ପିଲିପିୟ 1:11 - ମାପୁରୁଦି ସତ୍‌ ବାକ୍ୟ ପୁନି ନିୟମ୍‌

¹¹ ମାରି, ମାପୁରୁଦି ଗୌରବ୍‍ ମାରି ଦନ୍ୟବାଦତି ଉଣ୍ତିଙ୍ଗ୍‌ ମି ଜିବନ୍‌ ଜିସୁ କ୍ରିସ୍ତଦି ସିତିମାନି ୱିଜୁ ନେଗିଗୁଣୁତୁ ପୁରା ଆନାତ୍‌ ।

ପିଲିପିୟ 1:11 Cross References

మత్తయి 5:16

ଆୟାୱାଜା ମି ଜାୟ୍‌ ଲାକ୍‌ତୁ ତରାଇଆପିତ୍‍ । ଆରିଙ୍ଗ୍‌ ମି ସତ୍‍ପାଣି ସୁଡ଼୍‌ଜି ୱାର୍‌ ମି ମୁସ୍‌କୁପୁର୍‌ତି ବୁବା ମାପୁରୁଦି ଦନ୍ୟବାଦ୍‌ କିନାର୍‍ ।

యోహాను 15:16

ମିର୍‌ ନାଙ୍ଗିଁ ଆସ୍‌କିଇଦେର୍‌, ମାତର୍‌ ନାନ୍ ମିଙ୍ଗିଁ ଆସ୍‌କିତାମାନା, ମାରି ମିର୍‌ ଏଣ୍ତେସ୍‌ ସୋଲ୍‌ସ ପଲ୍‌ ଆସିସ୍‌କିଦୁ ମାରି ମି ପଲ୍‌ ତିର୍‍ ତେବାତାନ୍‌, ଇୟାଉଣ୍ତିଙ୍ଗ୍‌ ମିଙ୍ଗିଁ ଆସ୍‌କିତାମାନା । ଆବେଟ୍‌ ମିର୍‌ ନା ଦର୍‌ତାନ୍‌ ବୁବେଙ୍ଗ୍‌ ଆମାକା ଲସ୍‌ନିଦେର୍‌, ୱାନ୍‌ ଆକା ମିଙ୍ଗିଁ ସିନାନ୍‌;

యోహాను 15:2

ନା ମାନୁ ମାନି ଆମା କମାଦୁ ପଲ୍‌ ଆସ୍‌ଏତିଙ୍ଗ୍‌, ଆୟାକା କାତ୍‌ନା ପୋକ୍‌ନାନ୍‌; ମାରି ଆମା କମାଦୁ ପଲ୍‌ ଆସ୍‌ନାତ୍‌, ଆବେନ୍‌ ନାଣ୍ତ ଆସ୍‌ତେଙ୍ଗ୍‌ ଇଜି ୱାନ୍‌ ତାନେଙ୍ଗ୍‌ କୟ୍‍ଜି ସେବା କିନ୍‌ନାନ୍‌ ।

యోహాను 15:8

ମିର୍‌ ନାଣ୍ତ ପଲ୍‌ ଆସ୍‌ତିଙ୍ଗ୍‌ ମା ବୁବା ଦନ୍ୟବାଦ୍‌ ପୟ୍‌ନାନ୍‌, ମାରି ମିର୍‌ ନା ସତ୍‌ତି ସିସୁର୍‍ ଆନିଦେର୍‌ ।

ରୋମିୟ 15:28

ଜିରୁସାଲାମ୍‍ତୁ ଆୟା ଡାବୁଙ୍ଗୁଁ ସିଜି ନା ପାଣି ୱିସ୍‌ତି ୱେନ୍‌କା, ନାନୁ ସ୍ପେନ୍‍ ସନ୍‍ଡ୍ରେଙ୍ଗ୍‍ଁ ସୋତା ମାରି ସାରିଦୁ ମିଙ୍ଗିଁ ସୁଡ଼ୁନା ୱାନା ।

ରୋମିୟ 6:22

ମାତର୍‌ ଇଲେଇ ମିର୍‌ ପାପ୍‍ତାନ୍‍ ମୁକ୍‍ଡ଼ାଜି ମାପୁରୁଦି ପବିତ୍ର ଦାସ୍‍ ଆତିମାନିଦେର୍‍ । ତେନି ଲାବ୍‍ ଆଜିନାତ୍‍, ମାପୁରୁମାନୁ ପୁରାଦାନ୍‌ ଜିବନ୍‌ ସର୍ପେ କିନିକା ମାରି ତେନି ପଲ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ।

1కొరింతి 10:31

ଆୟାଉଣ୍ତିଙ୍ଗ୍‌ ମିର୍‌ ଉଣ୍ତୁ ସିଲିତିଙ୍ଗ୍‌ ତିନ୍‌ଡ୍ରୁ ମାରି ଆମାକା ଇନିକା କିଦୁ, ମାପୁରୁଦି ଗୌରବ୍‍ତି ଉଣ୍ତିଙ୍ଗ୍‌ ୱିଜୁ କିଦୁ ।

