ଫିଲିପିୟ 2:1 - ପୁନାଦ୍ ଆର୍ର୍ ପୁନାଦ୍‍ ନିୟମ୍‍

¹ କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ନଡ଼୍‍ ମିଇ ଜିୱେତାଗ୍ ଡାଟାମ୍‍ ଆଦ୍‍ତିଡ଼୍, ମେଣ୍ଡେ ଅନାଦ୍‌ ପ୍ରେମ ମିକିଂଙ୍କ୍ ସାନ୍ତନା ଇଦୁତ୍ । ମିଡ଼୍ ପବିତ୍ର ଆତ୍ମାତଡ଼୍ ସାହାସ୍‍ତେ କଷ୍ଟ ମାଡ଼ୁତିଡ଼୍ ନୁ ନିଜେ ନିଜେ ଲୋପେ ମିୟାଦ୍ ପ୍ରେମ ନୁ ଦୟା ମିନ୍ଦେ ।

ଫିଲିପିୟ 2:1 Cross References

ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌ 2:25

ମେଣ୍ଡେ ଉଡାଟ୍, ଯିରୁଶାଲେମ୍ ତାଗ୍ ଶିମୀୟୋନ ପେଦେର୍ ତଣ୍ଡ୍ ୱେର୍‍ଣ୍ଡ୍ ଦାର୍ମିକ୍ ନୁ ଲେକେତ୍ ନାରୁଡ଼୍ ମାତ୍‍ତଣ୍ଡ୍; ଅଣ୍ଡ୍‌ ଇସ୍ରାଏଲ ତେ ଉଦ୍ଦାର୍‍ କର୍ତ୍ତାନ୍ କେପି ମାତ୍‍ତଣ୍ଡ୍, ମେଣ୍ଡେ ପବିତ୍ର ଆତ୍ମା ଅନ୍‌ ତଡ଼୍ ମାତ୍‍ତେ ।

ଯୋହନ୍‌‌ 14:18

ନାନ୍ ୱିଡ଼୍‍ସି ଆତ୍‍ତେ ପେର୍‍କେ, ମିକିଂଙ୍କ୍ ଅନାତ୍ ମାଡ଼ି ୱିଡ଼୍‍ସି ଆନନ୍, ନାନ୍ ମିଇ ଗାର୍‍ରେ ମାଲ୍‍ସ୍ ୱାଦ୍‍ତାନ୍ ।

ଯୋହନ୍‌‌ 14:27

ନାନ୍ ମିକିଂଙ୍କ୍ ଶାନ୍ତି ଦାନ ମାଡ଼ି ଆଦୁତାନ୍, ନାୱାଦ୍ ନିଜେତ୍ ଶାନ୍ତି ମିକିଂଙ୍କ୍ ଇଦୁତାନ୍; ଜଗତ୍ ବେଲା ଦାନ ମାଡ଼ିତେ, ନାନ୍ ମିକିଂଙ୍କ୍ ଆଦେଲେକାମ୍ ଦାନ ମାଡ଼ନ୍ । ମିୱାଦ୍ ହୃଦୟ୍ ଉଦ୍‍ବିଗ୍ନ କି ୱେର୍‍ମାକି ।

ଯୋହନ୍‌‌ 17:13

ବାତେଙ୍କ୍ ଇତ୍‍କେ ନାନ୍ ଇଞ୍ଜେ ନି ଗାର୍‍ରେ ଆଦୁତାନ୍, ମେଣ୍ଡେ ଅଡ଼୍‌ ଲୋପେ ନାୱାଦ୍ ୱେଡ଼୍‍କା ବର୍ତ୍ତି ଆୟି, ଆଦିନ୍ ସେଙ୍ଗେ ଜଗତ୍‍ତାଗ୍ ମାନ୍ଦାନ୍ ୱେଲେ ନାନ୍ ଇୱୁସାରେ କେତୁତାନ୍ ।

ପ୍ରେରିତ 2:46

ଅଡ଼୍‌ ସାରେଦିନେ ଉପବାସ୍ ମନ୍ଦିର୍‍ତାଗ୍ ୱେରଡ଼୍ ଦଲ୍‍ ଆସ୍ ଗୁଡ଼ମାତ୍‍ତଡ଼୍ ନୁ ୱେଡ଼୍‍କେତେ ନୁ ସରଲ୍‍ ହୃଦୟତେ,

ପ୍ରେରିତ 4:32

ବିଶ୍ୱାସୀଡ଼୍ ୱେରଡ଼୍ ମାନ୍‍ ନୁ ୱେରଡ୍‌ ହୃଦୟ ତେ ମାତ୍‌ତଡ଼୍ । ବେନଡ଼୍ ତାମ୍ ସମ୍ପତିତିଙ୍କ୍ ନିଜେତ୍ ସମ୍ପତି ଇଞ୍ଜ ଦାବୀ ମାଡ଼ଡ଼୍‍, ସାରେତଡ଼୍‍ୱାଦ୍ ସମ୍ପତିତିଙ୍କ୍ ଅଡ଼୍‌ ସାମାନ୍ ତୁହୁସ୍‍ତଡ଼୍ ।

ରୋମୀୟ 5:5

ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।

ରୋମୀୟ 8:26

ଆଦେରକମ୍‍ ମାନାଙ୍କ୍‍ ଶାତ୍‍ୱାମ୍ ଇଲ୍‍ଲେ, ପବିତ୍ର ଆତ୍ମା ମାନାଙ୍କ୍‍ ସାଆଯ୍ୟ ମାଡ଼ିତନ୍ । ବେଲା ପ୍ରାର୍ତନା ମାଡ଼ାନଙ୍କ୍ ଆଦ୍‍ତେ, ଆଦ୍ ମାନାଡ଼୍ ପୁନ୍‍ୱାଡ଼୍ । ଆଦିଙ୍କ୍ ପବିତ୍ର ଆତ୍ମା ଲେଙ୍ଗ୍ ଇଲ୍‍ୱାଦ୍ ଗଟ୍ ତଡ଼୍ ମାନ୍‍ ସେଙ୍ଗେ ଇଶ୍ୱର୍‌ତିଙ୍କ୍ କେତିତ୍‍ ।

୧ କରନ୍ତିୟ 12:13

ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।

୧ କରନ୍ତିୟ 15:31

ଦାଦାଲଡ଼ି ନୁ ଏଲାସ୍କ୍‍ନଡ଼ି, ମାନାଦ୍‍ ଜିୱୁଣ୍ଡ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ କାୟ୍‍ଲି ମାନ୍ଦାନ୍ ମାୟ୍‍ଦିଙ୍କ୍, ମିଇ ସେଙ୍ଗେ ନାୟାଦ୍ ବେନ୍ ଗର୍ବ, ଆଦିନ୍ ତଅସ୍ କେତୁତାନ୍, ନାନ୍ ସାର୍ରେଦିନା ଡଲାନ୍ ମକମ୍‍ତାଗ୍ ମିଶି ଆଦୁତାନ୍ ।

୧ କରନ୍ତିୟ 3:16

ମିଡ଼୍‌ ପୁନ୍ଦାନ୍ ୱାଇତିତା ଯେ, ମିଡ଼୍‌ ପର୍‌ମେଶ୍ୱରନ୍‌ ଗୁଡ଼ିୟ୍‌, ମେଣ୍ଡେ ପରମେଶ୍ୱରନ୍‌ ଆତ୍ମା ମିୟାଦ୍ ଜିୱୁଣ୍ଡ୍‍ତାଗ୍ ମାନ୍‌ତା ।

୨ କରନ୍ତିୟ 13:14

ପ୍ରବୁ ଜିସୁକ୍ରିଷ୍ଟନ୍ ଅନୁଗ୍ରହ, ଇଶ୍ୱର୍‌ତେ ପ୍ରେମ ନୁ ପବିତ୍ର ଆତ୍ମାନ୍‍ ସହଯୋଗ୍‍ ମି ସାରେ ନାରୁଡ଼୍‍ ତଡ଼୍‍ ମାନି ।

୨ କରନ୍ତିୟ 2:14

ଇଶ୍ୱର୍‌ତେ ଦନ୍ୟବାଦ୍ ଆୟି । ବାତେଙ୍କ୍ ଇତ୍‍କେ ଅଣ୍ଡ୍‌ ଜିସୁ କ୍ରିଷ୍ଟନ୍ ତଡ଼୍ ସାରେଦାମ୍ ମାକିଂଙ୍କ୍ ଜିଡ଼ାନ୍ ଆର୍‍ଦାଗ୍ ମୁନ୍‍ନେ ଆଦ୍‍ତନ୍ । ମେଣ୍ଡେ ଲେକେତ୍‍ ଗାବ୍‍ ଚାରେପାକ୍ ଲିକ୍‍ତେ ଲେକାମ୍ କ୍ରିଷ୍ଟନ୍ ବୁଦ୍‍ତେ ବାଗାତଡ଼୍‍କ୍ ଇଦାନଙ୍କ୍ ଇଶ୍ୱର୍‍ ମାକିଙ୍କ୍ ବ୍ୟବହାର୍‌ ମାଡ଼ିତନ୍ ।

ଗାଲାତୀୟ 4:6

ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !”

ଗାଲାତୀୟ 5:22

ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍

ଏଫିସିୟ 4:4

ମାନାଦ୍‍ ମେନ୍ଦୁଲ୍ ଅଣ୍ଡୟ୍‌, ଆତ୍ମା ଆନ୍‌‍ତେ ଅଣ୍ଡୟ୍‌ । ମେଣ୍ଡେ ଅଣ୍ଡୟ୍‌‍ ଆଶେ ଇସ୍‍ ଇଶ୍ୱର୍ ମାନାଙ୍କ୍‍ କାର୍‍ଙ୍ଗିମିନ୍ଦେଣ୍ଡ୍ ।

ଫିଲିପିୟ 1:8

ମିଇ ସାରେତଡ଼୍ ସେଙ୍ଗେ ନାୟାଦ୍ ନାର୍‍ଗେ ସ୍ନେହ ସ୍ୱୟଂ ଜିସୁ କ୍ରିଷ୍ଟନାଗାଙ୍କ୍ ନାନ୍ ପାଏମ୍ ଆତ୍‍ତାନ୍ ଇଞ୍ଜ୍‍ ବେସୁଙ୍କ୍‍ ନାନ୍ କେତିତାନ୍, ଇଦ୍ ନିଜାମ୍ ସତ୍ । ଇଶ୍ୱର୍ ଇଦିନ୍ ସାକ୍ଷି ଆତ୍‍ତେ ।

ଫିଲିପିୟ 3:3

ମାମ୍‍ମେ ମୁନେଙ୍କ୍ କଞ୍ଜ୍ ହେଞ୍ଚ୍‍ତେ ଲେକାମ୍; ଅଡ଼୍‌ ଆୟ୍‍ୟଡ଼୍ । ମାମ୍‍ମେ ପବିତ୍ର ଆତ୍ମାନ୍ ସାହାଯ୍ୟତେ ଇଶ୍ୱର୍‌ତେ ଉପବାସ୍ ମାଡ଼ୁତମ୍ ନୁ କ୍ରିଷ୍ଟ ଜିସୁନ୍ ତଡ଼୍ କାଇଲି ମିକା ୱେଡ଼୍‍କା ଆନନ୍ଦ ମାଡ଼ୁତମ୍ । ବାୟ୍‍ଦେତ୍‍ ରିତିନିତି ପରୁ ମାୟାଦ୍‌ ଆଶେ ଇଲା ।

କଲସୀୟ 2:2

ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ ।

କଲସୀୟ 3:12

ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ ।

ଏବ୍ରୀ 6:18

ଅନ୍‌ ପ୍ରତିଜ୍ଞା ନୁ ଶପତ ବାଦ୍‍ଲେମ୍ ଆୟ, ଆଦ୍‍ ଉହୁସ୍‌ ଇଶ୍ୱର୍ ବୁସାତାଦ୍‌ ଆୟଣ୍ଡ୍‍ । ଇତ୍କେ ଅନ୍‌ ଅଶ୍ରିତ ମାନାଡ଼୍‍, ମୁନେ ମାନ୍ଦାନ୍‍ ଆଶେତିଙ୍କ୍ ଡାଟୁମ୍‍ ପଇସ୍ ମାନ୍ଦାନ୍ ମାଇଦିଙ୍କ୍‌ ନେକେ ୱେଡ଼୍‍କେ ଆଦୁତମ୍‍ ।

୧ ପିତର୍‍ 1:2

ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।

୧ ଯୋହନ୍‌‌ 3:24

ବେନ ଆୟି ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‍ ମାନ୍ଦାନାଦ୍‍ ପୁନ୍ଦେପାର୍‍ଦ୍‍ତଣ୍ଡ୍‍, ଅନ୍‌ ହୃଦୟତାଗ୍ ଇଶ୍ୱର୍‍ ମାନ୍‍ତଣ୍ଡ୍‍ । ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତଣ୍ଡ୍‍, ଇଦ୍ ଗଟ୍ ମାନାଙ୍କ୍ ଇତ୍‍ତେ ଅନାଦ୍‌ ଆତ୍ମା ସାହାଯ୍ୟତେ ମାନାଡ଼୍ ପୁନ୍ଦାନଙ୍କ୍‍ ପାର୍‍ଦୁତାଡ଼୍ ।

୧ ଯୋହନ୍‌‌ 4:12

ବେନ ବେସୁଙ୍କ୍‍ ଇଶ୍ୱର୍‌ତିଙ୍କ୍‍ ଉଡ଼ଣ୍ଡ୍, କିନ୍ତୁ ମାନାଡ଼୍ ଯଦି ନିଜେ ନିଜେତିଙ୍ଗ୍ ପ୍ରେମ ମାଡ଼ିତାଡ଼୍, ଇଶ୍ୱର୍ ମାନାଗେ ମାନ୍‍ତଣ୍ଡ୍‍ ନୁ ମାନାଗେ ଅନାଦ୍‌ ପ୍ରେମ ପୁରାପୁରି ଲାବ୍ ମାଡ଼ିତଣ୍ଡ୍‍ ।

୧ ଯୋହନ୍‌‌ 4:16

ମାନ୍‍ ସେଙ୍ଗେ ଇଶ୍ୱର୍‌ତେ ପ୍ରେମତାଦ୍‍ ନିଜାମ୍ ମାମେ ପୁତ୍‍ତମ୍, ଇଗେ ମାୟାଦ୍‌ ପୁରା ବିଶ୍ୱାସ୍ ମିନ୍ଦେ । ଇଶ୍ୱର୍ ପ୍ରେମମୟ । ବେନନ୍ ଜିୱେତାଗ୍ ପ୍ରେମ ବର୍ତ୍ତି ଆସ୍‍ ମିନ୍ଦେ, ଅଣ୍ଡ୍‌ ଇଶ୍ୱର୍‍ ତଡ଼୍ କାୟ୍‍ଲ୍‍ତଣ୍ଡ୍‍ ନୁ ଇଶ୍ୱର୍ ଅନାଗ୍‍ ମିନ୍ଦେଣ୍ଡ୍‍ ।