୍ଗ୍‍ରସ୍‍ ନି ସସ୍‍ନିମାନୁ, ଡଙ୍ଗାଁ ନି ଲାଲାୟ୍‍ଆନିକା, ରିସା ମାରି ଜାଟି ୱିଜୁଦୁ ତେବାଏଜି, ରାଦୁ ମାଡ୍‌ ଜାୟ୍‍ତୁ ପାଣିକିନି ଲୋକା ୱାଜା ନେଗେନ୍‌ତାନ୍‌ ବ୍ୟବ୍‌ହାର୍‌ କିନାଟ୍‌ ।

ରୋମିୟ 13:3

ଏମେକାର୍‌ ନେଗିପାଣି କିନାର୍‌, ୱାରି ସାସନ୍‍କିନିୱାରିଙ୍ଗ୍‍ଁ ତିଲାନି ଉଣ୍ତିଙ୍ଗ୍‍ଁ ଇନି ମାଟା ସିଲେତ୍‍ ତିଲାନି ମାଟା ତାଗ୍‍ଇପାଣିକିନିୱାରିଙ୍ଗ୍‍ଁ । ସାସନ୍‍କିନିୱାନି ଉଣ୍ତିଙ୍ଗ୍‍ଁ ତିଲାଇକା ମି ବଦା ନୋ ? ଆତିଙ୍ଗ୍‍ଁ ସତ୍‍ପାଣି କିଦୁ, ୱାନ୍‌ ମି ପ୍ରସଂସା କିନାନ୍‍ ।

ରୋମିୟ 14:18

ଏନ୍‌ଆପିନ୍‌ ଇୟାୱାଜା ଇସାବ୍‍ତାନ୍‍ କ୍ରିସ୍ତଦି ସେବା କିନାନ୍‍; ୱାନ୍‌ ମାପୁରୁଙ୍ଗ୍‍ଁ ୱେଡ଼ିକା କିବିସ୍‍କିନାନ୍‍, ଲୋକାମାନୁ ବା ଦର୍‍ ପୟ୍‍ନାନ୍‍ ।

ରୋମିୟ 2:29

ଏନ୍‌ ଜିବନ୍‍ତୁ ଜିହୁଦି, ୱାନ୍‌ ଆଜିନାନ୍‍ ସତ୍‌ତାନ୍‌ ଜିହୁଦି । ସତ୍‍ ସୁନ୍ନତ ଜିବନ୍‍ତି ବିସୟ୍‍; ଆକା ଆତ୍ମିକ, ରାସାତିକା ଆଏତ୍‍ । ଇୟାୱାଜା ଲୋକୁ ମାଣାନ୍‌ ୱେଡ଼ିକା ପୟ୍‍ଦେଙ୍ଗ୍‌ ଆଟ୍‌ଏନ୍‍; ୱାନ୍‌ ଆକା ପୟ୍‍ନାନ୍‍ ମାପୁରୁଦିମାଣାନ୍‌ ।

1కొరింతి 4:5

ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।

2కొరింతి 13:7

ମିର୍‌ ଇନି ଅନ୍ୟାୟପାଣିଦୁ ତେବାମାଟ୍‍, ଇୟାଉଣ୍ତିଙ୍ଗ୍‌ ମାପୁ ମାପୁରୁଦି ଲାକ୍‌ତୁ ପାର୍‍ତାନା କିଜିନାପ୍ । ମାପୁ ଜେ ଇବେନୁ ପରିକାଦୁ ଜିଣାତାମାନାପ୍, ଇକା ମାପୁ ତର୍‌ତେଙ୍ଗ୍ ସଲ୍‌ଏପ୍, ମାତର୍‌ ମାପୁ ଆରାତିମାରିଙ୍ଗ୍ ବା ମିର୍‌ ଏଣ୍ତେସ୍‌ ନେଗି ପାଣି କିନିଦେର୍‌, ଇୟାଉଣ୍ତିଙ୍ଗ୍‌ ପାର୍‍ତାନା କିଜିନାପ୍‍ ।

2కొరింతి 6:8

ମାପ୍‌ ସନ୍‌ମାନ୍‌ ଆଜିନାପ୍‍ ମାରି ଅପମାନିତ ଆଜିନାପ୍‍, ପ୍ରସଂସା ମାରି ସେମାର୍‍ ପୟ୍‍ଜିନାପ୍ । ମାଙ୍ଗିଁ ମିଚୁଆର୍‍ ଇଜି ଅପମାନ୍‍ ସିତାମାନାର୍, ଆତିଙ୍ଗ୍‍ଁବା ମାପ୍‌ ପୁରା ସତ୍‌ ଇଜିନାପ୍‍ ।

