ପିଲିପିୟ 4:19 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁹ ମାରି, ନା ମାପୁରୁ କ୍ରିସ୍ତ ଜିସୁଦିମାନୁ ୱାନି ଗୌରବ୍‌ମୟ୍‌ ପାଣିଦି ଇସାବ୍‌ତାନ୍‌ ମି ୱିଜୁ ଅଭାବ୍‌ ପୁରା କିନାତ୍‌ ।

Konda: కొండ బాసదు నెగ్గి కబ్రు

¹⁹ మరి, నా దేవుణు, మీ అవ్‌సరం విజు తీరిస్నాన్. లెక్క సిల్లి వన్ని నండొ ఆస్తిదాన్‌ మాటు బమ్మ ఆని లెకెండ్‌ తీరిస్నాన్. ఎందనిఙ్‌ ఇహిఙ, క్రీస్తు యేసు వెట కూడిఃతి మనికిదెర్.

ପିଲିପିୟ 4:19 Cross References

మత్తయి 6:32

ଏମେକାର୍‌ ମାପୁରୁଙ୍ଗ୍‍ଁ ନେସ୍‌ଇମାନି ଅଣଜିହୁଦି ଲୋକୁ ଇୟାୱିଜୁ ବିସୟ୍‌ ପୟ୍‌ଜି ଅନାର୍‍ । ମାରି ଇୟାୱିଜୁ ବିସୟ୍‌ ଜେ ମି ଦର୍‌କାର୍‌ମାନାତ୍‌, ଆକା ମି ମୁସ୍‌କୁପୁର୍‌ତି ବୁବା ନେସ୍‌ନାନ୍‌ ।

యోహాను 20:17

ଜିସୁ ତାନିଙ୍ଗ୍‌ ଇର୍ହାନ୍‌, “ନାଙ୍ଗିଁ ଆସ୍‌ସୋ ଇଡିମା, ଇରିଙ୍ଗ୍‌ ନାନ୍ ଇୟାସାନ୍ଦି ବୁବାଦି ଲାକ୍‌ତୁ ସୋଲ୍‌ଏନେ; ମାତର୍‌ ନା ତଡ଼ାନ୍‌କା ମାନୁ ସୋଲ୍‌ସ ଇନ୍‌ଆଁ, ନାନ୍ ନା ବୁବା ମାରି ୱାରି ବୁବା, ନା ମାପୁରୁ ମାରି ୱାରି ମାପୁରୁ ଲାକ୍‌ତୁ ସୋଲ୍‌ସିନା ।”

యోహాను 20:27

ୱେନ୍‌କା ୱାନ୍‌ ତୋମାଦିଙ୍ଗ୍‌ ଇର୍ହାନ୍‌, “ଇବେନୁ ନି ଡ଼ାସ୍‌କେଙ୍ଗ୍‌ ମୁଟ୍‌ଆ ନା କିୟୁଦିଙ୍ଗ୍‌ ସୁଡ଼ୁଆ ମାରି ନା ପାଡ଼୍‌କାଦୁ ନି କିୟୁ ମୁଟ୍‌ଆ; ଅବିସ୍‍ବାସ୍‍ କିଏଣ୍‌ଗା ବିସ୍‌ବାସ୍‌ କିଆ ।”

ରୋମିୟ 1:8

ମିର୍‌ ମାପୁରୁବିସ୍‍ବାସି ଇଜି ଦୁନିଆଦୁ ୱିଜୁତରିନ୍‍ ୱେଙ୍ଗିଁତି ମାନିଦେର୍‍ । ଇୟାଉଣ୍ତିଙ୍ଗ୍‌ ପାର୍‍ତୁମ୍‍ ମି ୱିଜେରି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‍ତାନ୍‍ ନାନ୍‍ ମାପୁରୁଙ୍ଗ୍‍ଁ ଦନ୍ୟବାଦ୍‍ ସିଜିନା ।

ରୋମିୟ 11:33

ମାପୁରୁ । ୱାନି ବୁଦି ନି ଜ୍ଞାନ୍‌ ଏସା ପେରିକା । ୱାନି ବଦାଦି ଟିକ୍‍ ଏନ୍‌ ବୁଜାକିନାନ୍‍ ? ଏନ୍‌ ୱାନି ସାରିଙ୍ଗ୍‌ଁ ନେସ୍‍ତେଙ୍ଗ୍‍ଁ ଆଟ୍‍ନାନ୍‍ ?

