ପିଲିପି 2:28 - ପୁଃନି ମେ଼ରା କୁୱି ପୁଃନି ମେ଼ରା

²⁸ ଏ଼ଦାଆଁତାକି ମୀରୁ ଏ଼ୱାଣାଇଁ ୱେଣ୍ତେ ମେସାନା ରା଼ହାଁ ଆ଼ଦେରି ଇଞ୍ଜାଁ ନା଼ ଦୁକୁ ଏ଼ନିକିଁ ଊଣା ଆ଼ନେ, ଏ଼ଦାଆଁତାକି ନା଼ନୁ ଏ଼ୱାଣାଇଁ ପାଣ୍ତାଲି ହା଼ରେକା ଜାତ୍‌ନୁ ଆ଼ତେଏଁ ।

ପିଲିପି 2:28 Cross References

ଜହ 16:22

ଏଲେକିହିଁଏ ମୀରୁ ନୀଏଁ ଦୁକୁ ବେଟାଆ଼ହିମାଞ୍ଜେରି, ସାମା ନା଼ନୁ ଅ଼ଡ଼େ ୱେଣ୍ତେ ମିଙ୍ଗେ ତ଼ଞ୍ଜା ଆୟାଇଁ, ଅ଼ଡ଼େ ମୀ ହିୟାଁ ରା଼ହାଁ ଆ଼ନେ ଅ଼ଡ଼େ ଆମ୍ବାଆସି ମୀ ତା଼ଣାଟି ମୀ ରା଼ହାଁ ମୀଞ୍ଜା ଅୟଅସି ।”

କାମା 20:38

ଏ଼ୱାରି ଅ଼ଡ଼େ ତାନି ମୂମ୍ବୁ ୱେଣ୍ତେ ମେସାଲି ଆ଼ଡଅରି, ଏ଼ୱାସି ୱେସାମାଚି କାତାତାକି ହା଼ରେକା ଦୁକୁ କିତେରି, ଡା଼ୟୁ ଏ଼ୱାରି ଏ଼ୱାଣାଇଁ ଏ଼ୟୁ ଜା଼ଜା ପାତେକା ଇଟି ହାଚେରି ।

କରିନ୍ଥିଯନଙ୍କ ପତ୍ର 2:3

ଇଞ୍ଜାଁ ନା଼ନୁ ଆମ୍ବାଆରି ତା଼ଣାଟି ରା଼ହାଁ ପା଼ଣ୍‌ନାୟି ମାନେ, ଏ଼ୱାରିତା଼ଣା ନା଼ନୁ ୱା଼ହାନା ଏ଼ନିକିଁ ଦୁକୁ ବେଟାଆ଼ଅଁ, ଏ଼ଦାଆଁତାକି ନା଼ନୁ ଈ କାତା ରା଼ଚାମାଚେଏଁ, ଏ଼ନାଆଁତାକି ଇଚିହିଁ ନା଼ ରା଼ହାଁତା ମୀ ରା଼ହାଁ ଆ଼ନେ, ଏ଼ଦି ମୀ ବାରେତାକି ନା଼ ଅଣ୍‌ପୁ ।

ପିଲିପି 2:29

ଏ଼ଦାଆଁତାକି ମୀରୁ ଏ଼ୱାଣାଇଁ ପ୍ରବୁତି ଦ଼ରୁତଲେ ହା଼ରେକା ରା଼ହାଁତଲେ ଆବାଦୁ, ଇଞ୍ଜାଁ ଇଲେତି ଗୂଣୁଗାଟି ଲ଼କୁଣି ମା଼ନି କିଦୁ;

୨ତିମ 1:4

ଏ଼ନିକିଁ ନା଼ ରା଼ହାଁ ଗାଡିଆ଼ନେ, ଈଦାଆଁତାକି ନୀ କାଣ୍ତ୍ରୁ ଅଣ୍‌ପାନା ନିଙ୍ଗେ ମେସାଲି ତାକି ହା଼ରେକା ମ଼ନ କିହିମାଇଁ;