2కొరింతి 8:18

ୱାନି ୱାଲେ ମାରି ଅରେନ୍ ତଡ଼ାନ୍‌ତିଙ୍ଗ୍‌ ମାପ୍‌ ପୋକ୍‌ତାତାମାନାପ୍ । ନେଗି କାବୁର୍‌ ପ୍ରଚାର୍‍ କିଦେଙ୍ଗ୍ ୱିଜୁ ମଣ୍ତଲିଆଙ୍ଗାଁ ୱାନ୍‌ ପୁରା ୱିଜୁତରିନ୍‌ ୱେଙ୍ଗିଁତାମାନାନ୍ ।

2కొరింతి 8:21

ମାତର ମାପୁରୁଦି ଆଗିଡ଼ି ସିଲେ, ମାତ୍ର ଲୋକା ଆଗିଡ଼ି ବା ସତ୍‌ ମାଡ୍ରେଙ୍ଗ୍‍ଁ ମା ବଦା ।

ଗାଲାତିୟ 5:22

ମାତର୍‍ ଆତ୍ମାଦି ଦାନ୍‌ ଆଜିନାତ୍‌; ଜିବନ୍‍ନୋନିକା, ୱେଡ଼ିକା, ସାନ୍ତି, ସାସ୍‍ଆନିକା, ଦୟା, ନେଗିକା, ବିସ୍‍ବାସ୍‍,

ଏପିସିୟ 4:25

ମାରି ମିଚ୍‌ ୱେର୍‌ମାଟ୍‌ । କ୍ରିସ୍ତବିସ୍‌ବାସ୍‌ସିର୍‌ ନିଜେନିଜେଦିଙ୍ଗ୍‌ ସତ୍‍ ୱେର୍‌ନିକା ମାନାତ୍‌; ଇରିଙ୍ଗ୍‌ ମାପୁ କ୍ରିସ୍ତଦି ମେନ୍ଦଲତି ମେନ୍ଦଲୱିଜୁ ।

ଏପିସିୟ 5:9

ମାତର ଜାୟ୍‌ ନେ ୱିଜୁ ରକମ୍‍ତି ନେଗିଗୁଣୁ, ଦାର୍ମୁତିକା ମାରି ସତ୍‍ନାନି ପଲ୍‌ ଆସ୍‌ନାତ୍‌ ।

ଏପିସିୟ 6:14

ଆଦେଙ୍ଗ୍‌ ଜାଗାର୍‌ତା ଆଦୁ, ସତ୍‍ନାନି ବେଲେଟୁ ଗାଟିଦୁ ମି ଜୁକି ସାରିବେଡ଼୍‍ତି ତର୍‌ତୁ, ଦାର୍ମୁ ନାନି ମି ବକାଦିସାଜୁ ଆରାଦୁ,

ପିଲିପିୟ 3:1

ସାରାସାରିୱେନ୍‌କା, ଏ ନା ତଡ଼ାନ୍‌କୁ ନି ତାଙ୍ଗିଁକି, ପ୍ରବୁଦିମାନୁ ମିସାତି ମାନିଙ୍ଗ୍‌, ପ୍ରବୁଦିମାନୁ ୱେଡ଼ିକା କିଦୁ । ଆଗ୍‍ଡ଼ିରାନ୍‍ ଆମାକା ରାସ୍‌ତା ମାନାତ୍‌, ଆୟାତାନିଙ୍ଗ୍‌ ମାରିଡ଼େସି କିଦେଙ୍ଗ୍‌ ନାନ୍‌ ୱାଦ୍‌ନିକା ଅଡ଼ବିଏ, ଇରିଙ୍ଗ୍‌ ମି ସୁରକ୍ଷା ଉଣ୍ତିଙ୍ଗ୍‌ ଇକା ସାହାଜ୍ୟ କିନାତ୍‌ ।

కొలొసి 4:5

ସୁଜୋଗ୍‌ତି ସତ୍‌ ବ୍ୟବ୍‌ହାର୍‌ କିଜି ଅବିସ୍‌ବାସ୍‌ରି ଲୋକା ଲାକ୍‌ତୁ ବୁଦିଦାନ୍‌ ନେଗେନ୍‍ତାନ୍‌ ସାଲାବୁଲାଦୁ ।

