ପିଲିପିୟ 2:13 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹³ ଇରିଙ୍ଗ୍‌ ଇଚ୍ଛା କିଦେଙ୍ଗ୍‌ ମାରି ପାଣି କିଦେଙ୍ଗ୍‌ ମାପୁରୁ ନିଜେଦି ନେଗି ଉଦେସ୍‌ଦିଙ୍ଗ୍‌ ପୁରା କିନି ଉଣ୍ତିଙ୍ଗ୍‌ ମି ଜିବନ୍‌ତୁ ପାଣି କିନାନ୍‌ ।

Konda: కొండ బాసదు నెగ్గి కబ్రు

¹³ మీరు అయాక కిదెఙ్‌ అట్నిదెర్. ఎందనిఙ్‌ ఇహిఙ, దేవుణుదిఙ్‌ ఇస్టం కితి పణిఙ్, కిదెఙ్‌ ఇజి మీ లొఇ ఆస పుటిస్నికాన్‌ దేవుణునె. అయాక కిదెఙ్‌ సాయం కినికాన్‌బా దేవుణునె.

ପିଲିପିୟ 2:13 Cross References

లూకా 12:32

ଏ ଇସ୍ରି ମାନ୍ଦା, ତିଲାମାଟ୍‌, ଇରିଙ୍ଗ୍‌ ମିଙ୍ଗିଁ ଆୟା ରାଜି ସିଦେଙ୍ଗ୍‍ ଇଜି ମି ମୁସ୍‌କୁପୁର୍‌ତି ବୁବା ବଦା କିଜିନାନ୍‌ ।

లూకా 2:14

“ମୁସ୍‌କୁପୁର୍‌ତୁ ମାପୁରୁଦିଙ୍ଗ୍‌ ମହିମା ଆପିତ୍‌, ମାରି ଇୟାୱିଜୁ ଦୁନିଆଦି ଏମେ ଲୋକା ମୁସ୍‌କୁ ମାପ୍‌ରୁ ୱେଡ଼ିକା ମାନାନ୍‌ ଆୟା ଲୋକାମାନୁ ସାନ୍ତି ରାପ୍‌ତି ।”

యోహాను 3:27

ଜୋହନ୍‍ ଇର୍ହାନ୍‌, ମାପୁରୁ ସିଏତିଙ୍ଗ୍‌ ଲୋକୁ ଇନିକା ପ‍ଇଦେଙ୍ଗ୍‌ ଆଟ୍‍ଏନ୍‍ ।

యోహాను 6:45

ବାବବାଦିର୍ ଦାର୍ମୁସାସ୍ତ୍ରଦୁ ରାସ୍‌ତା ମାନାର୍‌, ୱିଜେରେ କେବଲ୍‌ ମାପୁରୁଦି ମାଣାନ୍‌ ସିକିୟା ପୟ୍‌ନାର୍‌ । ଏନ୍‌ଆପିନ୍‌ ବୁବାଦିମାଣ୍‌ନା ୱେନ୍‌ଜି ସିକିୟା ପୟ୍‌ନାନ୍‌, ୱାନ୍‌ ନା ଲାକ୍‌ତୁ ୱାନାନ୍‌ ।

యోహాను 6:65

ମାରି ୱାନ୍‌ ଇର୍ହାନ୍‌, ଇୟାଉଣ୍ତିଙ୍ଗ୍‌ ନାନ୍ ମିଙ୍ଗିଁ ଇର୍‌ଆମାନା, ବୁବାସିମାଣାନ୍‍ ପକ୍‍ଏତିଙ୍ଗ୍‌ ଏନ୍‌ ନା ଲାକ୍‌ତୁ ୱାଦେଙ୍ଗ୍‌ ଆଟ୍‍ଏନ୍‍ ।”

అపొస్తు 11:21

ମାପୁରୁଦି ସାକ୍ତି ୱାରି ୱାଲେ ମାର୍ହାତ୍‌ ମାରି ନାଣ୍ତ ଲୋକୁ ବିସ୍‌ବାସ୍‌ କିଜି ପ୍ରବୁଦି ତରିନ୍‌ ମନ୍‍ ଡ଼େପ୍‍ତାର୍‍ ।