2కొరింతి 9:10

ଏମେ ୱିତୁ ୱିତୁୱିତିନିଲୋକାଙ୍ଗ୍‌ ମାପୁରୁ ୱିତ୍‍ନି ଉଣ୍ତିଙ୍ଗ୍‌ ୱିତୁ ମାରି ଉଣ୍ତେଙ୍ଗ୍‌ ଇଜି କାଦି ସିନାନ୍, ୱାନ୍‌ ମି ଦରକାର୍ ଇସାବ୍‍ତାନ୍ ୱିତୁ ଜଗେକିନାନ୍ ମାରି ମି ନିଜେଦି ବଦାଦି ପଲ୍‌ତିୱାଜା ମିର୍‌ ବା ନାଣ୍ତ ପାସି ଉଣ୍ତାକିନିଦେର୍‌ ।

ଏପିସିୟ 1:12

ରାଦୁ, ଏମେକାର୍‌ ୱିଜେରି ଆଗ୍‍ଡ଼ି କ୍ରିସ୍ତମାନୁ ଆସା ଇଟ୍‍ତାମାର୍‌ପା, ୱିଜେରେ ମାପୁରୁଦି ମହିମା କିନିକା ।

ଏପିସିୟ 1:14

ମାପୁରୁ ୱାନି ଲୋକାଙ୍ଗ୍‍ଁ ଏମେ ୱିଜୁ ବିସୟ୍‍ ସିଦେଙ୍ଗ୍‍ ଇଜି ପାର୍‍ମାଣ୍‍ କିତାମାନାନ୍‌, ଆୟାୱିଜୁ ଜେ ମାଡ୍‌ ପୟ୍‍ନିକା, ପବିତ୍ର ଆତ୍ମା ତାନି ସତ୍‌ ୱାଜା । ମାପୁରୁ ୱାନି ଲୋକାଙ୍ଗ୍‍ ମୁକ୍‍ଡ଼ାନି ପୁରାଆନିକା ସିନାନ୍‍, ଇୟା ସତ୍‍ ନେସ୍‍ସି, ରାଦୁ ମାପୁରୁଦି ଦନ୍ୟବାଦ କିନାଟ୍‍ ।

ଏପିସିୟ 2:10

ମାଡୁ ଆମାକା ଆଦେଙ୍ଗ୍‌ ଆଟ୍‌ତିମାନିକା, କେବଲ ମାପୁରୁନେ ଆକା କିତାମାନାନ୍‌; ଆମାୱିଜୁ ସତ୍‍ ପାଣି ମାପ୍‌ କିନାପ୍‌ ଇଜି ମାପୁରୁ ଆଗ୍‍ଡ଼ିନେ ତିଆର୍‌ କିତାମାର୍ହାନ୍‌, ମାପୁ କ୍ରିସ୍ତ ଜିସୁଦି ୱାଲେ ମିସାନି ମାଣ୍‌କୁ ଆକା ପୁରା ଆତାମାନାତ୍‌ ।

ଏପିସିୟ 5:9

ମାତର ଜାୟ୍‌ ନେ ୱିଜୁ ରକମ୍‍ତି ନେଗିଗୁଣୁ, ଦାର୍ମୁତିକା ମାରି ସତ୍‍ନାନି ପଲ୍‌ ଆସ୍‌ନାତ୍‌ ।

ପିଲିପିୟ 4:17

ମିମାଣ୍‌କୁ କେବଲ ଦାନ୍‌ ଅତେଙ୍ଗ୍‌ ନାନ୍‌ ଅଡ଼୍‌ବିଏ; ଇୟାତାନି ବାଦ୍‌ଲୁ ମିର୍‌ ଏଣ୍ତେସ୍‌ ନାଣ୍ତଦାନ୍‌ ନାଣ୍ତ ପୟ୍‌ଦୁ, ଇକା ନା ବଦା ।

కొలొసి 1:10

ଆର୍‌ତିଙ୍ଗ୍‌, ମିର୍‌ ପ୍ରବୁଦି ବଦାଦି ୱାଜା ଜିଦେଙ୍ଗ୍‌ ଆଟ୍‍ନିଦେର୍‍ ମାରି ୱାନି ୱେଡ଼ିକାଦି ପାଣି କିଦେଙ୍ଗ୍‌ ଆଟ୍‍ନିଦେର୍‍ । ମିର୍‌ ଜିବନ୍‍ତୁ ୱିଜୁ ରକମ୍‍ତି ନେଗି ପାଣି କିଦେଙ୍ଗ୍‌ ଆଟ୍‍ନିଦେର୍‍ ମାରି ମାପୁରୁଦି ବିସୟ୍‍ତାନ୍‍ ମି ବୁଦି ପିର୍‍ନାତ୍‍ ।

కొలొసి 1:6

ଆମା ସୁସମାଚାର୍‌ ପ୍ରଚାର୍‍ତି ଉଣ୍ତିଙ୍ଗ୍‌ ମିର୍‌ ଆଗ୍‍ଡ଼ିନେ ମାପୁରୁଦି ଦୟା ବିସୟ୍‍ ୱେର୍‌ଇଦେର୍‌ ମାରି ତେନି ସତ୍‍ତିକା ଅଡ଼୍‍ବିତିଦେର୍‍, ଆୟା ସୁସମାଚାର୍‌ ଇଲେଇ ସାରା ଜଗତ୍‌ଦୁ ୱେଙ୍ଗିଁତାମାନାତ୍‍ ମାରି ଆର୍ସିବାଦ୍‌ ତାସିନାତ୍‍ ।

2దెస్స 1:12

ଆର୍‌ତିଙ୍ଗ୍‌ ମା ମାପୁରୁ ମାରି ପ୍ରବୁ ଜିସୁ କ୍ରିସ୍ତଦି ଦୟାଦାନ୍‌, ମିର୍‌ ମା ପ୍ରବୁ ଜିସୁଦି ଦର୍‌ତିଙ୍ଗ୍‌ ଗୌରବ୍‍ କିଦେଙ୍ଗ୍‌ ଆଟ୍‌ନିଦେର୍‌ ମାରି ମିଙ୍ଗିଁ ବା ୱାନ୍‌ ଗୌରବ୍‍ କିନାନ୍‌ ।

తీతు 3:14

ସତ୍‌ପାଣିଦାନ୍‌ ଦିନ୍‌ କାଟେକିଜି ନିଜେ ନିଜେଦି ଆସା ପୁରା କିନି ଉଣ୍ତିଙ୍ଗ୍‌ ସିଲିସାତି ଲୋକାଙ୍ଗ୍‌ ସିକ୍‌ୟା ସିଦୁ । ୱାର୍‌ ଆର୍‍ଏ ବାସ୍‌ସୋ ମାନ୍‌ମାକିର୍‌ ।

ఎబ్రి 12:11

ସାସ୍ତି ପୋଇନି ୱାଲେ ମାଙ୍ଗିଁ ଆକା ଦୁଃକ୍‍ଅଡ଼୍‌ବିନିକା ମାନାତ୍‌, ମୁଡ଼ୁକେ ୱେଡ଼ିକାଦିକା ଆଏତ୍‌ । ମାତର୍‌ ସାସ୍ତିଦାନ୍ ଏମେୱାରି ଜିବନ୍‌ ସାନ୍ତି ଆନାତ୍‌, ୱାର୍‌ ୱେନ୍‍କା ସାନ୍ତିଦି ଦାର୍ମୁଦି ଜିବନ୍‌ ୱାଜା ପୁରସ୍କାର୍‌ ପୋଇନାର୍‍ ।

୧ ପିତର 2:12

ମିର୍‌ ଅଣଜିହୁଦି ଲାକ୍‍ତୁ ନେଗେନ୍‍ତାନ ସାଲାବୁଲା କିଦୁ, ଏଣ୍ତେସ୍‌ ୱାର୍‌ ଆମା ବିସୟ୍‌ତାନ୍‌ ମିଙ୍ଗିଁ ତାଗ୍‌ଇପାଣିକିନିକାର୍‌ ଇଜି ନିନ୍ଦା କିନାର୍‌, ମି ନେଗିପାଣି ସୁଡ଼ୁଜି କ୍ରିସ୍ତଦି ୱାନିଦିନ୍‌ତୁ ମାପୁରୁଦି ଦନ୍ୟବାଦ୍‌ କିନାର୍‌ ।

୧ ପିତର 2:5

ମିର୍‌ ଉନ୍‌ଡ୍ରି ଜିବନ୍‌ତି ମନ୍ଦିର୍‌ ତିଆର୍‌କିଦେଙ୍ଗ୍‌ ଜିବନ୍‌ମାନି କାଲୁ ୱାଜା ବ୍ୟବ୍‌ହାର୍‌ ଆନି ଉଣ୍ତିଙ୍ଗ୍‌ ରାଦୁ । ଆୟା ମନ୍ଦିର୍‌ତୁ ମିର୍‌ ଜିସୁ କ୍ରିସ୍ତଦି ମାଣାନ୍‍ ମାପୁରୁ ଆତ୍ମିକ ଆସ୍‍ନିନାନି ଦିନ୍‌କେରି ପୁଜା ସିନି ଉଣ୍ତିଙ୍ଗ୍‌ ପବିତ୍ର ଜାଜକଦି ପାଣି କିନିଦେର୍‌ ।

୧ ପିତର 2:9

ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ ।

୧ ପିତର 4:14

ଜଦି ମିରୁ କ୍ରିସ୍ତଦି ୱେନ୍‌କାସୋନି ଉଣ୍ତିଙ୍ଗ୍‌ ନିଦା ପୟ୍‌ତିଙ୍ଗ୍‍, ମିରୁ ଆସିର୍ବାଦ୍‍ତି ଲୋକୁ, ଇରିଙ୍ଗ୍‌ ମାପୁରୁଦି ଗୌରବ୍‌ମୟ୍‌ ଆତ୍ମା ମିମାନୁ ତେବାତା ମାନାତ୍‌ ।