ฟีลิปปี 2:30 - พระคริสตธรรมคัมภีร ภาคพันธสัญญาใหม

³⁰ ย้อน​ว่า​เขา​เกือบ​ต๋าย​จาก​ก๋าน​ฮับใจ๊​พระคริสต์ เขา​เสี่ยง​จีวิต​เปื้อ​มา​ฮับใจ๊​ข้าพเจ้า​แตน​หมู่​ต้าน​ตี้​มา​บ่ได้​ย้อน​อยู่​ไก๋

ฟีลิปปี 2:30 Cross References

กิจก๋าน 20:24

แต่​ข้าพเจ้า​บ่ได้​ถือ​ว่า​จีวิต​ของ​ข้าพเจ้า​มี​ก้า​นัก​สำหรับ​ตั๋วเก่า นอกจาก​ขอ​เยียะ​หน้าตี้​ตี้​ฮับ​มอบหมาย​จาก​พระเยซู​องค์​พระ​ผู้​เป๋น​เจ้า คือ​บอก​ข่าวดี​เรื่อง​พระคุณ​ของ​พระเจ้า​หื้อ​คน​อื่น​ฟัง​หื้อ​สำเร็จ​ก็​ปอ​แล้ว

โรม 16:4

สอง​คน​นี้​เกย​เสี่ยง​จีวิต​จ้วยเหลือ​ข้าพเจ้า​มา​แล้ว บ่ใจ้​ข้าพเจ้า​เต้าอั้น​ตี้​เป๋น​หนี้​บุญคุณ​หมู่​เขา แต่​คริสตจักร​คน​ต่างจ้าด​ตังหลาย​ก็​เป๋น​หนี้​หมู่​เขา​เหมือน​กั๋น

1 โครินธ์ 15:53

ย้อน​ว่า สิ่ง​ตี้​เน่า​เปื่อย​ได้​ก็​จะ​ได้ฮับ​ก๋าน​เปี่ยน​ใหม่​เป๋น​สิ่ง​ตี้​เน่า​เปื่อย​บ่ได้ แล้ว​ตั๋ว​ตี้​ต้อง​ต๋าย​ก็​จะ​ได้​ฮับ​ก๋าน​เปี่ยน​เป๋น​ตั๋ว​ตี้​บ่มี​วัน​ต๋าย​ได้

1 โครินธ์ 16:10

ถ้า​ทิโมธี​แว่​มา​หา​หมู่​ต้าน บ่ดี​เยียะ​หื้อ​เขา​บ่ม่วน​ใจ๋​เมื่อ​อยู่​กับ​หมู่​ต้าน​เน่อ ย้อน​ว่า​เขา​เยียะ​ก๋าน​หื้อ​องค์​พระ​ผู้​เป๋น​เจ้า​เหมือน​ข้าพเจ้า

1 โครินธ์ 16:17

ข้าพเจ้า​จื้นจม​ยินดี​ขนาด​ตี้​สเทฟานัส ฟอร์ทูนาทัส กับ​อาคายคัส​มา​หา​ข้าพเจ้า​แตน​หมู่​ต้าน​ตี้​บ่ได้​มา

2 โครินธ์ 12:15

ข้าพเจ้า​ก็​ยินดี​แต๊ๆ ตี้​จะ​เสีย​สละ​กู้​สิ่ง​ตี้​ข้าพเจ้า​มี แม้แต่​ตั๋ว​ของ​ข้าพเจ้า ข้าพเจ้า​ก็​หื้อ​กับ​หมู่​ต้าน เมื่อ​ข้าพเจ้า​ฮัก​หมู่​ต้าน​นัก​ขึ้น​จาอี้ หมู่​ต้าน​จะ​ฮัก​ข้าพเจ้า​หน้อย​ลง​กา

2 โครินธ์ 4:12

จาอั้น จีวิต​ของ​เฮา​ก็​เสี่ยง​ต๋าย​อยู่​ตลอด เปื้อ​หื้อ​หมู่​ต้าน​ได้​มี​จีวิต

ฟีลิปปี 2:17

เถิง​แม้ว่า​เลือด​ของ​ข้าพเจ้า​จะ​เป๋น​เหมือน​น้ำ​ตี้​ไว้​ปู่จา ตี้​ถูก​ถอก​ลง​บน​เครื่องปู่จา​ตี้​ต้าน​ถวาย​ย้อน​ความ​เจื้อ ตั๋ว​ข้าพเจ้า​ก็​จะ​มี​ความ​สุข​กับ​จื้นจม​ยินดี​ฮ่วม​กับ​หมู่​ต้าน​ตวย

ฟีลิปปี 2:27

แม่น​แล้ว เขา​บ่สบาย​หนัก​ขนาด จ๋น​เกือบ​ต๋าย แต่​พระเจ้า​ก็​โผด​อินดู​เขา​จ๋น​หาย เซิ่ง​ถือ​ว่า​พระเจ้า​ได้​โผด​อินดู​ข้าพเจ้า​ตวย เปื้อ​ข้าพเจ้า​จะ​บ่เป๋น​ตุ๊ก​ซ้ำแล้ว​ซ้ำแหม

ฟีลิปปี 4:10

ข้าพเจ้า​มี​ความ​จื้นจม​ยินดี​ตี้​มา​จาก​องค์​พระผู้เป๋นเจ้า​นัก​ขนาด ย้อน​ว่า​ต๋อน​นี้​ต้าน​ตังหลาย​ก็​ห่วงใย​ข้าพเจ้า​แหม​เตื้อ แต๊ๆ แล้ว ต้าน​ห่วงใย​ข้าพเจ้า​ตลอด​อยู่​แล้ว แต่​บ่มี​โอกาส​แสดง​ออก

ฟีลิปปี 4:18

ข้าพเจ้า​ได้​ฮับ​กู้​อย่าง​ครบ​แล้ว กับ​มี​อย่าง​เหลือ​เฟือ​ตวย ข้าพเจ้า​มี​กู้​อย่าง​ตี้​จ๋ำเป๋น ย้อน​ได้ฮับ​สิ่ง​ตี้​หมู่​ต้าน​ฝาก​เอปาโฟรดิทัส​มา​หื้อ ของ​ฝาก​หมู่​นี้​เป๋น​เหมือน​เครื่อง​ปู่จา​ตี้​หอม​หวาน เป๋น​เครื่อง​ถวาย​ตี้​พระเจ้า​ยอมฮับ​กับ​เปิงใจ๋​ตวย

ฟีเลโมน 1:13

แต๊ๆ แล้ว​ข้าพเจ้า​ใค่​หื้อ​เขา​อยู่​ตี้​นี่​เปื้อ​จ้วยเหลือ​ข้าพเจ้า​แตน​ต้าน ใน​ต๋อน​ตี้​ข้าพเจ้า​ยัง​ติด​คอก​อยู่​นี้​ย้อน​ข่าวดี​นั้น

วิวรณ์ 12:11

แต่​ปี้น้อง​ของ​เฮา​มี​ชัย​ได้​นั้น ก็​ย้อน​เลือด​ของ​ลูก​แกะ​ตั๋ว​นั้น​ตี้​ต๋าย กับ​ย้อน​กำพยาน​ของ​หมู่​เขา​เอง หมู่​เขา​ยอม​ต๋าย​บ่เสียดาย​จีวิต​ของ​ต๋น