फिलिप्पी 2:1 - नोयरी नोवलू नियम

¹ ओमे जर मसीह मेहे कीबी प्रोत्साहन अने प्रेम मेहे धाडस अने आत्माआ सहभागीता अने काही करुना अने दया होय,

फिलिप्पी 2:1 Cross References

लूका 2:25

यरुशलेम माय शिमोन नावाआ एक माहु ओतु, अने तो मांहु धोर्मी अने भक्त ओतु; अने इस्रायलाआ शांतीई वात पालीत ओतु, अने पवित्र आत्माआ तियापो ओतु

युहन्ना 14:18

आय तुमामे अनाथ सोडविणारू नाहा; आय तुमाआ जागे आवीत होय

युहन्ना 14:27

आय तुमामे शांती आपित जात्लू आपाआ शांती तुमामे आपोहो; जेहलो जगात आपत्ले, आय तुमामे नाहा आपित तुमाआ मोन कासावीस न ओते अने बित नयेत.

युहन्ना 17:13

ओमे आय तापो आवीत होय परंतु याआ गोठी आय आव जगात ओयताहा कोयु होय याकोअता ते आपाआ मोनामेहे माआ पुरो आनंद ओवुहू शकतो.

प्रेरितो काम 2:46

ते हर एक तेदीही एक मोन ओतगोयु मंदिरोम एकठे उवनारा ओते, अने कोआ-कोआ रोटा, तोडीत आनंद अने सालस मोनाकोईत ओन खायलो ओते,

प्रेरितो काम 4:32

विश्वासी माहुहु ओ मदत कोअनारे जमाव एक मोन अने एक तन ओतु कोडोबी एहलो कोयु निमिले का ए माआ वस्तु होय, तियापो जे किबी ओते ते आखे मिलून वाटीत लेत ओते.

रोमि 5:5

अने आशेनी लजीत उवनारा नाहा काहाके पवित्र आत्माआ जी आमाहा आप्या गोल्यो होय तियाआ व्दारे परमेश्वरोओ प्रेम आमा मोनुमे मेकल्या गेल होय.

रोमि 8:26

आव रीतीवाही आत्माआ पण आमा दुर्बळते मुळे मदत कोअते काहाके नाहा आमाहा मालुम का प्रार्थना कोडला रीतीवाही कोअयी जोवे, परंतु आत्माआ स्वतः आपाहा विनंती कोअत्लू,

1 कुरिन्थि 12:13

काहाके जेबी आमाहा यहुदी रोल्या होय जेबी यूनानी सेवक रोल्या होय किंवा हाजो एकुच डीलोओ अलग-अलग अवयव बोनाडीला कोअता आपु आखाआ एकाच आत्माद्वारे बाप्तिस्मे आप्लु गोल्यो होय अने तीह आमू आखाहा एकुच आत्माआ आप्यू गोल्यो होय.

1 कुरिन्थि 15:31

ओ पाही, तुमा कोअता माआ तो घमंड ज्याहा आय आमाआ प्रभू येशु ख्रिस्तामध्ये स्थित उविला कोअता मेकोहो तियाहा साक्ष कोईत शपथ पुर्वोज कोयु होय का हर एक तेदीही मोओलो.

1 कुरिन्थि 3:16

की तुमामे मालुम नाहा का तुमु परमेश्वरोओ मंदिर होय अने परमेश्वरोओ आत्माआ तुमामे रोतलू?

2 कुरिन्थि 13:14

प्रभु येशु ख्रिस्ता अनुग्रह अने परमेश्वरा अने प्रेम अने पवित्र आत्माआ सहभागिता तुमु आखा आरी ओती रोय.

2 कुरिन्थि 2:14

पोन परमेश्वरो धन्यवाद होय, जो ख्रिस्तामध्ये हरेक टेमे आमाहा विजयो उत्सवात घेऊन फिरत्लो अने आपाआ ज्ञानाचा सुगंध आमापोरोत हर एक जाग्तली वेरायो.

गलाती 4:6

अने तुमु जे पुत्र होय त्यापोत परमेश्वराने पोऱ्याआ आत्माहा जोओ ओबा, अने ओ ओबा एहलो कोत आवाज देत्लू.

गलाती 5:22

पोन आत्मा तियाआ फोल प्रेम, आनंद, शांती, धीर, कृपा, हाजोपण, विश्वास,

इफिसी 4:4

एकुच डील होय, अने एकुच आत्माआ; एहलो तुमामे जे हादाडल्यो गोये ओते एकुच आशा होय.

फिलिप्पी 1:8

परमेश्वर माआ साक्षीदार होय का आय तुमा कोअता लालसा कोअत्लु.

फिलिप्पी 3:3

काहाके खोरो सुंता कोयु आमाहा होये जे आमाआं उपासना परमेश्वरोओ अर्पण कोईत होये अने ख्रिस्त येशु माय गर्व राख्नारो, तेहलूज जे किबी डीलो होय तियापो भोरुसो मेकीत नाहा.

कुलुस्सी 2:2

याकोअता का तियाआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आखो धन जो खोरो ज्ञानाने जोडयो ओते तियाहा मिलुजोवे तेहलूज परमेश्वरोओ गूढ पुरो खोरो तियाहा जोडयो उवे तो गूढ पुरो खोरो स्वतः ख्रिस्त होय.

कुलुस्सी 3:12

काहाके तुमु परमेश्वरोओ पवित्र अने प्रिय निवडील्ये गोये होय याकोअता सहानुभूती दया नम्रपणा, कोमलता अने धीरज तोईत रो,

इब्रानि 6:18

म्हणजे बेन बदलावणाऱ्या गोठीरी ज्याआ विषयी परमेश्वरोओ खोटो ठरविल्य नेउवे होय मजबुते आमाहा हिम्मत बांधीत जाहू जोवे जे आश्रय घेण्यासाठी यामुळे गुगदिलो होय का तियाअ आशाहा मेकली होय ती जोडली.

1 पतरस 1:2

अने देव बाह्हाआ भविष्य ज्ञानानुसार, आत्माआ पवित्र कोइलाआ व्दारे आज्ञा मानोहो अने येशु ख्रिस्ताआ रक्ताआ हिपडीलो निवडील्यो गोये होय तुमाहा कृपा अने शांती विपुल जोळे.

1 यूहन्ना 3:24

जो तियाआ आज्ञा मोनोहो, तो तीयाम अने तो तीयाम बोणीत रोहो अने त्याआरी, म्हणजे तियाअ आत्मा आरी जो तिये आमाहा आप्यू होय, आमाहा मालुम होय का तो आमापो बोणीत रोहे.

1 यूहन्ना 4:12

पोन परमेश्वरोओ केधीज कोडु नाहा पालील्यो, केधी तुमु आपसामेहे प्रेम मेकीही, ताहा परमेश्वर तुमामे रोतलू अने तियाआ प्रेम आमापो सिद्ध उवे होय.

1 यूहन्ना 4:16

जे प्रेम परमेश्वर आमापो मेकोहो, तियाहा आमू ओलखीत लेधलो अने आमाहा तियाआ विश्वास होय, अने जो प्रेमा माय रोतलू तो परमेश्वरा माय रोतलू अने परमेश्वर तीयाम रोतलू.