फिलिप्पी 3:10 - नोयरी नोवलू नियम

¹⁰ आय ख्रिस्ताहा ओलखुहू इच्छितो अने तिया शक्तीचा अनुभव कोअला होय ज्याआपोरोत तियाआ पुनरुस्थान उवे ओते आय तियाआ क्लेशा मेहे पण सहभागी ओवुहू इच्छितो अने तियाआ रुपोहो मेलवूहु इच्छितो ज्याहा तिये आपाआ मोईत जुळाविते ओते

फिलिप्पी 3:10 Cross References

मत्ती 20:23

तिये तियाहा कोयु माआ पिदो तुमु पिणारे खोरो, पण माआ हाजावोगे अने माआ डावासाईटोहो बोहीलाआ अधिकार आपलो मांही नाहा, जर ज्याआ याकोअता माआ बाह्हाही ओ सिद्ध कोअयु त्याकोआता तो होय.

युहन्ना 10:18

पोन आय स्वतः माआ इच्छावाहि आपित होय तो माहु आपलो अधिकार होय ऐ आज्ञा माहु माआ परम बाह्हू त्यापोरोत मिल्यू होय.

युहन्ना 17:3

अनंत जीवोन ओ होय का ते ताआ एकमात्र खोरो परमेश्वर अने येशु ख्रिस्ताहा ज्याहा तू मोकल्यीत होय ओलखेहे.

रोमि 8:17

अने जर पोऱ्ये होये ताहा वारीस पण होये परंतु देवोओ वारीस अने ख्रिस्ता आरी वारीस होय का ओमे आमाहा तियाआ आरी दुख पालोह, ताहा तियाआ आरी गौरव भी जोड़े.

रोमि 8:29

काहाके जिये तियाहा पहीले होमजीत लेधलो होय तियाहा पहिलुच ठेरवीत लेधलो होय का तियाआ पुत्राच्या प्रति प्रमाणे बोनाळीलो म्हणजे तो जास्तीज पायहोम तिये जेष्ठ एहलो उवे.

रोमि 8:36

असे लेखिलो होय, ता कोअता आमाहा दीही न दीही वध उवनारा होय आमाहा वध कोअनाऱ्या मेंढाहोस गणतलू गोये होय.

2 कुरिन्थि 1:10

तीयेज आमाहा मोईला एहलो वोडो संकटा मेहे वाचाड्यूहू अने वासाडे अने तियापो पण आमाआ आशा होय का तो आगाडी पण वाचाडल्यु रोही.

2 कुरिन्थि 1:5

काहाके ख्रिस्ताच्या दुखो मेहे आपु जाखो गोवाद्या ओतू तेहलूज आपु शांती मेहे पण ख्रीस्ताद्वारे खूप गोवाद्या ओतू.

2 कुरिन्थि 13:4

तो निर्बल मुळे क्रूसापोओ सोडवियू गोल्यो तेबी पण परमेश्वरोओ सामर्थ्यावाही जिवंत होय आमाहा पण तीयाम अशक्त होय पण परमेश्वरोओ सामर्थ्यावाही तुमाआ याकोअता त्याआरी जिवंत रोही.

गलाती 2:20

आय ख्रिस्ता आरी वधस्तभावर सोडवियू गोल्यो ओतू ओमे आय जिवंत रोला नाहा, पण ख्रिस्त मामेह जीवतु रोही; अने आय डीलोम जिवंत होय ताहा काहाके तियाअ विश्वासाआ मुळे जो परमेश्वरोओ पुत्रपो, जीआ मापो प्रीती कोअयी अने माआ याकोअता माह आपित आपे.

गलाती 6:17

आगाडी पोरोत कोडु माहु दु:ख नाहा आपी, काहाके आय येशुउ खुनाला आपाआ डीलोम लेत फिरनारो.

इफिसी 4:13

जावु जाका आमू आखाहा आखे विश्वास अने परमेश्वरोओ पोऱ्यापो ओलखेए एक न उवनारा जानारू, अने एक सिद्ध मांहु न बोणीत जालो अने पूर्णता जोडयो उवे.

फिलिप्पी 3:8

याआ पेक्षा वोडी गोठी ए होय का आय आपाआ प्रभू येशु ख्रिस्ताची ज्ञानाआ श्रेष्ठतेणे ओमेजा आखे किबी नुकसान होमजीत्लू तियाआ कोताज आय आखे किबी आय सोडीत आप्लु होय अने आखे किबी सामानो कोसरू कोईत होय यकोअता का आय ख्रिस्ताहा मेलवूहु

कुलुस्सी 1:24

ओमे पाला, आय तुमा कोअता जे मेहनत कोईत होय तीयाम आनंदाआ अनुभव कोईत होय अने ख्रिस्ताआ देह कोअतीज मंडलीकोता ख्रिस्ताआ दुखामेहे जेन थोडे कोम रोल्या ओते तियाहा आपाआ डीलोवाही पुरो कोईत होय,

कुलुस्सी 2:13

आपाआ पापांआ अने सुंता रोत्लू डीलोवाही तुमु मोल्या ओते पोन तुमामे परमेश्वराने ख्रीस्ता बरोबर जीवोन प्रदान कोयु तेहलूज आमा आखे अपराध रोत मुक्त रुपोमे क्षमा कोयु होय,

कुलुस्सी 3:1

अने जाहा तुमु मसीहा आरी जीवाडल्यु गोयो ओती स्वर्ग वस्तु होड़ में रोआ जीही मसीह विद्यमान होय परमेश्वराआ डाखरी वोगे बोहल्यु होय.

1 पतरस 1:3

आमू प्रभू येशु ख्रिस्ताआ देव अने बाह्हाआ धन्यवाद होय जिये ख्रिस्ताआ मोल्यामरोत जिवतो उठलो आशा व्दारे, आपाआ महा दयानुसार आपाहा जीवतु एहलाकाजे नवो जोल्मो आप्लु,

2 पतरस 1:13

आय ऐ आपाआ याकोअता उचित होमजीत्लू का जोपोरोत आय आव मंडपा मेहे होय, तोपोरोत तुमामे ओर आपित-आपित उभार्यू.

1 यूहन्ना 2:3

केधी आमू आज्ञाहा मोनोहो, ताहा ह्याआ आमू ओलखीत लेऊ का आमू याहा ओलखीत लेधलो होय

1 यूहन्ना 2:5

पोन जो कोडु तियाआ वचना पोअं आप चाले तीयाम खरोज परमेश्वरोओ प्रेम सिद्ध उवे होय यावांही आमू ओलखीत्लू का आमाहा तीयाम होय

प्रकाशितवाक्य 1:18

आय मोईतगोल्यू ओतू, अने अमे पाल आय कायम जीवतु होय; अने मोईतगोल्यू अने अधोलोको चाबी मापों होय.