ପିଲିପିୟ 2:15 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹⁵ ଆର୍‌ତିଙ୍ଗ୍‌, ଇୟା କାକୁର୍ତି ମାରି ପାପ୍‌ମାନି ଦୁନିଆଦୁ ମିର୍‌ ମାପୁରୁଦି ଦାର୍ମୁ କଡ଼କକ୍‌ରା ୱାଜା ଦସ୍‍ସିଲିକା ମାରି ଦାର୍ମୁଦାନ୍‌ ଜିଜି ମାଡ଼ିଦେଙ୍ଗ୍‌ ଆଟ୍‌ନିଦେର୍‌ ।

ପିଲିପିୟ 2:15 Cross References

మత్తయి 10:16

“ୱେନ୍‌ଡ୍ରୁ ! ନୋରେସ୍‍କା ଲାକ୍‌ତୁ ମେଣ୍ତେଙ୍ଗାଁ ୱାଜା ନାନ୍ ମିଙ୍ଗିଁ ପୋକ୍‍ସିନା, ମାରି ସାରାସ୍‌ତି ୱାଜା ଜାଗାର୍‌ତା ମାରି ପାର୍‍ୱାଦି ୱାଜା ସାନ୍ତି ଆଦୁ ।

మత్తయి 17:17

ଜିସୁ ଇର୍ହାନ୍‌, “ଏ ଅବିସ୍‍ବାସ୍‍ ନି ବାୟାର୍ ମିର୍‌ ! ମି ୱାଲେ ନାନ୍ ମାରିଏସ ଦିନ୍‌ ତେବାନା ? ମାରି ଏସ ଦିନ୍‌ ମି ବ୍ୟବହାର୍‌ ସାସ୍‌କିନା ? ଆୟା କଡ଼ଦିଙ୍ଗ୍‌ ନା ଲାକ୍‌ତୁ ତାଗାଟ୍‌ ।”

మత్తయి 5:45

ଇୟାୱାଜା କିତିଙ୍ଗ୍‌ ମୁସ୍‌କୁପୁର୍‌ତି ବୁବା ମାପୁରୁଦି କଡ଼ର୍‌ ଇଜି ୱେଙ୍ଗିଁନିଦେର୍‍ । ଇରିଙ୍ଗ୍‌ ମାପୁରୁ ନେଗିୱାରି ନି ତାଗ୍‍ଇୱାରି ଲୋକାମୁସ୍‍କୁ ୱାନି ୱେଡ଼ା ଜାୟ୍‌ ସିନାନ୍‍, ମାରି ସତ୍‍ପାଣି ନି ତାଗ୍‌ଇପାଣି କିନି ୱିଜେରିଙ୍ଗ୍‍ ପିର୍‍ରୁ ସିନାନ୍‍ ।

మత్తయి 5:48

ମି ମୁସ୍‌କୁପୁର୍‌ତି ବୁବା ଏଣ୍ତେସ୍‌ ପବିତ୍ର, ମିର୍‌ ଆୟାୱାଜା ପବିତ୍ର ଆନିକାମାନାତ୍‌ ।

లూకా 1:6

ଜିକରିୟ ମାରି ଏଲିସାବେତ୍‍ ପ୍ରବୁଦି ୱିଜୁ ମାଟା ମାରି ନିୟମ୍‍ତାନ୍‍ ଇନି ଦୋସ୍‍ କିଏଣ୍ତ୍‍ଗା ମାପୁରୁମାନୁ ଦାର୍ମୁଦିକାର୍‍ ମାର୍ହାର୍‍ ।

లూకా 6:35

ମାତର୍‌ ମି ସାତ୍ରୁରିଙ୍ଗ୍‌ ଜିବନ୍‌ନଦୁ ମାରି ୱାରିଙ୍ଗ୍‌ ଆର୍ସିବାଦ୍‌ କିଦୁ, ମାରିଡ଼େସି ପ‍ଇଦେଙ୍ଗ୍‌ ଆସ୍‌ଏଣ୍ତା ରୁଣୁ ସିଦୁ; ଆଦେଙ୍ଗ୍‌ ମି ପୁରସ୍କାର୍‍ ନାଣ୍ଡ୍ ଆନାତ୍‌ ମାରି ମିର୍‌ ପେରି ମାପୁରୁଦି ମାରିନ୍‌ ଆନିଦେର୍‌, ଇରିଙ୍ଗ୍‌ ୱାନ୍‌ ସାଲାକି ନି ତାଗିଇୱାରି ଉଣ୍ତିଙ୍ଗ୍‌ ବା ଦୟା କିନାନ୍‌ ।