1దెస్స 4:12

ଇୟାୱାଜା କିନି ମାଣ୍‌କୁ ମିର୍‌ ଅବିସ୍‍ବାସିରି ୱାରିମାଣାନ୍‌ ବା ସନ୍‌ମାନ୍‌ ପୟ୍‌ନିଦେର୍‌ ମାରି ମି ୱିଜୁ ଦର୍‌କାର୍‌ତି ଉଣ୍ତିଙ୍ଗ୍‌ ଏ ମୁସ୍‌କୁ ଆସା ଇଡ୍‌ନି ଦର୍‍କାର୍‍ ସିଲେତ୍‍ ।

1తిమోతి 2:2

ଇୟାୱାଜା ଆଇ ସାସନ୍‌କିନିୱାରିଙ୍ଗ୍‍ ମାରି ରାଜାରିଙ୍ଗ୍‍ ପାର୍‍ତନା କିଦୁ, ଏଣ୍ତେସ୍‍ ମାପୁରୁଦି ବକ୍ତିଦାନ୍‍ ସାନ୍ତିଦାନ୍‍ ତେବାନିକା ମାରି ଆଇୱାରି ଉଣ୍ତିଙ୍ଗ୍‌ ନେଗେନ୍‍ତାନ ୱେଡ଼ିକାଦାନ୍‍ ଜିନିକା

1తిమోతి 3:11

ୱାରି ଆଡ଼୍‍ସିକ୍‍ ବା ନେଗିଗୁଣୁ ଆନେମାନେ ମାରି ଆଇ ଲୋକା ସୁରି ମାଟା ୱେର୍‌ଇକା ମାନାତ୍ । ୱାକୁ ମିଚ୍‌ୱେର୍‌ନିକା ମାରି ୱିଜୁ ବିସୟ୍‌ତୁ ବିସ୍‌ବାସ୍‌ ଆନିକା ଦର୍‌କାର୍‌ ।

1తిమోతి 3:4

ନିଜେଦି ଇଲୁପରିବାର୍‌ତିଙ୍ଗ୍‌ ୱାନ୍‌ ନେଗେନ୍‌ତାନ୍‌ ସାଲାକିଦେଙ୍ଗ୍‌ ଆଟ୍‌ସିମାନାନ୍‌ ମାରି ୱାନିଙ୍ଗ୍‌ ସନ୍‌ମାନ୍‌ ସିଜି ୱାନି ରାଜି ଆନି ଉଣ୍ତିଙ୍ଗ୍‌ ୱାନି କଡ଼ର୍‌ ସିକିୟା ସିନାନ୍‍ ।

1తిమోతి 4:12

ନି ନିଜେଦି ୱାର୍‌ଗିନିକା, ବ୍ୟବ୍‌ହାର୍‌, ଜିବନ୍‌ନୋନିକା, ବିସ୍‌ବାସ୍‌ ମାରି ପବିତ୍ରଦୁ ନେଗେନ୍‌ତାନ୍‌ ସେବା ତର୍‌ତେଙ୍ଗ୍‍ଁ ଆଟ୍‌ତିଙ୍ଗ୍‌, ଉଣା ବୟସ୍‌ ଆତିମାରିଙ୍ଗ୍‌ବା ମିଙ୍ଗିଁ ଏନ୍‌ ସେମାର୍‌ କିଦେଙ୍ଗ୍‌ ଆଟ୍‌ଏନ୍‌ ।

1తిమోతి 5:10

କଡ଼ରି ନେଗେନ୍‌ ଜତନ୍‌ ଅନିକା, କୁଡ଼ାଆଙ୍ଗାଁ ସନ୍‌ମାନ୍‌ କିନିକା, କ୍ରିସ୍ଟାନ୍‌ ତଡ଼ାନ୍‌ ତାଙ୍ଗିଁକା ଉଣ୍ତିଙ୍ଗ୍‌ ସାନ୍ତିଦାନ୍‌ ବ୍ୟବ୍‌ହାର୍‌ କିନିକା, ସିଲିସାତି ଲୋକାଙ୍ଗ୍‌ ସାହାଜ୍ୟ କିନିକା ଇନି ଇନିକା ୱିଜୁ ସତ୍‌ପାଣି ଉଣ୍ତିଙ୍ଗ୍‌ ଆମାକାର୍‌ କୁଟୁମ୍‌ତୁ ୱେଙ୍ଗିଁନା ମାନାର୍‌ ।

1తిమోతి 5:2

ଡକ୍ରିବିବିକାଙ୍ଗ୍‌ ୟାୟାୱାଜା ମାରି ଆଇଲିକଡ଼କାଙ୍ଗ୍‌ ତାଙ୍ଗିଁକି ୱାଜା ଅଡ଼୍‌ବିଜ ୱାନିକା ଉଣ୍ତିଙ୍ଗ୍‌ ପବିତ୍ର ୱାଜା ମିର୍‌ ବ୍ୟବ୍‌ହାର୍‌ କିଦୁ ।

తీతు 1:8

ମାତର୍‌ ୱାନ୍‌ ନେଗିକାନ୍‌ ଆନାମାନାନ୍‌ ମାରି ୱିଜୁ ସତ୍‍ ବିସୟ୍‌ତିଙ୍ଗ୍‌ ସୁକ୍‌ ପୟ୍‌ଜିମାନାନ୍‌, ନିଜେଦିଙ୍ଗ୍‍ଁ ଇଡ୍‍ନିକା, ନ୍ୟାୟ୍‌, ନେଗିବୁଦି ମାରି ନିୟମ୍‌ତୁପୁରା ଆନା ମାନାନ୍‌ ।

తీతు 2:14

ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।

తీతు 2:2

ପେରିପେରିୱାରିଙ୍ଗ୍‌ ମାନାଦେଙ୍ଗ୍‍, ବିସାର୍‌କିନି ମାରି ନିଜେଦିଙ୍ଗ୍‍ ଡାଟ୍‍ଇଡ୍‍ଦେଙ୍ଗ୍‍ ଅନୁରଦ୍‌ କିଦୁ; ୱାର୍‌ ଟିକ୍‍ ବିସ୍‌ବାସ୍‌, ଜିବନ୍‌ନୋନିକା ନି ସାସ୍‌ତାନ୍‌ ପୁରାବର୍ତି ଆପିର୍‌ ।

తీతు 2:7

ୱିଜୁ ବିସୟ୍‌ତାନ୍‌ ସତ୍‌ପାଣି ପୁରା କିଜି ମିର୍‌ ନିଜେଦି ଜିବନ୍‌ତୁ ନେଗିକା ତର୍‌ତୁ । ନେଗିମୋନ୍‌ତାନ୍‌ ମାରି ବୁଦିଦାନ୍‌ ନେଗି ବାସାଦାନ୍‌ ସିକିୟା ସିଦୁ ।

తీతు 3:14

ସତ୍‌ପାଣିଦାନ୍‌ ଦିନ୍‌ କାଟେକିଜି ନିଜେ ନିଜେଦି ଆସା ପୁରା କିନି ଉଣ୍ତିଙ୍ଗ୍‌ ସିଲିସାତି ଲୋକାଙ୍ଗ୍‌ ସିକ୍‌ୟା ସିଦୁ । ୱାର୍‌ ଆର୍‍ଏ ବାସ୍‌ସୋ ମାନ୍‌ମାକିର୍‌ ।

ఎబ్రి 11:2

ପୁର୍ବେଦି ଲୋକୁ ୱାରି ବିସ୍‌ବାସ୍‍ଦାନ୍ ମାପୁରୁଦି ୱେଡ଼ିକାଦିଲୋକୁ ଆତାମାର୍ହାର୍‍ ।

ఎబ్రి 13:18

ମା ଉଣ୍ତିଙ୍ଗ୍ ପାର୍‌ତନା କିଦୁ । ମା ବୁଦି ଜେ ନେଗିକା, ଇବେନୁ ନାମ୍‌ଇକା ସିଲେତ୍‌, ଇରିଙ୍ଗ୍‌ ୱିଜୁଦିନ୍ ନେଗେନ୍‍ ଜିଦେଙ୍ଗ୍‌ ମା ଉଣ୍ତ୍ରେ ବଦା ।

