ฟีลิปปี 3:2 - พระคริสตธรรมคัมภีร ภาคพันธสัญญาใหม

² หละวัง​หมู่​ตี้​เป๋น​เหมือน​หมา ตี้​เยียะ​บ่ดี ตี้​ซอบ​ตัดเนื้อเถือหนัง​ ตี้​ถือ​ว่า เป๋น​ตาง​เดียว​เต้าอั้น​ตี้​จะ​ได้ฮับ​ความ​รอด​ป๊น​บาป​โต้ษ

ฟีลิปปี 3:2 Cross References

มัทธิว 24:10

เถิง​ต๋อน​นั้น​หลาย​คน​จะ​เลิก​เจื้อ จะ​หักหลัง​กั๋น​กับ​จะ​จัง​กั๋น​ตวย

มัทธิว 7:15

“หื้อ​หละวัง​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม ตี้​มา​หา​ต้าน​ตังหลาย​ใน​สภาพ​เป๋น​เหมือน​แกะ แต่​ตัง​ใน​ใจ๋​นั้น​ตี้​แต๊​เป๋น​เหมือน​หมาป่า​ขี้​สวก​ขนาด

มัทธิว 7:6

“ห้าม​เอา​ของ​ศักดิ์สิทธิ์​ยื่น​หื้อ​หมา กับ​บ่ดี​เอา​ไข่​มุก​โจ้ง​หื้อ​หมู ย้อน​ว่า​หมา​กับ​หมู​จะ​เอา​ตี๋น​ซอก​ย่ำ​ของ​หมู่​นั้น​หื้อ​จ๋ม​ปื๊น​ตี๋น​ของ​มัน ป๋าย​บ่ปอ​จะ​งว้าย​ปิ๊ก​มา​ขบ​ตวย

โรม 2:28

ย้อนจาอั้น​คน​ตี้​เป๋น​จาว​ยิว​แต๊ๆ นั้น​บ่ได้​เป๋น​ยิว​ก้า​ตัง​นอก กาว่า​เป๋น​เรื่อง​ก๋าน​เข้า​พิธี​สุหนัต​เต้าอั้น

2 โครินธ์ 11:13

ย้อน​ว่า​คน​หมู่​นั้น​เป๋น​หมู่​อัครทูต​ตั๋ว​ป๋อม เป๋น​คน​งาน​ตี้​จุล่าย ตี้​ป๋อม​ตั๋ว​มา​เป๋น​อัครทูต​ของ​พระคริสต์

กาลาเทีย 5:13

ปี้น้อง​ตังหลาย พระเจ้า​ฮ้อง​หมู่​ต้าน​มา​เป๋น​คน​ตี้​มี​อิสระ​แล้ว แต่​ห้าม​เอา​ความ​อิสระ​นี้​มา​เป๋น​ข้ออ้าง​ใน​ก๋าน​เยียะ​ต๋าม​สันดาน​บาป แต่​หื้อ​ฮับใจ๊​กั๋น​ด้วย​ความ​ฮัก​เต๊อะ

กาลาเทีย 5:15

แต่​ถ้า​ยัง​ขบ​หัว​กั๋น​อยู่ หื้อ​หละวัง​ตั๋ว​หื้อ​ดี​เน่อ กำ​เดียว​จะ​ปา​กั๋น​วอด​วาย​ตึง​หมด

กาลาเทีย 5:6

ย้อน​ว่า​เมื่อ​เจื้อ​ใน​พระเยซู​คริสต์​แล้ว ก๋าน​เข้า​กาว่า​บ่เข้า​พิธี​สุหนัต ก็​บ่มี​ประโยชน์​อะหยัง แต่​สิ่ง​ตี้​สำคัญ​ก็​คือ​ความ​เจื้อ​ตี้​แสดง​ออก​มา​โดย​ความ​ฮัก

ฟีลิปปี 3:19

สุดต๊าย​จีวิต​คน​หมู่​นั้น​ก็​ต้อง​ฉิบหาย พระเจ้า​ของ​เขา​คือ​ความ​ต้องก๋าน​ตาง​ปาก​ต๊อง​ของ​เขา​เต้าอั้น เขา​ภูมิใจ๋​ใน​สิ่ง​ตี้​เขา​ควร​จะ​อาย เขา​กึ๊ด​ก้า​สิ่ง​ตี้​เป๋น​ของ​โลก​นี้​เต้าอั้น

ฟีลิปปี 3:3

ข้าพเจ้า​ว่า​จาอี้​ย้อน​ว่า​หมู่​เฮา​นี้​คือ​คน​ตี้​เข้า​พิธี​สุหนัต​แต๊ ตี้​นมัสก๋าน​พระเจ้า​โดย​พระวิญญาณ​บริสุทธิ์ กับ​ภูมิใจ๋​ตี้​ได้​เปิ้ง​พระเยซู​คริสต์ บ่ได้​เปิ้ง​สิ่ง​ตี้​เยียะ​กาว่า​สิ่ง​ตี้​เป๋น​