యోహాను 5:35

ଜୋହନ୍‍ କାସ୍‍ସି ମାରି ଜାୟ୍‍ଆନି ଦିୱାୱାଜା ମାର୍ହାନ୍‌, ମାରି ମିର୍‌ ସାଣେକ୍‌ତି ୱାନି ଜାୟ୍‍ତୁ ୱେଡ଼ିକା କିନି ଉଣ୍ତିଙ୍ଗ୍‌ ବଦା କିତିଦେର୍‍ ।

అపొస్తు 2:40

ପିତର ୱାରିଙ୍ଗ୍‍ ମାଡ଼ିସ୍‍କିଜି ମାରି ନାଣ୍ତ ମାଟେଣାନ୍‍ ୱାରିଙ୍ଗ୍‌ ସାକି ସିଜି ଇର୍ହାନ୍‌, “ଇୟା ତାଗ୍‌ଇ ଲୋକା ମୁସ୍‍କୁ ୱାନି ସାସ୍ତିଦାନ୍‍ ନିଜେ ନିଜେଦିଙ୍ଗ୍‍ ରକିୟା କିଦୁ ।”

అపొస్తు 20:30

ସମୟ୍ ୱାନାତ୍‍, ଏସ୍ତିୱାଲେ ମି ନିଜେଦି ଦଲତୀ ଏସ ଲୋକୁ ବିସ୍‍ବାସିରିଙ୍ଗ୍‍ ମିଚ୍‌ ମାଟା ୱେର୍‌ସି ତାଗ୍‌ଇ ସାରିଦୁ ଅନାର୍‍ ।

ରୋମିୟ 16:19

ସୁସମାଚାର୍‌ ଉଣ୍ତିଙ୍ଗ୍‍ଁ ମି ବିସ୍‍ବାସ୍‍ ୱିଜେରେ ୱେର୍‌ଆମାନାର୍‌, ଇୟାଉଣ୍ତିଙ୍ଗ୍‍ଁ ନାନୁ ୱେଡ଼ିକା । ନାନୁ ବଦାକିନା, ମିର୍‌ ନେଗି ବିସୟ୍‍ତୁ ବୁଦିମାନିକାର୍‍ ଆଦୁ ମାରି ଅସତ୍‍ ବିସୟ୍‍ତୁ ମିସାମାଟ୍‍ ।

1కొరింతి 1:8

ଇୟାଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ସାରାସାରି ଦିନ୍‌ ସାନ୍ଦି ବା ତିର୍‌ ଇଡ୍‌ନାନ୍‌, ମା ପ୍ରବୁ ଜିସୁ କ୍ରିସ୍ତଦି ୱାନିନାଣ୍ତିଙ୍ଗ୍‌ ଏଣ୍ତେସ୍‌ ମିର୍‌ ନିନ୍ଦା ଆଇଦେର୍‍ ।

2కొరింతి 6:17

ଆଦେଙ୍ଗ୍‌ ପ୍ରବୁ ଇନାନ୍‌, “ୱାରି ମାଡ଼ାନ୍‍କୁ ମିର୍‌ ସୋହସିରାଦୁ, ୱାରିମାଡ଼ାନ୍‍କୁ ନିଜେଦିଙ୍ଗ୍‍ ୱେର୍‌ଏ କିଦୁ । ତାଗ୍‍ଇ ବିସୟ୍‍ତି ୱାଲେ ମିସାମାଟ୍, ଆର୍‍ତିଙ୍ଗ୍‍ଁ ନାନୁ ମିଙ୍ଗିଁ ଆସ୍‍ନା ।

ଏପିସିୟ 5:27

ମାରି ମଣ୍ତଲିଦିଙ୍ଗ୍‍ ପବିତ୍ର, ଦସ୍‍ସିଲିକା, ପାପ୍‌ସିଲିକା ମାରି ୱିଜୁ ସୁନ୍ଦର୍‌ କିଜି ନିଜେ ଆସ୍‌ତାନ୍‌ ।

ପିଲିପିୟ 1:10

ଏଣ୍ତେସ୍‌ ମିର୍‌ ନେଗି ବିସୟ୍‌କୁ ୱିଜୁ ଆସ୍‌କିଦେଙ୍ଗ୍‌ ଆଟ୍‌ନିଦେର୍‌ । ଆର୍‌ତିଙ୍ଗ୍‌, ମିର୍‌ କ୍ରିସ୍ତଦି ୱାନିଦିନ୍‌ତୁ ପୁରାନେଗେନ୍‌ତାନ୍‌ ମାରି ନିନ୍ଦାସିଲିକା ତେବାନିଦେର୍‍,

