ଫିଲିପିୟ 2:3 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

³ ନିଜେତ୍ ଉର୍‍ଗାଡ଼୍ ସେଙ୍ଗେ ବା ଶକ୍ତି ତଅତାନ୍ ସେଙ୍ଗେ ବେନେମିକା ପାଡ଼୍‍ୟି ମାଡ଼୍‍ମାଟ୍ । ବାତ୍‍ଇତ୍କେ ବାଗାତଡ଼୍‍କ୍ ନିଜେତଣ୍ଡ୍ ଲେକାମ୍ ଆଲ୍‍ସି ନିଜେ ନିଜେ ସେଙ୍ଗେ ନମ୍ର ବ୍ୟବହାର୍ ମାଡ଼ାଟ୍ ।

ଫିଲିପିୟ 2:3 Cross References

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 18:14

ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଅଣ୍ଡ୍‌ ପାରୂଶୀ ଆୟ୍‍ୟଣ୍ଡ୍, ବା ଇଣ୍ଡ୍ କରଗ୍ରାହୀ ଦାର୍ମାମ୍ ଆସ୍ ତାମ୍ ଲୋନ୍‌ ଆତ୍‍ତଣ୍ଡ୍; ବାତେଙ୍କ୍ ଇତ୍କେ ବେନଆଇ ନିଜେତିଙ୍କ୍ ଉନ୍ନତ ଇଞ୍ଜ ତଅତିତଣ୍ଡ୍, ଅଂକିଙ୍କ୍‌ ଆୱେକେ ମାଡ଼ିତଡ଼୍, ବାତେଙ୍କ୍ ଇତ୍କେ ବେନ ନିଜେତିଙ୍କ୍ ଆୱେକେ ମାଡ଼ିତନ୍, ଅଂକିଙ୍କ୍‌ ଉନ୍ନତ ମାଡ଼ିତଡ଼୍ ।”

ରୋମୀୟ 12:10

କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍‍ନିଜର୍‍ ଲୋପେ ପ୍ରେମ ମାଡ଼ାଟ୍ ନୁ ନିଜର୍‍ନିଜର୍‍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ ।

ରୋମୀୟ 13:13

କାରାପ୍ ବଗ୍‍ବିଲାସ୍, କାଲ୍ ଉଞ୍ଜ୍ ଅସିମାନ୍ଦାନାଦ୍, ନିତିନିୟମ୍‍ ମାନେମ୍‍ ଆୟ୍‍ୱାଦ୍, କାରାପ୍ ବ୍ୟବହାର୍‌, ଇର୍ଷା, ଗଲ୍‍କ୍ ସାର୍ରେତାୱ୍ ମାଡ଼କଟ୍ ୱାଡ଼ାଟ୍, ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍ ନାରୁଡ଼୍ ଲେକାମ୍ ବଦ୍ର ଇନା ବ୍ୟବହାର୍‌ ମାଡ଼ିକାଡ଼୍ ।

ରୋମୀୟ 2:8

ଇତ୍‍କେ ମେଣ୍ଡେଅଣ୍ଡ୍‌‍ ପାକେ ବେନଡ଼୍ ସ୍ୱାର୍ତପର, ମେଣ୍ଡେ ସତ୍‍ତିଙ୍କ୍ ପାଲନ୍ ମାଡ଼ଣ୍ଡ୍, ଅଦର୍ମ ପାଲନ୍ ମାଡ଼ିତନ୍, ଅଡ଼୍‌‍କିଂଙ୍କ୍ କପାମ୍ ନୁ ଦଂସ ଦର୍‍କିତ୍ ।

୧ କରନ୍ତିୟ 15:9

ପ୍ରେରିତ୍ ଶିଷ୍ୟଡ଼୍ ଲୋପେଙ୍କ୍ ନାନ୍ ସାର୍ରେତିଙ୍କ୍ କାରାପ୍, ଇଦ୍‍ରକମ୍ କି ପ୍ରେରିତ୍ ପେଦେର୍‍ତିଙ୍କ୍ ଯୋଗ୍ୟ ଆୟନ୍, ବାତେଙ୍କ୍‍ଇତ୍‍କେ ନାନ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଗାଟିତିପାଲ୍ ମାଡ଼୍‍ତାନ୍ ।

୧ କରନ୍ତିୟ 3:3

ଇଞ୍ଜେ ମିକା ମିଡ଼୍ ଜଗତ୍‍ତେ ନାରୁଡ଼୍ ଲେକାମ୍ ବାଦ୍‍କୁତିଡ଼୍ । ମିଇ ଲୋପେ କପାମ୍ ନୁ ମିଇ ଲୋପେ ଗଲ୍‍କ୍ ମିନ୍ଦେ; ଇଗାଙ୍କ୍ ବାତ୍ ମିଡ଼୍ ମେନ୍ଦୁଲ୍ ନୁ ଜଗତ୍‍ତଡ଼ି ଇଞ୍ଜ ପ୍ରାମାନ୍ ଆୟ୍‍ୱିଡ଼୍ ?

୨ କରନ୍ତିୟ 12:20

ବାତେଙ୍କ୍‍ଇତ୍କେ ନାୟାଦ୍ ୱେରେ ଆଦୁତ୍‍ତେ, ନାନ୍ ମି ପାକେ ଆଞ୍ଜ୍ ମିକିଂଙ୍କ୍ ବେଲାନ୍ ଉଡାଙ୍କ୍ ଇଚ୍ଛା ମାଡ଼ୁତାନ୍, ଆଦ୍ ଲେକାମ୍ ଉଡ଼ାନଙ୍କ୍ ଦର୍‍କ ନୁ ମିଇଡ଼୍ ନାକିଂଙ୍କ୍ ବେଲା ଉଡ଼ାନଙ୍କ୍ ଇଚ୍ଛା ମାଡ଼୍‍ୱିଡ଼୍, ଆଦ୍‍ଲେକାମ୍ ଆଦ୍ ଉଡ଼ାନଙ୍କ୍ ଆଦ୍‍ତେ । ଆଲେନ୍ ତ ଆଗେଆଞ୍ଜ୍ ନାନ୍ ବେସ୍‍ ବେସତାଉ ବିବାଦ୍, ଇର୍ଷା, କପାମ୍, ସ୍ୱାର୍ତପରତା, ଅପବାଦ୍‌, ଗର୍ବ, ନୁ ବିଶୃକଲା ଉଡ଼ାନଙ୍କ୍ ପାଏମ୍ ଆଦ୍‍ତାନ୍ ।

ଗାଲାତୀୟ 5:15

ମିଡ଼୍ ଯଦି କାସାକାଚି ଆସ୍ ମି ମିଲୋପେ ପୟ୍‍ତିତିଡ଼୍, ଆଲେକେ ସତର୍କ ଆୟ୍‍ମୁଟ୍, ବେଲାକି ମିଡ଼୍‍ ମି ଲୋପେ ନସ୍‍ଟ ଆୟ୍‍ୱିଡ଼୍ ।

ଗାଲାତୀୟ 5:26

ମାନାଡ଼୍ ଆଙ୍ଗ୍‍ଡ଼ାମ୍ ଗର୍ବ ତଅସ୍ ମାନ୍‍ ମାନ୍‍ଲୋପେ କପାମ୍ ଆୟ୍‍ୱାଡ଼୍ ନୁ ମାନ୍‍ ମାନ୍‍ଲୋପେ ଇର୍ସା ଆୟ୍‍ୱାଡ଼୍ ।

ଏଫିସିୟ 4:2

ସାରେଦାମ୍ ନମ୍ର, ଡୁଟାଙ୍ଗ୍ ନୁ ଗାଡ଼୍‍ସ୍‍ ଆୟ୍‍ମୁଟ୍ । ନିଜର୍‍ ନିଜର୍ ଲପେ ପ୍ରେମ ତଡ଼୍‍ କାହିଲି ମାନୁଟ୍‍ ।

ଏଫିସିୟ 5:21

କ୍ରିଷ୍ଟନ୍ ପର୍‍ର ନିୟାଦ୍ ବକ୍ତି ମାନ୍‍ନାଙ୍କ୍ ମିଡ଼୍ ମିମିଲପେ କାୟ୍‍ଲି ମାନୁଟ୍ ।

ଫିଲିପିୟ 2:14

ଆପତ୍ତି ବା ଗଲକ୍‍ ମାଡ଼କଟ୍ ସାରେ କାମ୍ ମାଡ଼ାଟ୍ ।

କଲସୀୟ 3:12

ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ ।

କଲସୀୟ 3:8

ଇତ୍‍କେ ଇଞ୍ଜେ ମିକିଙ୍କ୍ କପାମ୍, ହିଂସା, ପାସ୍‍କାନାଦ୍, ଇସତାୱୁ ୱିଡ଼୍‍ସାନଙ୍କ୍ ଆଦ୍‍ତେ । ମିଡ଼୍ ଅପମାନ୍‍ ଗଟି ବା କାରାପ୍‍ ଗଟି ବେସୁଙ୍କ୍‍ କେଲ୍‍ମାଟ୍ ।

୧ ତୀମତି 6:4

ଅଡ଼୍‌ ମାତର୍ ଆଶେତେ ସ୍ପୀତ ୱିଡ଼୍‍ସି ମେଣ୍ଡେ ବାତ୍‍ ଆୟ । ଅଡ଼୍‌ ଶାସ୍ତ୍ରତେ ଅର୍ତ ଆସ୍ ରାମ୍‍କ୍ ମାଡ଼ିତଡ଼୍; ହିଗାଙ୍କ୍ ମାତର୍ କପାମ୍ ସନ୍ଦେହ, କୁତ୍ସାରଟନା ନୁ ଗଣ୍ଡଗଲ୍‍ ଆଦ୍‍ତେ ।

୧ ପିତର୍‍ 3:8

ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ ।

୧ ପିତର୍‍ 5:5

ଆ ଲେୟଡ଼ି, ମିଡ଼୍ ବୟସ୍ତେ ନାରୁଡ଼୍‍କ୍ ମାନେମ୍‍ ଆୟ୍‍ମୁଟ୍ । ମିଡ଼୍‍ ସାରେତଡ଼୍ ନିଜେ ନିଜେ ସେବାମାଡ଼ାନ୍ ସେଙ୍ଗେ ନମ୍ରତାଉ ଚକା କେର୍‍ମୁଟ୍ । ଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍ ଆଂକାର୍‍ ନାରୁଡ଼୍‍କ୍ ବିରୁଦ୍‍ ମାଡ଼ିତନ୍, ଇତ୍‍କେ ନମ୍ର ନାରୁଡ଼୍‍କ୍‍ ଅନୁଗ୍ରହ ମାଡ଼ିତନ୍ ।”