ଫିଲିପିୟ 3:19 - ପୁନାଦ୍ ଆର୍ର୍ ପୁନାଦ୍ ନିୟମ୍19 ନରକତାଗ୍ ଅଡ଼ାଦ୍ ଜିୱୁନ୍ତେ ସାରେ ଗଟେମ୍ ଆତ୍ତାଙ୍କ୍ ଆଦୁତ୍ତେ, ବାତେଙ୍କ୍ ଇତ୍କେ ମେନ୍ଦୁଲ୍ତେ ଆସେତଡ଼୍ କେ ଅଡ଼ାୱୁ ଦେୟାକ୍ । ବାତେଏ ସିଗ୍ତାଉ, ଅଡ଼୍ ଆଦିନ୍ ସେଙ୍ଗେ ଗର୍ବ ମାଡ଼ିତଡ଼୍; ମାତର୍ ସଂସାର୍ ବିଷୟତେ ସେଙ୍ଗେ ଅଡ଼୍ ଚିନ୍ତେ ମାଡ଼ିତଡ଼୍ । See the chapter |
ଫିଲିପିୟ 3:19
52 Cross References
ମୁନେଙ୍କ୍ ବେଲାନ୍ ନାରୁଡ଼ାଗେ ମିକା ବଣ୍ଡବାବବାଦିଡ଼୍ ତଅନ୍ଦି ମାତ୍ତଡ଼୍, ଟିକ୍ ଆଦେଲେକାମ୍ ମିୟାଗେ ବୁସାମାଡ଼ାନ୍ ମେସ୍ତେରିଡ଼୍ ପେଇତିତଡ଼୍ । ଅଡ଼୍ ସାରେ ବିନଷ୍ଟକାରିଡ଼୍ ଅଡ଼୍ ଆଲାନ୍ ବୁସା ଶିକ୍ଷା ଇଦ୍ତଡ଼୍ ନୁ ବେନ୍ ପ୍ରବୁ ଅଡ଼୍କିଂଙ୍କ୍ ମୁକ୍ତି ଇସ୍ମିନ୍ଦେନ୍, ଅଙ୍କ୍ ସ୍ୱୀକାର୍ ମାଡ଼ଡ଼୍ । ଆଦିଙ୍କ୍ ସେନେକ୍ତିଙ୍କ୍ ଅଡ଼୍ୱାଦ୍ ବିନାଶ ଗଟେମ୍ ଆଦ୍ତେ ।
ବେସ୍କ୍ତୁଡ଼୍ କାରାପ୍ ନାରୁଡ଼୍ ମିଞ୍ଜି ମେଣ୍ଡେ ମିଇ ଲୋପେ ନେଙ୍ଗି ମିନ୍ଦେଡ଼୍ । ଅଡ଼୍ ତାମ୍ କାରାପ୍ ପାଡ଼୍ୟିଦିଙ୍କ୍ ସମର୍ତନ୍ ମାଡ଼ାନ୍ ସେଙ୍ଗେ ଇଶ୍ୱର୍ତେ “ଅନୁଗ୍ରହ,” ବିଷୟ୍ତେ ଗଟ୍ତିଙ୍କ୍ କାରାପ୍ ବ୍ୟବହାର୍ ମାଡ଼ୁତଡ଼୍ । ମାୱଣ୍ଡ୍ ୱେରଣ୍ଡେ ଗୁରୁ ନୁ ପ୍ରବୁ ଜିସୁ କ୍ରିଷ୍ଟଙ୍କ୍ ଅଡ଼୍ ଅସ୍ୱୀକାର୍ ମାଡ଼ୁତଡ଼୍ । ଅଡ଼୍ ସେଙ୍ଗେ ତିଆର୍ ଆସ୍ ମାନ୍ଦାନ୍ ଦଣ୍ଡ୍ ବିଦାନ୍ ବିଷୟ୍ତେ ମୁନେତ୍ କନ୍ସ୍ ଦର୍ମଶାସ୍ତ୍ରତାଗ୍ ଲେକ୍ତାଦ୍ ମିନ୍ଦେ ।
Advertisements