ରୋମିୟ 2:4

ଆନାତ୍‌, ମିର୍‌ ମାପୁରୁଦି ୱିଜ୍‍ଇ ଦୟା, ସାସ୍‌, ମାରି ଉଦାର୍‌କିନିତାନିଙ୍ଗ୍‍ ମାନାଇଜିନିଦେର୍‍ । ମିର୍‌ ଜଦିବା ନେସ୍‍ତିମାନିଦେର୍‍ ଜେ, ମି ମନ୍‍ତୁ ଅନୁତାପ୍‍ ତାତେଙ୍ଗ୍‍ ଇଜି ମାପୁରୁ ନିସା ଦୟା କିଜିନାନ୍‍ ।

ରୋମିୟ 8:18

ଆମା ଗୌରବ୍‌ମୟ୍‌ତି ୱାନିଦିନ୍‍ତୁ ମାଡ୍‌ ମିସାନିକା, ଆୟା ଇସାବ୍‍ତାନ୍‍ ଇଲେଇ ଦୁକ୍‍ବଗ୍‍ ଇନିକା ସିଲେ । ଆୟା ୱେଡ଼ାଦୁ ମାପୁରୁ ୱାନି କଡ଼ରିଙ୍ଗ୍‌ ତର୍‍ନାନ୍‍ ।

ରୋମିୟ 9:23

ମାରି ୱାନ୍‌ ୱାନି ନାଣ୍ତ ଗୌରବ୍‍ ତର୍‍ତେଙ୍ଗ୍‍ଁ ଇଜି ମାଙ୍ଗିଁ ବିସେସ୍‍ ଦୟାଦି ଲୋକ୍‍ ୱାଜା ଆଗ୍‍ଡ଼ିରାନ୍‍ ବାସେକିତା ମାର୍ହାନ୍‍ ।

2కొరింతి 12:21

ଇଲେଇ ମି ଲାକ୍‌ତୁ ସନିୱାଲେ ଆୟାୱାଜା ମାପୁରୁ ମି ଆଗ୍‍ଡ଼ି ନାଙ୍ଗିଁ ସେମାର୍‍ କିନାନ୍, ଏମେକାର୍ ଆଗ୍‍ଡ଼ିରାନ୍ ପାପ କିତାମାନାର୍‌, ମାତର୍‌ ୱାରି ତାଗ୍‍ଇ ପାଣିୱିଜୁ, ଲାଲାୟ୍‍ ମାରି ଦାରିପାଣି ଉଣ୍ତିଙ୍ଗ୍‌ ମନ୍‍ବାଦ୍‍ଲେ କିଏର୍‌, ଇୟାୱାଜା ନାଣ୍ତଲୋକ୍‌ ଉଣ୍ତିଙ୍ଗ୍‌ ନାଙ୍ଗିଁ ଆଡ଼୍‍ବାଦେଙ୍ଗ୍ ଆନାତ୍‌ ।

2కొరింతి 4:17

ଇୟା ଇସ୍ରିମାଟା ମାରି ଅଡ଼ପ୍‍ତି ଦୁକ୍ କାସ୍ଟୁ ମା ଉଣ୍ତିଙ୍ଗ୍‌ ତାସିନାତ୍ ଇସାବ୍‌ସିଲି ୱିଜୁଦିନ୍‌ତି ଗୌରବ୍‍ ପୁରା କିଜିନାତ୍‌ । ଇୟା ଗୌରବ୍‍ ଦୁଃକ୍‌କାସ୍ଟୁଦାନ୍‌ ପେରିକା ।