1 ทิโมธี 1:19

หื้อ​ยึดถือ​ความ​เจื้อ​ไว้​หื้อ​ดี กับ​ฮักษา​จิต​สำนึก​ตี้​ดี​ไว้ ย้อน​ว่า​มี​บาง​คน​เอา​จิต​สำนึก​ตี้​ดี​ขว้าง​เหีย เยียะ​หื้อ​ความ​เจื้อ​ของ​เขา​ถูก​ทำลาย​เหมือน​เฮือ​แตก

ทิตัส 1:16

คน​หมู่​นี้​อ้าง​ว่า​ฮู้จัก​พระเจ้า​ดี แต่​สิ่ง​ตี้​หมู่​เขา​เยียะ​แสดง​ว่า แต๊ๆ แล้ว บ่ฮู้จัก​พระเจ้า​เลย คน​หมู่​นี้​น่า​ขี้จ๊ะ บ่เจื้อฟัง​ใผ บ่เปิง​ตี้​จะ​เยียะ​ความ​ดี​อะหยัง​สัก​อย่าง

2 เปโตร 2:22

สิ่ง​ตี้​เกิด​ขึ้น​กับ​หมู่​เขา​ก็​เป๋น​ไป​ต๋าม​กำ​สุภาษิต​ตี้​ว่า “หมา​ก็​ปิ๊ก​ไป​กิ๋น​ฮาก​ของ​ตั๋วเก่า” กาว่า “หมู​ตี้​ล้าง​ตั๋ว​หื้อ​สะอาด​แล้ว ก็​ปิ๊ก​ไป​บุ่น​ขี้เปอะ​แหม”

ยูดา 1:4

ย้อน​มี​บาง​คน​ตี้​บ่ยำเก๋ง​พระเจ้า​ได้​ลัก​เข้า​มา​ใน​หมู่​เฮา หมู่​เขา​เป๋น​คน​ตี้​ถือ​เอา​พระคุณ​ของ​พระเจ้า​มา​เป๋น​ข้ออ้าง​ใน​ก๋าน​ป่อย​ตั๋ว​ต๋าม​ตั๋ณหา กับ​ได้​ละ​ขว้าง​พระเยซู​คริสต์ ผู้​เป๋น​ตึง​เจ้านาย​ตึง​องค์​พระผู้เป๋นเจ้า​องค์​เดียว​ของ​เฮา​ไป พระคัมภีร์​ได้​เขียน​เถิง​คน​หมู่​นี้​ไว้​เมิน​มา​แล้ว​ว่า​หมู่​เขา​จะ​ต้อง​ได้ฮับ​โต้ษ​จาก​พระเจ้า

วิวรณ์ 2:9

เฮา​ฮู้​ว่า​หมู่​ต้าน​มี​ความ​ตุ๊ก​ลำบาก​กับ​ยากจ๋น แต่​แต๊ๆ แล้ว​หมู่​ต้าน​เป๋น​คน​ร่ำรวย เฮา​ฮู้​ว่า​หมู่​ต้าน​ถูก​ใส่​ฮ้าย​จาก​คน​หมู่​นั้น​ตี้​ฮ้อง​ตั๋ว​เก่า​ว่า​เป๋น​จาว​ยิว​แต่​บ่ได้​เป๋น หมู่​เขา​เป๋น​คน​ของ​ซาต๋าน

วิวรณ์ 21:8

แต่​คน​ตี้​ขี้แขะ คน​ตี้​ละ​ความ​เจื้อ​ไป คน​ตี้​เยียะ​สิ่ง​ตี้​น่า​ขี้จ๊ะ คน​ตี้​ฆ่า​คน คน​ตี้​ล่วง​ประเวณี คน​ตี้​ใจ๊​เวทมนตร์​กาถา คน​ตี้​กราบ​ไหว้​ฮูป​เคารพ กับ​กู้​คน​ตี้​อู้​ขี้​จุ​ขี้​ล่าย จะ​อยู่​ใน​บึง​ไฟ​กำมะถัน​ตี้​ก่ำลัง​ลุก​ไหม้ นั่น​จะ​เป๋น​ความ​ต๋าย​เตื้อ​สุดต๊าย”

วิวรณ์ 22:15

ส่วน​คน​ตี้​อยู่​นอก​เมือง​เป๋น​หมู่​หมา คือ​คน​ตี้​ใจ๊​เวทมนตร์​กาถา คน​ตี้​ล่วง​ประเวณี คน​ตี้​ฆ่า​คน​อื่น คน​ตี้​กราบ​ไหว้​ฮูป​เคารพ กับ​คน​ตี้​ฮัก​ก๋าน​ขี้​จุ​กับ​จุ​อยู่​ตลอด​เวลา

วิวรณ์ 3:9

ส่วน​หมู่​คน​ตี้​เป๋น​ของ​ซาต๋าน ตี้​จุ​ว่า​เป๋น​จาว​ยิว แต่​แต๊ๆ บ่ได้​เป๋น ผ่อ​ไว้​หื้อ​ดี เฮา​จะ​เยียะ​หื้อ​หมู่​เขา​มา​หมอบ​ลง​ไหว้​ตี้​ตี๋น​ของ​หมู่​ต้าน กับ​เยียะ​หื้อ​คน​หมู่​นั้น​ฮู้​ว่า​เฮา​ฮัก​หมู่​ต้าน