ପିଲିପିୟ 3:6

ନା ତାଗ୍‌ଇ ବ୍ୟବ୍‌ଆର୍‌ତି ଉଣ୍ତିଙ୍ଗ୍‌ କ୍ରିସ୍ଟାନ୍‌ ମଣ୍ତଲିଦିଙ୍ଗ୍‌ କାସ୍ଟୁ ସିଜି ମାର୍‌ଆ, ମାରି ବ୍ୟବସ୍ଥାଦି ମାଟା ମାନାନି ମାଣୁକୁ ଜଦି ଅରେନ୍‌ ଦାର୍ମୁଦିକାନ୍‌ ଆନାନ୍‌, ଆର୍‌ତିଙ୍ଗ୍‌ ନାନ୍‌ ଦୋସ୍‌ ସିଲେତା ।

1దెస్స 5:23

ଆମା ମାପୁରୁ ମାଙ୍ଗିଁ ସାନ୍ତି ସିନାନ୍‌, ୱାନ୍‌ ମିଙ୍ଗିଁ ପୁରାପୁରି ପବିତ୍ର କିପିନ୍‌ ମାରି ମା ପ୍ରବୁ ଜିସୁ କ୍ରିସ୍ତଦି ୱାନିଦିନ୍‌ତି ସମୟ୍‌ତୁ ମି ଆତ୍ମା, ପୁଣ୍ତା, ମେନ୍ଦଲ୍‌ତିଙ୍ଗ୍ ପୁରାପୁରି ଦସ୍‌ ସିଲେଣ୍‌ଗା ଇଡ୍‌ଦୁ ।

1తిమోతి 3:10

ମଣ୍ତ୍‌ଲିଦି ପାଣି କିଦେଙ୍ଗ୍‌ ଅଦିକାର୍‌ ପୟ୍‌ନି ଆଗ୍‍ଡ଼ିନେ ୱାରିଙ୍ଗ୍‌ ବା ପରିକା କିପିର୍‌ । ଇୟା ପରିକାଦୁ ନିନ୍ଦା ସିଲିକାନ୍‍ ଇଜି ତରିତିଙ୍ଗ୍‍ନେ ୱାର୍‌ ସେବା ପାଣିକିଦେଙ୍ଗ୍‌ ଅଦିକାର୍‍ ପୟ୍‌ନାର୍‌ ।

1తిమోతి 3:2

ମାତର୍‌ ମଣ୍ତ୍‌ଲିଦିଙ୍ଗ୍‌ ସୁଡ଼ୁନିକାନ୍‌ ଇନିଦୋସ୍‌ସିଲି ଲୋକୁ ଆନିକାମାନାତ୍‌, ଅରେତ୍‍ ଆଇମାଦି କନ୍‍ଲି, ମିଚ୍‌ ଇନ୍‍ଇକା, ନେଗିବୁଦି ମାରି ସେବାକିନିକା ଆନି ଦର୍‌କାର୍‌ । ୱାନ୍‌ କୁଡ଼ାଆଙ୍ଗ୍‌ ସନ୍‌ମାନ୍‌କିନିକା ଆନିମାନିକା ମାରି ସିକିୟାଦାନ୍‌ କିଦେଙ୍ଗ୍‌ ୱାନି ବପୁ ମାନିକାମାନାତ୍‌ ।

1తిమోతి 5:14

ମାରି, ଉଣା ବୟସ୍‌ତି ରାଣ୍ତିଆଇମେକ୍‌ ପେଡ଼ି ଆପିୱି, କଡ଼ ଜନମ୍‌ କିପିୱି, ଇଲୁ ପାଣି ନେଗେନ୍‌ତାନ୍‌ ସାଲା କିପିୱି, ନିନ୍ଦା କିନି ଉଣ୍ତିଙ୍ଗ୍‌ ସାତ୍ରୁଦିଙ୍ଗ୍‌ ଇନି ସାରି ସିମାକିୱି ।

1తిమోతి 5:20

ଆମାକାର୍‌ ସତ୍‌ତାନ୍‌ ପାପ୍‌ ପାଣିଦୁ ମାନାର୍‌, ଆଇୱାରିଙ୍ଗ୍‌ ଜାଗାର୍‌ତା କିନି ଉଣ୍ତିଙ୍ଗ୍‌, ୱାରିଙ୍ଗ୍‌ ନେସ୍‌ନିୱାଜା ସେତା କିଦୁ ।

1తిమోతి 5:7

ରାଣ୍ତିଆଇମେକାଙ୍ଗ୍‌ ଇୟା ବିସୟ୍‌ତାନ୍‌ ଜାଗ୍‌ରାତା କିଦୁ, ଏନ୍‌ ଏଣ୍ତେସ୍‌ ୱାନିକା ବିରୁଦ୍‌ତାନ୍‌ ଇନି ମାଟା ୱେର୍‌ତେଙ୍ଗ୍‌ ସାରି ପୟ୍‌ଏନ୍‌ ।

తీతు 1:6

ମଣ୍ତ୍‌ଲିଦି ନେତା ୱାଜା ଆନି ନିନ୍ଦା ସିଲି ଲୋକ୍‍ ଆନିକାମାନାତ୍‌ । ୱାନ୍‌ ଅରେତ୍‌ ଆଇମାଦି କନ୍‌ଲି ଆନାମାନାନ୍‌ ମାରି ୱାରି କଡ଼ର୍‌ ବିସ୍‌ବାସ୍‌ ଆନାମାନାର୍‌; ସାନ୍ତି ମାରି ଅବାଦ୍ୟ ଇଜି ୱାରି ତାଗ୍‌ଇପାଣି ସିଲେତ୍‌ ।

తీతు 2:10

ୱାର୍‌ ଡଙ୍ଗାଁ କିଏଣ୍‌ଗା, ୱିଜୁଦିନ୍ ନିଜେଦି ସାଦୁ ମାରି ବିସ୍‌ବାସ୍‌ତି ପରିଚୟ ସିପିର୍‌ । ଆର୍‌ତିଙ୍ଗ୍‌, ୱାରି ୱିଜୁ ପାଣିକିତି ୱେନ୍‌କା ମାଙ୍ଗିଁ ରକିୟାକର୍ତ୍ତା ମାପୁରୁଦି ବିସୟ୍‌ତାନ୍‌ ମା ଦାର୍ମୁ ସିକିୟାଦିଙ୍ଗ୍‌ ଗୌରବ୍‍ କିନାର୍‌ ।

తీతు 2:15

ଇୟାୱିଜୁ ବିସୟ୍‌ ଅଜା କିଦୁ ମାରି ମି ପୁରା ଡାଟ୍‌ତାନ୍‌ ଲୋକାଙ୍ଗ୍‌ ୱେଡ଼ିକା କିଦୁ । ୱାରିଙ୍ଗ୍ ୱେର୍‍ସି ଜାଗ୍‌ରାତା କିଦୁ, ମିଙ୍ଗିଁ ଏନ୍‌ କାଡ଼୍‍ମାକିନ୍‌ ।

ఎబ్రి 7:26

ଆର୍‌ତିଙ୍ଗ୍‌ ମା ୱିଜୁ ଉଣା ପୁରା କିଦେଙ୍ଗ୍‌ ଜିସୁନେ ଅରେନ୍ ମାତ୍ର ପେରିଯାଜକ । ୱାନ୍‌ ପବିତ୍ର, ପାପ୍‌ଦସ୍‍ ସିଲିକାନ୍‍, ପାପି ଲୋକାମାଣୁକୁ ଆକମାନିକାନ୍‍, ମୁସ୍‌କୁପୁର୍‌ତୁ ପରିକାନ୍‌ ଆତାନ୍‌ ।

୧ ପିତର 2:12

ମିର୍‌ ଅଣଜିହୁଦି ଲାକ୍‍ତୁ ନେଗେନ୍‍ତାନ ସାଲାବୁଲା କିଦୁ, ଏଣ୍ତେସ୍‌ ୱାର୍‌ ଆମା ବିସୟ୍‌ତାନ୍‌ ମିଙ୍ଗିଁ ତାଗ୍‌ଇପାଣିକିନିକାର୍‌ ଇଜି ନିନ୍ଦା କିନାର୍‌, ମି ନେଗିପାଣି ସୁଡ଼ୁଜି କ୍ରିସ୍ତଦି ୱାନିଦିନ୍‌ତୁ ମାପୁରୁଦି ଦନ୍ୟବାଦ୍‌ କିନାର୍‌ ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।

ప్రకటన 2:5

ମିଦି ଏସା ଆଡିଗିଆତା ମାନାତ୍‌, ସିନ୍ତା କିଦୁ । ପାପ୍‌ତାନ୍ ଡ଼େସିୱାଜି ଆଗ୍‌ଡ଼ିରି ୱାଜା ସତ୍‌ପାଣି କିଦୁ । ଜଦି ପାପ୍‌ତାନ୍ ଡ଼େସି ରେଇଦେର୍‌, ଆର୍‌ତିଙ୍ଗ୍‌ ନାନୁ ମି ଦିୱାଦିଙ୍ଗ୍‌ ଆଇ ବାଡିଦୁ ଅନା ।

ప్రకటన 3:9

ୱେନ୍‌ଡ୍ରୁ ! ଏସ ଲୋକୁ ମିଚ୍‌ତାନ୍‌ ନିଜେ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତାନ୍ ଜିହୁଦିର୍‌ ଆଏର୍‌, ସୟତାନ୍‍ଦି ଆୟା ଲୋକାଙ୍ଗ୍‌ ନାନୁ ମି ପାଦାମ୍‌ ଆଡ୍‍ଗି କିନା । ନାନୁ ମିଙ୍ଗିଁ ଜିବନ୍‌ନୋନା ଇଜି ୱାର୍‌ ୱିଜେରେ ନେସ୍‌ନାର୍ ।