ଏପିସିୟ 1:18

ନାନୁ ବାତିଙ୍ଗ୍‍ ମାଲ୍‍ନା, ଏଣ୍ତେସ୍‌ ୱାନି ଜାୟ୍‍ ସୁଡ଼ୁଦେଙ୍ଗ୍‌ ଇଜି ମି ଲୋଇରି କାଣ୍‌ଗା ରେଆନାତ୍‍ । ଆବେଣାନ୍‍ ଏମେ ଆସା ଉଣ୍ତିଙ୍ଗ୍‌ ମିର୍‌ ୱାନି ମାଣାନ୍‌ କୁକାୟ୍‍ଆତିମାନିଦେର୍‍, ଆକା ନେସ୍‌ନିଦେର୍‌ ।

ଏପିସିୟ 1:7

କ୍ରିସ୍ତଦି ସାତି ମାଣାନ୍‌ ମାଡ୍‌ ରକିୟା ପୟ୍‍ତିମାନିକା, ଅର୍ତାତ୍‍ ମା ୱିଜୁ ପାପ୍‍ କେମା ଆତାମାନାତ୍‌ । ମାପୁରୁଦି ଦୟା ଏସା ପେରିକା,

ଏପିସିୟ 2:7

ଜିସୁ କ୍ରିସ୍ତଦିମାନୁ ତର୍‌ତିମାନି ଜିବନ୍‌ନୋନିମାନୁ ୱାନି ଜୁଗ୍‍ତୁ ନିଜେଦି ଦୟାଦାନ୍‌ ସାମାନ୍‌ତି ପେରି ନାଣ୍ତ୍‌ ଧନ ତର୍‌ନି ଉଣ୍ତିଙ୍ଗ୍‌ ମାପୁରୁ ଇକା କିତାନ୍‌ ।

ଏପିସିୟ 3:16

ଏଣ୍ତେସ୍‌ ନାନ୍‌ ପାର୍‌ତାନା କିନା ୱାନ୍‌ ୱାନି ଆତ୍ମାଦି ଅଦିକାର୍‌ ୱାନି ଗୌରବ୍‌ତି ଉଣ୍ତାକିତିମାନିମାଣୁକୁ ମି ଜିବନ୍‌ତି ଆତ୍ମାଦିଙ୍ଗ୍‌ ବପୁ କିନି ଉଣ୍ତିଙ୍ଗ୍‌ ସାକ୍ତି ସିନାନ୍‌ ।

ଏପିସିୟ 3:8

ନାନ୍‌ ମାପୁରୁଦି ଲୋକା ଲୋଇ ୱିଜେରିମାଣୁକୁ ଇସ୍ରିକିନ୍ଧା, ମାରିବା ଅଣଜିହୁଦିରି ଲାକ୍‌ତୁ କ୍ରିସ୍ତଦି ୱିଜ୍‌ଇ ସମ୍ପତିଦି ବାକ୍ୟ ଆସ୍‌ସି ସନି ଉଣ୍ତିଙ୍ଗ୍‌ ନାଙ୍ଗିଁ ମାପୁରୁ ଦୟା ସିତାମାନାନ୍‌ ।

ପିଲିପିୟ 4:7

ଆର୍‌ତିଙ୍ଗ୍‌ ଲୋକ୍‌ତି ବୁଜାଦେଙ୍ଗ୍‌ ଆଟ୍‌ଇକା ମାପୁରୁଦି ସାନ୍ତି କ୍ରିସ୍ତ ଜିସୁଦି ସାକାଦାନ୍‌ ମି ଜିବନ୍‌ ମାରି ମୋନ୍‌ତିଙ୍ଗ୍‌ ନେଗେନ୍‌କିଜି ଇଡିନାତ୍‌ ।

కొలొసి 1:27

ମାପୁରୁ ଅଣଜିହୁଦି ଲୋକା ଲାକ୍‌ତୁ ଆୟା ମାର୍‌ଗିତିମାର୍‌ଇ ମାଟା ୱେର୍‍ତେଙ୍ଗ୍‍ ବଦା କିତାନ୍‌, ୱାନି ଇୟା ନାଣ୍ତଦାରା ମାରି ଗୌରବ୍‌ତି ମାଟା ସାରା ଦୁନିଆଦି ଲୋକା ଉଣ୍ତିଙ୍ଗ୍‌ ନେଗିକା । ଆୟା ସତ୍‌ତି ମାଟା ଆଜିନାତ୍‍, ମି ମାନୁବା କ୍ରିସ୍ତ ମାନାନ୍‌ । ଇୟାତାନି ଅର୍ତ, ମିର୍‌ ମାପୁରୁଦି ଗୌରବ୍‌ତୁ ମିସାତିମାନିଦେର୍‌ ।