యాకోబు 1:27

ଆମା ଦାର୍ମୁପାଣି ବୁବା ମାପୁରୁଦି ଲାକ୍‌ତୁ ନେଗିକା ମାରି ଟିକ୍‍, ଆକା ଆଜିନାତ୍‌ କାକୁର୍ତିମାନି ଟୁରାଲୋକାଙ୍ଗ୍‍ ମାରି ରାଣ୍ତିଆଇମେକାଙ୍ଗ୍‌ ଜାତୁନ୍‍ କିନିକା ମାରି ଦୁନିଆଦାନ୍‌ ନିଜେଦିଙ୍ଗ୍‍ ପାପ୍‌ପାଣିଦାନ୍‌ ରକିୟା କିନିକା ।

యాకోబు 3:17

ମାତର୍‌ ମୁସ୍‌କୁରାନ୍‌ ୱାନି ବୁଦି ଆଗ୍‌ଡ଼ି, ପବିତ୍ର; ଆକାବା ସାନ୍ତି ସିନାତ୍‌, କାର୍ମୁ ମାରି ସଙ୍ଗ୍‍ ଆନିକା । ଆକା ସତ୍‍ପାଣିଦୁ ପୁରାବର୍ତି ମାରି ନାଣ୍ତ୍‌ଦାନ୍‌ ସତ୍‌ପାଣିଦୁ ପଲ୍‌ ଆସିସ୍‌ କିନାତ୍‌; ଆକା ୱିଜୁ ଲୋକାଙ୍ଗ୍‍ ସାନ୍ତି ମାରି ବାଣ୍ତିସ୍‍ କିଏତ୍‍ ।

୧ ପିତର 1:22

ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ ।

୧ ପିତର 2:12

ମିର୍‌ ଅଣଜିହୁଦି ଲାକ୍‍ତୁ ନେଗେନ୍‍ତାନ ସାଲାବୁଲା କିଦୁ, ଏଣ୍ତେସ୍‌ ୱାର୍‌ ଆମା ବିସୟ୍‌ତାନ୍‌ ମିଙ୍ଗିଁ ତାଗ୍‌ଇପାଣିକିନିକାର୍‌ ଇଜି ନିନ୍ଦା କିନାର୍‌, ମି ନେଗିପାଣି ସୁଡ଼ୁଜି କ୍ରିସ୍ତଦି ୱାନିଦିନ୍‌ତୁ ମାପୁରୁଦି ଦନ୍ୟବାଦ୍‌ କିନାର୍‌ ।

୧ ପିତର 4:8

ୱିଜେରିୱାଜା ନିଜେନିଜେଦିଙ୍ଗ୍‌ ଜିବନ୍‌ତାନ୍‌ନୋଦୁ, ଇରିଙ୍ଗ୍‌ ଜିବନ୍‌ନୋନିକା ପିଡ଼ିକ୍‍ନାତ୍‌ ପାପ୍‌ତିଙ୍ଗ୍‍ ।

୧ ଜୋହନ 3:18

ଏ କଡ଼ର୍‌, ରାଦୁ, ମାଡୁ ବାକ୍ୟଦାନ୍‌ ନୋ ୱେତଲ୍‌ତାନ୍‌ ଜିବନ୍‌ନୋଏଣ୍‌ଗା, ପାଣିଦାନ୍‌ ମାରି ସତ୍‌ତାନ୍‌ ଜିବନ୍‌ନୋନିକା ।

୧ ଜୋହନ 3:3

ମାରି ଆମାକାର୍‌ କ୍ରିସ୍ତଦିମାନୁ ଇୟା ଆସା ତିଆର୍‌ କିତାମାନାର୍‌, ୱାର୍‌ କ୍ରିସ୍ତଦି ୱାଜା ନିଜେଦିଙ୍ଗ୍‌ ପବିତ୍ର କିଜି ଇଡ୍‌ନାର୍‌ ।

୧ ଜୋହନ 4:1

ଏ ନା ତଡ଼୍‍କୁ, ୱିଜୁ ଆତ୍ମେଆଙ୍ଗ୍‌ ବିସ୍‌ବାସ୍‌ କିମାଟ୍‌; ୱାର୍‌ ପୟ୍‌ତିମାନି ଆତ୍ମା ମାପୁରୁଦିମାଣୁକୁ ୱାତିକା ନୋ ସିଲେ, ଆଗ୍‌ଡ଼ି ୱାରିଙ୍ଗ୍‌ ପରିକା କିଜ ସୁଡ଼ୁଦୁ । ଇରିଙ୍ଗ୍‌ ଜଗତ୍‌ଦୁ ଗାଦିଲୋକ୍‌ ବଣ୍ତ୍‌ ବାବବାଦିର୍‌ ସତାମାନାର୍‌ ।