फिलिप्पी 3:19 - नोयरी नोवलू नियम

¹⁹ तिया विनाश तियाआ नियमशास्त्रा प्रमाणे होय, तियाआ पोटु तियाआ ईश्वर होय अने तीयावाही तियाहा लाज जोडयो ओते त्यापो ते लक्ष्य केंद्रित कोअता तियाहा फक्त भौतिक गोठीमेहे रोत चिंता शेतली.

फिलिप्पी 3:19 Cross References

मत्ती 16:23

येशु फासाडी फिरित पतरसोहो कोयु, हे शैतान, माआ आगला रोत सेटे घेऊन जातू ता कोअता ठेचचा काहाके होय; काहाके तू परमेश्वरोओ गोठीपो नाहा; ताहा मासाहा गोठीपो मोन लागाडीत होय.

मत्ती 25:41

तेहलाम तो बांगडू बाजूवाला कोअही ओ शापित माहुमे मापोरोत सेटे ओतगोयु तियाअ अनंत आगीम जात गुगदा जे शैतान अने तियाआ दूतांसाठी तीयार कोल्यु होय.

लूका 12:19

अने आपाआ जीवोहो कोअही का जीवू, ताआ जागे खूप धन मेकल्यी होय; मोज्या को, खा, पिवा, सुखोवाही रो.”

लूका 16:19

ओमे पाला, एक माहुहू ओतु तो जाखो श्रीमंत ओतु तो जाबलो तलम कापडे काले एहलो अने हर एक दीही थातामाटाम जिवनाआ आनंद लेत ओतु.

लूका 18:4

किबी वेल पर्यंत तो ते मान्यु नाहा परंतु आखरी मोनामे विचार कोईत कोयु, जर आय परमेश्वरोओ बित नाहा, अने माहांआ फिकीर न कोअता;

रोमि 16:18

काहाके एहलो मांहे आमू प्रभू ख्रिस्ताचे नाहा परंतु आपाआ पेटोकोता सेवा कोअता, अने गुल्यो अने लोभा भाषणाने भोळ्या भाबड्यांची मोनो मांहोहो बेह्कावत्ले.

रोमि 6:21

आखिर ज्या गोठीई ओमे तुमामे लाज लागल्यो ओती याकोअता तियाअ वेले नाहाकोत तुमामे फोल मिलीअलो ओते? काहाके तियाआ आखिर ताहा मरण होय.

1 कुरिन्थि 3:3

काहाके ओमे पर्यंत शारीरिक होय, याकोअता का जांहा तुमामे डाह अने लोळाई होय ताहा तुमु शारीरिक नाहा? अने की मांहाहा रितिमे सालते नाहा?

1 कुरिन्थि 5:2

अने तुमु दुख ताहा कोईत नाहा याहीरोते एहलो काम कोअनारू तुमा मेहेरोत लाडयु ओतलू पोन तुमु गर्व कोअता.

1 कुरिन्थि 5:6

तुमाआ गर्व कोअला हाजो नाहा; नाहाकोत तुमामे मालुम नाहा का थोडूज खमीर पुरो मळवाओल्ये लोट खमीर कोईत आपोहो.

2 कुरिन्थि 11:12

पोन जे आय कोअत्लू तोज कोईत रोही काजे मांहे संधी होदतेहे तियाहा आय संधी सापडे आपी नाही म्हणजे ज्या गोठीमे ते गर्व कोअता तीयाम ते आमा होस उवूंहू जोवे.

2 कुरिन्थि 11:15

त्याकोता जर तियाआ सेवक पण धोर्मी सेवा कोअनारा कोअता रूप तोणार ताहा किबी वोडी गोठी नाहा पण तियाआ आखिर तियाआ का मापोरोत उवे.

गलाती 6:13

काहाके लेहा आवता कोअनारे खुद हीन नियमशास्त्र पाळीत नाहा, पण तुमाआ संता याकोअता कोइला कोअता पालत्लू का तुमाआ डीलो दशापो अभिमान बाळगा.

फिलिप्पी 2:21

काहाके आखे आप आपाआ कामोमे व्यस्त होय येशु ख्रिस्ताआ कामोमे कोडूच व्यस्त नाहा.

कुलुस्सी 3:2

होर्गामेऱ्ये वस्तू बद्दल विचार कोईत रो धरती सामानो कोअता विचार कोहू नाहा,

2 थिस्लोनी 1:9

ते प्रभूउ आगला रोत अने तियाआ शक्तीई तेजमेहे रोत ते सेटे ओतगोयु अनंत विनाशो दंड मेलविनारू.

2 थिस्लोनी 2:12

कोअतीज जेवडे मांहे सत्य विश्वास पालीत नाहा पोन अनीतीई खुश ओये तिया आखाज दंड मिले.

2 थिस्लोनी 2:8

तेहलाम तो अनीतिमान प्रकट उवे ज्याहा प्रभून येशु आपाआ सोबिमरोत फुकिलो माईत टाकही अने आपाआ आगमनाआ लाडीवाला नाश कोअनारू.

1 तीमुथियुस 6:5

अने तिया मांहोम व्यर्थ झगडा निर्माण ओये जिया बुद्धी बिघडित गोयी होय अने ते सत्यापासून विहित ओत गोये होय जे होमजीतेहे भक्ती कामाविलो कोता दरवाजू होय.

2 तीमुथियुस 3:4

विश्वासघात कोअनारा, ढीठ, कोठी, अने परमेश्वरोहो नाहा पोन सुख आवाडाविलो दोनाराआ रोही.

याकूब 4:16

पोन ओमे तुमु फुशारकी कोईत बोडाई कोअता; एहलो आखे बोडाई वाईट ओते

2 पतरस 2:1

जेहला प्रकारे तियाआ माहामे ओ ठोग भविष्यवक्ता ओता, तियाआ प्रकारे तूमामेहे बी ठोग उपदेशक रोय जे नाश कोअनारा पाखंड उद्घाटन निकाई-निकात कोए अने स्वामीई जो तियाहा वेसातो लेत लेदलो होय इन्कार कोए अने तियाआ वेगु विनाशो मेहे टाकित देय.

2 पतरस 2:13

दिहरा तियाआ वाईट कोइलाआ बद्दल तीयाआज वाईट उवे तिये दिहे दिह्या मज्याकोली कोअला हाजो लागेहे ओ कलंक अने दोष होय; जाहा ते तुमाआ आरी खातले, पितले, ताहा आपाआ त्यापोरोत मेजवान्या खात्लू ताहा कापडारीजे मौजा कोअता.

2 पतरस 2:3

ते लाभ जाअखो गोठी कोत तुमामे आपाआ लाभाओ कारण बोनाविही, अने जी दंडाओ आज्ञा तियापो पेलरोत ओत गोयीही तियाआ आवलोओ कीबी वेल नाहा अने तियाआ नाश उवलो नाहा.

यहूदा 1:10

पोन ऐ मांहे ज्या गोठीही नाहा उलखित्लू तियाहा हाजा बक्ता कोतेहे अने ज्या गोठीही अचेतन जनावरे आगाडी स्वभावाइहि जाआत्ले, तीयावाही आपाआ रागावलो नष्ट कोअता.

यहूदा 1:16

ऐ ताहा असंतुष्ट, कुरकुर कोअत्ले, अने आपाआ सोबिवाही घमंडच्या गोठी गोगत्ले, अने ते लाभ पण लेत सोब पालीत बोडाई कोईत रोत्ले.

यहूदा 1:4

काहाके का केतो एहलो मांहु बागेज आमा माय आवीत मिलीत गोयलो होय, ज्याआ आमू दंडो वर्णन जुनो टायमोआ माय पहिलुच लेख्यअ गोये ओते अने भक्तीहिन होय, अने आमा परमेश्वराआ कृपाला लबाडीम बदली टाकतले, अने आमाहा एक पोन स्वामी अने प्रभू येशु ख्रिस्ताआ इन्कार कोअतले.

प्रकाशितवाक्य 18:7

जेवडे तिये आपाआ महिमा कोअयी का अने सुख विलास कोल्यु, तेतोज तियाहा पीडा फासी शोक आपा काहाके ती मोनम कोत्ली, आय राणी घेऊन बोही होय, रोंडाली नाहा; अने दुखिलो त केधीज नाहा पोअनारू.

प्रकाशितवाक्य 19:20

तो जनावरे, अने तियाआ आरी तो ठोग संदेष्ट तोअया गोल्यो जिये तियाआ आगाडी एहलो चिन्ह देखाये गोये ओते तियाआ द्वारा तिये तियाहा ठोगाडीलो जे तियापो तिया पशुउ छाप ओती अने जो तियाआ मूर्तीइ उपासना कोईत ओते तो बेनु जीवेहे ओतुताहा तियाअ आगीई भंटीत, जो गंधकाणे पेटीत ओते, टाक्ये गोये.

प्रकाशितवाक्य 21:8

परंतु बिनारू, अने विश्वास न कोअनारु अने अमंगल, अने खुनी अने जारकर्मी, अने जादू टोना, अने मूर्ती पुजारो, अने आखे ठोगोओ भाग तियाअ झील मेहे जोडीत जी आग अने गंधकाने पेटीत रोनारे ते दूसरी मरण होय.

प्रकाशितवाक्य 22:15

पोन कुत्रे, अने टोन्हो, अने व्यभिचार, अने मअनारे अने मूर्ती पुजारो, अने हर एक ठोगोहो आवाडाविलो दोनाराआ अने ठग कोअनारू बारथे रोही.