కొలొసి 3:16

କ୍ରିସ୍ତଦି ବାକ୍ୟ ନାଣ୍ତଦାନ୍‌ନାଣ୍ତ ମି ଜିବନ୍‌ତୁ ବାସା କିପିତ୍‌; ମିର୍‌ ନିଜେନିଜେଦିଙ୍ଗ୍‌ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍‌ତାନ୍‌ ପାଟା ପାର୍‍ଦୁ, ଆରାଦନା କିଦୁ, ମାରି ଦନ୍ୟବାଦ୍‍ଦାନ୍‌ ୱେଡ଼ିକାଦି ଜିବନ୍‌ତାନ୍‌ ପାଟା ପାର୍‌ଦୁ ।

1దెస్స 2:12

ମାପ୍‌ ମିଙ୍ଗିଁ ସାସ୍‌ ସିତାମାର୍ହାପ୍‌, ସାନ୍ତି ସିତା ମାର୍ହାପ୍‌, ମାରି ମିର୍‌ ଏଣ୍ତେସ୍‌ ମାପୁରୁଦି ବଦା ବ୍ୟବ୍‌ହାର୍‌ କିଜି ୱାନି ରାଜି ମାରି ଗୌରବ୍‌ଦି ବାଗ୍‍ ଆନି ଉଣ୍ତିଙ୍ଗ୍‌ ୱାନି ମାଟା ମାନାଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ୱେଡ଼ିକା ସିତାମାର୍ହାପ୍‌ ।

1తిమోతి 6:17

ଇୟା ଦୁନିଆଦୁ ବିସୟ୍‌ତାନ୍‌ ଆମାକାର୍‌ ଦନି, ୱାରିଙ୍ଗ୍‌ ଆକାର୍‍ ଆଇଉଣ୍ତିଙ୍ଗ୍‌ ଜାଗାର୍‌ତା କିଦୁ । ୱାରିଙ୍ଗ୍‌ ଆଦେସ୍‌ ସିଜି ୱେର୍‌ତୁ, ବେକାର୍‌ ଦନ୍‍ସମ୍ପତି ମୁସ୍‌କୁ ଆସା ଇଡ୍‌ମାଟ୍‌, ୱାର୍‌ ୱିଜୁଦିନ୍‌ ମାପୁରୁଦି ମୁସ୍‌କୁ ଆସା ଇଡ୍‌ଦୁ । ତାନି ୱେନ୍‌କା ଜିଦେଙ୍ଗ୍‌ ଇଜି ମା ୱିଜୁ ଦରକାର୍‍ତି ବିସୟ ୱାନ୍‍ ମାଙ୍ଗିଁ ସିନାନ୍‍ ।

పిలొమో 1:4

ତଡ଼ାନ୍‌ ପିଲିମନ, ୱିଜୁ ଦେବେଙ୍ଗ୍‌ ନାନ୍‌ ପାର୍‌ତାନା କିନିୱାଲେ ମିଙ୍ଗିଁ ଏତ୍‌କିଜି ମାପୁରୁଙ୍ଗ୍‌ ଦନ୍ୟବାଦ୍‌ ସିଜିମାନା,

୧ ପିତର 5:1

ନାନ୍‌ ଅରେନ୍‌ ପେରିନେତା ଇସାବ୍‌ତାନ୍‌ ମିଙ୍ଗିଁ ମଣ୍ତ୍‌ଲିଦି ପେରିନେତାରିଙ୍ଗ୍‌ ମାଡ଼ିସ୍‍ କିଜିନା । ମାରି କ୍ରିସ୍ତଦି ଦୁଃକ୍‌ ପୟ୍‍ନିମାନୁ ନାନ୍‌ ଅରେନ୍‌ ସାକି ମାରି ୱାନି ଗୌରବ୍‌ ତରାୟ୍‍ଆନି ବେଡ଼ାଦୁ ନାନ୍‌ ଆବେନୁ ସାକି ତେବାନା ।

୧ ପିତର 5:10

ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ ।