ପିଲିପିୟ 2:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ମାରି, ବୁବା ମାପୁରୁଦି ଗୌରବ୍‍ତି ଉଣ୍ତିଙ୍ଗ୍‌ ୱିଜେରି ୱେତଲ୍‌ ଜିସୁ କ୍ରିସ୍ତ ପ୍ରବୁ ଇଜି ମାନାନାର୍‌ ।

ପିଲିପିୟ 2:11 Cross References

మత్తయి 10:32

“ଏନ୍‌ଆପିନ୍‌ ଲୋକା ଆଗିଡ଼ି ନାଙ୍ଗିଁ ମାନାନାର୍‌, ନାନ୍ ବା ମୁସ୍‌କୁପୁର୍‌ତି ବୁବା ଆଗ୍‌ଡ଼ି ୱାରିଙ୍ଗ୍‌ ନାଦି ଇଜି ନାନ୍ ମାନାନା ।

లూకా 2:11

ଇରିଙ୍ଗ୍‌ ନେର୍‌ ଦାଉଦତି ଗାଡ଼୍‌ତୁ ମି ଉଣ୍ତିଙ୍ଗ୍‌ ରକିୟାକିନିକାନ୍‌ ଜନମ୍‌ ଆତାମାନାନ୍‌, ୱାନ୍‌ କ୍ରିସ୍ତ ପ୍ରବୁ ।

యోహాను 12:42

ଆବେ ଜିହୁଦି ନେତାର୍‌ ଲୋଇ ବା ନାଣ୍ତଲୋକ୍‍ ଜିସୁମାନୁ ବିସ୍‌ବାସ୍‌ କିତାର୍‍, ମାତର୍‌ ଆନାତ୍‌ସୁଗି ଏସ୍ତିୱାଲେ ପାର୍‌ତନା ଇଲ୍‌ତାନ୍‌ ସପ୍‍ନାର୍‍, ଇୟାଉଣ୍ତିଙ୍ଗ୍‌ ପାରୁସିରିଙ୍ଗ୍‍ ତିଲାଜି ଆକା ନାମ୍‍ଏଜି ମାର୍ହାର୍‍ ।

యోహాను 13:13

ମିର୍‌ ନାଙ୍ଗିଁ ଗୁରୁ ନି ପ୍ରବୁ ଇଜି କୁକ୍‌ସିନିଦେର୍‌, ମାରି ଆକା ସତ୍‌ ଇଜିନିଦେର୍‌; ଇରିଙ୍ଗ୍‌ ନାନ୍ ତୋ ଆୟାକାନ୍‌ ।

యోహాను 13:14

ମାରି, ପ୍ରବୁ ନି ଗୁରୁ ଜେ ନାନ୍ ମାପୁରୁ, ନାନ୍ ଜଦି ମି ପାଦାମ୍‌କୁ ନର୍‌ତାସିତାମାନା, ଆରିଙ୍ଗ୍‌ ମିର୍‌ ବା ନିଜେ ନିଜେଦି ପାଦାମ୍‌କୁ ନରାନିକା ମାନାତ୍‌ ।

యోహాను 14:13

ଏଣ୍ତେସ୍‌ ମାରିନ୍‌ତିମାଣାନ୍ ବୁବାଦି ଦନ୍ୟବାଦ୍‌ ତରାନାତ୍‍, ଆୟାଉଣ୍ତିଙ୍ଗ୍‌ ମିର୍‌ ନା ଦର୍‌ତାନ୍‌ ଇନିକାବା ଲସ୍‌ତିଙ୍ଗ୍‌, ଆକା ନାନ୍ ସିନା ।

యోహాను 14:23

ଜିସୁ ୱାନିଙ୍ଗ୍‌ ଇର୍ହାନ୍‌, ଜଦି ଏନ୍‌ ନାଙ୍ଗିଁ ଜିବନ୍‌ନୋନାନ୍‌, ଆରିଙ୍ଗ୍‌ ୱାନ୍‌ ନା ବାକ୍ୟ ମାନାନାର୍‌, ମାରି ନା ବୁବା ୱାନିଙ୍ଗ୍‌ ଜିବନ୍‌ନୋନାନ୍‌, ମାରି ବୁବା ନି ନାନ୍ ୱାନି ଲାକ୍‌ତୁ ୱାଜି ୱାନି ୱାଲେ ତେବାନାପ୍‍ ।

యోహాను 17:1

ଜିସୁ ଇୟାୱିଜୁ ମାଟା ଇନ୍‌ଜି ମୁସ୍‌କୁପୁର୍‌ତରିନ୍‌ ସୁଡ଼ୁଜି ଇର୍ହାନ୍‌, ବୁବା, ବେଡ଼ା ଇଗା ୱାତାତ୍‌ନି; ନି ମାରିନ୍‌ତିଙ୍ଗ୍‌ ଗୌରବ୍‍ କିଆ, ଏଣ୍ତେସ୍‌ ମାରିନ୍‌ ବା ନିଙ୍ଗିଁ ଦନ୍ୟବାଦ୍‌ କିନ୍‌ନାନ୍‌,

యోహాను 20:28

ତୋମା ୱାନିଙ୍ଗ୍‌ ଇର୍ହାନ୍‌, “ନା ପ୍ରବୁ, ନା ମାପୁରୁ ।”

యోహాను 5:23

ଆୟାଉଣ୍ତିଙ୍ଗ୍‌ ଏଣ୍ତେସ୍‌ ବୁବେଙ୍ଗ୍‌ ମାନାନାର୍‌, ମାରିସିଙ୍ଗ୍‌ ବା ଆୟାୱାଜା ୱିଜେରେ ମାନାନାର୍‌ । ମାତର୍‌ ଏନ୍‌ ମାରିସିଙ୍ଗ୍‌ ମାନାଏନ୍‌, ୱାନିଙ୍ଗ୍‌ ପୋକ୍‍ତିମାନି ବୁବେଙ୍ଗ୍‌ ବା ୱାନ୍‌ ମାନାଏନ୍‌ ।

యోహాను 9:22

ୱାନି ବୁବାସି ଆଇସି ଜିହୁଦି ନେତାରିଙ୍ଗ୍‌ ତିଲାଜିମାର୍ହାର୍‍ଆକା ଇୟାୱିଜୁ ମାଟା ଇର୍ହାର୍‌, ଇରିଙ୍ଗ୍‌ ଜଦି ଏନ୍‌ ୱାନିଙ୍ଗ୍‌ ମସିହ ଇଜି ମାନାନାର୍‌, ଆରିଙ୍ଗ୍‌ ୱାନ୍‌ ପାର୍‌ତନା ଇଲ୍‌ତାନ୍‌ ସପାନାନ୍‍ ଇଜି ତାନି ଆଗ୍‌ଡ଼ି ଜିହୁଦିର୍‌ ଉଣ୍ତ୍ରେମାଟା ଆତାମାର୍ହାର୍‍ ।

అపొస్తు 10:36

ମିର୍‌ ନେସ୍‌ତିମାନିଦେର୍‌ ଜେ ମାପୁରୁ ଇସ୍ରାଏଲ୍‌ ଲୋକା ମାନୁ ଏମେ ବାକ୍ୟ ପକ୍‍ତାମାର୍ହାନ୍‍, ଆକାନେ ଜିସୁଦି ମାଣାନ୍‌ ୱେରାୟ୍‍ଆତିମାନି ସାନ୍ତିଦି ବାକ୍ୟ, ଇୟା ଜିସୁ କ୍ରିସ୍ତ ୱିଜେରି ପ୍ରବୁ ।

అపొస్తు 2:36

“ମାରି ଇସ୍ରାଏଲ୍‌ତି ଲୋକୁ ୱିଜେରେ ସତ୍‍ତାନ୍‍ ନେସିର୍‍ ଜେ, ଇୟା ଏମେ ଜିସୁଙ୍ଗୁଁ ମିର୍‌ କ୍ରୁସଦୁ ଏକିସ୍‍ କିତିଦେର୍‍, ମାପୁରୁ ୱାନିଙ୍ଗ୍‌ ନେ ପ୍ରବୁ ନି କ୍ରିସ୍ତ ଅର୍ତାତ୍‍ ମସିହ କିତାମାନାନ୍‍ ।”

ରୋମିୟ 14:11

ଏଣ୍ତେସ୍‌ ସାସ୍ତ୍ର ଇନାତ୍‍ : “ପ୍ରବୁ ଇଜିନାନ୍‌, ଏଣ୍ତେସ୍‍କି ମାପ୍‌ ଜିବନ୍‍ତି ମାପୁରୁ, ୱିଜେରେ ମା ଆଗ୍‍ଡ଼ି ମେଣ୍ତେଙ୍ଗ୍‍ଁ ଗଟ୍‍କିନାର୍‍ । ମାପ୍‌ ମାପୁରୁ ଇଜି ୱିଜେରେ ମାନାନାର୍‌ ।”

ରୋମିୟ 14:9

ଇରିଙ୍ଗ୍‌ କ୍ରିସ୍ତ ମାରିଡ଼େସିଜିନି ମାଣାନ୍‌ ରିଏର୍‌ ଜିନିକା ନି ସାନି ଲୋକା ୱିଜେରି ୱାନ୍‌ ପ୍ରବୁ ଆତାମାନାନ୍‌ ।

ରୋମିୟ 15:9

ମାପୁରୁଦି ଦୟା ଉଣ୍ତିଙ୍ଗ୍‍ଁ ଅଣଜିହୁଦି ଲୋକୁ ବା ୱାନି ଦନ୍ୟବାଦ୍‍ କିନାର୍‌ । ଇୟା ବିସୟ୍‌ତାନ୍‌ ସାସ୍ତ୍ରଦୁ ରାସାତାମାନାତ୍‌ “ଅଣଜିହୁଦି ଲୋକା ଲୋଇ ନି ଦନ୍ୟବାଦ ନାନୁ କିନା, ୱିଜୁଦିନ୍‍ ନି ଦନ୍ୟବାଦ୍‌ ପାଟା ପାର୍‍ନା ।”

1కొరింతి 12:3

ଆୟାଉଣ୍ତିଙ୍ଗ୍‌ ନାନ୍‌ ମିଙ୍ଗିଁ ଜାଣେକିଜିନା, ମାପୁରୁଦି ଆତ୍ମାଦାନ୍‌ ସାଲାନି ଲୋକ୍‌ “ଜିସୁ ଅବିସାପ୍‌” ଇଜି ଇନ୍‌ଏନ୍‌, ମାରି ଏମେ ଲୋକ୍‌ ପବିତ୍ର ଆତ୍ମା ପୟ୍‌ଏଣ୍‌ଗା “ଜିସୁ ପ୍ରବୁ” ଇଜି ୱେର୍‍ତେଙ୍ଗ୍‍ ଆଟ୍‍ଏନ୍‍ ।

1కొరింతి 15:47

ଆଗ୍‍ଡ଼ିରି ଲୋକୁ ଆଦମ ମାର୍‌ଆନ୍‌ ଦୁନିଆଦୁ, ସିକ୍‌ଲାଦାନ୍‌ ତିଆର୍‌ଆତିକାନ୍‌, ମାରି ଅରେନ୍‌ ଆଦମ ମୁସ୍‌କୁପୁର୍‌ତାନ୍‌ ୱାତାମାର୍‌ର୍ହାନ୍‌ ।

1కొరింతి 8:6

ମାତର୍‌ ମା ଅରେନ୍‌ମାତର୍‌ ମାପୁରୁ, ଆମା ବୁବାଦିମାଣୁକୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌, ମାରି ମାଡୁ ୱାନି ଉଣ୍ତିଙ୍ଗ୍‌ ଜିତିମାନିକା, ମାରି ଅରେନ୍‌ମାତର୍‌ ପ୍ରବୁ, ଜିସୁ କ୍ରିସ୍ତ, ୱାନି ମାଣ୍‌କୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌ ମାରି ୱାନିମାଣୁକୁ ମାଡୁ ଜିତିମାନିକା ।

୧ ପିତର 1:21

ଆମା ମାପୁରୁ ୱାନିଙ୍ଗ୍‌ ସାତିଲୋକାମାଣୁକୁ ନିକ୍‍ସି ଗୌରବ୍‍ନିତ କିତାମାନାନ୍‌, ଆୟା ମାପୁରୁମାନୁ ମିର୍‌ ୱାନି ମାଣୁକୁ ବିସ୍‌ବାସ୍‌ କିତିମାନିଦେର୍‌, ଆଦେଙ୍ଗ୍‌ ମାପୁରୁ ମି ବିସ୍‌ବାସ୍‌ ମାରି ଆସା ଡାଟ୍‌ ଆତାମାନାନ୍‌ ।

୧ ଜୋହନ 4:15

ଏନ୍‌ ଜିସୁଙ୍ଗୁଁ ମାପୁରୁଦି ମାରିନ୍‌ ଇଜି ମାନାନାନ୍‌, ମାପୁରୁ ୱାନିମାନୁ ମାନାନ୍‌ ମାରି ୱାନ୍‌ ମାପୁରୁଦିମାନୁ ମାନାନ୍‌ ।

୧ ଜୋହନ 4:2

ୱାର୍‌ ମାପୁରୁଦି ଆତ୍ମା ପୟ୍‌ତାମାନାର୍‌ ନୋ ସିଲେ, ଆକା ନେସ୍‌ନି ଉପାୟ୍‌ ଆଜିନାତ୍‌ ଆମା ଲୋକ୍‌ତିମାନୁ ମାପୁରୁଦି ଆତ୍ମା ମାନାତ୍‌, ୱାନ୍‌ ପେରି ୱେୟୁଦାନ୍‌ ମାନାନାନ୍‌ ଜେ, ଜିସୁ କ୍ରିସ୍ତ ଲୋକା ୱାଜା ୱାତା ମାର୍ହାନ୍‌ ।

୨ ଜୋହନ 1:7

ନାନ୍ ଇକା ଇଜିନା ଇରିଙ୍ଗ୍‌ ଆମାକାର୍‌ ଜିସୁ କ୍ରିସ୍ତ ସାତାନ୍‌ନୋ ଲୋକା ମେନ୍ଧଲ୍‌ତାନ୍‌ ୱାତାମାନାନ୍‌ ଇଜି ମାନାଏନ୍‌, ଇୟାୱାଜା ଗାଦିଲୋକ୍‌ ବାୟାକିନିକାର୍‌ ଜଗତ୍‌ତୁ ସତା ୱାତାମାନାର୍‌ । ଇୟାୱାଜା ଲୋକୁ ପୁରାସତ୍‌ ବାୟାକିନିକାର୍‌, ୱାନ୍‌ କ୍ରିସ୍ତଦି ସାତ୍ରୁ ।

ప్రకటన 3:5

ଏମେକାର୍ ଜିଣାନାର୍, ୱାର୍‌ ଇୟାୱାଜା ଅଡ଼ିନି ଆଙ୍ଗିଁଙ୍ଗ୍‌ ଆରାନାର୍ । ଜିବନ୍‌ ବଇଦାନ୍‌ ୱାରି ଦରୁ ଏସାଙ୍ଗ୍‌ବା ମାର୍‌ଗେଏତ୍, ମାରି ମା ବୁବା ମାରି ୱାନି ଦୁତ୍‍କା ଆଗ୍‌ଡ଼ି ୱାରିଙ୍ଗ୍‌ ନା ୱେନ୍‌କାୱାନିକାର୍‌ ଇଜି ନାନ୍ ମାନାନା ।