ଫିଲିପିୟ 3:13 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹³ ହୋ ଦାଦାନଡ଼ି ନୁ ହେଲାସ୍କ୍ ନାନ୍ ଇଞ୍ଜେ ଆଇନା ଆଦ୍ ପଡ଼ିୟେତାଗ୍ ଏୱନ୍ । ବାତେଙ୍କ୍ଇତ୍କେ ୱେରଡ଼୍ ପାଡ଼ିୟିଦାଗ୍ ନାନ୍ ବିନଷ୍ଟ ମାତ୍‍ତାନ୍; ପେର୍‍କେ ୱିଡ଼୍‍ସି ୱାସ୍‍ମାନ୍ଦାନ୍ ବିଷୟକିଙ୍କ୍ ମାର୍‍ଙ୍ଗି, ମୁନେମାନ୍ଦାନ୍ ବିଷୟକିଙ୍କ୍ ଦର୍ସିକି ଆଦାନ୍ ସେଙ୍ଗେ ସେନେକ୍‌ ମାନକଟ୍ ଆଲ୍‍ସି ମାଡ଼ୁତାନ୍ ।

ଫିଲିପିୟ 3:13 Cross References

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 10:42

ବାତେଙ୍କ୍ ଇତ୍କେ ୱେରଡ଼୍ ବିଷୟ ଗାଟି ଦର୍‍କାଡ଼୍ । ମରୀୟମ୍ ନିଜେତ୍ ମାଇଦିଙ୍କ୍ ଆଦ୍ ଲେକେତ୍‍ ବିଷୟତିଙ୍କ୍ ପସନ୍ଦ ମାଡ଼୍‍ତେ, ଆଦ୍ ତାନ୍‍ଆଗାଙ୍କ୍ ୱିର୍‍ସ୍‍ପି ଆଦାଙ୍କ୍ ଆୟ୍‍ୟ ।”

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 9:62

ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବେନ ନାଙ୍ଗେଲ୍‍ତାଗ୍ କାୟ୍‍ପୟ୍‍ସ୍ ପେର୍‍କେ ଉଡ଼ିତଣ୍ଡ୍, ଅଣ୍ଡ୍‌ ଇଶ୍ୱରତେ ରାଜ୍ୟ ସେଙ୍ଗେ ବାତ୍ ପାଡ଼ିୟିଦିଙ୍କ୍ ମିକା ଯୋଗ୍ୟ ଆୟ୍‍ୟଣ୍ଡ୍ ।”

୨ କରନ୍ତିୟ 5:16

ମାମ୍‍ମେ ମେଣ୍ଡେ ବେନଙ୍କ୍ ନାରୁଡ଼୍ ଲେକାମ୍ ବିଚାର୍ ମାଡ଼ମ୍ । ଦିନାମ୍ ମାତ୍‍ତେ, ବେସୁଙ୍କ୍‍ ମାମ୍‍ମେ କ୍ରିଷ୍ଟଙ୍କ୍ ମିକା ନାରୁଡ଼୍ ଲେଲାମ୍ ବିଚାର୍ ମାଡ଼ମାତ୍‍ତମ୍ । ବାତେଙ୍କ୍ ଇତ୍‍କେ ଇଞ୍ଜେ ମେଣ୍ଡେ ମାମ୍‍ମେ ଆଲାନ୍ ମାଡ଼ମ୍ ।

ଫିଲିପିୟ 2:12

ଆଦିଙ୍କ୍ ପ୍ରିୟ ସାଙ୍ଗନଡ଼ି, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିଇଡ଼୍‍ ବେଲାନ୍ ସାରେଦାମ୍ ନାୟାଦ୍ ଆଜ୍ଞାଦିନାମ୍ ମାଡ଼ିତିଡ଼୍, ଇଞ୍ଜେ ନାନ୍ ମିୟାଗାଙ୍କ୍ ଯେକା ମା‍ନ୍ଦାନ୍ ୱେଲେ ଅଦିକ୍‌ ବିଶ୍ୱାସ୍ତେ ନାୟାଦ୍ ବାଦ୍ୟ ଆଦାନାଦ୍ ମିୟାଦ୍ ପାଡ଼୍‍ୟି । ମିୟାଦ୍ ମୁକ୍ତି ବେଲା ସାରେ ଆଦ୍‍ତେ, ଆଦିନ୍ ସେଙ୍ଗେ ୱେର୍‍ସ୍‍ ନୁ ୱାଡ଼୍‍କାନ୍ ପାଡ଼୍‍ୟି ମାଡ଼ଡ଼୍‍ ଆନୁଟ୍ ।

ଫିଲିପିୟ 3:12

ନିୟାଦ୍ ପରିତ୍ରାଣ ବେଲାନ୍ ପୁରା ଆସ୍‍ ଅଦିନ୍‌ ତଡ଼୍ ୱାଡ଼୍‍କି ମିକା କାମ୍ ମାଡ଼ ଆନୁଟ୍, ନାନ୍ କୃତକାମ୍ ବା ସିଦ୍ଦ ଆଦ୍‍ପାର୍‍ତେ ଇଞ୍ଜ କେଲଡ଼୍ । ପୁରସ୍କାର୍ ଦର୍ସିକି ଆଦାନଙ୍କ୍ ମିରାନାଗେ ଲାଗେମ୍ । ସ୍ୱୟଂ କ୍ରିଷ୍ଟ ନାକିଂଙ୍କ୍ ପଇସ୍ ତାସ୍ ଇଗେ ୱାଟିତ୍‍ତନ୍ ।

ଫିଲିପିୟ 3:8

ମାତର୍ ଆସର୍ ଆୟ୍‍ୟ; ନାୟାଦ୍ ପ୍ରବୁ ଜିସୁ କ୍ରିଷ୍ଟଙ୍କ୍ ପୁନ୍ଦାନ୍ ସେଙ୍ଗେ ବେନ୍ ସାରେ ଐଶର୍ଯ୍ୟ ଲାବ୍ ମାଡ଼ୁତାନ୍, ଆଦିନ୍ ଲେକାମ୍ ବାଗାତ୍ ସାରେ ବିଷୟତିଙ୍କ୍ ନାନ୍ ଇଞ୍ଜେ ଆସର୍ ମାନେମ୍‍ ଆଦୁତାନ୍ । ଅନ୍‌ ସେଙ୍ଗେ ନାନ୍ ସାରେ ମିକା ୱିଡ଼୍‍ସ୍‍ତାନ୍ । କ୍ରିଷ୍ଟଙ୍କ୍ ଦର୍ସିକି ଆତ୍‍ତାଙ୍କ୍ ।

ଏବ୍ରୀ 6:1

ଆଦିଙ୍କ୍‍ ମାନାଡ଼୍‍ କ୍ରିଷ୍ଟ ଦର୍ମତାଦ୍‍ ମୁନେନ୍‍ତାୱୁ ତଥ୍ୟ ୱିଡ଼୍‍ସି, ନିଗୁଡ଼ ତଥ୍ୟ ଶିକ୍ଷା ମାଡ଼ାନ୍‍ ଦର୍‍କାର୍‍, ଇୱୁ ବଲାନ୍‌ କାମ୍‌ନୁଞ୍ଚ୍‌ ମାଲସ୍‌ ଇଶ୍ୱର୍‌ତାଗ୍‍ ବିଶ୍ୱାସ୍ ମାଡ଼ିତାଡ଼୍‍,

୨ ପିତର୍‌ 3:8

ଇତ୍‍କେ ଆ ପ୍ରିୟ ସାଙ୍ଗନଡ଼ି, ୱେରଡ଼୍‍ ବିଷୟ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ କଣ୍ଡେତେ ଅଣ୍ଡୟ୍‌ ଦିନ୍‍ ନୁ ହଜାର୍ ଏଣ୍ଡ୍‍କ୍‍ତାଗାଙ୍କ୍ ବାତେ ୱେରେ ଇଲେ । ଅନ୍‌‍ ଗାରେ ଇୱୁ ରେଣ୍ଡ୍ ସାମାନ୍ ।