ରୋମିୟ 12:3

ମାପୁରୁ ନାଙ୍ଗିଁ ନାଣ୍ତ ଦୟା ସିତାମାନାନ୍‍ଆକା ମି ୱିଜେରିଙ୍ଗ୍‍ଁ ନାନୁ ଇଜିନା, ଏନ୍‌ ନିଜେଦି ଜଗ୍ୟଦି ମାଣାନ୍‌ ନିଜେଦିଙ୍ଗ୍‍ଁ ପେରିକାନ୍‌ ଇଜି ଅଡ଼୍‍ବିମାଟ୍‍ । ମାପୁରୁ ମିଙ୍ଗିଁ ସିତିମାନି ବିସ୍‍ବାସ୍‍ତି ଇସାବ୍‍ତାନ୍ ସାନ୍ତି ଆଜି ନିଜେ ବିସୟ୍‍ତାନ୍‍ ବିସାର୍‍ କିଦୁ ।

ରୋମିୟ 9:11

ଏସ୍ତିୱାଲେ କଡ଼ର୍‍ ଜନମ୍‍ ଆଏର୍‍ ମାର୍ହାର୍‌, ମାରି ନେଗିକା ନି ସେଇକା ଇନିକା କିଏର୍‌ ମାର୍ହାର୍‌, ନାସ୍ତିୱାଲେ ପାଣି ଉଣ୍ତିଙ୍ଗ୍‍ଁ ସିଲେ, ମାତର୍‌ କୁକ୍‍ତିମାନି ୱାନି ବଦା ଉଣ୍ତିଙ୍ଗ୍‍ଁ ବାସେକିତି ଇସାବ୍‍ତାନ୍‍ ମାପୁରୁଦି ଉଦେସ୍‍ ଏଣ୍ତେସ୍‌ ତିର୍‍ ତେବାନାତ୍‍,

ରୋମିୟ 9:16

ଆଦେଙ୍ଗ୍‌ ଏନ୍‌ ବଦା କିନାନ୍‍ ମାରି ଏନ୍‌ ପାଣି କିନାନ୍‍, ୱାନି ମାଣାନ୍‌ ଇକା ଆଏତ୍‍, ମାତର୍‌ ମାପୁରୁଦି ଦୟାଦାନ୍‍ ଆନାତ୍‌ ।

1కొరింతి 12:6

ପାଣି କିନି ୱାରିଙ୍ଗ୍ ଗାଦି ରକମ୍‌ତି ସାକ୍ତି ସିନାନ୍‌, ମାତର୍‌ ମାପୁରୁ ଅରେନ୍‍, ୱାନ୍‌ ୱିଜେରିମାନୁ ଆୟାୱିଜୁ ସିନାନ୍‌ ।

1కొరింతి 15:10

ମାତର୍‌ ନାନ୍‌ ଆମାକା ଆତାମାନା, ଆକା ମାପୁରୁଦି ଦୟାଦାନ୍‌ ଆତାମାନାତ୍‌, ମାରି ନା ଉଣ୍ତିଙ୍ଗ୍‌ ୱାନି ଆୟା ଦୟା ବେକାର୍‌ ଆଏତ୍‍ । ମାତର୍‌ ନାନ୍‌ ଆୟା ୱିଜେରିମାଣୁକୁ ନାଣ୍ତ ପାଣି କିତାମାନା, ମାରିବା ନାନ୍‌ ସିଲେ, ମାତର୍‌ ନା ଉଣ୍ତିଙ୍ଗ୍‌ ମାପୁରୁଦି ଦୟା ମାନିଙ୍ଗ୍‌ ଇକା ପୁରା ଆତାମାନାତ୍‌ ।

2కొరింతి 3:5

ଇରିଙ୍ଗ୍‌ ମାଡ଼ୁ କିତିମାନି ଦାବି କିନି ଉଣ୍ତିଙ୍ଗ୍‌ ଇନି ଜୋଗ୍ୟ ବା ସିଲେତ୍‌ । ମା ଜୋଗ୍ୟତା ମାପୁରୁଦିମାଣୁକୁ ୱାନାତ୍ ।

ଏପିସିୟ 1:11

ୱିଜୁ ବିସୟ୍‍ ମାପୁରୁଦି ଜୋଜନା ନି ରାଜିଆନି ଇସାବ୍‍ତାନ୍‍ ଆନାତ୍‍; ଆଗ୍‍ଡ଼ିରାନ୍‍ କିତିମାର୍ହି ନିଜେଦି ଉଦେସ୍‍ କିଦେଙ୍ଗ୍‌ ଇଜି, କ୍ରିସ୍ତଦି ମାଣାନ୍‌ ୱାନି ନିଜେ ଲୋକୁ ଆଦେଙ୍ଗ୍‌ ଇଜି ମାପୁରୁ ମାଙ୍ଗିଁ ଆସ୍‌କିତାମାନାନ୍‌ ।

ଏପିସିୟ 1:5

ଜିସୁ କ୍ରିସ୍ତଦି ମାଣାନ୍‌ ୱାନ୍‌ ମାଙ୍ଗିଁ ୱାନି କଡ଼ର୍‍ ନି ଆଇଲିକ୍‌ ୱାଜା ପସା କିଦେଙ୍ଗ୍‌ ଇଜି ତିଆର୍‌ କିତାମାର୍ହାନ୍; ଇକାନେ ମାର୍ହାତ୍‌ ୱାନି ୱେଡ଼ିକା ନି ବଦା ।

ଏପିସିୟ 1:9

ମାପୁରୁ ୱାନି ପେରି ବୁଦି ନି ଲୋଇ ସୁଣି ମାଣାନ୍‌ ଆମାକା ବଦାକିତା ମାର୍ହାର୍‍, ଆକା ପୁରା କିତାମାନାନ୍‌ ମାରି ତାନିଙ୍ଗ୍‍ କ୍ରିସ୍ତଦି ସାକାଦାନ୍‍ ପୁରା କିଦେଙ୍ଗ୍‌ ଇଜି ୱାନ୍‌ ଏମେ ମାର୍‍ଗିତି ସିନ୍ତା କିତାମାର୍ହାନ୍, ଆକା ମା ଲାକ୍‌ତୁ ୱେକ୍‍ତା ମାନାନ୍‌ ।

ଏପିସିୟ 2:8

ଇରିଙ୍ଗ୍‌ ମାପୁରୁଦି ଦୟା ଉଣ୍ତିଙ୍ଗ୍‌ ବିସ୍‌ବାସ୍‌ତାନ୍‌ ମିର୍‌ ରକିୟା ପୟ୍‌ତିମାନିଦେର୍‌; ଇକା ମି ନିଜେଦିମାଣୁକୁ ଆଏତ୍‍, ମାତର୍‌ ମାପୁରୁଦି ଦାନ୍‍ ଇକା ।

2దెస్స 1:11

ଆୟାଉଣ୍ତିଙ୍ଗ୍‌ ମାପ୍‌ ୱିଜୁଦିନ୍ ମି ଉଣ୍ତିଙ୍ଗ୍‌ ପାର୍‌ତାନା କିଜିନାପ୍‌ । ମିଙ୍ଗିଁ ଆମା ଜିନି ମାଡ଼ିନି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାନାନ୍‌, ଆକା କିଦେଙ୍ଗ୍‌ ଇଜି ମାପ୍‌ ମାପୁରୁଙ୍ଗ୍‌ ମାଡ଼ିସ୍‌ କିଜିନାପ୍‌ । ୱାନି ସାକ୍ତିଦାନ୍‌ ୱାନ୍‌ ମି ୱିଜୁ ସତ୍‍ପାଣି ପୁରା କିଜି ମି ବିସ୍‌ବାସ୍‌ତିଙ୍ଗ୍‌ ପିରିସ୍‌କିଜି ପୁରା କିନାନ୍‌ ।

2తిమోతి 1:9

ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ ।

ఎబ్రి 13:21

ମାରି ଜିସୁ କ୍ରିସ୍ତଦି ମାଣାନ୍‍ ମା ଜିବନ୍‍ତୁ ୱାନି ୱେଡ଼ିକାଦି ନେଗି ପାଣି ପୁରା କିପିନ୍‍ । ଜୁଗ୍‌ ଜୁଗ୍‍ ଗୌରବ୍‍ ୱାନିନ୍ଦି ଆପିତ୍‌ । ଆମେନ୍‍ ।

୧ ପିତର 1:3

ମା ପ୍ରବୁ ଜିସୁ କ୍ରିସ୍ତଦି ବୁବା ମାରି ମାପୁରୁଙ୍ଗୁଁ ଦନ୍ୟବାଦ୍‌ ଆପିତ୍‍, ଇରିଙ୍ଗ୍‌ ୱାନ୍‌ ୱାନି ଦୟାଦାନ୍‌ ଜିସୁ କ୍ରିସ୍ତଙ୍ଗ୍‌ ସାତିମାଣୁକୁ ମାରିଡ଼େସିଜିବନ୍‌ କିଜି ମାଙ୍ଗିଁ ପୁନି ଜିବନ୍‌ ସିତାମାନାନ୍‌ । ଇକା ମାଙ୍ଗିଁ ଜିବନ୍‌ତି ଆସାଦୁ ପୁରା କିତାମାନାନ୍‌ ।